مراجعات طيبة كلينك والي بتولد فيه ..؟

[أميرة 22]

مساء. الخير للحوامل ..

حبيت اسال دايما أقرأ الي تذم طيبة كلينك
والي تقول دكاترة بدون شهادات
والي تقول مستشفى تجاري
... والخ من الكلام ..


انا نفسي بعيادة وقريب من بيتي
وسامعه وقريت بالنت بنات يمدحن ولادة
ومراجعات .. عند دكتورات وخاصة منى موسى

ويوم دقيت عليهم أسبوع الي طاف
قالت فيه 3 دكتورات منى موسى - نهله - منال

حتى. منال سمعت مدح لها. بالنت ..

يوم رحت صبح لهم على ساعه 10 صبح كان زحمة
وقديمي 8 قبلي ماقدرت انطر وقلت بروح
مرة ثانيه وكان مراجعات عند منال صبح
ونهله بطوارىء ...

فحبيت اقرأ تجارب الي ولدوا وراجعوا 2012
والي بتولد وتراجع حاليا عندها
ياليت تقول تجربتها. ..

ولاتبخل علينا بأي معلومة ..

 

[just-4-me]

اختي والده فيه سنه 2008 عند امل وحمالتها الثانيه بعد والحين تراجع وناويه تولد عنده بعد والولاده سهاله من الله والله يهون عليج

 

[ام الحلوااات]

مــاعـنــــدي فــكــــررره

ااااااااااااااااااااب

 

[بنت ريلي]

انا راجعت بحمالتي الاولى. عند نهله وسويت عندها ربط والحمدلله كلشي تمام وعنايتهم روعه ومريحه والدكتوره تهبل بس ماولدت عندهم ولدت بالعدان وبحمالي هذا راجعت عند نهله ومني موسى وثنتينهم مريحين وبولد هالمره بطيبه بس محتاره عند اي دكتوره

 

[گـحِـلْ |~]

راجعت عند منى موسى تهبل نفسيتها و اعرف وحده مولدتها وتمدحها

بس انا غيرت المستشفى بكبره لان امي كله تقول ماعندهم خبرة ومستشفى عادي ..

 

[سنفورة زرقة]

بنت خالتي يلبت ٤ عندهم ومراجعاات
ويهبلوون ومرتاحه معاهم

 

[أميرة 22]

الحمدلله ردود مطمئنة

وان شاء الله براجع وافتح ملف عندهم
واولد بإذن الله ..

يعطيكن العافيه على الرد

 

[عقد ذهب]

انا ولدت بنتي عند دكتوره مني موسي ياحلاتها بدون مجامله ويشهد علي ربي بالولاده تساعدج وماتخليج والحين انا حامل بولد عندها بعد

 

[عقد ذهب]

وعلي فكره يابنات السهلات من رب العا لمين نسيتو حريمنا قبل لامستشفيات ولا شي ماشاءالله عليهم اجسامهم حلوة

 

[روحي محمد]

واخيرا صار لنا تجمع ندافع فيه عن مستشفى طيبة
انا بحملي الاول كنت كل مرة ادش عند دكتورة وحبيت د.نهله ود.منال ود.منى واخر شهرين استقريت على د.منى حيل مريحه وتاخذ وتعطي معاج
وولدت عندها حيل حليوة والتساهيل من ربي
واالاحلى سستر ناديه بس شفت هالمرة مره وحده بحياتي بس بغرفه الوﻻده بس حيل حبيتها تمسكج وتقرا عليج وتدعي وحزة الوﻻده صكرت رجولي على بنتي جان تصرخ وتمسك ركبي ووبعدتهم عن بعض لحد ماولدت >>>>>> جنها قالت قصه حياتها
الحين انا حامل بالسابع وهم عند د.منى موسى وناوية اولد عندها ان شاءالله
ادري طولت عليكم بس مو مصدقه في تجمع لنا

 

[كتالونيه]

حبيبتي كل مستشفى في ناس تمدحه وفي ناس تذمه
اهم شي الراحه اذا مرتاحه روحي له
للانه الي يذمونه اكيد كانت حالتهم متعسره
والله يسهل على الجميييييع

 

[M!SS.LOBY]

الله يسهل عليج

 

[عقد ذهب]

مساكم ورد والله العظيم يابنات كل مكان في الزين وفي الشين بس بشهادتي مستشفي طيبه د/ منى موسي حبوبه وتراعيج ويشهد علي ربي انا حامل وناويه اولد عندها هالمره ماشالله عليها وربج يسهل ومن ناحيه الغرف بولادتي الاولي حجزت في اي بي رووعه بالجناح السادس وايد نعووم وراقي انصحج تاخذين فكره عنهم وجربيه علي يوم والله يسهل اموركم يارب ويعطيني اخو لبناتي

 

[أميرة 22]

يعطيج العافيه وشكرا على ردود ..

وبانتظار تجارب الباقي ..

 

[M!SS.LOBY]

سبحان الله وبحمده ......سبحان الله العظيم

 

[Nokia N95]

انا اراجع عندهم .... لانه يم البيت ....
بس ما افكر اولد عندهم ...

عندي مواقف سيئة جدا معاهم .... للأسف ....

مرة سويت تحاليل انا وزوجي ...

قالوا لنا ( مافيكم عيال الا باطفال الانابيب ... ولازم نجرب التلقيح الصناعي 3 مرات بالاول قبل ما نجرب اطفال الانابيب )
مع العلم اني كنت حامل قبل ما اراجع و اجهضت
والدكتورة قالت لي ان هذا سبب الاجهاض !

سألناها ... اذا في ادوية او علاج ممكن نمشي عليه قبل ما نجرب التلقيح الصناعي
قالت لنا .... ماكو ولا شي ممكن يفيدنا ...

رحت مستشفى السلام ...
وسوينا التحاليل ...
طلع فيني هرمون الحليب مرتفع شوي ....
وبعد علاج 3 شهور ... حملت الحمدلله ...

قلت حق دكتورتي بالسلام عن اللي قالوه لي بطيبة كلينك ....
قالت لي ان في علاج للرجل اسمه ( سباي مان ) ممكن ياخذه وهو مفيد !!!


ومرة راجعت عندهم
قالوا لي فيني تكيس
سألت الدكتورة ... شنو سبب التكيس
قالت لي ... بسبب المنشطات
قلت لها اني ما اخذت منشطات ...

قالت لي .... انا بكتب لج علاج علشان يروح التكيس
( مع العلم اني كنت مراجعه قبل شهر ومسوية سونار وماكان فيني شي )
رحت السلام على طول ... وسويت سونار
الدكتورة قالت لي ... كل شي فيني طبيعي !!!!

هذا موقفين ....

الموقف الثالث ....
كل ما اراجع عندهم ...
يقولون لي ... ( الجنين متأخر نموه ... لازم تسوين سونار تحت عندنا بالمختبر .... )
انا كاره اني اسوي سونار بالسرداب ... لان اللي يسوي السونار دكتور مو دكتورة .....

اقول حق الدكتورة ... انا تبويضي متأخر ... والدورة تيي لي كل 40 او 45 يوم ....
علشان جذي اذا حملت ما يبين الحمل بسرعه .... دايما متأخرة اسبوعين ....

ما تقتنع بكلامي !

انا ما اراجع عند دكتورة معينه ....
كل مرة غير ....
الحين صرت اراجع بس علشان اشوف السونار ... و آخذ الفيتامينات ....

ماقمت آخذ رايهم بشي الصراحة ....

واذا مرضت ... انا اقول حق الدكتورة شنو الادوية اللي ابيها

دكاترة الاطفال زينين ... جربتهم ...
والحمدلله اموري تمام معاهم ....

 

[غرام القمة]

اب اب اب

 

[flower01]

السلام عليكم.. اختي الولاده السهله من رب العالمين مو على المستشفى ولا على الدكتور بس الراحه باختيارج الصح للدكتوره اللي بتولدين عندها وانتي شوفي منو اللي ترتاحين معاها وتوكلي على الله.. انا ولدت مرتين عندهم والمره الثانيه توه قبل عشرين يوم وعند دكتورتي دكتوره منى موسى بصراحه عندي هي احسن دكتوره ولاده نفسيتها طيبه وما تستعجل عليج وقت الولاده تنطر عليج لاقصى حد عشان تولدين طبيعي باذن الله... واهم شي اختي لا تنسين الاذكار والقران وقت الولاده والحمدلله السهالات من رب العالمين..

 

[Ranoon]

حبيت اعرف اذا بسوي فتح ملف وين ؟

بقسم طوارىء او بقسم امراض نساء وولادة ...

واذا بسوي سونار .. سونار سعره غير عن فتح ملف أو كله مع بعض سعره واحد .. ؟؟

اختي نوكيا

ممكن تقولين اسماء دكتورات بموافقج ؟؟؟ بس عشان نعرف ..

 

[Nokia N95]

Ranoon

تفتحين الملف عند الاستقبال ....
وسعر السونار مع المراجعه 20 دينار

بالنسبة حق اسامي الدكاترة ....
والله ما اذكرهم ....

بس الدكتورة اللي قالت لي انا وزوجي ما نقدر نييب عيال الا باطفال انابيب ( هالكلام سنة 2008 ) مو موجودة
الظاهر طلعت من المستشفى