محتارة بين هادي و السلام ..!

[مطيريه ماركه]

السسلآإم عليكم ورحمة الله وبركآته

بدايةً مبروك لكل الحوامل ، بدري على ولآدتي بس بآخذ رآيكم
يمكن في بنآت بيقولون فرق بين هادي أو السلام
أنا مابي الخبّة أبداً بس خواتي حيروني !!

أراجع عند رشمي بمستشفى هادي ومرتآآحة عندها نفسياً بس مافكرت بالولادة وتبعاتها
إلا اليــــــــــــــــــوم !

خواتي يقولون لي عناية هادي صايرة زيرو وغرفهم صغيرة وعنايتهم صفر
يبوني أروح للسلام !!

آنا بستشيركم قبل ما آخذ فرة ع حناج هادي بالهادي وقبل ماروح السلام
ماراح أسوي أستقبال بس أهلي من الدرجة الأولى أخواني بنات عمي الخ بيجوني
وطبعا أم زوجي

هل جناح هادي يناسب أو كبير أو صغير علينا ؟ وثانياً أي جناح بالسلام تنصحوني فيه وملحوظة آنا حابة أمل بس مخوفتني لأن كله فتح بطن :eh_s(2):

عضوات الله يهون عليج وبس تكفون مابي هالردود ابي وحدة تقرق قرق تعلمني بالتفصيل وتجاوبني ؟!

قارنوا لي بين جناح هادي وجناح السلام ال vip من ناحية الكبر والمطبخ التحضيري
ولادة كل من رشمي وأمل وطووولة بالهم ؟!
وظبعاً الأسعــار

هاكم :eh_s(17): هجـوم :eh_s(9):

 

[جـــواهر]

الهادي ماعاد هو مثل اول
محد يمدحه الحين
وماكو مقارنه بينه وبين السلام
السلام راقي وغرفه كبيره وشرحه
وعنايتهم حلوووه وكل من يمدحه محد يذمه


والله يسهل عليج

 

[وصية ابي]

فوووووووووووووق

 

["*آآآنؤؤؤقهـ*"]

االله يهون عليجا

 

[مناوووي]

آي دونت نو يالغاليه


عسي ربي يسهل عليج

ان شاءالله البنات يفيدونج

 

[بننناتي]

اولا الله يهون عليج وتولدين بالسلامه انا ولاداتي بالسلام مع ان خواتي يولدون بالهادي احب السلام لان عنايتهم والممرضات يهتمون فيج

 

[مس استي لودر]

اب اب لعيونج

 

[جنان كويت]

السلام عليكم
الله يهون عليج وتقومين بالسلامه
انا توني والده بالسلام لي ٥ايام قيصريه
وهذي ولادتي الثانيه وكانت لي تجربه سيئة جدا في مستشفي الامومه في ولادتي البجر

فكنت حيييل متخوووفه وين اروح واتكلت ع الله ورحت السلام بكل حق اقولها عنايتهم من ارووووووووع مايكون السسترات والدكاتره قمة العنايه

وغرفهم حيل راقيه وكبيره بالنسبه لي حيل ارتحت بولادتي والحمدالله ودكتورتي نهاد حسني روووووعه

 

[Aloe Vera]

السلام بدون تفكير


انظف و اشرح و احلى الغرف مالوت دسمان طبعاً

انا ماجربت غير رويال حياة بس عندي السلام و تحديداً اجنحة دسمان افضل شي من بعد رويال حياة

والله يسهل عليج

 

[sosowaty]

وعليكم السلام

من صجج مطيريه ؟؟؟

تحطين السلام عند الهادي ؟؟

لااااا اصلا احسن مستشفا للولاده السلام معروووف

و دسماااان افخم الغرف من بعد رويال حياه

و ترا الهادي عزج الله وسخ

سألي الدكاتره عنه

و انتي استخيري و شوفي شنو الي ترتاحين له

 

[بيبي غيرل]

لااااااااا حبيبتي مطيريه الي يقولج الهادي مو مثل اول غلطاااااااااااااان والله
والدليل عندي

انا نفسج والله كنت حدي محتاره بين الهادي والسلام من ناحية الجمال والشكل السلام احلا

بس شفت ولادة اختي بسلام والله انهم لعبو عليها تخيلي يقصون عليها يقولون لها البيبي تعبان واهي مافيها ولاده وقعدوها من 12 بالليل لي 5 المغرب اليوم الثاني ويعطونها طلق صناعي طلعت روحها منه واهي مافيها ولاده خذت عالست ابرة ظهر من العوار ومن كثر الطلق الصناعي البيبي حزتها صج تعب ودخلوها قيصري

سؤال لو البيبي تعبان على قولة الدكتوره مو المفروض اتطلعه بقيصري على طول وماتنطر كل هالوقت 24 ساعه لان فيها مجازفه عالبيبي لو كان تعبان (لو) يعني الموضوع في شك صراحه
وغير جذي محد ينسى سالفة نور الكندري الي عمرها 21 توفت عندهم بالولاده من اهمال طبي قبل ولادة اختي باسبوع
او والله والله وحده اعرفها توفت عندهم بعد زيادة بنج واهلها رافعين قضيه عالمستشفي


الهادي انا توني بلشت اراجع في صارلي شهرين حق ولادتي
شهر 6 ولدت في اخت مرت اخوي والحمدلله ولادتها ممتازه وحييييييييييل تمدحهم ورشمي هذي ولدت كل بنات خالات ريلي
والله تعالي شوفي المدح والكمام يقولون عجيب والخياط زين بس كلهم قالو خلي وحده تدخل معاج امج او اختج او زوجج الي يريحج والله ياا مطيريه انصحج توكلين على الله وتحجزين بالهادي وقبلها استخيري انا نفسج بالضبط ومحتاره كنت بين الاثنين هذول بس والله من كثر مادعيت الله قمت اشوف بعيني كل مستشفى


توكلي على الله وروحي عند رشمي خبره وعمري ماسمعت احد شكى منها ماشالله
والباجي تساهيل من ربج ودعوات الوالدين
موفقه حبيبتي عسى الله يتمم لج على خير

 

[ام زينه المطيري]

اختي انا توني ولدت صارلي اسبوع والله سسترات يهبلون حت الدكتوره بس الغرفه صغار وانا نفسج كنت مااحب له الهادي معنا يقنعوني مستشفي دار الشفاء بس سبحان الله مارتحت له با الهادي عند دكتورتي الارجع عندها اهم شي متابعه الحمل وله الولادها سهلات ان شاء الله اهم شي متابعه لا تستعجلين با الولدها الان الغلط انا ندخل نبي نولد واحنا مافينه طلوق بعين نحط علي المستشفي نقول مستشفي خايس

 

[mafio98]

السلام قبل كان زين اما الحين اغلب الدكاتره الزينين طلعوا منه وحطوا كله باكستانيه وانا مع ان دكتورتي من برا سالتها شرايح اي مستشفى اختار قالت لي اخر مستشفى بالترتيب السلام صج الهادي مو وايد واووو بس اذا انتي تبين دكتوره من المستشفى فاختاري الهادي احسن لج​

 

[سارة ة]

اب ماعنديش فكرة

 

[معزوفه حنين]

مطيريه قلبي استخيري

والله ماندري نصدق منو ولا منوو
دار الشفا ذموا والهادي ذموا والسلام ذموا والمواساه ذموا وريال حياه ذموا

المهم كل مستشفيات الكويت ذموهم ههههههههه

انتي استخيري وبسسس وتوكلي علي الله
الله يهون عليج

 

[مطيريه ماركه]

ان شالله راح ارد عليكم قريب وحدة وحدة عندي استفسارات ع ردودكم
افدتوني

 

[روعة خيال]

مطيريه حياتي انتي مبروك الحماااااال و الله فرحتلج

تبين نصيحتي محد مثلي افتر على مستشفيات الكويت


عندج اثنين لا تطلعين عنهم

رويال حياه (ولدت مرتين فيه) و معامله و لا اروع

السلام سويت فيه عملية الربط و شالوني شيييييل بس انصحج بالدكتوره نجمه او نزهت و عسئ ربي يسهل عليج يا رب

 

[أستثنـآئيهـ]

مآفي مجآل للمقآرنه .. أصلا
آنآ رحت بس أحلل بالهآدي زهقت من عمري ..
بالتآسع وموزينه علي الآلتهآبآت والبكتيريآ ..
دشيت مآفيني شي طلعت البكتيريآ فيني ..
وعععع حمآمآتهم تكرمين وصخآ حتى كلينكس مآفي
العينه تشيلينهآ بأيدج جدآم النآس
يآ حلو السلام نظآفه وجهآز ينظفلج الحمآم تكرمين .. والعينه مآ تجيسينهآ مآلوت المختبر اهمآ يجون يخذونهآ ...
والسلام تنومت فيه حدود 24 سآعه المرضه مستعده أدش معآي الحمآم وتعآوني بس آنآ مآ رضيت طبعا

السلام اللحين النآس تذمه تدرين ليش لأنه بس رفع أسعآره والعآلم مآ تبي الآ الرخص ..
وأمل نفس الحآله يقولولج أنهآ مو زينه لآنهآ غآليه ..
الدكتوره مو غآليه بس وحده تلآحق على مرضآهآ ..
يعني يوم أجيهآ بمرآجعتي زختني ب 40 ةالكشف عندهآ ب 25
ليش لآنهآ شآفت تحليلي فيه بكتيريآ من الهآدي وععع
وعطتني تحميله ... تنظف البكتيريآ ...

وآنآ سآئلتهآ عن فتح البطن ..
تقول آنآ مآ أفتح البطن مني والطريج ..
واشرحتلي ليش تولد قيصري ..
بعد أذآ كنتي بوحده من الحآلآت اللي لآزم قيصري شتسوي فيج أكيد بتحطج قيصري

بألأخير السهآله من الله ...
وحريم أول تولد ومن ثآني يوم تمشي مآفيهآ شي
والله يسهل عليج ..
أن شآءالله أذآالله كتبلي وقمت بالسلامه رآح أعطيج تجربتي ..

 

[تبطي عظم!]

استخيري. تجارب البنات مو مقياس

واجد يسبون مستشفى العرف وولدت فيه احسن عنايه واحسن شيء شفته

مرت اخوي ذبحة نفسها ماتبي الهادي تبي السلام وولدت هناك وتعذبت حييل بولادتها

امي كل ولاداتها بالهادي صج الغرف صغار بس حييل تمدحهم

 

[أكذب عليك]

توني ولاده بالسلام العنايه روعه
كنت بالجوهر ا حلوو كبير ه وراقيه وفي خصوصيه لي
صج حيييل اهتمام
والله يكتبلج اللي فيه الخير