محتاره بين التخصص رسم ابتدائي ورياض اطفال

[ساره 1992]

بنات منو احسن رياض اطفال اطلع الساعه 12'30 ولكن تعب ولا رسم راحه واطلع الساعه 1'30 ومحتاره حيل والرجاء يا معلمات هالتخضين ساعدوني وعطوني رايكم ولو يرد فيكم الزمن وراء شنو راح تنقون راح تختارون اي تخصص ؟؟؟؟ وعطوني ايجاباتكم بسرعه لا التسجيل 1/7/2012 و نسبتي عاليه حيل 89

 

[ساره 1992]

رياض اطفال تطلع الساعه 12'10

 

[ساره 1992]

12:10

 

[قطعة حلا2]

انتي نفسي بالظبط انا محتاره بين الفنيه بالتربيه الاساسيه وكليه الشريعه............بناااات فيدونا عفيه انا واختي ساره

 

[بشري العنزي]

سارة آنا رئيسة قسم تربية فنية صارلي 8 سنوات و كنت مدرسة 7 سنوات و المنهج تغير صار مثل المادة الأساسية و آنا بالمرحلة الإبتدائية لكن لو يرجع الزمن للخلف بصير معلمة رياض أطفال بنسبة للدراسة بالكلية كلنا نفس المواد الدراسية العامة و مواد التخصص قليلة يعني بالعربي لازم تدريس عدل بالكلية و تتعبين ما كو راحة الفرق فقط بالعمل بالتعيين بالمرحلة الإبتدائية يشغلونج شغل غير شغلج شغل إدارة تعالي سوي مشاريع للمدرسة تعالي كنترول ....الخ يطلعون الراتب من عينج
أختي رياض أطفال ما تشتكي أبدا

 

[قطعة حلا2]

بشرى انا مفكره اتخصص تربيه فنيه شرايج فيه ياقلبي؟؟

 

[بشري العنزي]

إنت إخت دنيا و مثل بنتي روحي رياض أطفال إسأل مجرب الفنية قبل ألحين مثل المواد الأساسية
دائرة اللون ـ الخط العربي ـ العقد و الغمر ـ الصباغة ـ خشب ـ معدن ..........الخ

 

[بشري العنزي]

و خليها علي الله و الله يوفقج يا حلوتي

 

[قطعة حلا2]

بس رياض الاطفال صار فيه اكتفاء وانا واحده عصبيه وماحب الازعااااااااااج بتباتا انا عيالي ماتحمل صياحهم تبيني اتحمل عيال الناس لا ياقلبي انا مافكره في هالتخصص بتاتاااا,,,,,,,,,,

يعني ماتنصحيني كلش بتخصص الفنيه؟؟

 

[بشري العنزي]

إذا كنت ما تحبين الإزعاج و عصبية طبعا رياض أطفال ممنوع تماما و الصراحة العصبية هذا طبع من رب العالمين تري آنا عصبية أكئر مما تصورين تدرين إستخيري ربج و الله يوفقج يا حلوتي

 

[*مطبخ الذواقة*]

رياض اطفال ..... بس اذا تتحملين اليهال

غير جذي لا ما يصلح لج ...


والله يوفقج وين ما كنتي ....

 

[ساره 1992]

بس شنو سالفة المشرفه او المراقبه اللي كل شوي تراقب عملج ابله برياض اطفال

 

[شاطرة]

بنات انا خريجة 2012 ناوية على الفنية بس مكان الوظيفة على التربية ؟
ابي رياض اطفال او ابتدائي

 

[مشغوله و محتاسه]

اتمنى تكونين سجلتي فنيه ..

الروضة تععععععب

ما تسوى عليهم هالطلعه


الله يوفقج

 

[¤§ زيتونة §¤]

الروضة تعب تعب

صدقيني الفنية ابرك وايد من مجابل اليهال والتنطط معاهم ومشاريع وقصص وصور وبلاوي

مانصحج بالروضة ابدااااا

يبيلج فعلا بال طويييييييييييييييييييييييييييييل طول السنة مو يوم يومين وتتحملين الامهات وعسى ما تكلمين الياهل يو اهله باجر يزفونج ويمسخرونج ههههههههههههه

مو كلهم لكن من خوفهم على يهالهم بينطون لج كل يوم


والله يعينج ويوفقج لحسن الاختيار