مستجدات ومستمرات الجامعه العربية المفتوحة **) تعالوا نتناقش وندردش ونستانس (**

[مس احساس]

تخصص اداره ..

امكن مستواج حلو بالانقليزي .. بس شنو الهدف منالكلمات

مالها داعي كافي مقرر الانقليزي

 

[ماكينتـ*زينة*ـوشة]

لا انا اقصد بالدراسة يعني تكوون بالانجليزي بس في مصطلحات بالتخصص راح تنعاد وياج وايد وبتركز بمخج ..

بس اذا انتي حابة تكملين بالجامعه ومشكلتج الوحيدة الانجليزي انا اقوول دشي دورة انجليزي قووي نفسج على ما تسجلين ويقبلوونج انشاء الله تكونين تحسنتي
اتمنى لج التوفيق ...

 

[مس احساس]

لا هونت خلاص .. تسلمين حياتي

 

[Athwaq]

اللي ماتبي انجليزي .. تتخصص تربية .. بيفتحون باب التسجيل مره ثانيه ان شالله

بس اللي حاسه نفسها مو ذاك الزود بالانجليزي .. لا تجازف نصيييييييحه

لان الكتب كلها انجليزي .. الواجبات كلها انجليزي .. يطلبون منج اجابه 500 كلمة و نفس الشي بالاختبارات كل الاسئله مقالية واجاباتها 750 و 500 كلمه .. هذي شيرقعها ؟؟؟

 

[ماكينتـ*زينة*ـوشة]

اللــــه يوفق الجميع انشاء الله ...

 

[مس احساس]

ههههههههههههههههههههههههههه

طيب الذوق .. اذا بروح التربيه يعني بدرس 4 سنوات

بس مناهجهم مافيها انجليزي كلش .. طبعا اكيدغير في مقررين او 3 انقليزي

وشنو تخصصاتهم

 

[Athwaq]

لازم فيه مقررات الي اهي مشتركه والزاميه لكل التخصصات مقرر او مقررين حسب درجتج بامتحان القبول

 

[زبــــــــدة]

اذواق اكيد انتي مو اوكي بالانجليزي لووووووووووول

لان صج اللي ماتعرف انجليزي عدل يصير عليها صعب

يعني انا اعرف وجذي طالعه عيووني من الواجبات

ساعات يصير فيني احباط وودي اطلع بعدين اقول مابقى شي كلها سنتين وتعدي

 

[زبــــــــدة]

والشي اللي يرفع معنوياتي لما اشوف ال A
عقب تعب

 

[F.A]

ان شاء الله دايما نشوف الa
أختى ريمى

ماده اللي بو8 وحدات تاخذين بالكورس الأول 4 وحدات وبالكورس الثانى 4 وحدات نفس الوقت ونفس الدكتور غصب علينا
والكتب اجبارى تشترينها كل كورس مثل ما قلت الا اذا عندج أخو أو أخت أو زوج
والله يوفقنااااااااااا يارب
وأنا أحب جامعتنا واللي يبى يدخل حياه الله واللي ما يبى يسلم رأسه
اشدعوه الحين يقبلون أى واحد أنا قدمت بعد 4 سنوات قبلونى تخيلوا

 

[جوري الحلوة]

صح كلامج f.a

انا قبل كنت اقول اكيد الجامعة فاشلة لان وايد ناس يطلعون منها ومايمدحونها بس لما جربتها عرفت ان اغلبهم طلعوا علشان مو فاهمينها ولا قادرين عليها لان مو اي احد يقدر يتحمل ويصبر الكل يبي يسولف ويضحك وياخذ شهادة بدون دوام ولا واجبات ولا تعب

الصراحة نظامها وايد حلو ومساعدني حيل كموظفة

بنات بغيت اسألكم شلون اعرف المواد اللي لازم اخلصها يعني من وين اقدر اطلعهم؟ انا تخصصي ادارة ونظم معلومات

 

[F.A]

جورى الحلوه بما انج مستجده فالحاسوب انقسم الى4 تخصصات روحى منتدى السعودية وطبعى الخطة الدراسية لتخصصج

 

[زبــــــــدة]

صح كلامج جوري

صج شلون ادارة وحاسوب توني ادري ههههههههههههههه
دشي عالمنتدى حبيبتي وتلقين الخطه الدراسيه حق تخصصج وبتعرفين المواد اللي بتخلصينها

بااجر بروح حق الدكتور بسأله عن شغلي بالواجب وانشالله يكون صح لان مالي خلق اعيد الرسمات :/

 

[ماكينتـ*زينة*ـوشة]

بنات انا it متى اقدر اختار اي تخصص ابي من الاربعه

ومن وين اخذ الخطة الدراسية شنو منتدى السعودية؟؟


شكرااا فديتكم والله ,,

 

[F.A]

http://www.aoua.com/vb/showthread.php?t=13280
دشى هالسايت رووووووووووووعه سجلي فية
وحاطيلج الخطط الدراسيه
وان شاء الله تتساعدون بالدراسة والواجبات ليمن تتخرجين هالموقع يفيدج ان شاء الله
لا تنسون أهم شى بهالجامعه العلاقات المتنوعه يعنى كل كورس كونى علاقات مع بنات سكشنج أو اللي بالمنتدى لتبادل كلللللللللل شى
والله يوفقنا يااااااااااارب

 

[ماكينتـ*زينة*ـوشة]

مسجلة فية اختي من اول ما دشيت الجامعه بس من زمان مادشيتة كلة ادش يمعه


مشكــــــــــورة يا الغالية

والله يوفق الجميع انشاء الله

 

[Dress Me Up]

بنات انا تخرجت ،، من الجامعه العربية وتخصصي حاسب آلي ........

وراح يكرمونا شهر مايو 2009


أتمنى لكم التوفيــق ،،


نصيحة يابنات مهما واجهتوا من صعوبات ،، واصـــلوا ثم واصلوا ثم واصلوا ولا تخلون مجال لليأس ،،،،،،

انا والله مرت علي ليالي الله يعلم بحالي ،،،،، وكنت كله اقول بطلع بطلع خلاص مابي اكمل بس حمدالله رب العالمين تخرجت بعد 5 سنوات كفاح مع الجامعه ،، وللامانه الجامعه كل مالها تتحسن ،، وترتقي أكثر ،،



من أعماق قلبي ،، اتمنى لكم التوفيـــــــق


ولي مساعده ،، وخصوصا لبنات تخصصي انا بالخدمة ،،،




:33_1185028183:​

 

[ماكينتـ*زينة*ـوشة]

الف مبروك حبيبتي
وتستاهلين كل خير لان من جد وجد


والله وايد استانست ومشكورة على تشيجعج لنا والله يوفقج انشاء الله

ونتشرف فيج معانا

وتوظفتي ولا للحين؟؟ اتمنى لج التوفيق


انا نفس تخصصج بس مستجده شنو المجالات اللي تقدرين تتوظفين فيها؟؟


انشاء الله حياتج كلها افراح وتمر الايام وتوصل لحفلة التخرج

موفقة يا رب

 

[F.A]

دايوووومه
ألف مبروك والفال لى ان شاء الله بس الله يرحمنى من الام اس تى انا بخير
ان شاء الله اتخرج السنه الياية اذا الله كتب
بشرينا استلمتى الشهاده؟؟

 

[q8_ToOoOtah 3L]

:gathering: ياحلوهم المجتمعين :gathering:



انا ابي اخذ رايكم:::::::::::::::


انا كنت ناويه اقدم على الجامعه المفتوحه ..!!!!!!!


وسألت عن الاعانه وقالوا ماكو؟؟؟
انا بصراحه ما ابي اهلى يدفعولى شئ يكفى الثانويه العامه...



فاقرارت:::



ادخل تكنولوجيه هندسة كمبيوتر ولما اتخرج اتوظيف بالبترول واكمل بالجامعه العربيه.......

لأن اكيد ابي شهادتي بالكرريوس


شنو رايكم بما انكم موجودين بالجامعه انا عمرى20 سنه وبدخل 21 بعد جم يوم.........
:klhfl: