هاااي بنات شخباركم
F.a
مجربه المعهد اللي بالبحر
والا هذي اول ماده تسجلينها فيه
انا بالمعهد اللي بالسالمية معهد الاوائل
وماخذه M206 واحس شرحه يعني مو ذاك
وافهم على دكتور الجامعه اكثر
وخاصة ان اللي بالمعهد يقول مو فاضي احل لكم الواجب
راح تحلونه انتم !!!!
ودي الحق عمري بسرعه خاصة ّM206
نسبة السقوط فيها كبيره وانا ودي بدجه زينه
اختي "فديته"
تخصص ادب انجليزي حلوووو وايد
خاصة انج تكسبين لغه ومو بس لغه عندج شهاده على اللغه
بس تعالي ندردش حق بعدين
شنو تصيرين !!!!
اذا حابه تصيرين مدرسه اكيد بتكونين ربحانه عالاقل الراتب مغري
واكثر من الوزارات
بس اذا تبين كوظيفه مترجم باحدى الوزارات
بقولج رااااااااح تندمين وايد !!!
ماعليه تحمليني بقولج عن اللي اعرفهم تخرجوو من جامعة الكويت ادب انجليزي وين راحو
وحده اعرفها عز المعرفه بالتجاره
والله يااختي انها ندماااااااااااااااااااااااااانه كثير
تخيلي انا دبلوم معاشها زايد عن معاشي بـ20 دينار
وغير جذي كراااااااااااااااف
وعلى قولتها باب النجار مخلع
تجاره وكراااف ومعاش الله بالخير
والثانيه تعرفت عليها بوحده من الدورات اللي رشحتني لها الوزاره
تقول على حسب ظروف الاهل
البنت عندها ثلاث لغات
هولنديه ، وانجليزيه ،، والثالثه اعذريني ماتحضرني الحين
وايد كانت تقولي فئة المترجمين مظلومين بالكويت
لاكادرات ولا معاش يستاهل رغم ان شغلهم مو هين
فانتي راجعي نفسج
شوفي ميولج ممكن تكون بادارة الاعمال !
ممكن تكون بتقنية المعلومات !
<<خاصة ان تقنية المعلومات راح تتخصصين فيها وفاتحين فيها اربع تخصصات
وهذا شي حلووو
وعلى فكره وظيفة ادارة الاعمال مطلوووووبه كثير
والتقنيه فيها كادر بجميع الوزارات مايقل عن 180 من غير الراتب
وممكن يكون اكثر بالوزارات المغريه طبعا
اتمنى من كل قلبي اكون افدتج
وقدمتلج نصيحه ممكن تفيدج لبعدين
واكون سبب خير لج
ويارب يوفقج
ويسهل عليج امرج
