مستجده بجامعة الكويت وليلحين ماغيرت الباسوورد !

[~عيون الحب~]

السلام عليكم :eh_s(7):

بنات انا مستجده وطبعا لما استلمنا الباسوورد قبل أكثر من شهر مكتوب ان الباسوورد لازم يتغير

من أول ماخذيته مو قادره اغيره ؟ لما ادش السستم واحط تغيير كلمة السر يطلع لي جذي :

هذه الخدمة غير متوفرة حاليا.
لتغيير كلمة السر الرجاء الذهاب إلى بوابة الطالب الإلكترونية القديمة
portal.kuniv.edu

ولما أدش على هالسايت اللي حاطينه واحط يوزري وباسووردي مايدش وولا يصير شي أصلا :rgewrg:

رحت حق توجيه وارشاد كليتي "الآداب" قالو لي روحي حق العماده بالشويخ :eh_s(16):

الحين شلون أروح ولالا ؟ المشكله صايره مع وايد مستجدين اعرفهم مو بس انا :\ بس انصدمت ان في بنات غيرو باسورداتهم

اذا ماغيرته مايصير شي ؟؟ اخاف مايتبطل السستم حزت تسجيلي ؟

وبليز اللي مستجده وقرت موضوعي تقولي قدرت تغيره ولالا

 

[أمل بعد ألم]

أصلا أنا مو ذكرتة ........ بس رقمي إلي عندي رقم الطالب
يبينا نروح العمادة........

 

[أمل بعد ألم]

ما أدري إذا. الباسوور
يتغير و لا لا

 

[مهاوي ـالمطيري]

انا رحت للعمـادهـ اللي بكيفان واستلمته

روحي لهم وقولي ابي الباس ويعطونج ظرف

واتمنـى انـي فدتـج ~_~

آآب لعيــــــــــــــونــج

 

[~ miss NERD ~]

عطوني باسوورد يديد
دشيت على السستم بالقديم ما صار
جان اجرب اللي عطونياه الارشاد جان يدش
يعني مو الا نغيره

 

[~عيون الحب~]

فداج عيوني
اي يتغير المفروض نغيره

مهاوي المطيري
مافهمتيني انا خذيت منهم باسووردي بس مكتوب بالظرف يرجى تغيير كلمة السر وموراضي يتغير معاي

مس نيرد
اي هم انا يدش معاي عادي بس اقصد اني ابي اغير الباسوورد وموقادره
خايفه ان وقت التسجيل مايتبطل معاي لأن رفيجتي دفعه 2010 قالتلي ان العام ماغيرته وبعدين ماقام يدش معاها وراحت العماده سوولها ياه :\

 

[~ miss NERD ~]

^ويييه شالعباله عليهم جامعة الكويت!!;/
حتى انا مو راضي يصير معاي ماني قادره اغيرها!!
بروح الارشاد باجر ان شاء الله

 

[~عيون الحب~]

حده افف
انزين بليز ماعليج أمر اذا رحتيلهم قوليلي شيصير وياج :eh_s(22):

 

[~ miss NERD ~]

^ان شاء الله
عاد ان شاء الله تتغير

 

[~عيون الحب~]

لووول انشالله
وتسلمون بنات كلكم عالردود فديتكم :**

 

[~ miss NERD ~]

كلمت وحده من القوائم قالتلي مو لازم تغيرينه
بس اذا وقت التسجيل علّق و ما دش ذيك الساعه تروحين للعماده

و محد من اللي اعرفهم غيّرته!

لا تحاتين ان شاء الله وقت التسجيل يدش

 

[» ADMNT 7Ḇк ْ●~]

انا عطوني ورقه يقولون انه الباسوورد الجديد شفته و الا نفس الباسوورد اللي بــ iD ؟؟

 

[ربي محتاجتك]

انا غيرته
جنه دشيت علسستم في شغلة جنه مكتوب ملفي وفي داخله تغيير كلمة المرور دشيته وما معاي بس جنه مو ضروري تغيرينه
انتي حاولي واذا كلش كلش روحي شويه وشوفي شيصير معاج

 

[~ miss NERD ~]

انا عطوني ورقه يقولون انه الباسوورد الجديد شفته و الا نفس الباسوورد اللي بــ id ؟؟

غريبه انا غير الرقم!!

 

[~عيون الحب~]

كلمت وحده من القوائم قالتلي مو لازم تغيرينه
بس اذا وقت التسجيل علّق و ما دش ذيك الساعه تروحين للعماده

و محد من اللي اعرفهم غيّرته!

لا تحاتين ان شاء الله وقت التسجيل يدش

من صجج انطره لما يعلق اشكرا بتروح علي المواد :eh_s(12):
هذا اللي احاتيه مابي وقت تسجيلي اتوهق ابي اسجل واخلص
انشالله يدش ومانتوهق :'(

انا عطوني ورقه يقولون انه الباسوورد الجديد شفته و الا نفس الباسوورد اللي بــ iD ؟؟

قصدج رقمج الجامعي ولا الباسوورد ؟
لأن الآي دي مافيه باسوورد :×
انا رقمي الجامعي نفسه

انا غيرته
جنه دشيت علسستم في شغلة جنه مكتوب ملفي وفي داخله تغيير كلمة المرور دشيته وما معاي بس جنه مو ضروري تغيرينه
انتي حاولي واذا كلش كلش روحي شويه وشوفي شيصير معاج

عيزت وانا أحاول :eh_s(11):
هم في وحده معاي بالكلاس تقول غيرته
شكلي بروح لأني ماراح ارتاح جذي :×
بس قلت بستفسر أول مالي خلق اروح شويخ دوامي بكيفان لوول

ثأنكس بنات :****

 

[حلاتي بشقاوتي]

انا ما اقدر ادششش ع اي ششي يطلع لي جذي ليششششش؟؟


متصفح الإنترنت 9 غير مدعوم الرجاء استخدام متصفح الإنترنت.(7 أو 8) أو فايرفوكس

 

[~عيون الحب~]

^
وييي أي شييي قام يمصخها السستم!!
جيكت توني دش معاي
قعدي حاولي فيه اذا مافاد جربي بكمبيوترات الجامعه دشي عشان تعرفين الخلل من موقعهم ولا من لابج x(

 

[إحسسسآس]

انا رفيجتي مستجده
وأول ماخذت البآس واليوزر نيم
رحنآ اللآبآت وغيرته من بوابه الطالب القديمه وضبط !
جربي وإن شآْ الله يضبط ْ معآآج ْ ّ~

 

[إحسسسآس]

انا ما اقدر ادششش ع اي ششي يطلع لي جذي ليششششش؟؟


متصفح الإنترنت 9 غير مدعوم الرجاء استخدام متصفح الإنترنت.(7 أو 8) أو فايرفوكس

حملي فايرفوكس ..عشآن تقدرين تدشين على السستم !
لأنه مايتبطل على الاكسبلورر العآدي !!

موووفقـــه :eh_s(17):

 

[~عيون الحب~]

احساس بوابه الطالب القديمه لما احط يوزري وباسووردي واضغط دخول مايصير شي نهائيا مايدش

بما انج مستمره فسؤالي ماراح يصير شي اذا ماغيرته ؟؟