مدمنة مكياج مثلي؟؟حياج.....متجدد

[اسراء205]

عليج بالعافيه

 

[milkshake]

milkshake بالعافية عليج حبيبتي

أختي الفرش من الأفينيوز ماخذتهم ؟؟ حجمهم شلون ؟؟ جم أسعارهم ؟؟

مشكوووووووورة​

هلا الغالية..
انا خذت الفرشاة الكبيرة الفضية من سيفورا والباقيين من ماك..من مجمع السيف- البحرين..
ان شاء الله بنات الكويت يقولون لج وين تقدرين اتلاقين نفسهم في الكويت..

وناسه لوني المفضل 52 لونها pink-coral تدرين اذا تبينها تصير شاببه حطي شوي تحديد تحتها بتصير
ثااااااااابته وعلى بعد (10 ميل) تبين :dddds:

ميلك شيك شيشتي بنوته تروح تشتري بلاشرات من نارس اليوم مسكينه مالقت شي كلشي مخللللللللللللللص:0bee2e8d89:

انا اول ماشفته هذا اللون من ysl ينيت..احسه بنوتي حييل..انزين انتي اي محدد اتحطين معاه؟؟ نفس الدرجة ولا على وردي؟؟
ولاتفوتين نارس ..وايد اموت على هالماكرة..وناوية اشتري بعد جمن شغلة ..بلاشرات وشدوات بعد (طماعة) ..

لالا صج شيشتينى على الشدوات نارس
مشالله اهبلون
ها سيداكتف يلا فوقه الافنيوز؟؟

عاد اتصدقين في الوان ثانية بعد احلى بس ماكان عليها تخفيض فاحترمت نفسي وشريت ذلين بس..عاد الحين متحسفة..ابيهم كللللللللللللللللللللللهم..
اذا خذتي منهم قوليلنا عن تجربتج حبيبتي..

ثانكس ميلك شيك عالموضوع العجيب يعطيج العافيه ع هالمجهود صج مدمنه مكياج
وين نارس وين صار شالوه من سوق شرق ؟؟؟؟ فيه بالافنيوز وين!!

الله يعافيج ياقلبي..
للاسف حبيبتي ماعرف مكان نارس في الكويت لاني من البحرين...بس احنا عندنا الاقيه في سيفورا ..جيكي عندكم..

مابي ابي انطر كوليكشن الربيع 2009 مالك ysl ابي شي يديد..
وشدوات نارس اعتقد كلها خالصه لا تحاولين هنا الكويت :dddds:

شنو بينزل حبيبتي كوليكشن جديد من عندهم؟؟عندج فكرة ؟؟ احلى من الالوان اللي الحين موجودة؟؟انا ناوية على روج من عندهم بعد بس الحين نسيت رقمه..بس ياي نفس روج حليمة صورتها في خليجي 19..واحلى بعد..واااي صج ysl روجاتهم الاحلى من بين كل الماركات الثانية..

حدج اتضيقيين الخلق
انا اوريج بقول حق الوييع اييبلى من البحرين
لوووووووووووووووووووووول

اذا تبون اي شي من البحرين انا حاضرة ...

 

[milkshake]

عليييج بالعاافيه حبيبتي ..

وصااجه شدوات ناارس خطييره .. ألوانها اتينن وحدها واااااضحه ..



توني أتذكر إنج حاطتلي رد بالديوانيه عن سفرة البحرين !!

بعد عمررري مااقصرتي .. من ذووقج والله ..

حسااافه ما الله كتب !! جان تشرفنا بشووفتج حبيبتي :*

الله يعافيج حبيبتي..وان شاء الله في زياراتكم الياية نتعارف..

عليج بالعافيه حياتي على الاشياء الي اخذتيهم وااايد حلوين

الله يعافيج ياروحي..

علييييييج بالعااافيك ميلك شيك ميك ابج يشووووق

امبيه علبه المونوغرام مووووووصج!! احلى شي القووولد!!
انزين لي هالدرجه مافيه شي حلو؟؟ @@


شوقتوني على حمرة سان لوران 52!!!

الله يعافيج ياقلبي..
وعن المونوغرام ابصراحة حلو بس عادي..يعني الروجات ابد مب حلوين..الغلوسات حلوين بس عندي نفس الدرجات تقريبا ومن ماك بعد..العطر ريحته حلوة بس ماشريته..وباقي الاشيا نفس الفكرة ..الاوان على وردي وصدفي وايد خذيت اشيا مشابهة من ماك...وانتي احسن شوفي وحكمي بنفسج..
وعن حمرة سان لوران ..لاتفوتج..ترا انا وين ما ادورها تكون خالصة ...لحقي عليها..وترا كل درجاتهم رهيبة ..جريبيهم كلهم..

عليج بالعافيه

الله يعافيج ياقلبي..

 

[SeDuCTive]

هلا ميلك شيك جني حطيتلج الصور مالت الكوليكشن..مادري نسيت
الحين بحطلج ال swatches يهبلوووووووووووووووووووووووووووووووووووووووون..

 

[milkshake]

حطيتي بس مال ماك..احس مزاجي الحين صار كله ysl (خيااااااااااااااااانة)..
وصج حبيبتي..كل سنة وانتي بخير

 

[SeDuCTive]

حطيتي بس مال ماك..احس مزاجي الحين صار كله ysl (خيااااااااااااااااانة)..
وصج حبيبتي..كل سنة وانتي بخير

وانت بالف خير بعد عمري كلج ذوووق :balo:

انا من زمان مدمنه على ysl اكثر من ماك :ggdw:

 

[SeDuCTive]

شوفي ميلك شيك شحلات القلوسات ...

وهذي الحمر اللي بتنزل ..عذاب وال ****ure مالها مثل ال amplified لونها حلو وواضح

وهذي صور للكوليكشن كله وابي رايج ..

 

[بـــطوووطه]

ماشاءالله تبارك الرحمن عليج

بصراحة شي خياااااااااااااااااااااااااااااااااال

تسلم ايدج

انا احب المكياج واحب اشتري بس للاسف ما اعرف استخدمة

 

[milkshake]

SeDuCTive الكولكشن رهيييب والله..أبيهم كلهم
الألوان اتحسينها صج ألوان حلوة وتبين عدل على الشفايف ..وكلها الوان انثوية تينن...

 

[milkshake]

ماشاءالله تبارك الرحمن عليج

بصراحة شي خياااااااااااااااااااااااااااااااااال

تسلم ايدج

انا احب المكياج واحب اشتري بس للاسف ما اعرف استخدمة

ترا انا كنت نفسج ويمكن كنت اكثر بعد ..بس مع الوقت علمت نفسي ..مب المهم انج تعرفين تحطين مثل الصالونات..لكن اهم شي اتعرفين شلون تبرزين ملامحج الحلوة..وتحطين مكياج نعوم للطلعات العادية ..

 

[SeDuCTive]

SeDuCTive الكولكشن رهيييب والله..أبيهم كلهم
الألوان اتحسينها صج ألوان حلوة وتبين عدل على الشفايف ..وكلها الوان انثوية تينن...

صاجه انا حبيت كل الكوليكشن احس هذي الواني اللي استخدمها دايما.. والقلوسات عاجبني الوردي الفاقع
والمشمشي ما مر علي درجاتهم وانشالله تكون الوانهم واضحه على الشفايف مثل الحمر..
واي متى ينزل بس! ميلك شيك لا تحريني اخاف ينزل عندكم بالبحرين قبلنا :krkrkr: :eh_s(2):

 

[milkshake]

احس ذوقج مثل ذوقي ..
ترا ساعات انتو اشيا تنزل عندكم قبلنا ..
مثل سماش بوكس ..صج انهم مانلز كل شي منها عندكم ..بس على الاقل شفتو جمن شغلة..
انا لما رحت سيفورا وسألت محد كان يعرف شي عن هالماركة..
ياربي صج فيني ادمان..ابي بعد اشتري ..كنت ابي اشتري الاورينت سن من جيرلان بس مالقيت غير الانديان..
شاسوي سيدكتف ابي حل...تصدقين ابي اشتري ثياب من شهرين مب قادرة لان فلوسي كلها تطير على المكياج

 

[ناتشوو]

هاي ميلك شيك
شخبارج
وشخبار بنوتتج

 

[SeDuCTive]

احس ذوقج مثل ذوقي ..
ترا ساعات انتو اشيا تنزل عندكم قبلنا ..
مثل سماش بوكس ..صج انهم مانلز كل شي منها عندكم ..بس على الاقل شفتو جمن شغلة..
انا لما رحت سيفورا وسألت محد كان يعرف شي عن هالماركة..
ياربي صج فيني ادمان..ابي بعد اشتري ..كنت ابي اشتري الاورينت سن من جيرلان بس مالقيت غير الانديان..
شاسوي سيدكتف ابي حل...تصدقين ابي اشتري ثياب من شهرين مب قادرة لان فلوسي كلها تطير على المكياج

انا عندي طفح باللبس ومو محتاجه لي سنه جدام.. عشان جذي مطلعه حرتي بالمكياج ..
وانا بعد احس اذواقنا متشابهه خصوصا انج شيشتيني اروح اخذ حمره impassionate واجدد العهد معاها
لأنه مالتي شبه انحكت.. وباقيلي شغله وحده تخلص عشان اروح اخذ شي فريي من ماك:weight_lift:
وسيفورا يلوع الجبد يارب هالمحل ثقيل طينه على قلبي ماحبه وما عمري لقيت فيه شي.. اللهم اروحله عشان
نارس وكلا فاظي.. وسماش بوكس ترى لو مو يايبينها ابرك لأنه الستاند يفشل :eh_s(2):

اما سان لوران غرامي وايي احبه احبه.. وانشالله بنقظي على الكوليكشن اليديد انا معاج لووووول..

وغميضه الاورينت سن مو موجود؟
تصدقين بالكويت بدا يخلص من تكلمنا عنه بالمنتدى.. واذا تبينه ادزه لج ترى عندي ناس وايد رايحين البحرين
من عيوني ادزه لج لا يردج الا لسانج :balo:

 

[milkshake]

هاي ميلك شيك
شخبارج
وشخبار بنوتتج

هلاااااااااااااااااااااااااااااااا
حيا الله القاطعة..
لج وحشة والله..
بنوتي زينة بس مغربلها الزكام..
وانتي شلونج وشلون بنتج؟؟

 

[milkshake]

انا عندي طفح باللبس ومو محتاجه لي سنه جدام.. عشان جذي مطلعه حرتي بالمكياج ..
وانا بعد احس اذواقنا متشابهه خصوصا انج شيشتيني اروح اخذ حمره impassionate واجدد العهد معاها
لأنه مالتي شبه انحكت.. وباقيلي شغله وحده تخلص عشان اروح اخذ شي فريي من ماك:weight_lift:
وسيفورا يلوع الجبد يارب هالمحل ثقيل طينه على قلبي ماحبه وما عمري لقيت فيه شي.. اللهم اروحله عشان
نارس وكلا فاظي.. وسماش بوكس ترى لو مو يايبينها ابرك لأنه الستاند يفشل :eh_s(2):

اما سان لوران غرامي وايي احبه احبه.. وانشالله بنقظي على الكوليكشن اليديد انا معاج لووووول..

وغميضه الاورينت سن مو موجود؟
تصدقين بالكويت بدا يخلص من تكلمنا عنه بالمنتدى.. واذا تبينه ادزه لج ترى عندي ناس وايد رايحين البحرين
من عيوني ادزه لج لا يردج الا لسانج :balo:

على جذي كل وحدة بتفلس الثانية
فديتج سيدكتف ماتقصرين ..فيج الخير والله ..

 

[ناتشوو]

الحمدلله كلنا زينين
انا فيني كحة
مع ان مافيني ربو
بس هالكحة ناشبتني
وريحة السجاير توصل الظاهر من فتحات التكييف المركزي من اللي ساكنين تحتنا
صار بيتنا قهوة صعايدة
خنقونا
مدري ليش فجأة بدت توصل لنا ريحة السجاير من شهر
مدري توهم يدخنون ولا شالسالفة
عاد انا مو متعودة ع السجاير
لا اهلي ولا زوجي يدخنون
(بس اخوي الصغير الله يهديه دايما اقول له ريحتك ريحة خياط هندي بس مايدخن فالبيت)

وصايرة نومتي نومة طالبة ابتدائية مجتهدة
انام مبجر واقوم مبجر مع بنتي نفس النومة

 

[ناتشوو]

عاد لما اقوم
اقعد ساعة فترة روحانية (ياعيني)اصلي وادعي
وزوجي يروح الدوام
ابدل حق بنتي
اسوي لي جاي حليب
واقعد ع النت
اذا في غسيل اغسل
واذا اشتهيت اسوي غدا اسوي
عادة دجاج اتبله واحطه بالفرن
واطالع التيفي
مع اني مو محبي التلفاز لو اقعد سنين بدونه ماافقده
بس هالايام صايرة اتابع مسلسل ابلة نورة!

 

[milkshake]

الله يعطيج الصحة والعافية ناتشوو .. والربا والعيال جذي ..تعب..ويعفسون برنامج الوحدة فوق تحت..ياربي تشوفينها عروس وتتهنين فيها ..
ما نويتي على الشغل ؟

 

[ناتشوو]

ان شاء الله ع الدوام
بس زوجي كله يقول بعدين
بالنسبة للبنوتة الجذب خيبة للحين ماوصلت مرحلة انها تخرب برنامجي اليومي
وبصراحة زوجي مايقصر يساعدني عليها
يعني انام وهي عنده
مايقول شي
امس رحت سوق السلاح وهو من الاسواق القديمة عند المباركية
زوجي عنده شغل هناك
المهم قعدنت افرفر هناك محلات مكياج هنود وعطورات وبخورات
شريت لي

حلوة اضاءتهم كبلاشر
في الوان كثيرة بعد للشدو
لا ومكتوب من مكوناته مينيرال اويل!!
عاد لما رديت البيت تحسفت ماخذت اكثر لا وعلى نص دينار
يابلاش
اسمها ميس روز
عندهم بلاشرات الوانها حلوة بعد ولاوز شدو
وفي ماركات كثيرة
بس انا المرحلة الجاية ناوية على ماك
بسبتكم!
فمابي اكثرمن الخرابيط الرخيصة