مدمنة مكياج مثلي؟؟حياج.....متجدد

[milkshake]

Viktor & Rolf المصمم المشهور صمم مجموعة Eyelashes خصيصا لـ shu uemura واللي انعرض في tokyo lash bar

 

[milkshake]

مليلك شيك والبنات كلكم
يسعد صباحكم صج الموضوع كل ماله ويحلووووو بمشاركاتكم
حدي مستانسه
بالنسبه لماركه anna sui مره رفيجتي كنت موصيتها على حمره حمراا على عنابي بس
موعنابي غامج ظارب على احمر اكثر المهم يابت لي منها من بره ما اذكر وين
طبعا من سنتين تقريبا مايحتاج اقول لكم
اللون خياااااااااااااال وثااااااابت بطريقه خياليه
ان شاء الله لي رديت البيت اوريكم لونها صج كدت معاي خخخخخخخ
قواااااااااكم الله بنات

هلا حبيبتي ..
الموضوع هذا ماصار حلو الا من مشاركات البنات وانتي منهم حبيبتي ..
شوقتيني على اللون احسه روعة ..
عليج بألف عافية ياقلبي ..

موضوعج اينن اينن اينن

بس شغلات ماك وستيلا ماكارتني مووووو صج

يعطيييييييج العافيه ومتابعتج

الله يعافيج ياقلبي ونورتي موضوعي ..

 

[milkshake]

صور اضافية لكولكشن YSL

الروج اسمه رومانتك بنك والغلوس بيور روزبري





















يتبع

 

[milkshake]

 

[SeDuCTive]

SeDuCTive
فديتج والله سوسو كلامج دوم يبرد على الخاطر ..
وعن الرموش صدقتي تعطي لوك ثاني للعين ..ساااااااااااااااحر
وانا مع ناتشو نبي نجوف مكياج عيونج وبعد مكياجج كله عشان نخطط عليه انا وهاسب نبوقه لووول
..

تسلمين يا عمري انتي كلج على بعضج عسل و تبردين على الخاطر :tek:
وانشالله بصور مكياجي عن قريب بس ناطره الكاميرا .. انتي وناتشو تآمروني أمر :hjy5jewf:

 

[SeDuCTive]

بنااااااااااااااااااااااااااااااااااااااااات تعبت نفسيا من اللي قعد تحطونه والله ظيعت مادري شنو اللي مو عاجبني!

ابي كل شي
:krkrkr::krkrkr::krkrkr::krkrkr::krkrkr:

 

[zooona]

انا عاشقة الميك اب .. يعطيج العافيه بالعكس موضوعج وايد حلو الجلوسات اللى عاضتهم الوانهم اتهبل .. وبعدين فى بنت باليوم ماتحب الميك اب ... اشكرك على المرور ...

 

[roses_77]

ميلك شيك انا باك وجبت صوره الحمره اللي قلت عنها شوفوها بنات
ان شاء الله تعجبكم

معلش الحمره كديتها كد وهذا الباقي

وهذا رقمها

وهذا اللون على ايدي احمر نااااااااااااااااقع من قلب
_03BA:

شرايكم حلوه صح بالطبيعه احلالالالالا بوااااااااااااااايد
بس ماكو بالكويت ياريت اللي تعرف هالماركه موجوده عندنا ولا لأ تقوول خل نستفيد

 

[Pucca]

سيدكتف وميلك شيك من عيوني ان شاء الله اصورهم لما يوصلون أمس طلبت حمرتين من امازون اول ما يوصلون احطهم هني بس اهم شي انكم بتجربون فيني :eh_s(1): يالله نطروا معاي بالكثير اسبوعين , عاد وانا ادور بالألوان شفت لونين غريبين حيل ذهبي وفضي !! ما أدري شالقصد منهم يعطون لمعة او شنو بالضبط؟

وميلك شيك عذاااب الكويلكشن انا عندي 3 حمر من سالوران وما جربت الباجي شكل البلش الوانه مو وايد واضحة ,, تسلم ايدج يا عسل ونبي بعد ما نشبع



روز 77 عليج بستين عافية حبيبتي , ليتج حاطتها امس قبل لا أطلب بس ملحوقة انشاالله ,, لونها روووعة وطمنتيني شكل حطتها حلوة




من فترة طلبت المسكرات السامبلز من سيفورا جربت منهم ثنتين وعجبتني مالت ميكب فور ايفر سموكي لاش وطلبت من تارت الشيد ستيكس وايد حلوين صورتهم بالتليفون سوري مو واضحين

وهذي صورتهم من النت اوضح بس ما حصلت صورة الستيك كان عرض وخلص

نزل كوليكشن يديد من ستيلا اسمه باربي لوفز ستيلا بس ما ادري ما حبيته وايد يمكن عشان قارنته بكوليكشن ماك ! بس عموما احب الماركة

​

 

[فوشية]

ملك شيك بصراحه مادرى شلون اشكرج....!! وبخصوص صورتى كلج ذووووووووووووووق انتى

انااول شي...ستايلى ناعم يعنى سموكى وماسكرا الكحله اللى تجي من فوق العريضه والطايره..

انا مغرمة الوان غامجه للحمر يعني مااحب القلوسات حلجي صغنون مايصلح له.... ومشكورف فديتينى واااااااااايد

وابخصوص بشرتى انا بشرتى مختلطه يعني..بس مرات تقلب دهنيه ومره جااااااااااااافه...

وبخصوص المنظفات اللى قبل الميكب كنتى عارضه صورهم عجبونى...!!! بس لان الصفحاااااااااااااااات واجد ماقدرت ارد لهم مره ثانيه وضيعت الصفحه

مشكوره بعد عمرى تعبتج معاااااااااااااااى

حفظت كل كلامج بالوورد عندي عشاااااااااااااان اطبعه

انزين شنو ماشكرا فور ايفر سموكى؟؟ حلوووووووووووه؟؟

انا بروح اجرب وبشووووووووووووف اى احسن....!!!!


بس بليز بخصوص المنظفات

يعني شنو اسوي؟ قبل لا احط ميك اب؟ انتى ذاكره ثلاث اشياااااااااااء؟؟

اللى حق الدهون وحق مادرى شنو؟


ومنتجات ستيلا وين القااااااااااااااهم فى بالكويت عجبتنى شدواتهم لان وحده من الخوووووووووووووات عارضتهم؟؟؟

مشكوره يابعد عمرى انتى...

 

[milkshake]

Seductive

خلاص اول ماتصلحين الكاميرا ننتظر صورج على احر من الجمر ..

zooona

حياج الله ياقلبي وكلج ذوق ..

roses_77

صج فضيع لونها يهبلللللللللل..احس كله انوثة ..عليج بألف عافية ياقلبي ..وبانتظار صور باقي مكياجج

 

[milkshake]

Pucca

عليج بالعافية مقدما على الشغلات اللي طلبتيها ..وعن الشيد ستيك اللي من تارت شرايج فيه؟؟ الوانه واضحة ولا تبين طبيعية؟
وكولكشن ستيلا اليديد مثل ماقلتي مافيه شي واو ..بس انا احب غلوساتهم ..
يعطيج ألف عافية حبوبة واثريتي الموضوع بمشاركاتج الحلوة ..

 

[milkshake]

فوشية

حبيبتي حياج الله ياقلبي واحنا خوات بأي وقت تحتاجين اي شي انا بالشوفة ..واستانست اني قدرت افيدج ولو شوي ..
بس ماقلتيلي اذا بشرتج فيها عيوب مثلا هالات او نمش او غيره ..وزين بشرتج مختلطة يعني نفس بشرتي ,,ان شاء الله اقدر افيدج..

العناية بالبشرة:
1. لازم تواصلين تسوين جلسات فيشيال قبل العرس بكمن شهر .. وراجعي اخصائيات جلدية عشان تشوفين اذا تحتاجين الى ليزر او غيره اذا عندج نمش مثلا او مناطق اغمق من مناطق او حب شباب بس لازم تراجعينهم قبل العرس بمدة طويلة لان يمكن تحتاجين لعلاج طويل (على الاقل 6 شهور قبل العرس) ..
2. اهم شي تعتنين بجسمج من الداخل ..شربي ماي وايد عشان ويهج يورد للعرس+مايصيدج الجفاف اللي انتي قلتي عنه ..
3. الحين انيي لتنظيف البشرة وترطيبها ..لازم تاخذين غسول للوجه (وليس صابون انتبهي) + تونك (يقبض المسام) + كريم ترطيب + كريم ترطيب ليلي + كريم للعين .
انا في اكثر من ماركة تعجبني منتجاتها بحطها لج اهني بس انتي جربي وشوفي اللي يريحج:

** شيسيدو: اللاين مالهم كله حلو ..جربت اكثر من غسول للوجه وكلهم حلوين ..خفاف على البشرة وعمرهم ما نشفو بشرتي..جربت بعد التونك مالهم وايد حلو وبعد الكريم المرطب هم حلو ..انتي لين رحتي بيعرضون عليج جمن شي انتي اختاري الشي اللي يناسبج لان عندهم للبشرة المختلطة نفسنا وعندهم للتبييض وغيره ..يعني اختاري وانتي مرتاحة ..هذي الشغلات اللي جربتها وانصحج فيها اذا تبين تختارين هذي الماركة (للأمانة ماجربت كريماتهم بس اتوقع حلوين لان الماركة كلها تهبل):

غسول استخدم Extra Gentle Cleansing Foam + التونك وكريم النهار









** استي لودر: امووت في هالماركة ..جربت غسول الوجه + التونك + كريمات العناية + المكياج + الماسكات + مزيل المكياج وكلهم حلوين الصراحة ..وتحسين الماركة راقية ..هذي الشغلات اللي جربتها وانصحج فيها (انتي طبعا سوي مقارنات بين الماركات ونقي الشغلات اللي تعجبج وكمليهم على بعض انا من كل ماركة اخذ الشي اللي يعجبني):

غسول استخدمت Perfectly Clean Light Lotion Cleanser وصديقاتي يستخدمون الغسولات الثانية ويمدحونهم وايد بعد انتي روحي وشوفي شنو الاخصائية تنصحج ..واخذي التونر اللي يتماشا معاه ..انا وقتها ماخذت من عندهم لان كان عندي من ماركة ثانية للحين ماخلص..بس يفضل ان الغسول والتونر من نفس الماركة ..



Idealist Micro-D هذا حصل على براءة اخترا يصغر المسامات ويقشر بلطف ..وتحسين بحرارة شوي اول ماتحطينه..



Idealist Skin Refinisher يخلي بشرتج مخملية وصافية ومنورة واذا بشرتج مقشرة مثلا ناحية الانف يخفي القشور ويخلي بشرتج مات ..يستخدم قبل مرطبج العادي ويمكن استخدامه لوحده وقبل المكياج ..فضيع ..



ملاحظة: اذا كانت عندج مسام مفتوحة عندهم كريم وايد حلوة لقبض المسام اسمه Pore minimizer + كريمات العين اختي تستخدم من عندهم و تقول حده فضيع بس انا ماجربته شخصيا بس ناوية عليه اول ماخلص اللي عندي + عندهم منتجات للتحكم بالافرازات الدهنية

يتبع

 

[milkshake]

** ديرمالوجيكا: هذي الماركة انا شريتها من صالون ديسانج اللي بالبحرين كنت امسوية عندهم فيشيال وشفت بشرتي ارتاحت على منتجاتهم وشريت اللاين كله ولما سويت سيرج على الانترنت طلعت الماركة وايد مشهورة وزينة بس لازم تاخذين شغلاتهم بعد استشارة اخصائية انا خذيت من عندهم مزيل للمكياج + غسول للوجه + تونك + كريم للعين والشفاه + كريم للوجه+ مقشر للوجه حده خفيف + ماسك فيتامينات للوجه.



** هيلينا روبنشتاين HR:
جربت هذا الكريم قبل العرس..ومنه لاين كامل كولاجين..استخدمت هذا للوجه بالليل وفي منه للنهار..كنت ابي خدودي اتبين منفوخة وفيها صحة اسمه collagenist



** جيرلان:
استخدمت هذا الكويم اسمه هابي لوجي ..


** كلينيك:
كريم يجدد خلايا البشرة وينعشها ..وايد حلو ..ويخلي البشرة مخملية اسمه Turnaround Concentrate Visible Skin Renewer ومعاه ماسك يفضل استخدامهم مع بعض ..



** بوبي براون:
عندهم كريمات للعين وعندهم سيرم حلو للوجه خذيت منه تيستر وناوية اشتريه احس خلا بشرتي فرش ..وناوية اجرب كريمات العيون ,,
اسمه انتنسف سكن سبلمنت



معلومة: ترا كل الشغلات اللي حطيتها انا جربتها واعجبتني وماحطيت لج الاشياء اللي ما اعجبتني.. وانا اغير من ماركة لماركة بس لحب التغيير وليس لسوء المنتج..

** لازم تشترين بعد exfoliator او مقشر خفيف لبشرتج سواء من ماركة او حتى شغلات الصيدلية حلوة مثل هملايا و غيرها ..

** انا استخدم حاليا كريم عيون من ماركة كلارنس وحده فاشل ..انصحج بكريمات استي لودر او كلينيك ..

يتبع

 

[milkshake]

المكياج:
**حاولي عيل اتغيرين شوي في اللوك مالج يعني مثلا اخذي آي لاينر ملون ..او غيري الوان الشدوات ..والروجات نوعي في الألوان واستخدمي الفواتح ترا حلوين ..وجربي الالوان الغريبة مثل الاورانج والمارون وغيرها ..

**اذا عندج هالات انصحج بكونسيلر hr او بوبي براون او شيسيدو ..

**قبل ماتحطين المكياج لازم اتنظفين الوجه عدل بعدين التونك بعدين المرطب النهاري مالج ويفضل فيه عامل حماية من الشمس ..وانتظري 10 الى 15 دقيقة ..وبعدين حطي بيس قبل المكياج ..
هناك بيسات توحد لون البشرة .. وبيسات تعطي نضارة ..وبيسات ضد الافرازات الدهنية..

شوفي الصفحة 48 حطيت فيها كمن بيس + الاضاءات للبشرة

وشوفي الصفحة رقم 42 و 43 فيها لمعات واضاءات حلوة للوجة

وعن ماركة ستيلا انا الاقيها في البحرين في سيفورا ..اتوقع عندكم بالكويت تفس الشي ..

واي استفسار ثاني انا حاضرة حبيبتي ..

 

[فوشية]

فديت خشمج والله

انزين شنو سيرم؟؟؟ والبي قبل الميك اب؟؟
؟؟
انزين شنو يعني exfoliator..............حق الاستخدام اليومي؟؟

انزين انا عجبونى اللى حطيتيهم من الماركه الاولى؟؟ انزين تنصحيني اشتريهم الحين قبل الزواج ..يعني للجامعه؟؟


واذا مايصلحون للجامعه شنو ماركاات اقل منهاااااااا وارخص؟؟ يعني اللى فاهمته ان لازم قبل المكياج اغصل يغسول وبعدها تونك وبعدها مرطب ليلي او نهارى ................طيب متى احط البيس؟؟

وياريت البنات يفيدونى وين سيفورا ودى بمنتجات ستيلااااااااااااا عجبتنى شدواتهم؟؟

 

[milkshake]

فديت خشمج والله

انزين شنو سيرم؟؟؟ والبي قبل الميك اب؟؟
؟؟
انزين شنو يعني exfoliator..............حق الاستخدام اليومي؟؟

انزين انا عجبونى اللى حطيتيهم من الماركه الاولى؟؟ انزين تنصحيني اشتريهم الحين قبل الزواج ..يعني للجامعه؟؟


واذا مايصلحون للجامعه شنو ماركاات اقل منهاااااااا وارخص؟؟ يعني اللى فاهمته ان لازم قبل المكياج اغصل يغسول وبعدها تونك وبعدها مرطب ليلي او نهارى ................طيب متى احط البيس؟؟

وياريت البنات يفيدونى وين سيفورا ودى بمنتجات ستيلااااااااااااا عجبتنى شدواتهم؟؟

هلا حبيبتي ..
**سيروم يعني جل مركز يتغلغل عادة الى عمق البشرة ليعالجها من الداخل ..وهو مساند لكريمات الوجه ولايستخدم عادة لوحده..
**اذا انتي مو مرتاحة من الغسول اللي الحين تستخدمينه جربي المنتجات اللي حطيتها لج من الحين عشان بشرتج تتحسن ..
** البيس BASE يعني جل او كريم يوضع بعد كريم البشرة المرطب وقبل وضع المكياج ويعمل على تثبيت المكياج على البشرة وسهولة مد المكياج على الوجه ويخفي الخطوط الدقيقة للوجه .. وبعض البيسات توحد لون البشرة او تعطيها اشراقة مثل ما قلت لج قبل ..
** exfoliator يعني سكراب بس للوجه .. اللي فيه حبيبات اشوي خشنة عشان يقشر بشرتج بلطف ويحدد خلاياها ..يفضل استخدامه مرة في الاسبوع ..
** اذا تبين ماركات ارخص للعناية بالبشرة الصيدليات مليانة وبعضها اسعارها معقولة وزينة ..مثلا عندج ماركة ROC و هملايا واولاي ولوريال و simple ونيتروجينا..وايد حلوين بس انتي دوري على اللي يناسبج منهم ..يعتمد على ميزانيتج..
**اذا تبين ماركات ارخص للمكياج جربي ماكس فاكتور ونيفيا ولوريال وبرجوا و NYX وريميل و GOSH شغلاتهم بعد حلوة ..
**البيس تحطينه بس اذا تبين تحطين مكياج ..بعد مرطب النهار او الليل وقبل المكياج ..ولاتنسين كريم العين بالليل وبالنهار تحطينه حتى قبل المكياج ..
** ولا تنسين تشترين مزيل للمكياج يكون زين ..ومزيل لمكياج العيون لان هالمنطقة تحتاج عناية خاصة ..
** سيفورا تلاققينه بمجمع الافنيوز عندكم بالكويت ..

 

[فوشية]

مشكوووووووووووووووره يابعد عمرى والله استفدت حيل من كلامج

تعبتج معاى

بس اخر سؤال شنو اللوز باودر.....................؟؟

 

[Pucca]

هلا حبيبتي ميلك شيك شوفي الستيكس الوانهم طبيعية واللون الفاتح منهم يعطي اضاءة حلوة بس مثل ما قلتلج انا سمرة ممكن على البيضة يكونون أقوى , صورتهم لج على ايدي بس الصورة مو وايد واضحة سوري

وهم فيهم لمعة حسافة مو واضحة هني بس لمعة حلوة تشبه الmsf من ماك بس على كريمي

ومشكورة يا قلبي على كلامج :tek:

والاخت اللي سألت عن ستيلا لحد الحين مو موجودة بالكويت بس بتكون بسيفورا




​

 

[Pucca]

بعض منتجات تارت الليمتد اديشن

ميلك شيك خاطري بالحمر ادري انهم عنونيين حيل بس يشوقون تهقين اخذهم والا اتعوذ من ابليس؟

حتى القلوسات شرايج ؟!!

​