مساحتي للفضفضة... ممكن؟؟؟

[يابختي]

الله عليج يا بختي

احسج عايشه بجوي وتمرين بنفس احساسي

كملي متابعتج

مشكوورة على متابعتج...تبين الصج..افتقدج

بليز عيشي الاحساس الايجابي بس...لا تعيشين السلبي...

 

[يابختي]

ابي اسألك..وبالغالي احلفك...
شنهو السبب؟؟
شاللي تغير واختلف؟؟
انا ولا انت؟؟
ولا المبادىء والقيم؟؟؟
ولا ذكرى مرت بخيالك وانتهت؟؟

 

[يابختي]

قربت ذكرى لقانا...

 

[يابختي]

محتارة بامري...
مو عارفة منو اللي يحبني..
ولا من يودني..ويعزني...

ادري بقلبك شي لي..
لكن قلبي ماهو ملكي..
قلبي مع من هجرني...

بصراحة.. سامحني...
يامن في يوم حبني...
بس قربك ماهو املي...

 

[lolipops]

يا بختي الله يحفظج و يخليج و يسهل لج امورج

كملي حبيبتي فضفضتج تغسل لي قلبي

 

[LUCK GIRL]

لو شوفة المحبوب تنشرى
لشري جميع الاوقات لاجل شوفة عيونك

 

[يابختي]

يا بختي الله يحفظج و يخليج و يسهل لج امورج

كملي حبيبتي فضفضتج تغسل لي قلبي

مشكورة حبيبتي..والف سلامه على قلبج....انا بغيت عون صرتي نفس حالتي...الله يعين..

 

[يابختي]

لو شوفة المحبوب تنشرى
لشري جميع الاوقات لاجل شوفة عيونك

ايه والله صادقة....مشكككورة على المشاركة الحلوة...

 

[يابختي]

كلما قلت بانساك ...
وببدي حياتي مثل هالناس...
باحب وباعشق وابدي مع انسان..
بلحق على زمن يمكن ضاع...
القى نفسي وحيدة....
والوم نفسي وقلبي.. والومك..
نعم الومك..
ما كنت يمك...
ما كنت اشوفك...
انت قلت احنا لبعض..وصدقتك..وطاوعتك..
وفوق كل هذا .... عشقتك...

 

[نيوفه]

ما شاء الله عليج

كل هذا و تقولين ما عندج اساسيات

عن العياره بسيلا كملي متابعينج

 

[يابختي]

ما شاء الله عليج

كل هذا و تقولين ما عندج اساسيات

عن العياره بسيلا كملي متابعينج

مشكووورة على المتابعة والمديح....
بكمل عشانكم وعشان اطلع اللي بقلبي..
والله يسامح من طلع كل هالكلام مني...اول شحليلي..ما اعرف...صرت خبيرة

 

[يابختي]

يا فلان .. تذكر هاليوم...
هاليوم قبل سنه..
انت ذكرتني،،
وسألت عني...
ورجعت لي..

ماكنت ناسيتك،،، بس انصدمت منك،،
لبش بعد هالمدة تبيني؟؟

لما قالوا لي.....
احترت،،
وسكتت،،،
لان السكوت كان الحل..
لو تكلمت انفضحت،،
ولو سكتت انظلمت..
كنت بحيرة من امرك، ومن حبك،،ومن بعدك

لما ابعد وانسى،، تقرب مني، وتحبني ،،،
ولما اقرب واحبك،، تبتعد عني، وترفضني ،،،

يا فلان طبعك غريب،، والاغرب منه ... طبعي

 

[يابختي]

بهاليوم... كنت افكر..ارفض او اقبل...ياريتني رفضتك

 

[lolipops]

صح لسانج يا بختي

ليتني رفضتك

 

[يابختي]

صح لسانج يا بختي

ليتني رفضتك

امبيه.... قمت احس بالذنب،،،، احسج مارة بتجرنتي....ما ازيدج هم...عفيه..يكفي همي

 

[يابختي]

كل مرة كنت تمشي قبل لا يخلص كلامي...
قبل لا تفهم شعوري...

كنت تقول..انا فاهم .. انا فيج حاسس...
انا كلي احساس ومشاعر...
لا تنسين.... انا شاعر...

يا شاعر...
مشيت ... حتى ما قلت اسف...
انت غلطان وتكابر...
وانا ... بس انسى واسامح...
وقلبي يحمل هم ... ويرد يجامل...

 

[يابختي]

بقلبي كلام..من يسمعه؟؟
من يفهمه؟؟
منو فيكم مثلي..حب واحد اناني؟؟
لأ ... ما كان اناني...
كان شخص عادي...
وانا..اللي مو عادي...
كل شي عندي لازم مثالي..
مثل طبعي واخلاقي...
بصراحة...انا مو عايشة زماني...
انا وحدة من مكان ثاني...
حبت شخص عادي...
وتوقعته مثلي ...مثالي..
وانجرح قلبي وانزفت... الامي

 

[يابختي]

تذكر هاليوم؟؟؟


بمثل هاليوم التقينا..

كنت كاتمة بقلبي حبي لك...
كنت ولهانة على شوفتك...
كنت بس ابي وانت تحجي اسمعك..

للحين باذني صدى صوتك وضحتك...
للحين بعيني نظرتك وبسمتك..
وايدي للحين تحس بمسكة ايديك ولمستك...

يا فلان... ترى مشتاقة لك

 

[يابختي]

يا ساحر...


كنت اسألك...انت ساحر؟؟
شلون كنت فيني حاسس؟؟
شلون قدرت قلبي تاخذ؟؟
شلون انا وانت بالحياة..نواصل؟؟؟
كنت تقول لي انا شايف...
انا بكل شي معاج متفائل...

ماراح اقول مثل هالناس انك خادع..
لاني حبيتك بقلبي..
وقلبي ما عمره خذلني.. ولاهو مخادع..
واللي شافع لي ان احساسي وكلامي لك..كان كله..صادق..

 

[يابختي]

مو حقي ... باخر عمري..
القى حضن يلمني؟؟؟
ايد تمسح دمعي؟؟؟
قلب يشيل معاي همي؟؟
احد يجاوبني...ويرد الصوت عني؟؟؟

اذا هذا مو حقي..
بعد مو من حقي اربي طفل من رحمي؟؟
اعطيه من حناني ودفئي؟؟
واربيه باخلاقي ومثلي؟؟
ولي كبرت،، يمكن يساعدني؟؟
ولي مت وانقطع عملي،،يدعي ربي لي،،ويترحم لي؟؟؟

ياربي...
احسن خاتمتي...
واجرني..بوحدتي وهمي....
ولا تقطع رحمي...
ياربي..
ارحمني..