مدمنة مكياج مثلي؟؟حياج.....متجدد

[شــجــن]

ماطلعو لي صور مشتريات ام يوسف من كومار .. ولا صور كولكشنات شانيل واليزابيث اردن ..

مالي حظ .. وأحسن بعد علشان مايعجبوني وأفلس .. :eh_s(6):

 

[شــجــن]

ماشاء الله سيداكتيف مشترياتج تهبل .. :eh_s(6):

النيل بولش روعـــه ..

وبودرة كوليستار عجيبه .. تهبل لمعتها ..

ها شرايج بأيلاينر غيرلان .. سهل تستخدمينه .. ؟؟

اي نسيت الحمرة الفوشية خطيــــرة ! :eh_s(2):


عليج بالعافية :aha:

 

[milkshake]

شلونج كوكو اليوم

بخير حبوبة..شخبار البيبي ؟؟ زشخبار مشترياتج شنو شريتي شي يديد؟
حاولت ادورلج رابط كيفية اعداد الميكسنج ميديوم = آي سيل ميك اب فور ايفر = قطرة دورالاين من انجلوت
مالقيت الرابط بس بقولج الطريقة وياليت اتسامحني صاحبة الموضوع الاصلي ..
جلسرين سائل نقي تلاقينه في الصيدليات
إناء للتحضير
حطي مقدار ملعقة واحدة من الجلسرين في الاناء وفوقه 3 ملاعق نفس الحجم ماء ..
اخلطي المزيج ..
وبس بيكون جاهز..الاحسن انج تخزنينه في علبة فاضية..

هلابج اختى معليش تو بالبداية وراح ازعجج باسلتئى انا لونى حنطاوية على صفار شنو يناسبنى اى رقم يناسب بشرتى من

كونسيلر فور ايفير , والبيس ,

وكريم اساس دبل وير استى لودر يعنى اى درجة اخذ ومشكورة ياعمرى عورت راسج

افا عليج احنا خوات واي سؤال تفضلي حبيبتي..
صعب اقولج شنو الدرجة اللي تناسبج ..لازم انتي تشوفين وتجربين وتشرتين درجة نفس لون بشرتج بالضبط ..لان اذا خذتي افتح بتبين العيوب وبيقلب رمادي ..
شوفي انا استخدم دبل وير درجة NC2 Pale Almond جربيها على ايدج او اذا قدرتي على بشرتج وجربي درجة وحدة اغمج وردجة وحدة افتح واختاري الدرجة اللي تندمج صح معاج ..
ونفس الشي الكونسيلر ..اختاري شي غامج .. لا تقولين ابي شي ينور المنطقة .. لاء .. شغلت التنوير هذي مسؤلية اللوز باودر .. اخذي لون غامج عشان يغطي ..روحي من الصبح لين مافي أحد واختاري على راحتج ..
والبيس هذا نقي الماركة اللي تثقين فيها او حسب المواصفات اللي ترتاحين لها سواء للبشرة الدهنية او يعطي نضارة وغيره..العضوة سيدكتف تمدح بيس غيرلان اللي بماي الذهب تقول يعطي نضارة ,, وانا حبيت بيس ماركة انجلوت يخلي بشرتي مخملية ..

اشكركم يابنات على الابداع ماشاء الله تبارك الله ............ واهنيكم يابنات لان كل محلات المكياج عندكم اللي يشتغلون فيها بنات والله وناسه الوحده تقدر تاخذ وتعطي وتجرب براحتها مو عندنا كلهم شباب وانواع الاحراج واشتري وانا مستعجله بس ابي اطلع وافتك والمشكله يضحكون عليك واي طلب يقول موجود واذا سألت اي بشره يناسب يقول يناسب جميع انواع البشره ههههههههههههههههههههههههه تخيلو بس من جد شي يضحك يالله مو مشكله كله المكياج تجارب لكن الحين قررت اشتري مجموعه كامله من استي لودر للبشره الدهنيه اللي هي بشرتي وخايفه يابنات يعطوني شي مايناسبني ويضرني ويزيد المشكله ؟؟؟؟؟؟؟؟؟؟؟؟؟ وماعليكم أمر طلبي للاخوات milkshake او أي وحده تقدر تفيدني كيف أعرف اللي يناسب البشره الدهنيه بأسم المنتج من غسول ومقشر وتونيك وكريم للوجه وكريم للعين من استي لودر ........................... الله يجزاها خير و يجعله في ميزان حسناتها

هلا حبيبتي..
اي والله صعب الوحدة تشتري من ريال ..انا عن نفسي مارتاح..
انزين ليش ماتشترين المكياج من برع ديرتج يعني لين زرتي البحرين او الكويت او غيرها اشتري اللي تبينه احسن لج..
انا عن نفسي منتجات استي لودر اثق فيها وايد..
بس اول شي تأكدي انتي بشرتي كلها دهنية ولا بس منطقة التي زون ..لان اذا بس منطقة التي زون معناته بشرتج مختلطة ..
اذا بشرتج دهنية بالكامل جربي المستحضرات التالية من استي لودر:
غسول اسمه Sparkling Clean او غسول ثاني اسمه Sparkling Clean Purifying Mud Foam Cleanser
وتونك من نفس اللاين اسمه سباركلنج كلين ..
كريم العين جربي سيروم اسمه آيدياليست
كريم للوجه اذا بشرتج دهنية اخذي لوشن اخف من الكريم اسمه Clear Difference
Advanced Oil-Control Hydrator
وعندهم كريمات بعد لمعالجة المسام المفتوح وغيرها من المشاكل..

فديت ملووووووووووووووووك والله ماركة كلفن كلاي كلش ماعجبتني بطبيعه ماتوسي والله بس بصووور اتشووق تسلمين ياقلبي

مشكورة ياقلبي ومن ذوقج ..ماقلتيلنا شنو آخر مشترياتج..؟؟

السلام عليكم

هذا واحد من المواضيع اللي كانت السبب في أني أسجل بالمنتدى و بصراحة المنتدى كله ع بعضه روووعة :icon30:


خطييييييييييييير موضوعك حبيبتي

تسلم إيدينك معلومات روووعة و مفيدة ما قصرتي و كذلك باقي العضوات


لو عـ كيفي طول اليوم متنقعة بالمجمعات :eh_s(22):

بـــــــــــــرب أروح أكمل باقي الصفحات :eh_s(1):

متاابعة معاكم عـ طول الخط :eh_s(9):

تحياتي لك و للجميع

:eh_s(7):​

مشكورة حبيبتي ومن ذوقج..

 

[milkshake]

شجن

لاتفوتج المشتريات ترا لاوم اتشوفينلج صرفة وتشوفين الصور..اهو افلاس في كل الاحوال

 

[مهندسة مكياج]

مشكوووووووووورة كوكو

تسلمين

 

[مهندسة مكياج]

كوكو والله ميته ابي اخذ دورة بس ريلي يقول مكياج هاي شي مو مهم عشان تاخذين دوره عليه ومو راضي وانا حياتي المكياج

وجان زين اصير ماكيرة

والله ودي لو اتم اجوف اللي يحطون مكياج فالعروس واطالع شيسوون لان اعرف وحده اختها معروفه واقول جان زين اروح اساعدها بالادوات ومنها اجوف بس مو راااااااضي

 

[SeDuCTive]

سوسو احرجتيني..
بس والله الموضوع بدونج مايسوا..انتي ماشالله عليج ماقصرتي..الله يعطيج الف عافية ..
والبنات كلهم اوجهلهم الشكر فديتكم كلكم مثل خواتي..

حياتي ملوكه انتي راس المال بعد عمري فديتج :33_1185028183:
وصاجه البنات ما قصروا بالموضوع يعطيهم الف عافيه :aha:

نائرا + *هيله
:tek:

اختي ملوكه ما قصرت ما شاء الله كفت ووفت.. واذا بخاطركم اي اساله بعد..
احنا كلنا حاظرين للطيبين.. :68_asmilies-com:

أرسل أصلا بواسطة نورسـيـن
السلام عليكم
هذا واحد من المواضيع اللي كانت السبب في أني أسجل بالمنتدى و بصراحة المنتدى كله ع بعضه روووعة
خطييييييييييييير موضوعك حبيبتي
تسلم إيدينك معلومات روووعة و مفيدة ما قصرتي و كذلك باقي العضوات
لو عـ كيفي طول اليوم متنقعة بالمجمعات
بـــــــــــــرب أروح أكمل باقي الصفحات
متاابعة معاكم عـ طول الخط
تحياتي لك و للجميع

تسلمين حبيبتي نورسين والله انه كلامج يبرد الجبد ويسرر الخاطر..
فديتج لنا الشرف تكونين معانه .. ويلا كملي باجي الصفحات على رروائه..
واي استفسار عندج لا يردج الا كيبورد حياتي :hjy5jewf:

شــجــن
ماشاء الله سيداكتيف مشترياتج تهبل ..
النيل بولش روعـــه ..
وبودرة كوليستار عجيبه .. تهبل لمعتها ..
ها شرايج بأيلاينر غيرلان .. سهل تستخدمينه .. ؟؟
اي نسيت الحمرة الفوشية خطيــــرة !
عليج بالعافية

الله يسلمج ويعافيج شجونه.. (وينج ما تبينين هالايام :gr4uu ..
النيل بولش للحين ما جربته .. بس بودره كوليستار والحمره الفوشيه صج روعه..
وايلاينر غيرلان سواده صج فااااحم.. انا ارسم عيني بالقلم اول واحطه فوقه يطل روعه صك على MAC ..
ويلا ناطرين مشترياتج ويديدج حياتي ولا تقاطعيننا :hearting:

 

[milkshake]

كوكو والله ميته ابي اخذ دورة بس ريلي يقول مكياج هاي شي مو مهم عشان تاخذين دوره عليه ومو راضي وانا حياتي المكياج

وجان زين اصير ماكيرة

والله ودي لو اتم اجوف اللي يحطون مكياج فالعروس واطالع شيسوون لان اعرف وحده اختها معروفه واقول جان زين اروح اساعدها بالادوات ومنها اجوف بس مو راااااااضي

اي الرياييل مايحبون المكياج..
انزين ليش ماتشوفين فيديوات Youtube وايد مفيدة ..
وماقلتيلي محل زهرة الخليج اللي قلتي عنه في وين ؟؟ وشنو الماركات اللي عنده؟

 

[عطرالليل2000]

مساء الورد
حبيت اسئل اذا ما في ما نع : وين القى هالشغلات بالسعوديه ..؟؟؟؟؟؟وايد رايقين ويهبلون : القلوسات والشدو والارواج خاطري بمثلهم ..اللي تعرف لا تبخل علي ...تبارك الرحمن بنات الكويت معروفين عندنا بالسعوديه باتقان المكياج كيف تتعلمون وتعرفون تسوون مكياج ويضبط ؟؟؟؟؟؟

 

[مهندسة مكياج]

حبيبتي زهرة الخليج متشر في فتوبلي وسوق واقف وبوكوارة ويمكن بعد فاماكن ماعرفها بس مكياجهم على قولتنا مال الهنود مو الماركات

 

[Pissy Missy]

شلونكم بنات

ولهت عليكم كلكم

اليوم مريت سوق شرق وقلت خل ادش دبنهامز اشوف المكياج ويارتني ما دشيت بس الحمدالله مسكت نفسي وشريت بس شغلتين

جلوسين من شانيل limited

و شادو من نفس كولكشن الجلوسات

وهذول الصور



الي بالنص هديه





وهذا من red earth مسويين عليه sale وصار سعره 700 فلس تخيلوا !

ولونه عجبني ... حلو اذا انحط على حمره ورديه او لحميه

 

[مهندسة مكياج]

ام يووووووووووووووسف

ذووووووووووق عاااااااااالي المستوااااااااااا

 

[SeDuCTive]

عليج بالف عافيه ام يويو.. مشترياتج روعه.. وشدو شانيل جربيه بالفرشه واهي رطبه شوي عشان يبين معاج عدل ..
والقلوسات الوانهم حلوه عمليه حيل

 

[Pissy Missy]

ام يووووووووووووووسف

ذووووووووووق عاااااااااالي المستوااااااااااا

يا قلبي انتي

تسلمين

 

[*هيله]

كيفكم يابنات انشاء الله بخير ؟؟ القسم ذا لوحده يجننننننننن والبركه في ميلك شيك وسيداكتيف وباقي البنات حتى واشكر الاخت ميلك شيك ع الاجابه الله يسعدها وبالفعل اكثر شي دهني في وجهي التي زون وفي خدودي بعد مسام واحس وجهي كله دهني بقوه بصراحه صعب تلاقين المكياج المناسب ميه في الميه ؟؟؟؟؟؟؟؟؟ مره شريت من كريولاين سوبركلر المدور طلع وجهي كنه فازلين ورميته ماناسبني وحت ماكس فاكتر دهن وجهي زياده انا الحين شريت جيرلان الجديد طلع روعه وشريت اساس من فور ايفر اللي مثل الروج الكبير وباقي ماجربته مدري يصلح للبشره الدهنيه ولا لا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ولقيت في احد المنتديات يتكلمون عن شغله غريبه اللي هي cream colour base عرفتوه انا رحت ماك وطلبته بيس للظل وعطاني هذا صح ولا كذبه جديده ؟؟؟؟؟؟؟؟؟؟؟؟ كاتبه عنه وحده في منتدى انه ينحط على الخدود بعد المكياج للي تبي لمعه مثل الفنانات للوجه ؟؟؟؟؟؟؟؟؟؟؟؟؟؟ وجايبه وضع المكياج بالصور والاسامي وحاطه ذا واحترت الحين اش رايكم ؟؟

 

[Pissy Missy]

عليج بالف عافيه ام يويو.. مشترياتج روعه.. وشدو شانيل جربيه بالفرشه واهي رطبه شوي عشان يبين معاج عدل ..
والقلوسات الوانهم حلوه عمليه حيل

الله يعافيج سوسوه

لاتقولين الوانهم باهته

تره انا اول مره بستخدم شادو من شانيل

شاريه باليت قبل جم سبوع بس ليلحين ماستخدمته وهذا الثاني

بس لما جربته على ايدي كانت الوانه قويه

 

[Pissy Missy]

بنات في احد جرب مكياج red earth

والbase مالهم؟؟؟

 

[سنا الفضه]

شلونكم بنوتات

يعطيكم العافيه

متابعتكم من بعيد لبعييييييييد علشان اخش لي جم فلس لزوم الماي والاكل بدال الميكاب <= =لاتصدقوونها اتجذب لووووووووووول

ميلك شيك حبوبه تقصدين بالماسكرا الفايبر الي قلتي عنها الدبل لاش من قزاز بالسعوديه..؟؟؟

اذا هي هذي مغذيه اكثر من كونها بيس او تعطي فاليوم بس ولا ابيزه بصراحه عاديه جدااا

سيداكتف انتي ماشاء الله عليج اكتتتتف تتهنين بالي شريتيه والي ماشريتتيه باذن الله

بسألكم هالادمان ماله علاج حتى لو بمستشفى فافافوم او فيسزز او ماك ..؟؟؟

 

[Pissy Missy]

شلونكم بنوتات

بسألكم هالادمان ماله علاج حتى لو بمستشفى فافافوم او فيسزز او ماك ..؟؟؟

اذا لقيتوا علاج انا اول وحده بتعالج

مايصير جذي فلوسنه كله ضايعه على المكياج

 

[شــجــن]

شجن

لاتفوتج المشتريات ترا لاوم اتشوفينلج صرفة وتشوفين الصور..اهو افلاس في كل الاحوال

بحاول اشوفهم ان شاء الله يطلعون لي بس .. :eh_s(6):

الله يسلمج ويعافيج شجونه.. (وينج ما تبينين هالايام :gr4uu ..
النيل بولش للحين ما جربته .. بس بودره كوليستار والحمره الفوشيه صج روعه..
وايلاينر غيرلان سواده صج فااااحم.. انا ارسم عيني بالقلم اول واحطه فوقه يطل روعه صك على MAC ..
ويلا ناطرين مشترياتج ويديدج حياتي ولا تقاطعيننا :hearting:

هالايام كلش ماعندي وقت ادش اقرا ع السريع وأطلع ماقدر أرد وصفحات فاتتني وايد ..

وييه راح عن بالي ايلاينر غيرلان امس كنت في المحل وادور اي لاينر سهل
شفت ايف سان لوران ولانكوم وكلش ماتذكرت غيرلان ..

وماعجبني شي من كولكشن غيرلان مال الصيف الا القلوس الاحمر
بس ماخذته بعد مايروح بسرعه جنه صمغ ..

وعندي مشتريات وايد .. شجعتيني أحطهم ..