ماشالله بنات شلون تذكرون ابلات الروضة ؟ والله عصرت مخي وذاكرتي ماكو فايدة
الابتدائي : جميلة بنت عباد
ابلة فاطمة مال الله .. عربي
وابلة انتصار وابلة زينب : تربية بدنية يحليلم كنت مشتركة بالفن الشعبي معاهم وكنت بالزهرات بعد الله يذكرهم بالخير
ابلة ليلى الرامزي : اجتماعيات .. كانت عصبية تخررررررررررررع
ابلة سارة اكبر .. رسم يحلوووها كانت رفيجة امي وحدها مدلعتني
ابلة ضياء هم رسم
والله زين ذكرت كل هذيل ذاكتي رايحة فيها
ونااظرتي نورية عبدالملك يحليلها كنا نطقطق منها تخرع
الحييين نيي حق المتوسطة
متوسطة بيان .. ابلة سميرة العيدان تيييينننننننن
هند المتوسطة . . ما اذكر الا ابلة نبيلة بولند .. بدنية
الحيييين ابلات الثانوية اللي صج اثروا فيني وايد وما اعتقد ان راح انساهم طول عمري
اول شي ثانووية هند المشتركة .. ابلة أمل الوهيب موسيقى صج البنات كانوا يخافون منها بس كنت اموت عليها وليلحين اتصل فيها صج اثرت فيني لانها اهتمت بموهبتي وعطتني فرص وايد حلوة
ابلة حسنة .. اجتماعيات .. يحليلها ليلحين موجودة وبنات الجابرية اكيد الحين قاعدة تدرسهم
ابلة يسرى .. لغة عربية الله يذكرها بالخير كانت تشبه ميادة الحناوي
الحييين نيي حق ثانوية السالمية .. الله يوفق كل المدرسات صج لهم مكانة بقلبي غير عن كل الناس مو بس المدرسات
لانهم كانوا اكثر من مجرد مدرسات والمدرسة بكبرها اكثر من مجرد ثانوية
اولهم ابلة نوال العبيدان .. ماكو كلمات توصف هالانسانة واذا في اي بنية بالمنتى كانت بهالمدرسة راح تعرف انا شنو اقصد
صج انسانة غير عادية تعلمت منها اشياء وايد ... اهي مدرسة لغة عربية وكنت مشتركة معاها بالاذاعة وصج تغيرت شخصيتي بفضلها ..
الله يخليها ويوفقها ويطول في عمرها تيننن
ابلة كفاية الدعيج .. ابلة اجتماعيات درستني علم نفس ولولاها مادخلت الجامعة وصج تعلمت منها شنو الطمووح وشنو الالتزام وشنو الكفاح الله يطول في عمرها مادري اذا ليلحين تدرس بنفس المدرسة
ابلة ليلى ( لغة عربية ) غشمرجية وتيينننن تسمي المعجم ( معيم )) هههههه تيين فديتها
ابلة منى .. تربية اسلامية .. ما اقووول الا الله يوفقج يا ابلة منى
نااااظرتي ثريا الفارسي .. تيننن .. ما اعتبرها ناظرة اعتبرها ام وبوووووسة على راااااااسها
والله يا بنات صج في ناس مهما تكبرين ومهما تنشغلين وتنسين بس يظلوووون في قلبج وودج لو يرد الزمن وتعيشين لو لحظات وياهم
الحين بالجامعة طبعا اكو وايد دكارة يهبلوووون وصج محترومين ويأثرون بالطالب
اولهم الدكتورة هند المعصب صج استفدت منها في دراستي وفي حياتي
د.عبدالوهاب الظفيري استفدت منه وااايد خاصة في امور الحياة
د.ابراهيم الهدبان .. كتاب في الاخلاق والرقي
د.حامد الطيري (خدمة اجتماعية ) دين وخلووووق ويعامل الطالبة مثل بنته ايننن
د.ملك الرشيد يعني البنت المزوجة اتوقع بتعيش حياة زوجية مثالية اذا خذت بنصايح هالدكتورة لان خبرتها بالحياة تينن مع انها صغيرة بس نصايحها من ذهب وصج استفدت منها
