مدرسة snow angel لتعليم فن الطبخ بالخطوات المصورة ( حصرياً لمنتدى كويتيات )

[Snow angel]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

يسلمك ربي ويخليك ياقلبي

وبالعافيه مقدما

 

[غزيل الفله]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

ماشاء الله


تبارك الرحمن



تسلم هالأيادي



لا اله الا الله



وماشاء الله

يعطيج العافيه حياااااااااااااااااااااااتى ماقصرتى صراحه فتحتى نفسى وأن شاء أتعلم شلون أرفع الصور وبنزل لج أطباقى بعدحتى أفيد وأستفيد الدنيا أخذ وعطاء ماقصرتى وعساة بميزان أعمالج وعسى الله يحفظج من العين ياقلبى قلبج

 

[دانة البحرينية]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

فديتج طلبتج عزيزتي ابي اسوي بتزاء صغار واحطهم باالفريزر وقت ماابي اطلعها واحطها باالفرن لان زوجي يحبها ووويد وانااكون مشغولة وعندي شغل فاالوقت ضيق فاياليت اتساعديني حببتي وبعد اتعرفين رمضان على الابواب وابي حشوات غريبة حق السمبوسة والبرك والسبرنق رول حشوات يديدة غير الي تعودنا عليها وجزاج الله الف خير وصج صج وويد قاعدة استفيد منج الله يبارك لج حياتج وين مارحتي

 

[جودانا]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

مشكورررره ضيوفه

دوبني شفت الرساله



وشفت ردك علي تسلمين علي الطريقه


ان شاء الله احاول اطبقهاا

 

[اسرار الغلا]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

ابشري ياقلبي من عيوني


المكونات:

باذنجان مقطع مكعبات ومقلي
كوسه مقطعه مكعبات ومقلية
بصل مقطع مكعبات ومقلي
فلفل بارد مقطع مكعبات ومقلي
جزر مقطع مكعبات ومقلي
زهره مقطعه مكعبات ومقلي
والكمية حسب الرغبة

نضع بالخلاط علبة روب نص علبة كريمة الحمرا 2 طماط 1 ماجي رشة ملح وفلفل أسود وبهار حلو وبهار البرياني ونص كاس ماي حار وبعد الخلط الجيد تحمسين بتاوه شوية بصل لمن يحمر وتحطين عليه هالخلطه وتخلينها لمن تثقل شوي

تكونين بهالوقت مجهزه رز مشخول تحطين طبقه من الرز بالبايركس بعدين خضار ونص خليط الروب تالي الرز والخضار والخليط وبالاخير رز تغطينة بالقصدير وتدخلينة الفرن لمدة نص ساعة وبالعافية

شكلها رهييييييييب

سيفتها عندي

تسلمين استاذتنا ضيوفه

 

[chocolate - BH]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

موضوع رائع ومميز

يعطيكم العافية

 

[ام كنعه]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

متابعه

 

[ورود الودود]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

يعطيج العافيه يالغاليه ...........

ماقصرتي ..

أنا أحب الطبخات السهله والسريعه ياليت تفيدينا ..

 

[ارو وكندر]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

مشكورة حبيبتي على طبخاتج اللي اكثر من روعه ......رجاء اللي اتسوي اقتباس مو حق الكيكة ولا اي طبخة كلها اخذي بس اللي تبينه حتى نقره كل اللي موجود ويالله يالله تفتح الصفحات معاي بليز حبيباتي وصج التواقسع ياكبرها يبيلها صفحة ابكبره (شوفو العيارة)فياريت بس اهنية نلقي نص التوقيع بس ماادري اشلون المهم انا طبقت شغلة وعجبتني توني سويتة واستانس ريلي وقالي اخيرا طلعتي بشئ حلوة من قعدة الابتوب هههههههاي والحين شرايكم ...........وعندي ابي مقادير اي شئ تكتبينة حطي على جنب مقاديرها لشخصين او ثلاث مثلا كيكة الشوكولاتة ودي اسويها بس كميتها كبيرة وايد وانا بسويها حق زوجي وسوري ع الاطواله

 

[ارو وكندر]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

اشرايج ضبطها

 

[Snow angel]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

تسلمون حبيباتي اللهم آمين اللهيجزاكم خير

دانة عزيزتي فيه اكلات خاصه بنزلها قريب للرمضان مخصوص الله يلحقنا خير

ورود الودود ابشري ياقلبي

أم شوق2 ماشاء الله تبارك الرحمن سنعه الله يعطيك العافيه وورينا ابداعك بالطبخ

 

[ABEER FLOWER]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

شخبارج ضيوفه؟
يعطيج ألف عااااااااااافية حبيبتي
و احنا متابعيج دووووووم
الله يرزقج بالي تتمنينه يااااارب

 

[ضحى الكويت]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

ضيوف متابعتج وناطره اطبااااااقج الحلوه وياريت تسويلنا كبب وانواعها الحين قامت تصير بالالوان


وخاطرى اسالج عن كبه العربانه شنو هذى واشلون صاير شكلها ومن شنو مكونه منه



والله يعطيج العافيه والصحه ويخليج لنا ويرزقج الذريه الصالحه ... اللهم آمين​

 

[Snow angel]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

مراااااااااااحب يا حلوااااااااااااااات

البنات اللي طلبوا مكرونة يمي يمي وسهلة هذا طلبكم وتحت أمركم



طبعاً الطبق هو Lasagna بالإيطالي :eh_s(6):

لزانيا من أكلاتي المفضلة في إيطاليا آمممممممممممم :tomato2:





مكونات الصلصة وطريقتها:

1بصل مفروم ناعم
3 فصوص ثوم مفروم ناعم
2 طماط مطحون مع نصف كأس ماء حار
4 ملاعق معجون طماط
4 حبات نقانق مقطعة مكعبات
3 ملاعق زيت زيتون
ريحان واريغانو مجفف
رشة ملح وفلفل أسود



يحمس البصل بالزيت الزيتون ثم الثوم ثم النقانق ثم معجون الطماطم ثم الطماط المطحون ورشة الملح والفلفل الأسود والريحان والاريغانو ويترك حتى يثقل الخليط قليلا ويخف الماء

تسلق مكرونة اللازانيا بالماء والملح والزيت كي لا تلتصق

مكونات الخليط الابيض:



علبة جبنة ريكوتا انا استخدم منزوع الدسم لان حتى قليلة الدسم دسمة الى اقصى درجة
بيضة واحده
نقاط من الخل
رشة ريحان مجفف
رشة ملح





تخلط المكونات مع بعض


نضع طبقة من الصلصة في صينية فرن





ثم شريحة من المكرونة ونمسح القليل من الجبنة





ونكرر نفس العملية تقريبا 3 مرات وننهي الطبقة الأخيرة بجبنة الريكوتا


تدخل لفرن لمدة نصف ساعه تقريبا ثم تخرج ويرش عليها جبنة موزاريلا وتدخل الفرن مرة أخرى حتى تذوب الجبنة








تقطع ويرش عليها جبنة برميزان عند التقديم وبالعافية












​

 

[||الجـــواهـــــر||]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

ماشالله تسلم ايدج ضيوفه الله يعطيج العافيه ماقصرتي

 

[ورود الودود]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

ربي يعطييييييج ألف عااااااااااااااااااااافيه يارب ....

يارب يوفقج ويسعدج مثل ماأسعدتيني بهالموضوع ...

لإني ودي أتعلم الطبخ على أصوله لإني مو ذاك الزود بالطبخ وتوني متزوجه ...

ربي يسخر لج زوجج ويرزقج الذريه الصالحه .

 

[المشتطه 55]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

السلااام عليكم!سويت فطايرضيوفه تجنن واول مره زوجي يمدح فطايري والفضل لله ثم لحبيبتنا اخذت منهالبيت اهلي واعجبتهم كثييييييرواسألوني عن الطريقه قلت لهم روحواحق ضيفه سعوديه في منتدى كويتيات العجييييييب ماشاءالله تعلمكم اياها وتسلم يدينج ضيوووفه والله يرزقج باللي تتمنينه ياااااااااااااااارب

 

[ورود الودود]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

ضيفه أبسألج ... صدور الدجاج أي نوع تستخمين ...
ودي أشتري ومو عارفه شنو الحلو لإن ودي أطبق ستيك الدجاج بامشروم ..

 

[ارو وكندر]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

يعطيج العافية وماقصرتي ...ممكن طلب ودي اسوي فطاير وكيك بس اللي مانعني فرني غاز واذا شغلتة من تحت لاي طبخة مثل الدياي الشوي احطة بنص الشواية تستوي من فوق وتتحمر والدياي من تحت ولا كان في نار قوليلي شنو الطريقة رمضان على الابواب ودي اجرب فطاير ودرجتة صج 180 درجة ولي يسلمج فيديني وين احط مثلا الكيكة وعلى اي درجة وماابطل الباب الفرن عطينا نصايحج ودي اجرب الكيكة اللي مسويتها تهبل وكانها لذيذة

 

[ورود الودود]

رد: مدرسة ضيفة سعودية لتعليم فن الطبخ بالخطوات المصورة ( حصرياً لمنتدى كويتيات )

ضيفه ممكن طريقه كرات البطاط ........

عجبتني وشكلها لذيذ ..