مسافرات دبي 2010 ..تعالوا نفيد ونستفيد

[ريومه المزيونه]

انا مسافره الاثنين على فلاي دبي الساعه 2ونص منو معاااي؟؟؟؟

حبيبتي بجم تذاكركم للكبير والصغير


انا ان شالله ناويه احجز عالاثنين

اي فندق حجزتوا !

 

[milkey way]

رد : مسافرات دبي 2010 ..تعالوا نفيد ونستفيد

الله وناسه توني ادري ان في تجمع لمسافرات دبي لأني بصراحه من عشاقها ولازم ازورها كل شهر كنت بالبداية اسكن في رويال ميراج وبعدها حولت على الكيمبنسكي وحول ال8 مرات سكنت في ذي آدريس ( العنوان ) والحين جني بحول على المنزل وقمرالدين .

لأي استفسار أنا حاضره ؟؟؟؟؟​

 

[جنون العشق]

اي والله نبي الاشيا الحلوه الي بدبي روحي سريعه وابي ارسمها صح

 

[milkey way]

رد : مسافرات دبي 2010 ..تعالوا نفيد ونستفيد

في وايد اماكن حلوه بدبي يعني بالنسبه لي في كل روحه ما احب اطوف الريوق في فندق الادريس لأنه حده خطير وضروري اتشرى من كانديليشز ، وهيرشي .

محل لافاييت في دبي مول وايد حلو ويسوى خصومات ، طبعا بالنسبه للسكي والاكوريوم والمراكب الكل رايحلها وعارفها بصراحه اذا كانو معاج اليهال لازم تودينهم كيدزانيا - اتلانتس - ماجيك بلانت - حديقة الخور .

الجميره حلوه والقعده في فندق مينا السلام حيل هادية ، اللعبه المرعبه اللي موجوده في مجمع وافي تصلح للكبار اللي ما يخافون .

التسوق في دبي مول لا يعلى عليه ، ماركاتو بعد حلو - الفستيفال - سيتي سنتر المردف - ابراج الامارات .

المترو ولا مره صعدت من كثر الزحمه ولوية الهنود ، برج زايد وايد حلو وتدخلينله من دبي مول ، اذا كنت من محبي السينمات ترى ينزلونلج الأفلام قبل الكويت وعمد سينما سيتي سنتر ما تسكر الا على 2 .

وبعد وبعد بس ابي اعرف بالضبط شنو تبين ؟؟؟؟

 

[جنون العشق]

لا بروح انا وريلي وخاطري بجناط اسعارها معقوله وشحاطات وملافع وعبي ,,,, شخليت


وهم ابي شغلات رومنسيه وقعدات

 

[milkey way]

رد : رد: مسافرات دبي 2010 ..تعالوا نفيد ونستفيد

لا بروح انا وريلي وخاطري بجناط اسعارها معقوله وشحاطات وملافع وعبي ,,,, شخليت


وهم ابي شغلات رومنسيه وقعدات

الله ياعيني على الرومانسية ، بالنسبه لمحلات العبي انا ما احب اشتري من المحلات العاديه اللي يقولونلج بمرشد والشارقه بصراحه احب الشغل الراقي اكثر من مره اخذت من محل حناين اللي في سيتي سنتر واللي في مول الامارات وفيرست جويز وعندج في ابراج الامارات محل ماي فير ليدي واذا لقيتي ان سعر الملافع غالي اخذي الملفع وتعالي فصلي لج عباة نفس الملفع بالكويت وتكون بنص السعر ويحطلج بعد نفس التوقيع ويكون صار عندج طقم .

بالنسبه للجواتي والنعل عندج محل لافاييت عندهم تشكيله كبيره حلوه( دبي مول ) وعندج محل ديون وايد كشخه ( دبي مول - مول الامارات )وفي عندج اذا تبين عملي وساعات تطلعين بأشياء راقية بريتي فت ( مول الامارات - سيتي سنتر ) واذا تبين ماركات روحي ابراج الامارات وفي محل كينث وجارلز جنه اسمه جذي وكذا محل فوق وانتي طالعه من السكي في مول الامارات تطلعين منهم بكذا شغله .

ومحلات الشنط الماركات طبعا بكل المولات لكن اذا تبين ماركه ورخيصه عندج البي بي اسعارها معقوله وموديلاتها حلوه وباريس جاليري وهارفي نيكلز في دايما عندهم خصومات واذا رحتي الفستيفال في كذا محل عندهم تشكيله كبيره وعندج فوق محل مارك باي مارك جيكوب اسعاره حيل رخيصه وموجود فوق في دبي مول بعد .

ضروري تروحين ابراج الامارات ( فيلا مودا )

نيي حق الأماكن الرومانسية اذا كنتي تقصدين الفندق الرومانسي بصراحه اذا سكنتي في فندق العنوان او اخذتي في اونلي ون رويال ميراج وكيمبنسكي الأدوار اللي فوق بصراحه وايد هدوء .

تمشي بالليل في ذا ووك كافيهات ومطاعم وقعدو بالليل بعد في مرسى دبي صدقيني يكفي وجودكم مع بعض هذي تعتبر قمة الرومانسية .

اي لازم تسوون مساج في ذا ادريس صراحه خطييييير ايهبل ، وتمشو بالليل صوب حمام السباحه .

واذا تذكرت بعد بقولج بصراحه دبي تونس حيل

 

[ريومه المزيونه]

وين صاير محل ماركه فولي فولي !

وشلون اسعارهم ؟

 

[^ام العيون السود^]

حبيبتي بجم تذاكركم للكبير والصغير


انا ان شالله ناويه احجز عالاثنين

اي فندق حجزتوا !

التذكر للكبار 53 وللصغار تحت السنتين 8 دنانير
وحجزنا فندق تاج بلس..

 

[جنون العشق]

رفع



رفع والله يعطيكم العافيه

 

[(( الذهب ))]

السلام عليكم

رجعت بعد غياااب دبي تهبببببببببببببل وسافرنا علي فلاي دبي حلوه الطياره صغيره بس ما عليها
وتذاكرها رخيصه
رحنا اكثر شي لمدهش ودبي مول عند كدزينيا والاواريوم وسيغا عيالي استانسو علي كدزينيا
صج صج تستاهل تحطونهم فيها يوم كامل ما يملون

وسوق نايف فتح بس ما دخلته من عيالي ازعجوني

 

[جنون العشق]

السلام عليكم

رجعت بعد غياااب دبي تهبببببببببببببل وسافرنا علي فلاي دبي حلوه الطياره صغيره بس ما عليها
وتذاكرها رخيصه
رحنا اكثر شي لمدهش ودبي مول عند كدزينيا والاواريوم وسيغا عيالي استانسو علي كدزينيا
صج صج تستاهل تحطونهم فيها يوم كامل ما يملون

وسوق نايف فتح بس ما دخلته من عيالي ازعجوني

امانه قوليلي شنو احلي شي بدبي خاصه السوق

 

[ريومه المزيونه]

يعني محد رد علي. ؟

وين القى فولي فولي

 

[ام ديما]

رد : مسافرات دبي 2010 ..تعالوا نفيد ونستفيد

السلام عليكم

الله يعطيكم العافية على هالتجمع

انا ناوية اسافر بعد 4 ايام ابي شقق فندقية غرفتين وصالة بحدود500درهم

وماعرف وين احجز باي مكان

اللي ابية مكان قريب من الاسواق اهم شي دبي مول وشنو الاسواق اللي فريبة علية لان ماودي باماكن بعيدة

الا الاماكن اللي تسوى مو مشكلة

وشنو الاسواق اللي في شارع الشيخ زايد

ومشكووووووووووووووووورين مقدما

 

[النهج الاسمى]

رد : مسافرات دبي 2010 ..تعالوا نفيد ونستفيد

السلام عليكم

الله يعطيكم العافية على هالتجمع

انا ناوية اسافر بعد 4 ايام ابي شقق فندقية غرفتين وصالة بحدود500درهم

وماعرف وين احجز باي مكان

اللي ابية مكان قريب من الاسواق اهم شي دبي مول وشنو الاسواق اللي فريبة علية لان ماودي باماكن بعيدة

الا الاماكن اللي تسوى مو مشكلة

وشنو الاسواق اللي في شارع الشيخ زايد

ومشكووووووووووووووووورين مقدما

هلا اختي

توني راده من دبي اليوم وسكنا بفندق شقق مفروشه اسمه فناء الواحه وبالانجليزي اويسيز كونت

حلو صراحه غرفتين وصاله مع الريوق بسيط جدا ومجانا ب 500درهم وفيه حمام سباحه
وقريب جدا من البرجمان واحلى مافيه النظافه

 

[ام ديما]

رد : مسافرات دبي 2010 ..تعالوا نفيد ونستفيد

النهج الاسمى


بيض الله وجهج وماقصرتي يالغالية وحمداللة عالسلامة

اشلون الرحلة عسى استانستو وشنو الشي المميز اللي تنصحينا فيه من اماكن ترفيهية واسواق

 

[so_sweeta]

انا مسافره ان شاء الله باجر العصر على طيران الجزيره

وبقعد 4 ايام بفندق العنوان the adress دبي مول

وانشالله باخذ كامرتي وبحط لكم تفاصيل السفره بموضوع منفصل

اللي راحت هاليومين ابي محلات ملابس حلوه وتسوا اني اروح لها لأني بشتري ملابس وفساتين قصيره للاستقبالات ؟؟​

 

[brendyshoo]

رد : مسافرات دبي 2010 ..تعالوا نفيد ونستفيد

تروحين وتردين بالسلامه انا سكنت بفندق رتز بدبي ووك مسوين عرض ليلتين والثالثه فري

 

[(( الذهب ))]

جنون العشق

دبي مول يهببببببل وفيه خصومات الكل يقدر يشتري
دراغون مول ( سوق التنين) ترا كبير يا بنات ويضيع وله اقسام
انا دخلت من صوب الاجهزه ولاعت جبدي وطلعت بس فيه محلات العاب اطفال
ويوم رديت قالت لي مرت اخوي ان بالووسط فيه ملابس بنات طافتني
سوق نايف فتحوه وقدامه سوق المنال شعبيات
سوق عكاظ حق شيال بابو وقدامه محلات اللزعفران

 

[مناوى 99]

رد : رد: مسافرات دبي 2010 ..تعالوا نفيد ونستفيد

انا مسافره ان شاء الله باجر العصر على طيران الجزيره

وبقعد 4 ايام بفندق العنوان the adress دبي مول

وانشالله باخذ كامرتي وبحط لكم تفاصيل السفره بموضوع منفصل

اللي راحت هاليومين ابي محلات ملابس حلوه وتسوا اني اروح لها لأني بشتري ملابس وفساتين قصيره للاستقبالات ؟؟​

بالسلامه ان شاء الله تستانسين
على جم حجزتى الغرفه بالفندق العنوان لان حسب معرفتى غالى
خذيتو غرفه وحده وبجم

 

[رمانه كويتيه]

رد : رد: مسافرات دبي 2010 ..تعالوا نفيد ونستفيد

يعني محد رد علي. ؟

وين القى فولي فولي[/q
فى الامارات مول