مسافرات العيد وبعد العيد لاوربا تعالو شنو تجهيزكم ؟

[دمع القلوب]

بناااات انااا ودي اروح بيت هااايدي بس تنصحوووني اروحلها من ميونخ والا من النمساا يا سالزبورغ او زيلمسي او فيناا

وجم تبعد عن هالمناطق

حددنا ميونخ ٣ ليالي ونطلع بعدها للنمسا وضواحيهاا

اي وبسالكم عن يورباا بارك بعيده عن ميونخ والا ساعه وساعتين

 

[zqertya]

بنات انا توني راده من النمسا فيينا وكابرون 00 ومن المانيا ميونخ
الجو يفيينا كان حر والله ضاق خلقنا وبليل الجو حلوو ولي طق مطر عادي مافي برد يعني صيفنا هناك

الجو بكابرون ووايد حلووو حتى المطر عادي مافي برد

ميونخ مطرهم قوي مع عاصفه يعني اطيرين ويصير برد شوي

بشكل عام انا كنت لابس اتريننغات وتحتهم بدي حفروالله ماحسيت بالبرد الجوو حلوو اخذو جاكيت وااحد كافي انا اخذ شتوي صار ثقل عالفاضي ووزن ولاتطلعون من غير شمسيات لان باي لحظه يطق مطر والي عندها عيال ضروري تاخذ اكل خفيف اذا بتوفر مع انه هناك جمعياتهم حلوووه وكنا ناخذ منها فاكهه وتوست وغيره بس اخذت من الكويت كابتشينو وجاي وحليب لان اللي عندهم خايس واهم شي المنظفات لاتنسوون ترا حماماتهم وسخه والاهم اخذو بطل الماي اللي فوق فيه مصاصه احسن لكم للحمام وانا خذيت جوتي رياضه وفلات وبوت وتصدقون طول السفره لابسه جوتي رياضه مع كلشي والله مريح والباجي مالبستهم

 

[دمع القلوب]

ابي محل كيكوو للمكياج احصله بميونخ او النمساا

 

[دمع القلوب]

زقرتيه الحمد لله ع سلامتج

قوليلناا شنو شريتي شي مميز

وشنو الاماكن اللي رحتيلها

والفنادق اللي تنصحين فيهاا

وجم كلفت السفره عليكم من غير تذاكر

 

[هدوء العالم]

تسلمين أختي أخت خالتهم

إن شاءالله نشوف في سالزبورغ

أنا وأمي متنازلات بس معانا خطوطنا الكويتية للننطمن على أهلنا بالكويت

وبالفندق أشبك بالنت لأتواصل إن شاءالله مع خواتي بالكويتيات وأخواني وخواتي بالعرب المسافرون

وأخوي وأختي يشترون

 

[هدوء العالم]

صورج حلوووووهأختي مشتطة

والله نكج يدل عنج ماشاءالله ( نشيطة ) بس مع الوقت نفسه ( نزغة ) مثل بنت خالتي ووبنت عمتي

ههههههههههه

عاد شلوووون الجو هناك براد بكل وقت

 

[اخت خالتهم]

مشتطه صورج عجييييبه
احنابعد سيارتنا كان بي ام
وهالسنه حجزنا نفسهاااا بس ان شاءالله بيضه لان العام لونها اسود مووحلوة على الجو هههه


بالعكس سوقهم حلو انا يعجبني لان انا ما احب السوق

فسوقهم بنسبه لي حلوووووو


وعندهم مجمع عجيب وما اشوفها غاليه


لندن مارحتلها ولندن عيشتها اغلى
لي صار عندي معاش بروح لووووول



بس صورج حلووووه ماشاءالله ياحلو اوربا وطوايفها

 

[بخـــارى]

ابي محل كيكوو للمكياج احصله بميونخ او النمساا

بصيدلياتهم
واحيانا بالسوبر ماركات:eh_s(7):

 

[بخـــارى]

بنات مو تنسون بالتسوق جوازكم علشان التاكس فري

وسالوا قبل لاتشترون جم لازم تشترون علشان يعطونكم تاكس فري

 

[بخـــارى]

ريلي شرالي ابريج هههههههههههه حق السفر

 

[بخـــارى]

انا اكثر سوق حبيته لندن وشريت منه حقي

ومن بعده فرنسا حق بناتي

 

[هيللو كيتي]

هاي شلونكم

الجووو يهبل ماشالله ..
وباجر بروح ميونخ ومنها بنطلع لكذا منطقه قريبه ان شالله..

بنات لاتنسون اركبوا قاري يووونس ترا والقوارب بعد..

وعندي شكثر صور بس افضي ان شالله انزلها لكم..

المشكله ان الاوتيل الواي فاي بس باللوبي بالغرف ماافيه ..
فماقعد الا شوي تحت اتواصل مع الواتس اب ومعاكم..

وباجي الوقت طلعاات ونرد بالليل تعبانين ..

ان شالله كلكم تررروحون وتستانسووون ..

 

[اخت خالتهم]

بخاري ههههههه شخباري بريج اي لون اكيد احمر

انا صابون بيبي جونسن مال الجسم نظفته وباخذة معاي ان شاءالله

يطشررررر احس احسن




هيللو شلون الجو في مطررر ؟

 

[مشتطـه]

هههههه دمع القلوب

انا اموت بالتصوير واحب ابدع
بس زوجي كلش مايساعد جنه الصورة بفلوس خخخخ

 

[مشتطـه]

هدوووء العالم اييي لووول

اخت خالتهم يمكن لانج ماتحبين السوق
انا احب السوق ف بالنسبة لي سوقهم ما يصلح لي لان ماكو شغلات غريبة ومميزة عرفتي

وانا انصدمت من ميونخ ناار لندن اررررررررررررررررررحم وفرق عنها وارخص

حتى زوجي يقووول

 

[أمل المنصوري]

يازين صورج مشتطة .. شطيتينا وياج ..

الحمد لله خلصت تجهيز الشنطة وسكرتها ..

عشان يوم العيد بكون في بيت اهلي .. وجمعة الاهل ..

 

[اخت خالتهم]

لا تاخذون جوازاتكم مو لازم
صورو الجواز بتلفونكم وبس
اذا عطاكم نقلو


اخاف يضيع

 

[حبيبه ببي]

اخت خالتهم شلوون مناخذ جوزاتنا مايصيرندخل الطيااره

 

[اخت خالتهم]

حبيبة قصدي عن التاكس فري بالسوق
اللي مال الضرايب
في عضوة قالت لا تنسون جوازكم خلوه وياكم

قاعد اقولهم يحطونه بالفندق و يصورون رقمهم المدني ورقم الجواز والسبلنق مالهم

 

[حبيبه ببي]

اه اوك فهمت