بنات حرام عليكم طقت عيونى حوله من الشغل الحلووووووووووووووووو
ملك شيك ومدمنه ثانكيوووووووووووووووووو وثانكيوووووووووووو بنااااااااااااااااااااااات
بناااااااااااااات انا ابي كريم اساس مخملى بيج حق الجامعه ابي حلووووووووووو ويخلى الوجه كأنه ماسسك.. وابي بودره مضغوطه ..وابي كحل اسود..وماسكرا ..وبودرة ناعمه للخدود...وابي شدوات الاسود ودرجاته الى الرماااااااادى والبنى ودرجااااااااااااااته..بنات ابي احلى ماركه انا احترت ساعدونى
ملك شيك...وبخصوص اللى حطيتيهم مادرى اللى حق البشره قبل الميك اب؟؟ ممكن تقولين لى بالضبط شلووووووووووون؟؟ ودى اشتريهم
وبناااااااااااااات على وش زواااااااااج ابي علب ميك اب؟؟ وشنو افضل طريقه وشلون اوزعهم؟؟
وابي فرش حلوه عند منو بودي شوب والا ماك؟؟ واهم الفرش شنوووووووووو؟؟ مابي الفرش اللى مالهم داعي مثل المنظفه ومدر شنو ابي الاساسياااات
وابي لمعه ناااااااااااااعمه
وبسسسسسسسسسسسسسس مشكورين
ساعدونى بليز
هلا حبيبتي ..حياج الله بينا ..(على فكرة وايد حلوة الصورة اللي حاطتها تهبل كلج ذوق)
اما بالنسبة لاستفساراتج .. تقدرين تلقين في موضوعي هذا وفي مواضيع المنتدى كله الصراحة مجموعة نصائح وصور ممكن تفيدج وايد ..بس عشان اختصر عليج الوقت ..بقولج حبيبتي ولا يهمج:
1. قبل ماتشترين اي مكياج ..ييبي ورقة وقلم ..وكتبي المنتجات اللي انصحج فيها او اللي تقرينها في المنتدى ويقولون عنها انها زينة ..عشان ماتروحين السوق وتشترين شغلات مالها لزمة او مب زينة ..
2. ابيج تخبريني شنو نوع بشرتج + لونج + شنو االمكياج اللي تستخدمينه الحين + الستايل مالج ..(حشا تحقيق
)
3. بالنسبة حق مكياج الجامعة..اشتري شغلات عملية + غير مكلفة + طبيعية ..انا ماعرف شنو بشرتج واذا تحتاجين حق تغطية قوية او لاء ..بس بعطيج مجموعة خيارات وانتي اتنقين بينها :
الفاونديشن والكومباكت:
ماكس فاكتور
كومباكت كانيبو
شيسيدو
كومباكت كلينك
جيرلان ديفينورا
كحل اسود:
اذا تبين لداخل العين يا اما سمايلنج او كحل مكياجي اللي بعلبة البلاك آي
اذا تبين لتحديد خارج العين ممكن جيفينشي او ماك الكريمي
اذا تبين آي لاينر ممكن من لانكوم او قزاز والعضوة نسورة تمدح من ماركة دييغو
ماسكرا:
اذا للجامعة لاتخسرين وايد انصحج بماسكرا ريميل المارونية + ماسكرا لوريال ..
بلاشرات:
بلاشرات نوبا + كراجا
الشدوات:
طبعا احلى شدوات ماك واربان ديكاي وجمن شدو من نارس ..بس اذا للجامعة هم لا تخسرين ..يمدحون شدوات بيل فيزاج..وبعد يمدحون شدوات ماركة مكياج ..وبعد شدوات نوبا ..وهالماركة وايد حلوة وسعرها معقول ويناسب للجامعة..
اما بالنسبة لأحسن ماركة في المكياج:
شوفي كل ماركة عندها شي حلوة ..وماقدر انصحج بماركة دون الثانية..لان مثلا انا ارتاح لفراشي بوبي براون بس احب شدوات ماك وفي نفس الوقت امووت في روجات YSL عرفتي ..يعني كل شي فيه شي يميزه او شي ممكن تستغنين عنه وتلقينه له بديل..
اما بالنسبة لتجهيزج لعرسج فهذا يبيله قعدة ..ييبي ورقة يديدة وجهزي القلم:
1. شوفي انتي شنو عندج وشنو اللي قاصرج سواء من مستحضرات عناية او مكياج.
2. شوفي انتي بشرتج من شنو تعاني وشنو اللي تبين توصلين له.
3. شوفي اذا انتي تعرفن اتحطين مكياج ولا عادي (عشان ماتشترين اشياء ماتعرفين تستخدمينها).
4. شوفي انتي شنو ستايلج الحالي وشوفي شلون تقدرين اتغيرينه.
5. اذا تبين اتغيرين ستايلج في المكياج انصحج تشوفين فيدويات YOUTUBE.
6. ياليت اتوضحين لي انتي تقصدين اي كريمات اللي تكلمت عنهم؟ هل كريمات العناية بالبشرة ولا كريمات الاضاءة والنضارة؟
7. لحد ماتردين على اسألتي ..بعطيج شويت اساسيات ..لا تنسين اتسجلين كل شي في ورقة عشان تاخذينها وياج السوق:
** العناية بالبشرة: بعطيج شويت نصايح اول ماتردين على استفساراتي اللي قبل.
** الكريمات اللي تسبق المكياج: بعطيج شويت نصايح اول ماتردين على استفساراتي اللي قبل.
** المكياج:
طبعا للزوج ولأهل الزوج حلال تشترين مكياج غالي ... لا تستخسرين ..
الفاونديشنات:
اذا ارتحي على الفاونديشنات القبلية تمي عليها ..اما اذا بغيتي تغطية اقوا واحلى فانصحج اتجربين من ايستي لودر فاونديشن اسمه دبل وير ..وممكن تخلطين معاه فاونديشن ماكسمم كفر بعد من ايستي لودر لتغطية اروع واروع ..
وممكن تاخذين شي للوك البرونزي اذا تبين اتغيرين اللوك لزوجك..عاد يعتمد انتي شنو تحبين ..في بنات يستخدمون نفس الفاونديشن العادي بس يخلطون معه سائل البرونزاج (عندج من بينيفت او موديل كو او ميك اب فور ايفر وحطيت عنهم في ردودي السابقة)..او يستخدمون نفس الفاونديشن بس فوقه كومباكت او لوز باودر برونزاج (عندج بودرة ديور للبرونزاج حلوة وتبين طبيعية وصديقتي تستخدم من ماركة سيفورا علبتها دائيرة سودة كبيرة وهناك ماركات كثيرة وطريقة الاستخدام مثل ماتعرفين بالفرشاة تاخذين من البودرة وتوزعينها على كامل الوجه بخفة وليس بالاسفنجة)..
الكومباكت باودر واللوز باودر:
انا كومباكت كلينك على طول استخدمه وايد حلو ..وحاليا مرتاحة على كومباكت YSL احسه يعطي لمسة مخملية ..والبنات يرتاحون على كومباكت ماك بس انتي جربي قبل ماتشترين ..لان الاذواق تختلف ..
اما اللوز باودر فممكن تجربين اي ماركة لان اغلبهم حلوين ..وممكن تاخذين نوعين من اللوز باودر واحد بلمعة وواحد بيج عادي ..البيج العادي للنهار واللي بلمعة ممكن لليل او تحطين لمسة خفيفة منه تحت العين تعطي اضاءة ..
اذا تبين شي يعطي لكامل الوجه نضارة:
جربي MSF ماك سواء لكامل الوجه او لعظمة الخد
البيوتي باودر من ماك
الهاي بيم من بينيفت ممكن تخلطين منه شوي مع الفاونديشن مالج وتحطينه على كامل الوجه او تحطين منه على المناطق اللي تبينه تبرز مثل عظمة الحاجب او اعلى الخد ..
وهناك اقتراحات وايد حطيتهم في ردودي السابقة ..
البلاشرات:
نوعي بين الوردي والمشمشي والبرونز ..ونوعي بين الكريمي وبين العادي ..(اذا تبين البلاشر العادي يثبت على خدودج حطي تحته بلاش كريمي او كريم بيس من ماك) بلاشرات نارس روعة تلاقين كل الالوان الناعمة والقوية ..وجربي بوبي براون الشيمر بريك اخذي المشمشي والذهبي حلوين للعروس ..
فرش المكياج:
طبعا يعتمد اذا انتي تعرفين اتحطين مكياج وشدوات ولا استخدام عادي ..
عموما مبدئيا انصحج تاخذين الفرش الاساسية:
من بوبي براون فرشاة (blending brush) وايد حلوة للبودرة البرونزية + الشيمر بريك اذا خذيت ولاي هايلات للخدود
فرشاة 187 من ماك واستخداماتها كثيرة للفاونديشن والبلاشر وغيرها
اذا تحبين توزعين الروج او الغلوس بفرشاة فاشتري من اي ماركة مايفرق اما اذا ماتستخدمينها فماله داعي ..
فرشاة الايلاينر ..اذا كنتي تستخدمين آي لاينر سائل فماله داعي هذي الفرشاة اما اذا كنتي تستخدمين الفلود لاين مثلا من ماك او اي كحل كريمي وتحتاجين لهذي الفرشاة فجربي فرشاة ميكب فور ايفر او بوبي براون ..
وهناك فرش كثيرة للشدو والدمج بس اول خبريني اذا بتستخدمينهم او لاء وشنو طريقة مكياجج عشان اخبرج ..
الأرواج:
نوعي في الالوان بين القوي وبين الفاتح ..ولا تكررين الالوان..
عندج روجات YSL راقية وتدرجاتها كثيرة بين الوردي والبيج النعوم الى الاحمر والماروني والبنفسجي ..
وبعد روجات ماك حلوة ..اذا تبين فواتح جربي Please me وجربي Hug me واذا تبين غوامج جربي girl about town وجربي impationed
الغلوسات:
نوبا
ماك
YSL
** انصحج بعد تاخذين الفيكس+ من ماك وهو مثبت المكياج ممكن تحطينه قبل وبعد وضع المكياج ..
** انصحج بعد تاخذين اقلام كحل ملونة لداخل او خارج العين (ازرق ، اخضر , جويتي ..) ممكن تربين ماركة برجوا اقلامهم حلوة وثابتة.
** بالنسبة للماسكرات عندج ماسكرا YSL وماسكرا ميك اب فور ايفر سموكي لاش
** انصحج تاخذين رموش خاصة لطلعات الليل ..رموش ماك وميكب فور ايفر الافضل ..
** اذا بتشترين فراشي لاتنسين تشترين سائل منظف الفراشي (انا حاليا استخدم من ميك اب فور ايفر)
** نوعي في الالوان وفكري في اكثر من لوك .
بانتظار ردودج حبيبتي عشان اكمل ..
