مستحيل اعيش من دونك..روايه كويتيه قصيره..واقعيه..

[دبة زمانها]

كملي
ناطرينج

الحين اكمل حياج الله بالروايه...

 

[دبة زمانها]

شكرا على القصه الحلوه وتتظر التكمله ان شاء الله
اختك ضحكه قمر

العفو يا قلبي ولو...وانشالله الحين بنزل التكمله..حيااج ...

 

[دبة زمانها]

kamlaaaaaaaaaay plzzzzz endmjt :d

اوكي بكمل بس لا اتقولين ابليز ازنطج والله...حيااج نورتي..

 

[دبة زمانها]

كملي حبيبتي

الحين بكمل حيااج يا قلبي تورتي..

 

[دبة زمانها]

وهذي التكمله لاحلى قمرات..
7
7
7
7
7
رد مشعل الكويت بعدنا بشهر,ونفذ اللي قاله لي اما شلون عرفت لكم الطريقه
كنت قاعده بغرفتي,ودخل ابوي ويا امي
ابوي:ممكن انكلمج يارهام؟؟
رهام:طبعاً......تفضل يبه حياج يمه
امي:انتي كبرتي يا رهام وخواتج زوجناهم بعمرج
رهام:أي يمه
ابوي:شوفي يا رهام بدون مقدمات انتي انظج من اني ادخل بمقدمات وياج ,قبل امس عمج محمد وولده مشعل جو يخطبونج مني
امي:وانت طبعا تعرفين مشعل
رهام:أي اعرفه
امي:يعني رايج من رايي
ابوي:نوره انا شقايلج
امي:هذي بنتي يا ابو محمد
ابوي:رهام ابيج تفكرين وتخذين القرار بنفسج وانا متاكد من سلامة أي قرار تاخذينه لاني اعرف بنتي عدل
رهام:ابشر يبه
ابوي:بارك الله فيج
كان الموضوع مو مفاجئ لي لاني متوقعته بس اللي ماتوقعته امي وردت فعلها السريعه والواضحه0
بعد يومين من مفاتحت ابوي لي جوني خواتي "منيره-مشاعل-فاطمه"عشان يقومون بدورهم كخوات
فاطمه:رهام انا مابي اضغط عليج بس كلنا عرفين منو مشعل هذا
رهام:فاطمه انا عرفت مشعل ومو محتاجه احد يقولي شي عنه
مشاعل:رهام انتي توج صغيره واذا قالج كلمه صدقيني قالها لعشره قبلج
منيره:يابنات مشعل مو سيئ لهدرجه سعد يقول الولد على نياته
مشاعل:لو سمحتي منيره انتي تدرين ان الشباب يغطون على بعض ولكل يدري ان زوجج رفيج مشعل
فاطمه:ومن يشهد للعروس
منيره:رهام انا بقول شي واحد استخيري
فاطمه:اذا بتستخير وهي مياله له ماله داعي
رهام:ومنو قال اني مياله لمشعل
فاطمه:عيونج من رديتي وانتي حالتج حاله
مشاعل:رهام حبيبتي احنا خواتج ونبي مصلحتج فكري بمنطق عشاني
رهام:انشالله بس غيرو الموضوع عشاني
منيره:بنات ترى روحت الشاليهات قربت مو الخميس هذا اللي وراه
فاطمه:يووه بـنــتــي شكلي بخليها عند حماتي
مشاعل:اخذيها وياج
منيره:لا حرام توها صغيره
وستمرو اسولفون عن الشاليهات بس انا كان مخي بينفجر من التفكير آآآآآآه يا مشعل حيرتني ولعبت بحسبتي
مر السبوع كله مكالمات جني بدش حرب الكل يدق وقول رايه في موضوع مشعل وصار تدخل غير طبيعي خلاني افكر جد برفض مع اني احب مشعل بس اللي حولي ماعطوني فرصه ,كل بنات عمي اصغار وكبار ابدوا رايهم مابقى احد الا انا انا اللي لازم اسمع ارائهم وراي لا؟؟؟؟؟
ماصدقت متى بروح الشاليهات عشان انحاش من الضغط النفسي اللي حولي,صدق بيكونون وياي بس اقدر اطلع اقعد ابروحي على البحر
شاليهاتنا خمس واحد لنا وثاني لعمي محمد وثالث لعمي بدر ورابع لعمي سالم ولخامس
لعمي حمد,كانت اغلب قعدات الرجال في شاليه عمي بدر والحريم في النهار في شاليهنا وباليل على البحر,وفي قعده من القعدات من اقهوه وشاي وحب وفطاير
كنا قعدين نسولف ونضحك كنت صج مستمتعه لين
خدامتنا:رهام بابا يبي انتي
ــــــــــــــــــــــــــــــــــــــــــــــــــــــــــــــــــــــــــ
امي:روحي شوفي ابوج يارهام
قمت ورحت شاليهنا بس الخدامه قالت شاليه عمي حمد وراحت وخلتنا استغربت من ابتسامتها العريضه بس قلت خبله اتحب الضحك
دخلت الشاليه وكانت الليتات طافيه ومافي احد
رهام:يبه انت اهني
رد علي صوت اعرفه من وراي :لا بس انا اللي موجود" وصك الباب
رهام:منو وليش صكيت الباب؟؟؟؟؟؟؟
مشعل:انا مشعل يا رهام
رهام:مشعل يا مجنون بيذبحونك عمامي لو شافوك روح بسرعه
مشعل:ماقدر لازم اقول شي لازم
رهام:آخر مره روح ولابصرخ
مشعل:ماتقدرين
رهام:ليش؟؟؟؟؟
مشعل وهو يقرب مني:لاني مشعل
رهام:وخر عني ولا تقرب"حاولت ادزه بيدي بس مسكها"
رهام:هد ايدي احسلك وخر ترى والله
سحب ايدي وقربني منه
مشعل:والله شنو؟؟؟؟
رهام:مشعل قول شتبي ؟؟؟؟
مسك ايدي وفرد كف ايدي وحطه على شفته
مشعل:استرخي عشان اقدر اكلمج
ومن حسيت بانفاسه تلامس كفي بدا يقل توتري
مشعل:رهام ليش خايفه مني لهدرجه
رهام:مشعل هد ايدي الله يخليك "وكنت ابجي وإيدي ترجف"
مشعل:ليش ايدج ترجف؟؟ليش هذي لدموع
رهام:بس .......خلني
مشعل:لحظه وحده خليج ساكته وهدي
وسكتنا وبدا احلى شعور حسيته بحياتي ,با بتقبل ايدي ويتنفس من بين اصابعي ويعض على اصابعي ,بنوع من انواع اللعب,ومسك ايدي الثانيه ودفن وجهه فيهم وما حسيت الا بسأل دافي بين كفوفي وبسرعه شهقت..
رهام:مشعل انت تبكي..؟؟؟
مشعل:رهام ارحميني اموت اذا بترفضيني ..!!!
برهام:لاتقول بعيد عنك الموت..؟!!
مشعل:طولتي والشك لعب بعصابي قولي شي ......انا اخاف؟؟!!
رهام:من شنو؟؟؟؟؟؟
مشعل:من اني اكون حبيتج وانتي لا..؟؟!!
رهام:انا بروح..!!
مشعل:رهام قولي لا تعذبيني قولي احبك ولا قولي مابيك بس لاتخليني اهوجس ...
سكت ونزلت عيني بالارض..!!
مشعل:ماترحمين دموعي ما كسرت خاطرج انا ابكي ولا عادي ...؟؟
مارديت....
مشعل:رهام انا امي ماشافتني ابكي انتي فاهمه معنات ان الريال يبجي
رهام: مشعل......امي وخواتي....
مشعل:انا ابي رايج وبعده مايهمني احد على وجه الارض
رديت سكت وما قدرت اتكلم..
مشعل:رهام خلاص وصل ردج وآسف اذا سببت لج قلق
رهام:لا يامشعل........انا........"وسكت"
مشعل:تخافين اتقولينها ولا بخلانه علي فيها
بحسيت اني بيغما علي لما هد ايدي و
مشعل: روحي رهام وإدري اني ماحبـيت ولا بحب احد بعدك ,ولازم على الواحد يدفع ثمن اخطائه سواء بقصد ولا من غير قصد,وليوم انا دفعت الثمن بس كان غالي غالي حيل
رهام:بس لاتكمل تبي تسمع مني أي احبك ومافقلبي غيرك احبك واحبك واحبك "ونفجرت ابكي"
مشعل من ردت فعلي نزل وبطاح على رجوله,سحب ايدي وطحت على ركبي
مشعل:قولي بعد عيديها
رهام:احبك بس اخاف من بكره
مشعل:تخافين من بكره وانا معاج
رهام:اخاف اعاند اهلي واندم
مشعل:آآآآه مدام قلتي احبك لا تخافين من اهلنا
رهام:بس مالنا غنى عنهم
مشعل:ومالهم غنى عنا ,بيزعلون يوم وثاني بيرضون
رهام:وابوي موافق على أي قرار اخذه بس امي... "ويقاطعني"..بوجه فرحان
مشعل:شنوووووو "بصوت عالي"
رهام:قصر صوتك
مشعل:انتي ماتدرين اجمل امنيه بحياتي تحققت بكلمتين منج
رهام:احبك وابوي موافق...
مشعل:تدرين شنو ابي اللحين؟؟
رهام:شنو؟؟؟؟؟؟
مشعل:ابي احرق الولايه اللي ادرس فيها
رهام:بس بسيطه وتروح بستين داهيه
مشعل:واخذج معاي ولا تخليني بروحي...
رهام:هههههههه
مشعل:تكفين اضحكي بعد ابي اشوف فرحتي بعيونج..
اخجلني وقمت من مكاني بس مسك ايدي
مشعل:وين؟؟؟؟؟؟
رهام:بروح ولا ماترتاح الا لما يشوفونا
مشعل ببرود: خلهم يشوفونا
رهام: اذا عندك عادي يتكلمون عليك انا ما ارضي اسمع فيك كلمه
مشعل: والله رهام ماترضين علي كلمه
رهام:خلاص مشعل خلني وغلاتي
قام وقرب مني وقال بصوت يدوب ينسمع: انتي لي
هديته ورحت وبعد الموقف هذا ماحسيت بالي جنبي ولا اذكر أي شي لاني كنت بعالم وردي محد فيه الا انا ومشعل مشعل وانا0
ــــــــــــــــــــــــــــــــــــــــــــــــــــــــــــــــ
ردينا لبيوتنا وكنت انطر ابوي بفارغ الصبر يسألني عن رايي وحسيت ان مر قرن على ما جاني وكلمني
ابوي:رهام يابنتي مو جنج طولتيها الولد بيسافر ويبي الرد يا يملج ويمشي يا يسافر ويدور بنت ثانيه
رهام:اللي تشوفه
ابوي:انا رايي من رايج انتي اشتبين
رهام:يبه انا موافقه
ابوي: آخر كلام يا رهام
رهام:من بعدك يبه
ابوي: بارك الله فيج وانا متأكد انج بتكونين نعم الزوجه وتعقلين زوجج
نزلت راسي وقرب ابوي وباس راسي وقال مبروك
ابوي:نوره....... يانوره.......تعالي
امي:امي خير يا ابو محمد؟؟؟
ابوي:قولي لبنتج مبروك
قربت امي وضمتني: مبروك يارهام عسى ربي يهنيج ويألف بينكم ويسخره لج
الفرحه كانت مطيرتني من الارض ,امي اللي كنت خايفه انها تزعل مني شفت الفرحه بعيونها ,شبي اكثر من الدنيا رضى امي وابوي ومشعل معاي,صدق ان مافي قلب احن من الام الله لايخليني ولايخليكم منه0
______________________________________
اكمل ولا لا....؟؟؟

 

[دبة زمانها]

تستاهلون رااح اكمل ادري البارتات قصيره ..اسفه...سوري
لكم التكمله..
7
7
7
7
وملجت وكل اهلي كانوا فرحانين لي ,وعمتي ام مشعل سوت حفله فخمه وماخلت احد ماعزمته,وكنت مفصله نفنوف سهره لونه بلاتيني عليه اكسسوارات معتقه ,وشعري سويته غجري وحطيت مكياج عند خبيرت التجميل:حنان دشتي وكان شكلي ملكه من العصور الوصطى0
مريم:مشاالله عليج يارهام سايره التجنين الله يكون بعون مشعل اللي بشوفج
رهام:مشكوره مريوم الفال لج
ساره:بذمتكم في احد عنده مرت اخو حلوه جذي
فاطمه: عاد ياويله اذا زعل رهوومه
رهام: لا شبتسويله؟؟
مشاعل:عشتو ماترضى عليه
منيره: مو زوجها اكيد ماترضى عليه
كانت الحفله روعه وكلها رقص ووناسه حتى المعازيم كنوا مستانسين ومابغوا يروحون,خلصت الحفله ومابقا الا خواتي وبنات عمي نصهم راح0
ساره:يلا قومي
فاطمه:اشفيج خايفه
رهام:حيل ومستحيه
ساره: بكون معاج
بمنيره:لا تخافين بسولف معاج وبس
رهام:منيره تعالي وياي
فاطمه:منيره روحي وخلي مشعل يطردج طرده محترمه
كلنا:ههههههه هههههههه
قمت انا وساره وكان سبب ارتباكي انه اول مره يشوفني مو محتشمه لاني لابسه ثوب سهره وايديني وصدري طالع وزينتي زايده حتى اني فكرت البس عباتي بس خفت يضحكون علي
اول مابطلت الباب حطيت راسي بالارض
ساره:هاك عروسك يامشعل
مشعل:واحلى عروس بدنيا
وانا حدي منحرجه
ساره دزتني صوبه:مشعل سلم على عروسك
ـــــــــــــــــــــــــــــــــــــــــــــــــــــــــــــــــ
ادري واايد واايد واايد قصير بس بخليكم على نار اشوي تخيلو لحظتهم دقايق والتكمله على ما تتخيلون>>>ادري خبله استحملوني..يلا نطروا التكمله اليايه..

 

[n00ni]

وايد حلو البارت

يلا كملي

 

[دبة زمانها]

اكمل يلا ثواني والتكمله .... عندج..

 

[دبة زمانها]

وهذي التكمله..
7
7
7
7
7
7
ساره دزتني صوبه:مشعل سلم على عروسك
ـــــــــــــــــــــــــــــــــــــــــــــــــــــــــــــــــ
مسك ايدي:مشكوره ساروني سويتي اللي عليج قلبي وجهج
ساره:والله....... هذي جزاتي مردوده يامشعل
رهام:ساره خليج
طالعني وقال:اشتبين فيها خليعا تروح"ودزها وصك باب الغرفة "
مشعل:مبروك
رهام:مبروك لك
مسك راسي وباس جبيني
مشعل:رهام اقعدي
قعدت وقعد جنبي ومسك شعري وباسه
مشعل:عسى الله مايحرمني منج
رهام:ولا منك
مشعل:عندي هديتين وحده ذوقي وثانيه ذوق امي
سكت اشوي بعدين كمل
مشعل:مالت امي بطليها الحين والثانيه بالبيت
بطلت الاولى لقيت شبكه ذهب فخمه ولبسني
رهام:حلو ذوق عمتي
وقرب اكثر:غلطانه حلو لما لبستيه
رهام: شنو هديتك
مشعل: اذا رحتي البيت بطليها
رهام: اوكي
مشعل: تذكرين لما بستج من خدج؟؟؟؟
رهام:هههه أي اذكر
مشعل: كان خدج ناعم مثل خد الطفل اللي في المهد
مشعل: وخليتني ابكي مثل طفل في المهد
مشعل: جم مره بستج
رهام: ماتذكر مرتين على اليمين واليسار
مشعل:اليمين واليسار؟؟
رهام: ليش نسيت؟؟
مشعل: قربي ليش رايحه بعيد
رهام: لا مكاني زين
مشعل: كيفج انا اللي بقرب
وقرب مني ومسك ايدي
مشعل: احبج واموت فيج
رهام: مشكور
مشعل: واموت فيج
لفيت وطالعته بطرف عيني
مشعل: ماتبين اتقولين وانا بعد
رهام: لا ما ابي
مشعل: طيب لفي خليني اشوف المكياج اللي حاطته
رهام: مو لازم تشوفه
مسك كتفي ولفني صوبه وقرب اكثر, القرب اللي اخاف ارفع عيني فيه
مشعل: رهام طالعيني ........اقولج شوفيني
رهام: اشوفك
مشعل: شلون وعينج بالارض
طالعت بعينه وحسيت بشعور يجذبني له
مشعل: ممكن؟؟؟
وسكت
وقرب من وجهي وباس عيني وبعد ورد باس عيني الثانيه ,وضل يتامل وجهي وهو ساكت
مشعل: رهام انا بسافر 6 شهور واول ما ارد بيكون العرس
لرهام: الله يوفقك
مشعل: لو علي جان خذيتج بس ادري لوازم العرس وتجهيزاته وانا ابي الناس كلها تدري
رهام: ناطرتك
مشعل: قولي احبك
رهام: احبك
اول ما قلتها ضمني لصدره وبقوه
مشعل: وانا اكثر ياعيون مشعل وروحه
رهام: خلاص هدني اخاف امك ادش
ومارد علي
رهام: امك اسمع صوتها
مشعل: آآآآآآه متى تخلص الست اشهر؟؟
رهام: صدقني بتمر بسرعه
مشعل: اخاف اروح ومارد
رهام: مشعل لاتقول جذي ازعل منك
مشعل: ياهني تخافين علي
رهام: من لي احبه وخاف عليه مثلك
مشعل: وانا اخاف الهوى يضايق خدج بنسماته.......تدرين شنو اتمنى الحين
رهام: ياكثر امانيك قول
مشعل: ان كل الساعات اللي بالعالم اتوقف وضل ضامج لين يدفن على راسي
رهام: حلوى امنيتك بس مستحيله
وهدينا بعض وقومني ورحنا صوب الباب بس وقف بيني وبين الباب
مشعل: ممكن طلب اخير
رهام: بس بسرعه
مشعل: انا بستج اربع مرات وانتي ولا مره وهذا ظلم لازم تبوسيني
رهام: اقول وخر لا اشمخك
مشعل: لا خلاص هونت هذي فيها شمخ حشى قطوه
بطل الباب وكانت خالتي جايبه بخور ودهن عود عشان اطيبنا
ام مشعل: يا الله ياربي انك تسعدهم ولا تفرق بينهم
مشعل: شرايج بعروسي يمه
ام مشعل: القمر باليل تمامه
مشعل: بس اضافرها طوال هههه
طالعته بعصبيه ونزلت راسي
ام مشعل: ليش خليت الحلوه تعصب
مشعل: عشان اراضيها
ام مشعل: يمه منك يا شيطان شوفي يارهام انا عطيتج هم بيعور رااسج
مشعل: انا هم
رهام: الله يكون بعوني
مشعل: شوف الثانيه اتكمل
كلنا:هههههه
ـــــــــــــــــــــــــــــــــــــــــــ
ردينا البيت وكان الكل تعبان من الحفله الا انا كانت بدايت سهرتي,دشيت غرفتي ومعاي هديت مشعل وكنت متشوقه افتحها ,وكانت تلفون وخط آحدث الموجود,مسكته ولقيت الباك قراوند صورت مشعل ,وبين ماكنت اتفرج عليه دق التلفون وكان تلفون مشعل
رهام:الووو
مشعل: فديت الصوت يالقطوه
رهام:ههههههههه لو مجرب مشختي وشتب تقول
مشعل: فدوه كلي لج
رهام: مشكور على الهديه
مشعل: هذي وسيلتي الوحيده لسماع صوتج طول الست اشهر
رهام: طيب ممكن اتصك التلفون عشان انام
مشعل: ليش اصكه خليه عند راسج ونامي ابي اسمع انفاسج وانتي نايمه
رهام:الوووو............الووووو ماسمع يقطع
مشعل: ادري انج تسمعين بس منحرجه
رهام: اذا تبي تسمع انفاسي تعال
مشعل:ترى اسويها
رهام: اعرفك مجنون
مشعل: رهام ريحت عطرح ليما الحين ابدشداشتي
رهام: وين دشداشتك؟؟
مشعل: بين ايديني اشمها
رهام: مشعل تصبح على خير
مشعل: مابي انام
رهام: بس انا ابي
مشعل: قلت خليه عند راسج ونامي
رهام: من صدقك؟؟؟؟؟
مشعل: أي
رهام: أخاف اقول شي وانا نايمه
مشعل: قولي
رهام: كيفك
وسويت مثل ما قال حطيت التلفون على المخده ونمت بس كانت نومه ولا احلا , من سنه مانمت هذي النومه واول ماتوعيت شلت التلفون
رهام: الووووو
مشعل: صباح الخير على احلا طير في سما مشعل
رهام: ههههههه......ههههههه.........مجنون
مشعل: اضحكي خلي دنيتي تضحك
رهام: مانمت؟؟؟
مشعل: لا..شلون انام وقاعد اسمع انفاس اطهر مخلوق بدنيه مو انسانه عصفوره نايمه
رهام: لايكون شخرت وانت التجاملني
مشعل: ههههههه بكره لصرنا مع بعض بتسمعين الشخير على اصوله
رهام: هههههههه الله يكون بعون طبلت اذني ,المهم روح نام صوتك تعبان
مشعل : بصكه بس قولي "مستحيل اعيش من دونك"
رهام: مستحيل اعيش من دونك باي
\


/


\


/

 

[دبة زمانها]

صكيته وانا اضحك على مشعل بس من داخلي ذايبه من رمنسيته وافكاره الخياليه الممزوجه بالجنون,استمريتا بالاتصلات اليوميه لين سافر وعشان مااشغله شرطت عليه مانكلم بعض الا مرتين بالاسبوع,بديت تجهيز للعرس بسرعه عشان افضي لدراستي شوي على راي خواتي0بس خلال هذي الفتره كانت تجيني كوابيس تقلق راحتي0

خلصت الكورس الاول وكانت علاماتي ممتازه وبدت احلا العطله عطلة الربيع المفضله عند اهل لكويت كلهم بدو وحضر بس البدو ياخذونها على اصولها ,اما انا فاتنطرها كل سنه لان اهلي يقضونها في برنامج رهيب وبقولكم شلون.......
خيامنا 20 خيمه مع بيت الشعر وفيها ملعب كرة قدم وطايره ومجهز من كل شي لدرجه انا مانرد ابيوتنا الا قبل المدرسه بيوم,
وفي الليل يبدا السمر والمسابقات بين الحريم ورياجيل وبعد مانتعشي, يبدا اخبال الشباب والبنات وسير تحدي بجراقيات "المفرقعات"منو يشب احلى واكثر وبعد مانخلص من الجراقيات,النروح احنا يا البنات ونقعد بخيمه جنب خيام الشباب ونشب ضونا ويشبون ضوهم "النار" ويبدا الطرب يمسك الشباب العود وطبله ويغنون واحنا النقي الاغاني ,ايام روعه وصدق وناسه بس كان بعد مشعل منغص علي وعلى قولت محمد عبدو"ليتك معي ساهر ليل الهوى كله.......ما نوم انا وانت لجل الحب سهرني"0
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اكمل بعد ماشوف الردود ....؟؟؟!!! تحياتي الى اغلى قمرات...دبة زمانها..

 

[بكالوريوس انوثه]

يااااا الله...
يالله كملي عذبتينااا... ناااطرييينج.. يالله حبيبتي.. كملي..
عفيه بسسسسسسسسسسسسسسسسسسرعه....والحييين..
""طماااعه...بس تسلميين على هالرواايه

 

[ღ TőOőma ღ]

لايوقف لايوقف لايوقف
لووووول كملي حوووبي بسرعه

 

[sho-sho_93]

كملي شوقتيني

 

[S0 WHat]

وااااااااااي وين التكملة

مليت كل ما اندمجت بقصة طلعت ناااااااااااااااقصة

واااااي كملي بعد عمري انتي يااا قلبي يالغالية عفيا عالشيخة الله يزرقج بواحد مثل رومانسية مشعل يكون من نصيبج <=== شعليج

 

[كادي::::]

يالله وين التكملة
ناطرينج عفية

 

[n00ni]

كملي كملي كملي

والله خوش قصه

 

[dlo3t^baba]

مطلوووووووووووب :: تكمله القصه
للاستفسار :: اسأل دبه زمانها

دبــــــــــــــــــــــــــــــــه وين التكمله ؟؟؟؟؟؟؟؟

^_^

 

[وردة الهوى]

روايه اكثر من رائعه
ننتظر التكمله على احر من الجمر,,,,

 

[qema87]

يالدبه لوول تكفين كمليها اندمجت وانا نادر تعجبني قصه

 

[almynoona]

ناطريتج حبوبه