مشتهيه برياني ربيان

[أم حمودي**MALL**]

بنات مشتهيه برياني ربيان ياريت ادلوني على مطعم يظبطه لا تقولون مغل محل احسه يحط نفس العيش بس يغير الايدام
ابيه عجيييييييييب يعني شي ما صار ولا استوى
ناطرتكم ​

 

[R.n]

رفععععع

 

[كوكاكولا]

بعد عمري .........

ما طلبتي شئ ...

عندج أشاز مارينا ....... الأفنيوز مو شئ ... ت: 22244502

وعندج تال بالبدع .....ت : 22253142

انا جربتهم وعجبوني ......

وعلى قولتج مغل محل نفس الطعم الربيان واللحم والدياي ......

حطيت لج ارقامهم اذا بتحجزين تروحين أو دلفري ( تال يوصل اشاز ماجربت )

 

[أم حمودي**MALL**]

بعد شبدي والله

بانتظار باقي الردود

 

[امـ جوجو]

مهراني عجيييييب

 

[احبس دموعي]

اشااز عجييب
وبالعافيه

 

[Killer^Girl]

فريج صويلح
ومطعم رايس بالافنيو

 

[عالية المستوى]

اشاز المارينا وااااااااااااااااااااااو

 

[ياوحشة غيابك]

مطعم رايس الأفنيوز شي خياااااااااااااال

 

[LeeMa q8]

فريج صويلح

 

[أم حمودي**MALL**]

بجرب مطاعم الافنيووز

 

[أم حسون]

اشاز يهبل

 

[*البدرة*]

مطعم مرمر..
مطعم الزعفراني بس هذيله توصيل منازلوارخص من اشاز ومغل محل
وحلوعندج قيصر بعد والفايز

 

[DoDo909]

اشاااز وتاال بلاا منازع

 

[بنوت بنوت]

وانا بعد مثلج صارلي جم يوم طاااااااااااااق براسي برياني الربيان يمي يممممممي

 

[Love \ Hate]

حسبي الله على بليسكم يوعتوني انا الحين من وين اييب الساعه 7 الصبح وانا مواصله ؟؟ لوووول

والله جربت مرره من زمان مال مطعم المرسى اللي بالميرديان تحت وايد عجبني .. بس من فتره فوق السنه

ومادري اذا يوصل ولا لأأ ؟؟ انشالله اكون فدتج ..

ابي عيييش

 

[أم حمودي**MALL**]

بنات انا جربت مطعم مهراني عجيييب والربيان راهي وكبار والبتر جكن لذيييييييذ اخذوه سبايسي يم يم

 

[East^Rose]

شوفي عمري انا مخليه عندي ايميل من فتره واصلني يمدحون فيه مموش الربيان ما ادري اذا تشتهين تجربين دام قريب من موال العيش والربيان
عموما الحين بقص وألأصق الكلام لأن مصدعه حيل وما فيني شده اتكلم من عندي
وعليج بألف عافيه مقدما

بناءا على توصيه من خالتي جربت أمس مطعم أطباق كويتية أسمه إيدام، إمدحتلي فيه مموش الربيان، وقالتلي أن كل شغله حلو بس مموش الربيان أهو أقوى شي عنده، وقالتلي مكانه بنادي كاظمه بالعديليه. عاد أنا ماني خابر أن في مطعم مأكولات كويتية بنادي كاظمة فدقيت السياره سلف ورحت ودورت وما حصلت وقمت خذيت منها رقمهم​

دقيت عليهم وشاله شايب كبير بالعمر وحبيب لأبعد الحدود، قالي أن أهم ما عندهم قعده بس يوصلون للبيوت ، وأن أهم ما ياخذون إلا الطلبات الكبيره، بس من قريب قاموا يسوون حق الأنفار والطلبيات الصغيره

يوم طلبت منه مموش قالي أنه خالص بس يقدر يطبخلي جديد، بس يبيله ساعه ونص على ما يجهز ويوصلني. قتله يسلم راسك وعطني مجبوس دياي ومجبوس لحم. وما صارت نص ساعه إلا والطلب عندي

كرتونهم مرتب جدا والطلب يوصل معاه ثلاث قلاصات (دقوس ومعبوج وسلطه) بالإضافه للعيش، عاد أنا قمت خذيت العيش ونقلته بماعون ثاني

مجبوس الدياي وايد حلو وأقل دسم من فريج صويلح ، والعيش ما شاء الله شكثره يكفي نفرين ، والإيدام عباره عن نص ديايه

مجبوس اللحم جيد وما عليه كلام وبعد يصلح حق نفرين … إكيله

الحساب كان 4.250. الدياي دينارين واللحم دينارين وربع. وبالمجمل المطعم أكله ممتاز وميزته انه قريب للمناطق الداخليه ويوصل الطلب بسرعه. وأنا اليوم راح أجرب مموش الربيان وأكتبلكم عنه باجر إن الله سهل

رقمهم​

22531316​

22529948​

 

[أم حمودي**MALL**]

تسلمين يا قلبي ومشكوووره عالمرور

 

[مساء مونترو]

مطعم تال وفي توصيل..