مسج من طليقة زوجي << كدرني

[##سبحان الله##]

كل شي قسمه ونصيب ..
خلاص صار طلاق مافي داعي هالمسجات ... عطيها طاف وماعليج منها

عسى الله يوفقج ويهنيج يالغاليه

الله يوفقج ام حمود ويجبر بخاطرج

 

[زوجة عزيز]

رد : مسج من طليقة زوجي << كدرني

بل الله يبعدها عنكم اهي مطلقه مالها اي حق تكتب هالكلام يعني

 

[##سبحان الله##]

انتي مالج شغل فيها

خليها تدعي من اليوم لي باجر

ولاتقعدين تعيدين وتزيدين بموضوعها وسوالفها وحركاتها مع زوجج

لاتخلينها محور حياتكم

واهيا بعد الله يكون بعونها مسكينه

اللي يخليني اعيد وازيد

حركاتها وتدخلاتها ماتخلص الله يغفرلها ويهديها ويبعدها

 

[##سبحان الله##]

رد: رد : مسج من طليقة زوجي << كدرني

بل الله يبعدها عنكم اهي مطلقه مالها اي حق تكتب هالكلام يعني

بعد عمري زوجة عزيز الله يوفقج

 

[##سبحان الله##]

مالج شغل حبيبتي طنشيها

الله يعيني يارب

 

[##سبحان الله##]

مشكورين خواتي

 

[ورده الكرستال]

رد : مسج من طليقة زوجي << كدرني

الله يكفيكم شرها

ويسخر لج زوجج يارب

 

[Miss Chanel]

رد : مسج من طليقة زوجي << كدرني

الله يوفقج ويهنيج
وماعلييييج منها

 

[ام كوشه منكووشه]

رد : مسج من طليقة زوجي << كدرني

حبيبتي ماعليج منها

اهيا اللى خربت على نفسها وخلته يطلقها ولا توا يحلى بعينها لما صار لغيرهاا

صدقيني لوما اهيا غيرانه وتبي تخرب عليج جاان مادزت هالمسج

قلبي طوووفي وقطي ورا ظهرج وعيشي حيااتج مع ريلج ولاتفكرين فيهاا

عسى ربي يسعدكم ويبعد عنكم الشر ان شاءالله

 

[شهد الحلوة]

بما انا نفس حالتج الثانيه لو بدالج ما اراويه المسج عشان لا اخليه يفكر فيها بلحظه انها تبيه بالعكس انا كله ابينله انها ما تبيه وتمسك الناس واتقول افتكيت منه وانها بتتزوج عشان يشيلها من باله خصوصا الريال اللي عنده اعيال منها واطنش ما ارد عليها لأنها اكيد عانت من مشاكل الدنيا فحطت الحره فيج ليش انتي مرتاحه وانتي مالج ذنب اهوه تقدملج وانتي وافقتي عليه عشان اتعيشين ابيت وريل واعيال المهم غيري رقمج وافتكي لأنها ماراح اتخلص وسجليه بأسم اي احد ثاني اخوانج امج مو باسمج الخط ​

 

[Čut!e Quèéи]

لا مو غلط

انتي مالج شغل بالماضي ولا لج ذنب

هي الحين حست بقيمة زوجها بوقت متاخر
كان من الاول حاولت تصالح هي وياه
وانا اشوف ان زوجج وطليقها ماكان صعب يعني ممكن تكون الحياة تمشي
بعدين حبيبتي انتي تزوجتيه زواج تقليدي
مو وهو متزوج لعبتي عليه وخليتيه يطلق مرته
هو جاج مطلق وخالص

صح كلااااااااااامها عين الصواااااااااب
الريال خذاج و اهو مطلق وخالص
مو انتي الي لعبتي براسه وقلتي له طلقهاااااا
بس هذي سوالف الحريم يموتون غيره و قهر
تبي تخرب حياتج عناد عليه اهو لان اهو طلقها و تزوج وارتاح
واهيا الي خسرت كل شي فيها حره تبي تحرق قلبه وتخرب بيته
لا تصيرين سهله وتمشين ورا مسجاتهم غيري رقمج عشان لايعرفونه

 

[Čut!e Quèéи]

لا تخلينها تهدم بيتج صدقيني فيها حره عليه
تبي تخرب بيته عناد فيه مو فيج
انتي ما تهمينها ولا تشغلين بالها
الي قاهرها اشلون اهو يتزوج ويعيش واهيا لااااااا

 

[انا لحبيبي .]

رد : مسج من طليقة زوجي << كدرني

لا مو غلط هاد زوجك على سنة الله ورسوله​

وهيك نصيبك بهالدنيا تاخد هالرجال ويصير زوجك .. ما الك شغل بماضيه ​

انتي اخدتيه والك بمستقبلك وبس​

ماتحطي ببالك ولا تزعلي المهم زوجك منيح معك والحمدلله ​

 

[قلبي سلومي]

الله يكافيكم شرها

 

[قلبي عبدالله]

مو من الحره
لازم تألف قصص علشان ماتحسس نفسها انها غلطانه فطبيعي راح تقول انه خداج عن حب

عطيها طاف قوي من امه ولا تهتمي فيها وديري بالك على زوجج وبس​

 

[boliana_q8]

رد : مسج من طليقة زوجي << كدرني

اذا طلق زوجته عشان ياخذج ماتنلام من حرقة قلبها اذا انتي الي مخربة بيتها
اما اذا طلقها وبعدين خطبج لج العذر ودعوتها مو بمكانها

 

[قمر2009]

اذا انتي على حق وماغلطتي خلاص ليش خايفه من دعاتها

 

[ام دليار]

رد : مسج من طليقة زوجي << كدرني

أنتي لازم مافرجيتي المسج لزوجك يمكن يحنلها لأنو كاتبه أخذتيه من أولاده
بتخافي يحس أنو مقصر
الله يسخره لج

 

[صمت المرافئ]

رد : مسج من طليقة زوجي << كدرني

غريب أمرها
يعني الحين انت اللي أخذتيه منها @@
زين ... الريال طلقها مرة ...
طلقها مرة ثانية ...
ليش ما حرصت ان ما يطلقها الثالثة ...
انزين طلقها الثالثة
لو شنو بتسوي ؟؟؟
ما راح يردها ... الطلاق بائن
الحين طلعتج انت اللي غلطانه !!!
ما عليج منها ومن دعاويها ...
حقران يقطع المصران
الحين يايه تفكر بعيالها ...
وينها عن الفرص اللي ضاعت
الله يحفظج من كيدها
لا تشغلين نفسج فيها وعيشي حياتج
​

 

[##سبحان الله##]

رد: رد : مسج من طليقة زوجي << كدرني

غريب أمرها
يعني الحين انت اللي أخذتيه منها @@
زين ... الريال طلقها مرة ...
طلقها مرة ثانية ...
ليش ما حرصت ان ما يطلقها الثالثة ...
انزين طلقها الثالثة
لو شنو بتسوي ؟؟؟
ما راح يردها ... الطلاق بائن
الحين طلعتج انت اللي غلطانه !!!
ما عليج منها ومن دعاويها ...
حقران يقطع المصران
الحين يايه تفكر بعيالها ...
وينها عن الفرص اللي ضاعت
الله يحفظج من كيدها
لا تشغلين نفسج فيها وعيشي حياتج
​

تسلمين اختي صمت

الله يهديها

وتسلمين عالرد