مدمنة مكياج مثلي؟؟حياج.....متجدد

[milkshake]

ناتشو ماشالله عليج تلقين شغلات حلوة عند الهنود ..شيشتيني عليهم
وعن ماك..ترا عنده اشياء حلوة ..بس مب كل شي يستاهل اتقطين بيزاتج فيه ..

 

[ناتشوو]

بركز ع الاساسيات
ودي ببودرة والفكس والفرش خاصة مالت الاساس والثانية اللي شعرها راسها ابيض!مشيبة
رقم 187 مدري 178
وابي من فرش الدمج اللي يكون شعرها عريض وبنغس الوقت قصير
وايه البيتيكوت اذا موجود
وو نسيت بعد
في شغلات ف بالي
بس بركز عالاساسات اكثر من الشدوات والحمر

 

[milkshake]

عليج بالعافية مقدما..ولاتنسين اتراوينة شغلاتج لين شريتيهم ..

 

[بـــطوووطه]

ترا انا كنت نفسج ويمكن كنت اكثر بعد ..بس مع الوقت علمت نفسي ..مب المهم انج تعرفين تحطين مثل الصالونات..لكن اهم شي اتعرفين شلون تبرزين ملامحج الحلوة..وتحطين مكياج نعوم للطلعات العادية ..

والله ودي يا قلبي اتعلم اشري واتحسر لا اعرف مكياج ناعم ولا ثقيل

اموووووووت من القهر اشتري على الفاضي

 

[coolq8]

يعطيج العافية أختيارج روعة للمكياج

 

[milkshake]

والله ودي يا قلبي اتعلم اشري واتحسر لا اعرف مكياج ناعم ولا ثقيل

اموووووووت من القهر اشتري على الفاضي

شوفي حبيبتي ..بيفيدج اذا شافيتي الفيديوات اللي على الانترنت اللي تعلم مثل اليوتيوب...وشوفي طريقة المكياج العادي اليومي ولا تبتدين بالثقيل..حتى في فيدويات تتكلم عن فرش المكياج وشلون نستخدمها ..حتى عن طريقة وضع البلاشر..واحس بتتعلمين شوي شوي ..
ولا تشترين مكياج الحين الا لما تتعلمين شوي ..او روحي مع وحدة خبيرة ..واخذي اشيا بسيطة عشان تتدربين عليها ..
والحين اصلا هابين باللوكات الناعمة يعني فاونديشن او كومباكت باودر + بلاشر + روج نعوم + كحل داخل العين+ ماسكرا
وممكن اتزيدين انج تحطين خط ضعيييف تحت العين بقلم ملون (ازرق او اخضر ملا) على الزاوية الخارجية للعين ..وبيطلع حلو صدقيني ..
واذا تبين انصحج بشغلات معينة واساسية تشترينها الحين انا حاضرة حبيبتي ..

 

[milkshake]

يعطيج العافية أختيارج روعة للمكياج

الله يعافيج ياقلبي وشرفني مرورج بموضوعي ..

 

[HASB_83]

ميلك شيييك حبي شلووووونج وشلووون اهل البحرييين

ماكو شي يديد؟؟

 

[milkshake]

ميلك شيييك حبي شلووووونج وشلووون اهل البحرييين

ماكو شي يديد؟؟

هلا ياقلبي ..بخير دامج بخير ياروحي ..
في اشيا يديدة بس قاعدة ارتب الصور واحاول اكمل اللي قاصر..ان شاء الله جريب ..

 

[HASB_83]

دوووووووم يااارب

ناطرييينج لاتتأخرين علييينا

 

[milkshake]

بنات نازل غلوس من موديل كو فيها ليتات .. كووووول حدها .. خاطري اروح ستاندهم واشوفها ..
اسمها Disco Lights lip gloss

 

[milkshake]

احنا كلنا حلوات..لومهما تفاوتت الوان بشراتنا وملامحنا ..اهم شي نتعلم شوي شوي اشلون انعرف انطلع ملامحنا عدل ونغطي العيوب ونتعلم فن المكياج ..لو حتى المكياج البسيط ..يعني مثلا شوفو كيم كارديشان ..شوفوها بدون مكياج ..عادية كلش ..لكنها تحط مكياج فضيع ..مب اوفر ..لكنه امحليها ..




وهذي شويت نصايح ومعلومات من خبرتي البسيييييييييييييييييطة




شوفو المكياج في الصورة اللي فوق ..خطة الكحل حلوة بس متعرجة..شوفو الاسهم..هذا وايد يخرب اللوك..لازم اليد تكون ثابتة ..ولا النتيجة بتطلع جذي..



خطة الكحل في هالصورة حلوة ومرتبة ..شوفو ماوصلت الكحل لي مدمع العين..وشوفو في آخر العين موهت الكحل ودمجته مع الآي شدو بنعومة ..ومن تحت مب لازم تحطين كحل او آي لايتنر ..تقدرين اتسوين مثل ما اهي امسوية ..نفس الشدو اللي حطيتيه فوق حطي منه تحت وغمجيه شوي بشدو اسود مثل شدو ماك كربون وموهييهم عدل ..

 

[milkshake]

المكياج اهني حلو وناعم ..مب لازم في كل شي انرز الآي لاينر ولا الكحل ..اهني مركزة على اقلام تحديد العين والشدو ..اهني اتوقع ارسمت بالكحل القلم فوق عينها (عقب ماخلصت من الشدو طبعا ) سوت خط خفيف وموهته..وفوقه ارسمت بقلم تحديد العين الأخضر..واستخدمت نفس القلم لترسم داخل العين ..حلو الصراحة ..




والحين نرجع حق كيم ...
طبعا كيم اهم شي عندها الآي لاشز واهم يحلون الوحدة وايد الصراحة ..بس شوفو مكياجها شلون ناعم وبسيط ..



كحل اسود داخل العين ..وارسمت فوق العين بالكحل (اتوقع القلم لانه كلش خفيف ) وموهته..ونفس الشي تحت العين ..موهت الكحل ..روووعة

 

[ناتشوو]

الله يعطيج العافية
تنبهينا حق شغلات دقيقة بالميك اب
فعلا كيم مكياجها حلو
خاصة انه من المكياجات اللي نحبها بنات العرب والنعم
كونها تركز على مكياج العيون - عمى بعيونها!

 

[عــافك الخــاطر]

واااو موضوع اكثر من روعه يعطيج العافيه حبوبتي على هالمجهود

وحدده شغلج يشووق بس يبيله وحده فنانه وانا الله خير

 

[SeDuCTive]

شلوووووووونج ميلك شيك..

شيشني موضوع عن حمر ماك.. قلت احط جم صوره لحمرهم عشان يكون مرجع للاستفاده..

 

[milkshake]

الله يعطيج العافية
تنبهينا حق شغلات دقيقة بالميك اب
فعلا كيم مكياجها حلو
خاصة انه من المكياجات اللي نحبها بنات العرب والنعم
كونها تركز على مكياج العيون - عمى بعيونها!

وااااااااااااااااااااي ناتشوووووووووووووووووووووووووووووووووووو ذبحتيني من الضحك على كلمة عمى بعينها ..
عاد تصدقين ..انا اللي اشوفها حلوة من ممثلات او مغنيات اقعد ادعي عليها في قلبي..
يختج ماخلو شي..تحسين روحج صفر يمهم...الله يخلي عمليات التجميل..بس اللي نقدر عليه انرقع ابهالمكياج...

 

[milkshake]

واااو موضوع اكثر من روعه يعطيج العافيه حبوبتي على هالمجهود

وحدده شغلج يشووق بس يبيله وحده فنانه وانا الله خير

انتي اللي مشكورة على تنويرج لموضوعي..
بس عندي سؤال ..من الكتاكيت اللي في توقيعج؟؟يقربون لج؟

 

[milkshake]

شلوووووووونج ميلك شيك..

شيشني موضوع عن حمر ماك.. قلت احط جم صوره لحمرهم عشان يكون مرجع للاستفاده..

حبوبة انتي اضافاتج لموضوعي تاج على راسي..فديتج والله..استانس لما اقرا اسمج ..
بس انتي ملاحظة معاي ولا انا بس..
في حمر لونهم على الطبيعة غير عن الصور..
مثل حمرتنا الغالية امباشند ..
انا لونها عندي وردي على فوشي فاتح..
ليكون انا عندي عما الوان..شالسالفة؟؟حتى حمرة كولكشن دام ادنا كورال بولب..شفتها على الانترنت افتح واحلى..لما حطيتها على شفايفي حسيتها اغمج..مو حسيتها الا صج اغمج..
انتي بعد نفسي ولا انا بس؟؟

 

[SeDuCTive]

حبوبة انتي اضافاتج لموضوعي تاج على راسي..فديتج والله..استانس لما اقرا اسمج ..
بس انتي ملاحظة معاي ولا انا بس..
في حمر لونهم على الطبيعة غير عن الصور..
مثل حمرتنا الغالية امباشند ..
انا لونها عندي وردي على فوشي فاتح..
ليكون انا عندي عما الوان..شالسالفة؟؟حتى حمرة كولكشن دام ادنا كورال بولب..شفتها على الانترنت افتح واحلى..لما حطيتها على شفايفي حسيتها اغمج..مو حسيتها الا صج اغمج..
انتي بعد نفسي ولا انا بس؟؟

حبيبتي فديتج انا حدي مستمتعه بالموضوع وما ودي ينشال التثبيت لأنه تعبنه عليييييييه:krkrkr:

اييييي انا بعد تعقدت وتذكرين سالتج بالصفحات اللي فاتوا عن حمره الكورال.. انا تطلع معاي برتقالليه فاقعه
اما بالصور مبينه وايد هاديه!
انا اقول يمكن الفلاش او التصوير نفسه باهت .. وحمره ال impassionate فاااااااااااقعه وورديها الفرايحي مو الفوشي الغامج انا تطلع علي جذي.. مادري احنا شفايفننا غير عن الاجانب :dddds: