مسامات الوجه الواسعه

[wjdaan]

السلام عليكمم

بنات انا اعاني من مسكلة المسامات الواسعه بوجهي شككلهم غلط ولو شنو احط يظلون مبينين ابي شي مجربينه يسكر المسامات وينظف البشره ... وعندي تجاعيد تخرع تحت عيني مع ان عمري 18 !!!!!!

تكفون والله ادعي للي تساعدني بشرتي تخررررع

 

[فديت خبآلي]

وعليكم السلام والرحمة شوفي ي طويلة العمر انا عندي لج حل بس ها بييله مداومة مو تسوين مثلي ما داومت وانطر *** ابد ماكو شي اسمه *** (( للبشرة )) اقصد هههههههههه < علمي نفسج

المهم اهو ماي الورد تحطين ماي ورد بمكعبات الثلج وتحطينهم بالفريزر لين ما يجمدون وكل صبح عقب ما تغسلين فيسج تمشينه ع بشرتج بكل ويهج لين ما خلاص تذوب الثلجة كلها كلها وعقب نطري جم دقيقة لمن تحسين انج استفدتي منه وعقب مسحي الزايد منه بس لا تدعكين بشرتج لا شوي شوي كأنج تمسحين ع بشرة بيبي وبشويش وعقب رطبي ويهج بمرطبج الخاص للويه وكملي روتينج المعتاد

صراحه يعطيج العافية ذكرتيني عشان ارد لمكعبات الورد

ولزيادة الخير خيرين وقت فراغج اي حزه الظهر العصر المغرب كيفج حطي ماسكات مرتين كل اسبوع يعني الايام اللي تفضين فيها بس لازم بينهم جم يوم مثلا مثلا الاحد والار بعاء انا اخلي هاليومين حق الماسكات المهم الايام اللي تناسبج اهم شي يومين بالاسبوع لاتزيدين عنهم وتسوين فيهم ماسكاتج بس دخلي النت وشوفي الماسكات الطبيعه اللي تسوينها بيدينج وتكون طبيعية اهم شي واحس افضل تسوينها بنفسج وعقب 15 دقيقة من حطيتي الماسك غسلية ورشي ع ويهج بعد ماي ورد وهم نطري شوية وعقب حطي مرطبج وبس وان شاءلله شهر وتشوفين نتيجة تعجبج

وهمن اذا حبيتي مع كل مره تشربين فيها ماي حطي ماي ورد ترسي غطاء العلبه وحطيه بقلاصج وعليج بالعافية

وتجاعيد عيونج انا حاليا قاع اجرب منتج ماخذته من الصيدليه من وصف دكتور وان شاءلله بس ييب معاي نتيجه بقولج عنه وهم يمكن اكتب عنه موضوع بس ليما الحين مابين شي وياي وانطر اخلص المدة ان شاءلله ولا تحاتين اهو مو بس للهالات لانه قريت الورقه اللي وياه مكتوب للانتفاخات وهمن للخطوط وللهالات يعني يشمل كل شي اي صج وترا انا مو كبيرة حيل عشان مابي تخافين انه للعيايز ههههههههههه لا انا توني من ثلاث ايام دشيت ال 20 يعني قريبة منج :* وانا اساسا ماخذته عشان الهالات السوده فيني هالات لكن خفيفة الحمدلله بس همن الكل يبي الزين هههههههههههههههههه

 

[ام عبد العزيز م]

حبيبتي المسامات يبلها الطين الاخضر المغربي وماي ورد اصلي شوفي استغرامي

 

[زهرا_*]

استخدمي تبع بيودرما للمسامات