مدمنة مكياج مثلي؟؟حياج.....متجدد

[milkshake]

هلا بنات

انا متابعة معاكم من زماااااااااان وسجلت بس ما شاركت :0bee2e8d89:

الله يعطيكم العافية ومشكورين على المجهود الأكثر من رائع

بغيت أسأل الخبيرات عن ألوان الروج اللي تتماشي مع الشدوات

مثلا

انا قبل كنت احط مع الشدو البنفسجي لحمي خخخخ

بس وحده قالتلي جربي تحطين كرزي معاه حطيت طلع روووووووووووووووووعات :ggdw:

الحين لو الشدو اخضر اي لون يمشي معاه

لو فستقي أو تركواز اي الالوان تمشي معاه

وشاكرين للحلوين

حياج الله بينا حبيبتي..
في درجات الوان يلوق عليها اكثر من لون بس يعتمد في النهاية على اللي يناسبج او على لبسج مثلا..
واحيانا الةان الشدوات نفسها تعطيج ايحاء شنو لون الروج اللي يلبق معاها..
انا من رايي الشدو الاخضر اذا كان فاتح ممكن يمشي معاه درجات الاحمر او الفوشي أحلى بعد واذا غامج ممكن يمشي درجات الوردي الفاتح مع غلوس غلتر بيطلع حلو..
والشدو التركواز لانه قوي يبيله الوان هادية مشمشي على وردي ..
وان شاء الله البنات يفيدونج بعد..

مرحبا milkshake اخبارج انا لون بشرتى حنطاوية وفيها شوية نمش ابي افضل كريم اساس حق الطلعات العادية وحق الحفلات وبيس للعيون وبودرة وكونسيلر
ومشكورة لج موضوع اكثر من رائع

هلا حبيبتي..
يعني تقريبا نفسي..
شوفي حق الطلعات العادية عشان ماتتعب بشرتج ..ممكن تستخدمين تينتد موسترايزر من اي ماركة+كونسيلر ثقيل اتغطين فيه الهالات والنمش وفوقهم كومباكت باودر ..
او ممكن اي فاونديشن خفيف ويناسب بشرتج جربي ماكس فاكتر ..وعيدي نفس الخطوات اللي فوق..
وحق الحفلات استخدمي واحد من الفاونديشنات التالية: دبل وير من استي لودر وممكن تخلطين معه فاونديشن ماكسمم كفر بعد من استي لودر اهو عصار لونه ازرق لتغطية اقوى ..
او جربي سوبرا كلر من كريولان ..او فيتا كلر بعد من كريولان ..
او فل كفرج من ماك..
احسن جربيهم وشوفي اللي يناسبج..
الفاوندشنات هذي بتغطيلج النمش عدل ويمكن ما تحتاجين لكونسيلر معاهم ..
وطبعا فوقهم اتحطين لوز باودر او كومباكت باودر على حسب انتي شنو تحبين ..

احسن كونسيلر تغطيته قوية كونسيلر بوبي براون .. وعندج بعد كونسيلر فل كفرج من ميك اب فور ايفر ..لا تاخذين الباليت ولا تاخذين العصار الابيض من عندهم .. لاء قوليلهم ابي الفل كفرج ..اهو عصار ويجي لونه شفاف ..واختاري درجة نفس لون بشرتج بالضبط لا تاخذين افتح ..

احسن بودرة ..اذا تبين كومباكت جربي جيفينشي او استي لودر دبل وير او ريميل او ماك..
واذا تبين لوز باودر جربي كريولان او ماك ..
احسن بيس للعين اذا تقصدين كريم للعين يوضع قبل المكياج انا الحين استخدم من ماركة ديرمالوجيكا وعاجبني لانه يخلي المنطقة ناعمة ..وبعد يمدحون وايد كريمات كلينيك للعين..
واذا تقصدين بيس قبل وضع الشدو ..جربي بيس ماك او اربان ديكاي..
واي استفسار ثاني حياج الله حبيبتي..

مشكوره حبيبتي

حياج الله ياقلبي..

هلا ميلك شيك

استخدم تونك hr

وماجربت غيره لان مو وايد اهتم بهالسالفة

ونادر استخدمه بعد

بس شنو ومته احسن طريقه له

التونك وايد مهم ..
يقبض مسام الويه وينعش البشرة وبعضهم يحطون فيه فيتامينات تعطي نضارة للوجه ..
واصلي عليه عشان ماتتوسع المسام عندج وعشان تحافظين على بشرتج وخليه روتين عندج على طول عقب ماتغسلين ويهج..
ترا حتى ماي الورد عجيب للبشرة..
طريقة الاستخدام اذا بخاخ بخيه على ويهج ورقبتج..واذا زجاجة حطي منه على قطنة وامسحي فيه بشرتج ورقبتج ..

 

[SeDuCTive]

هلا بنات
انا متابعة معاكم من زماااااااااان وسجلت بس ما شاركت :0bee2e8d89:
الله يعطيكم العافية ومشكورين على المجهود الأكثر من رائع
بغيت أسأل الخبيرات عن ألوان الروج اللي تتماشي مع الشدوات
مثلا
انا قبل كنت احط مع الشدو البنفسجي لحمي خخخخ
بس وحده قالتلي جربي تحطين كرزي معاه حطيت طلع روووووووووووووووووعات :ggdw:
الحين لو الشدو اخضر اي لون يمشي معاه
لو فستقي أو تركواز اي الالوان تمشي معاه
وشاكرين للحلوين

هلا حبيبتي حيياج الله بيننا ةلنا الشرف نساعدج بهالموضوع المميز :tek:
انا بكتبلج على ذوقي وان شاء الله يعجبج.. والبنات ان شاء الله بيعطونج ارائهم..

بالنسبه للشدو البنفسجي.. تقدرين تستخدمين معاه اللون البنفسجي الفاتح (حمره fashion mews من ماك)
او تستخدمين درجات الوردي الفاقع شوي.. (حمره chatter box من ماك).. او الكرزي بعد وايد حلو
وبالنهايه يعتمد على لبسج ..

الشدو الاخضر.. احلى لون معاه المشمشي وردجاته ( جربي حمره نوبا رقم 63 عجيب لونها.. حمره vegas volt وحمره see sheer من ماك.. ) وممكن تشتخدمين برتقالي فاقع شوي وبالفرشه تحطينه اذا تحبين عندج حمره كلارنس
460 وحمره نوبا رقم 28 .. وبالنسبه لي ساعات احطه مع حمره Chatter box من ماك لونها وردي ..

الشدو الفستقي.. احب معاه الفوشي او الوردي الفاقع : عندج حمره ماك pink nouve وحمره سان لوران اليديده volupte رقم 10 .. واللون الكرزي مع الفستقي يطلع روعه جربي حمره ysl-pure رقم 129 ورقم 136 ومن ysl-volupte رقم 12..

اما الشدو التركواز: افضل درجات الوردي اللي على البنفسجي.. عندج lip laqure من نارس.. اسمه Hot wired
اعتبره اللون البيرفكت للتركواز.. والحمر الورديه الفاقعه بعد تمشي معاه ممكن عندج حمره ماك girl about town وحمره ysl-volupte رقم 11 ورقم 10 .. وحمره schiap من نارس وفوقها قلوس

واتمنى اكون فدتج وان شاء الله يعجبج ذوقي :33_1185028183:

 

[SeDuCTive]

هلا حبيبتي..انا طلبتها المسكرة من هذا الموقع:
www.eleven.se
ومتشوقة على بيس غيرلان الذهبي صح؟ والله متشوقة عليه..
اما بيس انجلوت فيخلي البشرة مخملية واحس المكياج يطلع انعم ومخملي..

عليج بالعافيه حبيبتي.. ان شاء الله بطل عالموقع واشوف طريقتهم .. بخاطري اطلبلي وحده..:tek:
وبيس انجلوت بجربه اذا مريتكم ان شاء الله لأنه مو متوفر بالكويت..

وبيس غيرلان انصحج فيه بقوه.. اهو مثثل الجل تخلينه شوي ينشف وتكملين مكياجج وبتحسين من يمر شوي وقت
على مكياجج انه ويهج مافي دهون .. لأ نضاره انا حسيت فيها من استخدمته وان شاء الله يناسبج بعد عمري :33_1185028183:

 

[milkshake]

سوسو ان شاء الله اجرب البيس انا وايد اثق في ذوقج ..

 

[milkshake]

ماركة كالفن كلاين كنت وايد احبها من زمان..بس بعدين اكتشفت ماركات احلى وتسوى .. بس مادري عنها الحين اذا تطورت او لاء..جربتوها بنات ؟؟

 

[SeDuCTive]

مشكوره حبيبتي.. وماركه ck شكلها يشوق..
بس اللي صج نتشوقه اجرب لاين الميك اب اليديد فيها
اهي ماركه d&g ..

وماعتقد بينزلونها الحين يبيلها شوي وقت ملووكه ..

 

[milkshake]

اي شكلها يشوق..اتذكر وحدة من البنات كانت حاطة عنها من فترة..اتهقين بينزلونها عندنا ولا لاء؟؟

 

[nbaiha_3]

بنات شلون تلقون الswatch الي تحطونهم ملوت المكياج؟

شنو يعني swatch ؟؟ شوي شوي علينا​

 

[مهندسة مكياج]

هلا ملوكه حبيبتي

بس انا بشرتي جاااافه وماعندي مسامات مفتوحه او وسيعه اصلن من الجفاف سعات يصير ويهي متقشر

يعني يوميا اغسل ويهي واحط تونك مو بس قبل مكياج؟؟

ومرة وحده فاليوم بس؟؟

والله شكلي باستخدم ماي الورد

انا hr شريته يام اجهز حق عرسي واللي فالحواج قالتلي اخذيه وانا كنت ايامها ماعرف شي

واذا غسلت ويهي وحطيت تونك عفبهم احط كريم والا عقب بفتره شوي

لان اقولج ويهي جاف يعني يبيلي مرتين فاليوم مرطب مثلا

وشغلات كلفين كلاين حلوووووة

تسلم يدج

 

[مهندسة مكياج]

شكله حته انتي عاجبج شغل نسوره

مشاللله عليها ويهها منور واساسها روعه ولمعاتها اللي تحت العين اتينن

ورسمة عينها والله تقولين انتي مافي ديقو فالبحرين وانا اللي كنت ناويه اروح ادوره

بس اتوقع في زهرة الخليج في ايلينرات جذي مثل القلم وزينه والا ناخذ ماك مثل ماقالت نسورة؟؟

 

[milkshake]

شنو يعني swatch ؟؟ شوي شوي علينا​

هلا حبيبتي ..
swatch المعنى الحرفي لها اهو عينات..
والمقصود فيها صور واقعية للمكياج أيا كان سواء شدو او حمرة او غيره وصورته الواقعية على يد العارضة او حتى على شفايفها ..
يعني اذا شفتي مثلا صورة نفس هذي لكولكشن YSL يعني معناته هذي swatches لكولكشن YSL وليس فقط صور للكولكشن

هلا ملوكه حبيبتي

بس انا بشرتي جاااافه وماعندي مسامات مفتوحه او وسيعه اصلن من الجفاف سعات يصير ويهي متقشر

يعني يوميا اغسل ويهي واحط مو بس قبل مكياج؟؟

ومرة وحده فاليوم بس

والله شكلي باستخدم ماي الورد

انا hr شريته يام اجهز حق عرسي واللي فالحواج التلي اخذيه وانا كنت ايامها ماعرف شي

واذا غسلت ويهي وحطيت تونك عفبهم احط كريم والا عقب بفتره شوي

لان اقولج ويهي جاف يعني يبيل مرتين فاليوم مرطب مثلا

وشغلا كلفين كلاين حلوووووة

تسلم يدج

هلا حبيبتي ...
لازم التونك حتى لو بشرتج جافة ..
اول شي غسلي ويهج بالصابونة اللي تناسبج ونصيحة اذا بشرتج جافة لاتستخدمين صالون استخدمي سائل تنظيف للوجه اللي بدون صابون لانه ينشف البشرة زيادة .. وعقب كل غسيل للوجه سواء غسلتي ويهج مرة او 10 في اليوم ..على طول حطي التونك .. عشان جذي انا افضل الرشاش لانه اسرع ..
وعقب التونك حطي كريماتج المعتادة للوجه والعين .. ولا تنسين الرقبة دخليها في النظام عشان ماتصيدها تجاعيد مبكرة ..
اتحطين كريم الوجه عقب ما ينشف التونك ..يعني عقبها بثواني..
ودوري كريم يرطب بشرتج عدل اذا اهي جافة عشان يضبط معاج المكياج ..

 

[مهندسة مكياج]

مشكورة حبوبة

يعني برايج احط ماي ورد فرشاش وارش منه علطول

وانا استخدم كريم e 45 من الصيدلية مدحوه بنات وايد


وزين وايد معاي

 

[قبيلة نساء]

SeDuCTive

ياربي ما ادري شو اقول وشو اخلي

ما شاء اللع عليج ..على منو طالعة ذووق جذيه ؟

تسلمين يا قلبي

وكل اللي قلتيه كوبي بيست حق اخر الشهر..

يا حبي لج :33_1185028183:

 

[أم تروفه]

مشكورة ميلك شيك كلج ذوق شوفي حبي التونيك لازم استخدمة قبل ماحط المكياج يعنى استخدم التونيك وبعدها مرطب وبعدها كريم الاساس ....الخ اول مرة اسمع عن التونيك ينحط جذى انتظر ردك

شنو معنى تينتد موسترايزر وفاونديشن ماكسمم كفر معليش تحملينى شوى ولج كل الشكر ياعمري

 

[flooonah]

واااااي سوسو مو طبيعي لون الشدو اللي حطيتيه ال d&g وين نبيييييييييييييييييي جذي

 

[milkshake]

شكله حته انتي عاجبج شغل نسوره

مشاللله عليها ويهها منور واساسها روعه ولمعاتها اللي تحت العين اتينن

ورسمة عينها والله تقولين انتي مافي ديقو فالبحرين وانا اللي كنت ناويه اروح ادوره

بس اتوقع في زهرة الخليج في ايلينرات جذي مثل القلم وزينه والا ناخذ ماك مثل ماقالت نسورة؟؟

هلا حبيبتي..وين زهرة الخليج هذا ماعرفه.؟؟
انا ماشفتها ماركة دييقو ابدا عندنا بس تلفتي اذا رحتي السوق يمكن اينزلونها في فافافووم..بس انا آخر مرة رحت ماشفت منها..
اي شغل نسورة مايختلف عليه اثنين مرتب حيل..يبيلها الرسمة خفة يد ,,
في وايد آي لاينرات ينفعون ..آي لاينر لانكوم ..وعندج الآيلاينرات القلم في اغلب الماركات موجودة ..حتى سنتر بوينت عندهم آي لاينرات حلوة مثل ماركة برستيج ..انتي جربي احسن وشوفي المسكة اللي تناسبج والفرشاة اللي تحسين تقدرين ترسمين فبها|..

 

[milkshake]

مشكورة حبوبة

يعني برايج احط ماي ورد فرشاش وارش منه علطول

وانا استخدم كريم e 45 من الصيدلية مدحوه بنات وايد


وزين وايد معاي

هلا حبيبتي..اي حطيه في رشاش وحطيه في الثلاجة واستخدميه على طول..
ودامج مرتاحة على الكريم واصلي عليه ..

 

[milkshake]

مشكورة ميلك شيك كلج ذوق شوفي حبي التونيك لازم استخدمة قبل ماحط المكياج يعنى استخدم التونيك وبعدها مرطب وبعدها كريم الاساس ....الخ اول مرة اسمع عن التونيك ينحط جذى انتظر ردك

شنو معنى تينتد موسترايزر وفاونديشن ماكسمم كفر معليش تحملينى شوى ولج كل الشكر ياعمري

هلا حبيبتي..
طريقتج صح..التونك بعد تنظيف الوجه وقبل الكريم المرطب..
في تونك ينباع على شكل رشاش عن عبالة القطن ..
انتي شنو نوع التونك اللي تستخدمينه ؟؟
تينتد موسترايزر يعني كريم مرطب ملون ..يغنيج عن الفاونديشن لانه فيه لون بسيط..تغطيته جدا خفيفة ..ماينفع للي بشرتهم فيها عيوب وتحتاج تغطية ,,بعض التينتد موسترايزر فيها حماية من الشمس..اغلب الماركات الحين عندهم تينتد موسترايزر..والبعض يفضل استخدامه في الصبح عشان اخف على البشرة ويختصر خطوتين (المرطب + الفاونديشن) بس مثل ماقلت لج تغطيته حيل خفيفة..ممكن تحطين فوقه بودرة كومباكت ويصير حلو للنهار خفيف..
ماكسمم كفر الترجمة الحرفية له = التغطية القصوى
واهو مسمى لعدد من المنتجات في السوق واللي تغطيتها قوية حيل للمناسبات او للي عندها عيوب في البشرة .,,مثلا استي لودر عندهم فاونديشن عصار اسمه ماكسمم كفر ..تغطيته رهيبة ..وعندج ميك اب فور ايفر عندهم كونسيلر اسمه فل كفرج ويستخدم للهالات الغامجو وايد ..وهكذا..يعني ماتقرين الاسم هذا عرفي انه تغطيته حيل قوية..
وحياج حبيبتي بأي وقت

 

[milkshake]

هذي ماركة مشهورة وايد في فرشها ..براويكم كم صورة لها وللاين الميكب تبعها ..
ماركة Sonia Kashuk
















وهذي اسفنجة بلندنج..يقولون يخلي البشرة فلولس على قولتهم ؟؟

 

[Pissy Missy]

يعطيج العافيه ملوكه

شكلها خوش ماركه