السلام عليكم ورحمة الله وبركاته
حبيت اطرح موضوع ان شاءالله نستفيد منه ومجرد نشوف آراءكم وانطباعكم عن حياتكم الزوجية؟
1-مدى قناعتج بزوجج بكل مافيه من محاسنه ومساوئه؟تغيرت أطباعه شخصيته؟
امممم الحمدالله ع كل حال فيه الشين والزين ماكو انسان كامل
2-مقتنعه بحياتج معاه؟
انا بطبعي قنوعة واحاول اتاقلم عشان لااتعب
3-أشياءقدرتي تغيرينها فيه وأشياء قدراهو يغيرها فيج؟
امممممم ماضني قدرت اغير فيه شي بس اقنعته انه يكمل دراسته وهالشي ستانست عليه خالتي وان شاءالله يكمل ويعدل من وضعنا
اما الاشياء الي غيرها فيني اممم ولا شي بس انا صرت صبورة اكثر احاول ابتسم حتى لو كنت متضايقة يعني مااحب اكشر بويهه كلش
4-لوطلب منج انج تساعدينه ماليا توافقين؟
اهو ماطلب بس انا من نفسي بساعده لان ظروفه المادية تعبانة حيل واحس هالموضوع يضايقه مايحب اني اتدخل ماديا بس انا احاول مااحسسه بالنقص بالعكس كله اقوله عشان نستانس ونونس اعيالنا معانا
5-هل اهو انسان حنون ورومانسي والا علاقتكم عاديه جافه؟
ع حسب الظروف والله هالايام واايد حنون عسى الله لايغير عليه بس اذا صارت ظروفنا المادية ع الحديد تتغير نفسيته للاسف
6-انطبقت عليه مواصفات فارس احلامج اي او لا؟
اممممممم جنة لا ماادري:dddds: ماكانت عندي مواصفات معينة غير ان زوجي يكون محترمني ومقدرني
7-شنو تنصحين فيه البنات المقبلات على الزواج؟
انهم يكونون صبورين حييييييييييييييييييل الصبر ثم القناعة ثم المرح والابتسامة ابتسمي ع الرغم من كل الظروف
8-آخر كلمة تحبين تضيفينها ؟
