مساحتي للفضفضة... ممكن؟؟؟

[يابختي]

احد يعرف لي شنو اهوا الحب
وشلون احب...وانحب
وشلون اصدق من يقول... انا احب
وشلون يخلص المحب


اخاف الحب... بكون كلام والسلام
واخاف لما القلب يعشق... يكون سراب

اشلون اعيش بوهم..وبخدعة اكبر من الالم

بصراحة...صار عندي شك

صرت اعتبر الحب...وهم

 

[*رتوووووجة*]

تبي تذكر شنو صار بهاليوم
انا اذكره..ولما اذكره..احس بوجودك..وبانفاسك
واذكر معاه اسلوبك... حنون مرة..وقاسي مرة
تسكت وتسامح مرة..وتجرح مرة
وانا... كنت بحيرة

تذكر.. كنت تستغرب من حيائي.. ومن حياتي
كنت اقولك..يا فلان ما امثل...هذي انا..انا نفسي
هذي طبيعتي... وهذا عيبي
وقررت اغير نفسي
مو عشانك... عشان نفسي

كنت تستغرب جمودي
جمودي كان يحميني
من اللي حولي
من عاطفة خفت تجرني
واصدق فيها ناس بالوهم يشتروني
حفظت نفسي لك..وللاسف.. انت ما قدرت

تذكر..من اربع سنين
قلبي فيك تعلق
ونطرت منك خطوة
وبسكوتي... كنت اذوب
وبسكوتي.. كنت اضيع
وانت....كنت تنطر مني هالخطوة
وكانت يا فلان... مني صعبة


موقلتلك.. وجودك بحياتي كان متأخر
افهمني.. لا ترجع تلومني
حاولت افهمك
انت يا ابن الناس
اول من لمس ايدي
اول من حرك شي بقلبي
للاسف.. مافهمت ولا قدرت
وبالنهاية.. ابتعدت
او بالاحرى.. هربت

واجهت الناس وحدي
والدموع بعيني تجري
في من يلومني ويعاتبي
وفي من على حالي يبكي

وانت... صرت ماضي.. بس للحين بالبال حاضر

يعطـــيج الـف الـف عــافيه ...


يـبـــتــيها على الوتـــــر



خاطـــرتــج ذكــــرتـــني باغنـــية ضـــرار السلـــيم اللى كل مااسمـــعها ابـــجي...



الظــروف أقــوى من الحـــب الكـــبيـــر

افترقـــنا ومالـــنا الا الصــبر

لاخيـــانة بيننــا كـل شي بخـــير

بس ظـــروف الوقـــت ماترحـــم بشـــر






من فـــضــفــضتي وانا متـــابعتــج بصــمـــت ...


اللــه لايــــحرمنا منــج ولا مـــن فضفـــضتج فديتــــج حبيبــــتي ...



=========​

 

[يابختي]

يعطـــيج الـف الـف عــافيه ...
يـبـــتــيها على الوتـــــر
​

الله يعافيج...مشكووورة..

بنات قمتو تشككوني..كلنا عايشين نفس الحالة

خاطـــرتــج ذكــــرتـــني باغنـــية ضـــرار السلـــيم اللى كل مااسمـــعها ابـــجي...


الظــروف أقــوى من الحـــب الكـــبيـــر

افترقـــنا ومالـــنا الا الصــبر

لاخيـــانة بيننــا كـل شي بخـــير

بس ظـــروف الوقـــت ماترحـــم بشـــر


COLOR]​

ما أعرفه.. مطرب يديد؟؟؟

بس الكلام حلو.....
لا تبجين...

اللــه لايــــحرمنا منــج ولا مـــن فضفـــضتج فديتــــج حبيبــــتي ...

​

ولا يحرمني من تشجيعكم وطلتكم.... بس ادعي لي ابطل هالفضفضة... ويسكن الكلام بداخلي...بأعيش حياتي...

 

[يابختي]

تدري اني بين نارين
نار حبك.. ونار شخص انظلم والسبة حبك
تبي تفسير اكثر؟؟؟
تبي تفهم بتفصيل اكبر؟؟؟


لما سالتني ليش فيني رضيتي؟؟؟
ليش ما خذيتي غيري؟؟؟
وليش بظروفي قبلتي؟؟؟

تعلقت فيك.. وبكلامك...اصلا ما شفت غيرك
ظلمت نفسي وغيري ...ويمكن ظلمتك
بس الاكيد... ظلمت واحد غيرك
يمكن حبني..ويمكن قلبه بغاني
بس انا ... ما بغيت غيرك

ادري .. اني ما صارحتك.. لما سألتني
ما قلتك عن اللي هواني
لانه ما همني
ما همني غيرك..

 

[pineapple]

صح لسانج ياحلوة يابخت عينه

 

[يابختي]

صح لسانج ياحلوة يابخت عينه

الله يسلمج...مشكورة على الاطراء

 

[خفايا جرح]

يا بختي خواطرج ابداع .......الله يحقق اللي في بالج يا قلبي

 

[يابختي]

يا بختي خواطرج ابداع .......الله يحقق اللي في بالج يا قلبي

مشكووورة على الدعوة الحلوة..هاذي اللي ابيها... يتحقق اللي ببالي..واللي ببالج بعد..عن قريب

 

[lolipops]

وينج يا بختي فقدت خواطرج

ان شاءالله تكونين بخير

 

[يابختي]

وينج يا بختي فقدت خواطرج

ان شاءالله تكونين بخير

اهلين.... نورتي...
موجودة... بس الهي عمري بالمنتدى...


خواطري موجودة بقلبي..اخاف اقولها ..ينجرح قلبج...


انتي اشلونج؟؟؟

 

[يابختي]

قبل سنة..كان اليوم موعد لقانا...
.
جيتك وانا لهفانة...
ابي اشوفك...
ابي امسح شوقي بعيونك...
ابي ايدك تلمس ايدي...
ماتهدها...
وماراح اهدك...
ابي منك كلمة وحدة...
تطلع من قلبك..
تملكني فيها للابد..

كلمة...
"يافلانة.. احبج"

تمنيتك تنطقها...
ويذوب اللي بيني وبينك...

تمنيت معاك اعيش..
حبيب وحبيبة...

عقب هاليوم..صرت وحيدة...
ولي منك ذكرى..
وجرح....للحين ما انبرى...

سنة يا فلان... سنة..
ضيعتني فيها..بين حزن والم وفراق...
سنة...وانا وحيدة... عايشه على ذكراك...
خايفة لا انساك...
وهم خايفة لا انسى عمري بذكراك

 

[أم منصور]

ماشالله عليج كلامج حلو

وهذي مني لج ،،،،،،،،،،،،،


حبيبتي شفيج



حبيبتي شفيج


قلبي مشتاق يبيج


محتاجة قربي قوليلي


اخاف بعدي صعب عليج






انا مثلج حدي محتار


وقلبي في بعدك متولع بنار


تجي فكرة وتروح افكار


وفي كل لحظة قلبي يوله عليج




حرام هالبعد طالت المدة


احسب الدقايق فراقج اعده


كل مرة اقول تقصر المدة


وياج القى نفسي ولها ابيج


حبيبتي ،،،،،،،،،،،،،





متى نلتقي



حددي الموعد الحين اكتبي



باجر بالساعة بالدقيقة حددي


انتظر باجر اي حزة اجيج






احب وحيران ومشتاقلج يااميرة


ايامي فكر وسهر وحيرة


ون شفتج تزيد في قلبي نار الغيرة


وهذا قلبي سمعي دقاته يناديج


شوقي واشواقي


حبيبتي مشتاقلج


ابيج :


أم منصوووووووووووووور حقوق التاليف محفوظة واهداء فقط لبنات كويتيات نسائية


اهداء من ام منصور ليابختي تقديرا لجهودها في هذه الصفحة وكلامج حلو يدخل القلب وارجو ان تتقبلي هذه الابيات المتواضعه من اختج ام منصوووووووووووووووووووور

 

[يابختي]

ام منصور....ما ادري شقول... تسلمين، ولا مشكورة، ولا تسلم ايدج..ولا اطبعها واحطها بغرفتي؟؟
مشكووورة وايد.. على الاهداء... عيوني قاعدة تدمع..

والصور اللي حاطتها..تهبل...بروحي من اشوف المسلسل ابجي...اسوي مناحه... بعدين ارد اقول حق عمري "اصلا ماكو ريال مثل يحيى..يقصون علينا" اخيييييييييييييييييييييييييه..شسوي.اقنع روحي..


بس صج صج..مشكووورة...

 

[أم منصور]

ام منصور....ما ادري شقول... تسلمين، ولا مشكورة، ولا تسلم ايدج..ولا اطبعها واحطها بغرفتي؟؟
مشكووورة وايد.. على الاهداء... عيوني قاعدة تدمع..

والصور اللي حاطتها..تهبل...بروحي من اشوف المسلسل ابجي...اسوي مناحه... بعدين ارد اقول حق عمري "اصلا ماكو ريال مثل يحيى..يقصون علينا" اخيييييييييييييييييييييييييه..شسوي.اقنع روحي..


بس صج صج..مشكووورة...

فديت دموعج لا تبجين ،،،،،،، ما شالله مجهودج حلو واسلوبج رائع يوصل القلب وما عرفت اعبر عن شكري لج وتعبج وكلامج الحلو الا بهذي الأبيات ،،، اتمنى انها عجبتك


وبعدين صور بطل المسلسل _03BA: قاصده احطها ادري كل بنات المنتدى قلبهم متعلق فيه مع العلم ان هالمسلسل ما شفت ولا حلقه اكيد تستغربين


كملي لا توقفين راح اتابعج ،،،،،،،،،، :eh_s(8):

 

[يابختي]

فديت دموعج لا تبجين ،،،،،،، ما شالله مجهودج حلو واسلوبج رائع يوصل القلب وما عرفت اعبر عن شكري لج وتعبج وكلامج الحلو الا بهذي الأبيات ،،، اتمنى انها عجبتك


وبعدين صور بطل المسلسل _03BA: قاصده احطها ادري كل بنات المنتدى قلبهم متعلق فيه مع العلم ان هالمسلسل ما شفت ولا حلقه اكيد تستغربين


كملي لا توقفين راح اتابعج ،،،،،،،،،، :eh_s(8):

وااااي عليج يا ام منصوور...قاصدة ها!!! الله يخليج لج منصور ويصير مثل يحيى... بحبه ... بس ما يخربط مثله

شكمل! شقول!



الباجي فراق والم وعذاب...نهاية قصة ابتدت....ومثل ما ابتدت....انتهت...
وخلت بالقلب حسرة والم....
اليوم كان نهاية حب ابتدى وانتهى يقلبي انا...
الباجي... كلام جاسي..كلام يجرح..وبالقلب يضرب...
كلام واحد كان بايع... حب وامل...
تدرين...
مافي امل...الحب وحده بهالزمن ما يؤتمن...

 

[أم منصور]

الحب اكبر كذبة




الحب اكبر كذبة نخدع مشاعرنا


الحب الم وآهاااااااااته تلوعنا


لا تظن ان كل الناس مثلك تجرعنا


كاس الغدر بيدك وباسم الحب تلاوعنا


امنتك قلبي بيدك ولقيتك برخص التراب بايعنا


لا تقول ان في مثلك خوان يضحك وبالحب غدار تلاعبنا

 

[أم منصور]

يابختي ،،،،،،،،،، يابختي فيج مشاعرج حلوة


لا تصدقين في حب هالايام المشاعر اصبحت رخيصة بيد الي حبيناهم وحبونا


بقولج ابيات وحده حبت واحد وهو حبها لكن طلع اكبر ممثل واكبر جذاب في العالم ولا يستحق حبها يوم


كملي فضفضتج وانا اكمل وراج

 

[يابختي]

الحب.. كلمة تنقال في لحظة
لكن هل لها معنى؟؟

الحب مشاعر..بالقلب ساكن...
وبالعشرة وبالصدق... المفروض... يكون عامر...

المحب ما يغدر...
المحب ما يغلط...

المحب اللي مثلي..يكون فاشل...

تمنيت اني مثلك و مثل هالبشر ...
اليوم احب..وباجر يكون لي حب ثاني..
جان ماهمني غدرك... والجرح بسرعة انمسح
لكني ما اعرف العب بالمشاعر..وازيف للناس الواقع...

 

[أم منصور]

يابختي الكلمات الجاية كتبتها على لسان حبيب مخادع كل قلوب النساء سكنا له

حبيب مخادع ​

​

انتي عارفة قصدي ماني حبيبج ،،،


لو سمحتي دربج مهو دربي ،،،


مو بالغصب قلبي نصيبج ،،،


ولا فكري بيتلاقى ويه فكرج ،،،


في حياتي ما ني محتاج المشاعر ،،،


في حياتي شفت كل حظي عاثر ،،،


اعتقدتي انج بلحظة ملكتيني ،،،


هذا ذنبج مو ذنبي


من سمح لج تحبيني ،،،


عيبج انج تتسرعين ما فكرتي انتي وين وآنا وين ،،،


كل همج تملكيني وتعشقيني ،،،





وين آنا من ذيج المشاعر جربتها لا ،،،


لقيت حظي فيها عاثر ،،،


تبيني مستحيل ،،،


تحبيني شوفي البديل ،،،


انا عايش في خطى حظي ،،،


حلمي انتهى امس ،،،


املي حطمته بياس ،،،


في غرفتي الظلمة حزين ،،،


اتذكر الماضي والسنين ،،،


كل شي ودج تعرفين ،،،





كل احلامي انتهت ،،،


كل احزاني ابتدت ،،،


يوم فكرت اني احبج ،،،


هذا حلمج بتحققينه ،،،


يوم قلت اكذب واعشمج بخيال توهمينه ،،،






من يقول كل نظرة مني كانت حب ،،،


من يقول كل ضحكة من شفاهي هقيتيها صدق ،،،


من يقول يوم اهتم لج عشقتج ،،،


هذا عيبج مهو عيبي ،،،


كل شي تصدقينه ،،،


كل احساس توهمينه ،،،


انتي بكل صراحة ،،،


ما كبرتي ،،،


ما تعلمتي ،،،


انت طفلة تايهة بوسط المدينه






التوقيع : حبيب مخادع


شرايج يابختي بالصورة الأخيرة تحسين مالها علاقة بالقصة بتاتا :dddds:

بس اهي الآمل في الحب

كملي وسوري قطعنا عليج حبل افكارج


تحياتي لج ،،،،،،،،،،

 

[يابختي]

اشلون تبي بعد مني .. على قلبي وحبي.. اضمنك...
لي ربي يسمح على قلبي ... وينسيني المي


ام منصور... مشكوورة على مشاركتج... ما تدرين اشكثر استنانس لما القى احد مشاركني... اصلا ما هقيت هالفضفضة بتصير جذيه...


صراحة لساني ما يقدر يعبر بالكلمات لج ولغيرج....

تسلمين انتي وكل البنات المتابعين لي... باقة ورد لكم