مسويه رجيم.. ودي اطلع مع رفيجتي... لازم اروح مطعم !! بس مابي

[DenTisT]

شلونكم بنات
ودي تلقون حل حق موضوعي لانه وايد واااااااااايد يتكرر معاي و افتشل
انا جسمي نوعه لازم دايما محافظه على اكلي و نادر ما اكل من مطاعم و معدتي ما تتحمل اكل بره
هذا اللي ما يخليني اطلع مع رفيجاتي تدرون ليش ؟!
اقولكم مثال
مره كنت ابي اروح معرض و ماكو احد من اهلي يروح معاي.. دقيت على رفيجتي و قالتلي يالله مريني و نروح
و الساعه وقتها 4 العصر
مريتها و رحنا... خلصنا من المعرض و انا حاطه ببالي بردها البيت كانت الساعه 7
جان تقول هااااااااا اي مطعم عازمتني؟:eh_s(1):
من الفشله اقولها وين ما تبين و تختار اهي و اوديها و اهي تاكل و انا اطالعها !!!!!!!!!!!
واتحسف على الطلعه لانه الساعه صارت فوق ال 10 و ميته من اليوع و برد البيت اكل و عندي شغل !!

مثال ثاني
خلصنا من الدوام الساعه 3 العصر .. رفيجاتي بخاطرهم يروحون السوق
وانا ودي من زماااااااااان اروح السوق و ماكو احد ايي معاي
و يقولون اييييييي بس نبي نروح نتغدا اول بعدين نتسوق... اضطر اضيع وقتي و اروح معاهم و ساعات اكل
و لما ارد البيت ترد المصايب من اكل بره و معدتي تعورني و تلوع جبدي و و و و
ابي اعرف شلون اتجنب هالمواقف؟؟
انا اتعمد ما اطلع وايد مع رفيجاتي لانه يصير بخاطرهم اذا رفضت.. بس اهلي يدرون بحالتي و عادي
مو معناته ما اروح كلش مطاعم ... بس لازم اذا بروح ادري قبلها بيوم .. علشان انظم اكلي طول اليوم .. مو مره وحده
و بحكم اني بالغربه .. ماكو احد اطلع معاه اهني الا رفيجاتي .. و الله طلعتهم حلوه بس انا ما ارتاح و ما احب ابين لما نروح مطعم
شسوي؟​

 

[ما في مثلهااا]

ما شاء الله يا بختج انا اموووووووووووووووووووووووت باكل المطاعم ما احب اكل ابيت

ابي اصير نفسج

 

[بنــت ** الشيخ]

طيب حبيبتي اكلي شي خفيف مثل شوربه او سلطه او طلبي عصير برتقال ,, واذا كلش ما تقدرين حطي معاج اي شي بالجنطه مثل كرواسان صغيره او عصير تخفيف جوع ,, واذا خايفه عليهم يزعلون عادي فهميهم انج تتعبين من اكل المطاعم وماتقدرين تاكلين اي شي

 

[LuLiTa]

انزين ليش ما تاكلين معاهم شغلات خفيفة يعني سلطة و عصير مثلا ؟؟أو شوربة مع خبز مثلا؟؟ ,, و لما اتردين البيت شربي مااي واااايد ,,,و اليوم اللي عقبه اتنظمين اكلج

 

[دلوله_العسوله]

ما تشوفين شر حبيبتي عاادي صارحيهم قوليلهم ماني مشتهيه مابي اخرب رجيمي معدتي ما تتحمل

انا اختي سوت رجييييييييم قاااااااسي قاسي ويوم ظععفت جم كيلو وصار قررت تاخذ بريك معدتها ما قامت تستقبل اي شي ثقيل ابد وقعدت فتره على هلحال وبعدين قامت تاكل بس مو مثل اول يعني شهيتها قلة من بعد الرجيم فعادي شرحيلهم السالفه

 

[قطوة مزيونه]

السلام عليكم ورحمة الله وبركاته

عادي اذاا رحتي المطعم طلبي شي خفيف مثلا مشويات او شووربة او سلطه مع عصير وجذي..........

لان المطعم مو كله اكلات دسمه اكلي لاتحرمين نفسج ويعني يووم واحد مابياثر فيج .........

ولا تقوولين ان هالاكله تمتني وجذي لان لوو اكلتي ابدي باجر مو تقوولين خربت رجيم وخلاااص مابي اسوي رجيم

لا خليج عادي ورااح تضعفين بسرعه

 

[DenTisT]

مشكورين حبايبي على الردود
بس و الله ما اقدر اتحمل شي من بره .. و اذا اكلت من بره لازم اكون مو ماكله ولا شي طول اليوم
و انا اصلا اكلي الطبيعي كله خفايف
و اكثر من مره انحرج و رفيجاتي يزعلون.. شسوي ؟! يعني مثلا رفيجتي اللي عزمتها على مطعم زعلت و قالت هذي طلعه بالله ! قلتلها شسوي و الله ما اقدر

 

[الاسطورية]

حبيبتي اول شي وينج فاقدتج مالج حس ماقمت اشوفج

ثاني شي انا مثلج بالضبط الي اسويه اني اطلب شغلات ماتاذي معدتي مثل خضار سوتيه-شوربه-سلطه-ماش بتيتو يعني كله خفيف طبعا شي واحد من هالاشياء او احلي عادي تعودو علي اذا بليل لازم شي خفيف واطلع واروح عادي

 

[الاسطورية]

لازم تعودين رفيجاتج على طريقتج انا كل رفيجاتي قامو يعرفون واهو يطلبون لي هههههههه عادي يعني المهم السوالف والوناسه الموضوع مافي احراج كلش

 

[DenTisT]

هلا الاسطوريه حبيبتي و الله انا بعد فاقدتج
و الله ما اقدر اكل خفايف و كل شي بحياتي تغير و رفيجاتي مو راضين يتفهمون

 

[حنانك سر حبي]

كل شي قالولج البنات تسوينه ونصحوج فيه وانتي ولا حل عجبج وماتقدرين عليه !!

مادري شنو بعد باقي يقولون لج .. دزيلنا رفيجاتج نفهمهم وضعج ..

ماكو غير خلي رفيجاتج يولون اهم ماعليج نفسج .. يمكن هالحل يعجبج

ماتشوفين شر ..

موفقه

 

[DenTisT]

حبيبتي حنانك سر حبي
ما عجبني و لا حل لانه محد يعرف نظام اكلي
صدقيني لو بقولج راح تعرفين ليش ما اكل من المطاعم
اذا باكل عيش لازم مشخول بدون دهن .. اكلي كله بدون ملح .. ما اكل شي مقلي .. اذا باكل لحوم احرص اني ما اخلي نتفه شحم فيها " اتعب على هالشي و اقعد بالساعات"... و اي شي لحم لازم افوحه بعدين اشويه ..ما اكل بطاط و لا سكريات .. ما عدا الفواكه و مو كلها.. ما اكل كاكاو... ما اكل ولا نوع من الاجبان .. اكل روب خالي الدسم فقط..ما اكل هت دوج و لا برجرز ... ما اكل شوربه فيها شوفان ولا بقوليات

شلون تبين يعجبني الحل و انا ادري ولا مطعم بالدنيا يسوي كل اللي ابيه ؟

 

[viva la glam]

اكلي شي خفيف شوربه سلطه واذا رديتي البيت اكلي الي تبين

 

[lolo-lilo]

حبيبتي انتي خايفه تخربين علا الرجيم يعني ولا انتي معدتج حساسه وماتتقبل لانه بالعنوان مكتوب علشان الرجيم هاذي مافهمتها؟؟؟؟


وبالنسبه حق صديقاتج كا مااشوفهم استحوا يوم قالتلج ها وين عازمتني انا اللي اعرفه حتى لو رايحه مع رفيجتي مااقولها ها عازمتني احسها فشله وعيب اسفه حبوبه بس احس رفيجتج مطيحه الميانه انتي بعد خلاص طيحي الميانه وصيري نفسها قوليلهم مو عيب ولاحرام انا ماني عارفه ليش ماتقولين لهم عادي تيكت ايزي

 

[DenTisT]

لولو .. انا حياتي كلها رجيم " نظام اكل معين" و جسمي انا ما يتحمل اكل بره
اذا رفيجتي ما استحت بس انا استحي و ما اعرف ارد .. بس شكلي مره ثانيه ماني ساكته
و بنات حبيباتي اللي يقولون اكلي خفيف و ما ادري شنو ... اقولكم انا ما اكل من المطاعم و ما احب تقولون اكلي خفيف !!!

 

[lolo-lilo]

لولو .. انا حياتي كلها رجيم " نظام اكل معين" و جسمي انا ما يتحمل اكل بره
اذا رفيجتي ما استحت بس انا استحي و ما اعرف ارد .. بس شكلي مره ثانيه ماني ساكته
و بنات حبيباتي اللي يقولون اكلي خفيف و ما ادري شنو ... اقولكم انا ما اكل من المطاعم و ما احب تقولون اكلي خفيف !!!

اها استوعبتها ماتشوفين شر حبيبتي وبرافوا:ggdw: عليج لاتسكتين تكلمين اهم ماعليج صحتج

 

[Heaven Light]

قولي لهم معدتي حساسة ما تتحمل أكل من بره ..

أكلوا انتوا بالعافية .. وعاد قعدي وياهم أو روحي سوي شغلج ..

وبس ..

يعني ما اشوف اي مشكلة أو إحراج ..


​

 

[@رومانسيه@]

حبيبتي طلبي شغلات خفيفه سلطه عصير
فطيره جذي
لاتكثرين اكل

 

[Lemon Juice]

أقلها عصير برتقال أو ليمون وسلطة سيزر من غير الصلصه بعد

أو كلوب ساندويش توست أسمر

المطاعم فيها الدنيا أطباق خفيفه

واهما مع الوقت بيتعودون على نظامج بعد مو غصب تاكلين شي دسم مثل ما اهما ياكلون

لا تستحين .. كل واحد يسوي اللي يريحه

 

[UK_Girl]

صباح الورد..
سوي توسته بجنبه بلبيت وحطيها مع تفاحه او اي فاكهه تحبينها بجنطتج وقعدي اكلي فيها بلمطعم ..عاادي ...

وعفوا لان انتي بره تخافين من موضوع الحلال والحرام او تسوين رجيم ..بهالحالتين سوي الطريقة اللي قتلج عنها والله يوفقج
بس عمري لا تيوعين نفسج بلساعات وانتي بره لا يحوشج هبوط فجأه وما تدرين عن روحج ديري بالج ..