مشكلة رفيجتي وشريجتها؟؟

[اقماري]

السلام عليكم ورحمة الله وبركاته ..

مرحبا بنات شلونكم؟
مشكلتي كتبت الموضوع وانمسح وبرد اكتبه مره ثانيه :eh_s(11):..

حبيت انقلكم مشكلت رفيجتي توها مشت من عندي وحيل متضايقه ..
بالبدايه بقولكم وضعها اهي متزوجه من 13 سنه زواجها الحمدلله الى حدأ ما ناجح !!
اهي بسبب مشاكل بالرحم تمنعها من الحمل تزوج زوجها من 6 سنوات بموافقتها ورضاها واللحين عنده بنت وولد ومرته حامل عايشين اببيت واحد كلهم..
بالبدايه رفيجتي ماحب شريجتها وحاولت اتنفرها بالحياه اللي عايشتها بس البنت الشهاده لله طيبه ومتربيه واتعرف الأصول وكسبت رفيجتي بمواقف صارتلهم..
زوجته خليجيه مو كويتيه ..
حاليا رفيجتي مع شريجتها ننفس الخوات تقول عيالها ازفهم واهاوشهم مستحيل تتضايق مني بالعكس توقف وياي واتقولهم يتأسفون ومعلمتهم اينادوني ماما ولي رديت من الدوام تصك عليهم مستحيل اتخليهم يلعبون بالصاله الا عقب مااقعد اتقول اقعد الاقي البيت مرتب والقهوه والجاي والحلو عند التلفزيون نتيمع ونقعد نتقهوى واليهال عندنا تقول صج حياتي احلوت بوجودها تقول اتخيل لو مو موجودين ابحياتي راح اكون وحيده ..
بس هم الشريجه اتحر تقول فيني غصه لما اتخيل ان هذول عيالي وانا وزوجي عايشين بحب بدون شريجه..
زوجها عااااااااادل عاااادل وياهم لدرجه حلوه مو مخلي بخاطرها شيء تقول يتعامل ويانا بحب جدام بعض عادي ..
حياتهم لي هني تمام والله يرزق رفيجتي بالذريه الصالحه يااااااااااااااااااارب وكل من انحرم..

مشكلتها بالحياه الخااااصه بينها وبين ريلها اتقول بالجماع ايناديني بأسمها ويمدحها واه عليج وانتي وانتي ويمدح بنات هالديره وانتم قمة الانوثه و و و و
تقول صرت مااتحمل هالشيء لي قتله سكت وعادي جنه بدون نفس ولي سكتله تمادا بسيرتها وغزله فيها وايكون حيل مندمج ومستانس لي تكلم عنها ..
تقول صارلها شهرر تقريبا اتنام بدري بالليله اللي اتكون ليلتها عشان مايقرب منها لي جا ولقاها نايمه نام ..

فيدوني شقول لها والله قلبي عليها ومو عارفه احلها لها او ع الاقل اواسيها ؟؟

انا عرضت مشكلتها لان بالمنتدى وايد حكيمات وكلامهم عين العقل والله جتني وراحت وانا لساني منعقد ماعرف شقول غير اني اهديها وادعي لها.

ومشكورين بعد قلبي..

 

[دلع24]

حبيبتي مثل ماقالت شيختهم العيب برفيجتج مو بريلهاا ولا بمرته



والغلط وااااضح انه هي المقصره لوو ماليه عيينه والله ليخلي زوجته ويجيهاا يركض



اناا عن نفسي ما الومهااا لو تغار وتفكر بهالتفكيير


بس خلااص الحمدلله علي كل حال


وتحمد ربها جتها شريجه جذي مو من العووب الي يعايرونهاا وبالاخير يتحايلون ع الريال عشان يطلقهاا


خليهاا تعيد حساباتها مع ريلهاا والله يسخره لها ويرزقها الذريه الصالحه يااارب

 

[اقماري]

مشكورين بعد قلبي اللي ردوووو

نسيت اقولكم اهي حيل مهتمه من هالناحيه طول هالسنين اتسوي ليالي وحركات وماتخلي شئ ماتلبسه والعاب وسوالف بس تقول تعبت مليت اتعب واحط واسوي ومو مقصره واااااااااااايد مهتمه وسيرتها ع لسانه ؟؟

رفيجتي من خمس سنوات بدت هالمشكله وياها بس توها اتقوللي تقول ماخليت شيءماجربته كل شيء سويته بس ايضل ايردد اسمها ويتغزل فيها ..

اتمنى الاقي حل لان مثل ماقلت اهي مو مقصره بس مادري شنو السر؟

 

[دلع24]

بعض الحريم تااكل الرياال باسلووبهااا

خليهاا تجرب كل الطرق مو بس بالقمصاان والحركاات

 

[دلوعه ززوجي]

ماشاء الله حلو انه بين شريجتها تاقلم ،،

حياتي الاكيد ان زوجها شايف عند الثانيه اشياء ماليه و كاسره عينه لدرجة مخليته يهذري في الثانيه ،،،

دليل ان الثانيه مو مقصره معاه باي شي ،،

بالعربي العيب في رفيجتج لو تغير من روحها اشوي و تغري زوجها و تسوي ليالي حلوه له اهني بتكسبه مو لمه تكون ليلتها تروح تنام اكيد بيقارن بينها و بين الثانيه ،،،

يعني بالعربي خليها تغريه اكثر و باذن الله تتيسر امورهاا ،،،،

معها

 

[امـ خــزامـى]

بصراااحه



احترررررررررررررررت
وحياتهم بيرفكت الله يتمم عليها ويرزقها بالضنا عاجل غير اجل
بس مافي غير سالفة المدح وذكر اسم شريكتها
هنا قوووووووويه وماشاءالله عليها صابره هذا دليل ان هي بعد طيبه وبنت اصوول اللي سكتت وتحممملت

انا اقووول لاتتغير وخليها تحاااااااااول وتهربها غللللللط

وخليها تجلس جلسه نسااائيه بحته مع شريكتها تسولف عن طرق الاهتمام بالدوره
وحركااات التضييق وتجيبب السالفه كانها عن صديقتها اللي ولدت وبعد الولاده مو راضيه عن نفسها
وخليها توووضح انها الحمدالله ماتحتاج هالشغلات لانها ماولدت ولا خرب رحمها عشان ماتشك

>>>اذا قالت لها وش تسوي تعالي قولي لنا تكسبين اجر ههههههههههههه


واااااااضح ان شريكتها مهتمه بهالاموووور ولا كان ماخلته يهذذري فيهاا ماشاءالله

تحمسست اعرف من وين هي ؟؟؟خخخخخ ذبحتني الشرافه

 

[؛؛حلاوه؛؛]

بنات الموضوع مو بس نظافة وتضييق لااا
الموضوع شلون تثيره واتييب راسه
وزوجها غلطان المفروض يتحكم بنفسه اشدعوة يتخيلها وحدة ثانية
مو حاس بنفسه

 

[ولااء]

الله يرزقها الذريه الصالحه ، مفروض تغير من شكلها واسلوبها وكل شي فيها حتى كلامها معاه ضروري تغيره ١٣ سنه مو شوي حلو التجديد

 

[نونه المنكوشه]

صراحه زوجها ماعنده احساس واناني ومايستحي ليش مزهريه اهيا اللي موحاس بوجودها اصلا اهيا حدها اعصابها ثلج خمس سنين متحمله وربي اعفس الدنيا ع راسه بروحه صاكها بشريجه وبعد مايحترم مشاعرها انا مااقدر افيدج لانه انا بالنسبه لي اموت ولااتحمل هالوضع اصلا شلون سمحتله يلغي وجودها اشكره قسما بالله ابط راسه باكبر ماعندي يووووو ماحب المره اللي ماكو شخصيه لواهيا من الاول عافسه عليه الدنيا وطارته وقالتله متي مااحترمتني تعال ياسلااااااام والله معطيته ويه الرسول وله اهوه الرسول صلي الله عليه وسلم كان يحترم مشاعر زوجاته واللي يكون عندها يمدحها ويثني عليها ويحسسها انها الغلي كله واهوه بقلبه كان يحب اكثر السيده عائشه رضي الله عنها بس ماعمره قال جدامهم انه يغليها اكثر قسما بالله لوالاقي ريال ربع اخلاق الرسول انا راضيه اعيش معاه بخيمه اما الحين مااااكو ريايل

 

[فيلسوفة قلبي]

مآأدري شقول غير أن ريلها مايجوز اللي قاعد يسويه يلفظ آسم وحدة و هو مع وحدة

مع أثنيتهم حلآله بس هم ما يجوز ..

 

[Killer^Girl]

عورتي قلبي
الله يعينها ويفرج همها يارب

 

[Gifts&Occaions]

الله يعينها

 

[ناتشوو]

انا مع نونة المنكوشة

اذا السالفة صج
انا اشوف الاولى اللي تستاهل المدح
وهي اللي صبرت
اصلا اشلون جمعهم بيت واحد!!
شريچتها تبي تعيش مسكينة
اكيد
طروفها صعبة بديرتها
وصايرة خادمة لها
حسيت من فئة الخليجيات اللي
ديرتنا بالنسبة لهم
جنة الله في ارضه
والله يستر من تواليها
توهم في البدايات


ليش تسكت ؟
الا تفتح الموضوع وتزفه
يقص ع منو بالكلام هذا ؟

الا اذا يبي يستفزها علشان تطلب الطلاق
هذا شي ثاني
ومحتمل

عادي ممكن يستانس مع وحدة اكثر من الثانية بالفراش
بس مو لدرجة اللي يقوله لها

 

[الهما]

السلام عليكم
اهم شي ما تناقش زوجها بالشي هذا ابدا
و خليها تنظر للموضوع نظرة ايجابيه
اهيا ماعندها اولاد يعني عندها وقت
عندها وقت تعتم بجسمها و تشترك باللي يسون مساجات تخسيس و سوالف
لمن تكون ليلتها يلاقي عندها الهدوء و الاجواء الحلوة
زوجته الثانيه جابت اولاد و زوجها مستانس لكن الا ما يكون عندها ازعاج و اذا حملت تتعب
خليها تستغل هالشي

 

[شادن33]

يعني حزه الشسمه يكون مندمج وموحاس ويقول هالكلام ولا شلون !!!

ولا اهو بوعيه يذكراسمها وجذي !!!!

اذا الاول يعني الثانيه ماشالله عليها مريحته !!!!
مع ان الأولي ماولدت ولاشي يعني كل شي تمااام !!!

خليها اتنبهه بنص السالفه يافلان جنك قلت اسمها!!! ولا انا يتراوالي !!
وتبين استغرابها وأنها مضايقه وجذي يمكن يحسسسس

 

[Emanii]

الي قعد تقول العيب برفيجتج !!
من صجكم انتوا !!
رفيجتج مرأة حديديه و انا متأكدة وواصقه انها باليوم تموت الف مره و تنقهر الف مره
حرااام عليكم بنات تره ماكو حريم جذي الحين
خلت ريلها يتزوج و عاشت مع شريحتها فبيت واحد اوكي حتى لو العيب منها و اهي الي ما تييب عيال بس هم اهيه انساااانه و لو ما تحبه جان قالتله طلقتي و تزوج بي اهي تحبه
اصلا كااااااافي موقفها معاااه بالموضوع
و المفروض يقدسها مو يمدح الثانيه جدامها !!
صج الرياييل ما منهم فايده
هذي المره حدييييييييد الله يقويها و يصبرها و يهون عليها يارب
بوسيلي ياها تكفيييين

 

[ناتشوو]

ايمان مو بس جذي
يقولون خل تسألها
شنو تضييق شنو توسيع
وهي ماولدت اكيد زينة
!!!
قمة في السطحية
مع ان المرأة السطحية تستفيد
في الحياة الزوجية
بس مو كل شي نعامله بهالاسلوب

 

[عـيّــآره]

انا اشوف انه الريال اللي يتزوج على مرته اول شي يفكر فيه انه يفصلهم عن بعض​

حتى الرسول صلى الله عليه وسلم كان مسكن زوجاته كل وحده في بيت جنب بعض ​

يعني الصراحه ماتخيل قاعدين كلهم مع بعض مادري احس لوعت جبد < سوري ​

يعني في بعض البنات تحسين انهم طيبات وجذي بس تعرف تلبس قناع المسكينه ​

اللي تخدم وماتقصر وتطبخ وتنظف وهي بالاساس قاعده ​

تثبت جذوورها اكثر بقلب ريلها الزوج عليه من اللي يشوفه يعني نظام ​

(( سي سيد )) مفضل عند الخليجين ​

وشكلها هي داشه من هالباب انه زوجها سي سيد وذيج ماهمها الا شغلها برا البيت ​

وراحتها وكل شي تلقاه جاهز​

خلها تصارحه بس انا حاسه انه ينفجر بويها ويطلع اللي بجبده​

 

[كليـ دلعـ]

عدل بينهم وماقصر

اما عاد اللي بالقلب بالقلب!

خلاص يحب هذيج ويبيها ومرتاح معاها

لانه يهذري فيها واضحه مايبيلها مفهوميه!

الحب ربي اللي يحطه مو بالغصب وبالاجبار

والنبي عليه الصلاه والسلام

كان يدعي اللهم حاسبني ع مافي يدي

ولاتحاسبني عما في قلبي!

يعني بعدل وبساوي وبحترمهم واريحهم

لكن ميلت القلب ماله فيها يد

ماله فيها قدره واستطاعه هذا شي من ربي!

رفيجتج مقدره محشمه

وراضيه بالشريجه وراضيه بالقعده معاها فبيت واحد

وراضيه وراضيه

خلاص خل ترضى انه يحب هذيج

وانه يبيها من قلب

شنو اكثر من كل سوالفه فيها!؟

ولازالت تناقش! وتتحدى!؟

اهو ترا موعن سنع وزين وموعن ضيج ووسع

المساله مساله حظ وتوافيج من الله

اللي ٢٠ سنه ماهذرا فيها ولاسولف

وهذي جم سنه ضيع عقله

خلاص خل تقتنع وتعرف

وانا لو منها جان تنازلت عن حقي الشرعي

حفظاا لماي ويهي

ولايجابلني يسولف فيها!

اهانه لها جذي!

خلاص كفايه علي٢٠ سنه

اخليه براحته!

ريال وتزوج يعني رضاا يعيش مع احد غيري

مادام انا ماراح اخليه وقاعده معاه احشم نفسي

وكرامتي!

وبعدين منو قال انه مايشعر وهو يتكلم!؟

شدعوه!!

امبلا بشعوره ويتكلم من مزاجه وواعي

يمكن قاصد! يمكن ينغزها!

يبيها تزعل!

اويبيها تقول خلاص لاتيييني!

طاقها سوالف مفصصله وهذي عادي مكمله!!!

وين احساسها!؟


وتسال شتسوي عشان تصير مثلها!؟؟

القلب مايحب ٤ او٥

القلب يحب واحد ويميل مع واحد بس

انا اشوف صعععب تقوله ليش تكلم

فيها. وليش تمدحها وليش تناديني باسمها

حيييييييييييييييييييييييييييل تجرح

خل تشتري كرامتها ترا الانسان بدون كرامه

مايسوا بيزه!!

*

 

[امـ خــزامـى]

ايمان مو بس جذي
يقولون خل تسألها
شنو تضييق شنو توسيع
وهي ماولدت اكيد زينة
!!!
قمة في السطحية
مع ان المرأة السطحية تستفيد
في الحياة الزوجية
بس مو كل شي نعامله بهالاسلوب

؟؟؟؟؟؟؟؟؟؟ وين السطحيه فيه !!!!!

ماعمرك سمعت بسالفة العروس اللي زوجها قالها انت خرباانه ؟؟؟؟؟؟

ترى مو ضروووري ولاده تخرب
ترى الاتهابات وخراااب الرحم وعدم الاهتمااام يخرررب بنااات مو عاد متزوجه ولها 13 سنه !!!


وانا قلت خليها تسألها عشان حنا نستفيييد وبعد بضحك كتبتها ولا بالبداايه قلت اني احترررت يعني ماعندي لها حل غير انها تحااول وماتقطع الامل


:eh_s(4): شدعوووا عاد سطحيه