مسافرات العيد الى لندن يتفضلون هني

[مشتطـه]

قووة بناااات

حبيت طيفه

انا بّاذن الله بروح 19-8 بليل

وبقعد 9 ايام
ساكنة بفندق ثيستل إيوستن

 

[حبيت طيفه]

هلا والله مشتطه انا راح اروح ان شاءالله تاريخ 8/24 على الطيران القطري وراح اسكن ملينيوم مايفير وراح اقعد 9 أيام يسوى اروح يوم مانشستر وارجع ولا يبيلها كذا يوم صج بنات ما عرفت أخذ موعد من النت حق الفيزا عادي أخذ موعد من عندهم هناك لان انا راح أعبي الابليكيشن عندهم يقدرون يحطولي الموعد ولا لا ودي أخلص مره وحده

 

[رزمة اوجاع]

حبيبتي حبيت طيفه اذا عندج يهال لازم اتعبين الابلكيشن من النت واذا ماعرفتي تقدرين اتروحيلهم راح يساعدونج

 

[الكادي 1981]

هلا سجلووني معاكم انا باذن الله ٢٠/ ٨ الى لندن عالتركية وباسكن كمبرلاند

 

[حبيت طيفه]

هلا رزمه انا ماراح اخذ اليهال معاي بس لازم أخذ موعد من النت عشان الفيزا ولا عادي دخلت موقعهم وماعرفت أخذ موعد وزوجي منتهي جوازه وراح يجدده قاعده احاتي شكثر تطول الفيزا علي ماتطلع

 

[حـلا و ذوق]

بنات بسألكم

انا ناوية اروح الثوروب بارك .. واليقو لاند .. بس يقولون الليقو لاند موحلوة ولاتستاهل ..؟ اش رايكم

وسمعت بـ بريمارك .. يعني مافيه الا فرع واحد بالاكسفورد ..؟ فيه غيره قريب والا,,,,.؟؟

ترى اول مرة اروح لندن

 

[لندنية]

قريبااااااا.......

انتظروا تقريري المصور من ويستفيلد الجديد

 

[EL-bawarah]

السلام عليكم اشلونكم حبايبي الحمدلله حجزنا التذاكر و الفندق بتاريخ ٢٣/٨ و الاسبوع الياي موعدنا مع السفاره حق الڤيزا . و احنا نملي الاوراق في سؤالين ماعرفت اجاوب عليهم الصراحه حسيتهم مو طبيعيين لوووول ��و الأسئلة كالآتي : 1- please give details of any previous passport , covering the last 10 years , including where these passports now. و آنه اشدراني وين الجوازلت لووووول . 2- if you are not a national of the country in which you are applying , what permission do you have to stay in the country حبايبي اذا تقدرون تعلموني شنو اكتب في هالسؤالين ماعليكم أمر أكون لكم شاكره ��

 

[وحدة من الناس *]

بنات حطيت بموضوعي بتقارير سياحية عن مانشستر

 

[مشتطـه]

اي يمديج تروحين مانشستر
يوم واحد كافي وراهي
دشينا النادي ورحنا المجمع مالهم يهبل
ويقولون فيها بريمارك يهبل

 

[مشتطـه]

انا اليوم استلمت جوازي انا وريلي من السفارة

 

[محبه الهآشمي]

مرحبآآآآ


مبروك مشتطه ان شاء الله توصلين بالسلامه ^^


ابي افكاركم لهدايا .. عندي 3 بنات عمتي متزوجات قريب بس صغار بالعمر يعني باول العشرين شو اخذلهم ؟

مابي اضيع فلوسي عالهدايا .. للحين ماشريت لي شي محترم

 

[وحدة من الناس *]

روحي شبردبوش ماركات يبيعون دراريع مخامل وبجايم ماركس سبنسر روعه انا واختي اهناك مخامط او اخذي لهم عطورات نكست ترا روعه ومو موجوده بالكويت

 

[محبه الهآشمي]

ماعمري رحت لشبردبوش لان امي ماترضى تروح عشان بضايعهم مش لهناك ..
بجوف ماركس سبنسر عاد اهم ماشاء الله عليهم اجسام ماعرف قياساتهم بجوف العطور احسن ^^

مشكوووره فديتج

 

[لندنية]

صباااحوووو
حبيبتي محبة لاتروحين سوق شبردبوش صج صج بتندمين على هاليوم الي بتضيعينه هناك ...
شنو نوع الهدية مثلا تحبين تكون ملابس او عطور او ميك اب او مثلا نظارة شمسية بما انهم عرايس ليش ماتاخذين لهم مثلا تشكيله لكل وحده وماتكلفج وايد مثلا من ماركس سبنسر اخذي مجموع الكريمات مالت الجسم الي بريحه الورد حدها حلوه وياها مثلا شي بسيط للنوم وتلاقين بعد ملابس حلوه للنوم بدبنهامز

 

[كويتيه=)]

أمبلا وحدة من الناس معاها حق بشبردبوش الأقطان والبجايم عندهم روعه والخامة انجليزيه وكل سنة نشتري منهم وغسيل ولبس ما فيهم شي يمكن عشان شكل المكان واللي يبيعون فيه هنوود عشان جذي نشوفه مو شي

 

[محبه الهآشمي]

انا احب اخذ ملابس لان العطور اخاف ماتعجبهم الروايح ..
اي فكرت اخذ لكل وحده كذا شي ,,
بروح باجر باذن الله وبفتر لان كل يوم اقول باجر بنش من وقت وانش 4 العصر -.- ..

مشكووووووووورات فديتكن ,,

 

[كويتيه ذربه]

انا اليوم استلمت جوازي انا وريلي من السفارة

:eh_s(9):
معانا احنا بعد اليوم استلمنا الجوازات

 

[حبيت طيفه]

باركولي اليوم سوينا الفيزا وراح نستلم الجوازت بعد 5 أيام مشتاقه حق لندن الله يتممها علي وعلى الجميع

 

[محبه الهآشمي]

ربي يتمم عليكم كلكم ع خير وتنورون لندن حبايبي ^^