ماشالله تيارك الرحمن توني اشوق الموضوع عدل
انتي صكيتي علي بأيام عزي وكل اهلي كانو يقولون لي بسج مكياج بس طلعت مظلومه انا ما عندي مكياج عندي بس جنطه من 3 طوابق بس ما اقايشج ماشالله عليج
هذا الادمان على اصوله لووووووووووووووووووووووووووووووول
((حبوبه طلبتج))
ياليت تعطيني اماكن الماركات عندكم بالبحرين لاني انشالله بمركم بعد العيد
مثل ماركة ستيلا ونارس وغيرها
واكون صج صج صج صج شاكرتلج
ويعطيج الف عافيه
خووووووووووووووووووووووووووووووووووووووووش مووووووووووووووضوووووووووووووووووووع
وعليج بالعافيه عل هالمكياج الحلو
ربي يحفج من عين الحساد
الله صار خاطري اشوف مكياجج..اشرايج اتحطينلنا شويت اصور اهني ؟؟ وااي احس اني صج طماعة وماشبع من المكياج...
وانتي ما تطلبين انتي تامرين أمر ياقلبي..من عيوني ..والبحرين ديرتج وأهلها أهلج..واي شي ينقصج وانتي عندنا او تبين تسألين عن أي شي (مطعم، مجمع،..) او حتى لو امضيعة وتبيني ادليج من اعيوني ..
بالنسبة للمكياج..شوفي حبيبتي ..عندنا المحلات التالية:
1. الحواج: وهو محل كبير يبيع عطورات ومكياج وكريمات عناية بالبشرة اضافة الى الشنط النسائية من ماركات مختلفة والساعات وغيره، فروعه مالية البحرين، اتلاقين وايد ماركات عنده مثل (شيسيدو ، HR، بوبا ، شانيل وغيرها)
2. Faces: بعد يبيع عطورات ومكياج وتلاقين الماركات المشهورة مثل جيرلان وسيسيلي وشانيل وغيرها، وبعد فروعها مالية البحرين تقيربا في اغلب المجمعات.
3. فافافوووم: هذا توه فاتح عندنا بمجمع السيتي سنتر وهذا مجمع كبير جديد عندنا بالبحرين، ونفس ماركات الكويت من مكياج وعطورات (بنفت وغيرها)
4. دبنهامز طبعا غني عن التعريف وتلاقينه بالسيتي سنتر
5. سيفورا وبعد غني عن التعريف وتلاقينه بالسيف وبالسيتي سنتر ، وتلاقين عنده ستيلا ونارس وكارجو وبنفت وبيكا وشغلات وايد
5. مــــاك وتلاقينه بمجمع السيف وبالسيتي سنتر
6. انجلوت وتلاقينه بالسيف وبالسيتي سنتر وبمجمع البحرين
7. بوبي براون سوولهم كورنر بالسيتي سنتر بس حق هالماركة لانها قبل كانت داخل دبنهامز
8. محل مكياجي وانا ماحب شغلاته كلش وتلاقين فروعه بالسيف وبمجمع البحرين وماعرف وين بعد لاني ماحبه
9. عندج في العالي في الطابق اللي فوق محل اسمه بابلز اعتقد يبيع شغلات غريبة من ماركة Fake bake وكريمات البرونزاج مالتهم طبعا غنية عن التعريف وعندهم ماركة برنسبيسا اللي حطيتها قبل ..وترا روايح هالماركة روعة..السكراب لما استخدمه ريحته ماتروح من جسمي الا عقب مدة..
10. جاشنمال عنده بعد المكياج والماركات المعتادة
11. طبعا محلات المكياج العادية تارسة الديرة ومن اشهرها عطورات امينة..
12. البودي شوب طبعا في كل مكان
واذا طرا علي شي بعد باقولج حبيبتي
