مدمنة مكياج مثلي؟؟حياج.....متجدد

[milkshake]

ياليت تعطيني اماكن الماركات عندكم بالبحرين لاني انشالله بمركم بعد العيد

حبيبتي أمس شفت محل جديد للمكياج وقلت لازم اخبرج عنه..في مجمع السيتي سنتر ..الطابق الأول ..جنب دبنهامز..في محل جديد اسمه ميشا عنده كريمات ومكياج وشغلات وايد حلوة ...بس ماقدرت ادخله لاني كنت مستعجلة..بس ان شاء الله لي زيارة له..

 

[BaiTotia]

يهبلون صح ؟
عن الــ BB كريم فيه نفس خصائص الــ التنتد موسترايزر بس على احسن..يعني فيه خصائص علاجية ,,وينعم البشرة،،وفونديشن,,ويخفي عيوب البشرة,,ومرطب،، ويحمي من اشعة الشمس,,وغيرها..بس بعض هذي الكريمات حسب اللي قريته تغطيته مو كلش ثقيلة خفيفة,,وانا بطور البحث عن الكريم الافضل تغطية عشان اجريه مع ان اشكالهم كلهم يهبلون خاصة من ماركة skin79

======

ونااااااااااااااااسة جان زين عندنا جذي .. وايد ينفع حق الصبح

والبرد (الآيس كريم) اللي حطيتيه شنو هذا؟ يشووووووووووووووووووق

 

[milkshake]

هلا حبيبتي .. اعتقد في محل ميشا اللي قلت عنه نزلو هالكريم..بس يبيلي اتأكد وأرد عليج..او تقدرين تطلبين من على الانترنت اذا تحبين ترا صاير موضة وهابين فيه الناس كلهم حتى الأجانب ابتدو يكتشفونه..

وعن البرد او الآيسكريم .. هذا صابون

 

[BaiTotia]

خلاص إذا تأكدتي قوليلنا

عاد دول شرق آسيا ماأواطنها ولا أحبها من الله(ماعدا اليابان)

الحين أبي أروح علشان أخمطهم كلهم

 

[milkshake]

ونااااااااااااااااسة جان زين عندنا جذي .. وايد ينفع حق الصبح

والبرد (الآيس كريم) اللي حطيتيه شنو هذا؟ يشووووووووووووووووووق[/quote]

خلاص إذا تأكدتي قوليلنا

عاد دول شرق آسيا ماأواطنها ولا أحبها من الله(ماعدا اليابان)

الحين أبي أروح علشان أخمطهم كلهم

والله انا نفسج ماحبهم..ماعدا اليابان وسنغافورة احسهم دول متطورة وراقية..
بس المشكلة ان عندهم شغلات حلوة خاصة كوريا شادة حيلها الحين في هالسوالف..
بس احس الماركات اليابانية اتطمن القلب يعني تاخذين منها وانتي بالج مرتاح..لان جربنا شيسيدو وجربا كانيبو وطبعا روعة ..
على العموم ان شاء الله اجرب وارد عليج..بس على الله الاقي وقت اتعرفين العيد جريب..وانا كالعادة اشتري كل شي من وقت بس الشنطة اللي اتوهق فيها وماعرف من وين او شنو اشتري..عندج نصايح؟؟

 

[BaiTotia]

شيسيدو مجربة من زمان الكومباكت فاونديشن روعة وايد طبيعي

والشدوات ألوانهم قوية

كانيبو الكومباكت باودر وايد حلوه تغطته وثابت

أمممممممممم قصدج جنطة حق العيد؟؟؟؟؟؟؟؟؟

شنو الألوان اللي تبينها؟

أنا غرامي فيرساتشي - و versus التابع له (الحمد لله تكرموا وفتحوه لنا من جم شهر)

 

[Dress Me Up]

وااااااااااو روعه أمووووووت على المكياج ،،،، والقلوساااااااات حلوين ،، حدهم طبيعين ،،

مشكوره ولا تحرمينا من ابداعاتج .

 

[milkshake]

في موقع وايد روعة توني مكتشفته..اهو موقع سويدي ويبيع ماركات حلوة اسمه eleven.se
يوصل للخليج بس لازم اتحولين لهم الفلوس عن طريج البنك (سويفت)..
وهذي نظرة على الشغلات اللي عندهم..وبعضها ماركات سويدية..















يتبع,,

 

[milkshake]

شيسيدو مجربة من زمان الكومباكت فاونديشن روعة وايد طبيعي

والشدوات ألوانهم قوية

كانيبو الكومباكت باودر وايد حلوه تغطته وثابت

أمممممممممم قصدج جنطة حق العيد؟؟؟؟؟؟؟؟؟

شنو الألوان اللي تبينها؟

أنا غرامي فيرساتشي - و versus التابع له (الحمد لله تكرموا وفتحوه لنا من جم شهر)

صدقتي شغلاتهم وايد زينة..
اي اقصد شنطة حق العيد..
ابي لون سادة اسود او بيج ..
اسعار الشنط اللي تاخذينهم على جم؟..

وااااااااااو روعه أمووووووت على المكياج ،،،، والقلوساااااااات حلوين ،، حدهم طبيعين ،،

مشكوره ولا تحرمينا من ابداعاتج .

من ذوقج ياروحي..ماتقصرين..

 

[milkshake]

ماركة جوي نيويورك بعد يبيعونها على هذا الموقع







وبعد ماركة بلاي بوي







يتبع

 

[milkshake]

وبعد ماركات وايد مثل

 

[كحل وماسكارا]

خووووش مكياااج

 

[milkshake]

خووووش مكياااج

مشكورة حبيبتي

 

[milkshake]

بنات عندي لكم بشارة...ماركة جيلي بونج بونج اللي حطيتها قبل انزلت في محل فافافوووم وبعد نازلة ماركات وايد..
بس ابصراحة وايد غالية..
انا خذيت جم شغلة من عندهم بدون ما انتبه على السعر..وانصدمت عند الكاشير..يعني علبة صغيرونة حدها بالم للشفايف ابـ 5 دناتير وخردة..ونفس الشي علبة صغيرة بلاشر وروج كريمي ابــ9دينار وخردة..والله ندمت اني شريتهم..ان شاء الله اصورهم لكم واحط لكم عشان اتشوفون اشلون حرامية..والله لو شارية من ماك بلاشر كريمي احسن لي ..على الاقل حجمه اكبر..مادري شالسالفة..

 

[emankuwaiti]

الكل قام يبيع مكياج؟؟؟؟؟؟؟؟؟؟؟؟؟؟؟؟؟؟
طفحنا من كل شي

 

[.]

يلك شيك..

جربتي ماركه برنسيسا؟؟

لاني شفت شغله بكشك بالافنيوز واسعارهم حلوه ع 2 و3د.ك ..

وبلي بوي لو بلاش مانخذه لانه شركته خايسه ..

ومشكوره..

متابعتج..

 

[milkshake]

الكل قام يبيع مكياج؟؟؟؟؟؟؟؟؟؟؟؟؟؟؟؟؟؟
طفحنا من كل شي

مافهمت عليج حبيبتي من تقصدين انه يبيع مكياج؟؟تقصدين المواقع يعني؟

يلك شيك..

جربتي ماركه برنسيسا؟؟

لاني شفت شغله بكشك بالافنيوز واسعارهم حلوه ع 2 و3د.ك ..

وبلي بوي لو بلاش مانخذه لانه شركته خايسه ..

ومشكوره..

متابعتج..

هلا الغالية
اي نعم جربتها شغلاتهم ريحتها وايد حلوة نعومة حيل
جربت البودي سكراب من عندهم وصج ينعم ويخلي الجسم ريحته انوثة..
وعن بلاي بوي صدقتي ..واصلا شغلاتهم مو لي هناك..عادية..

 

[ناتشوو]

صار لج فترة مختفية عسى ماشر؟

 

[pink]

صار لج فترة مختفية عسى ماشر؟

صاجه .. مو من عادتها .. عسى المانع خيييير

 

[ناتشوو]

:68_asmilies-com: