محتاجه مساعدتكم لا تبخلون علي ?

[جعلك فداي]

السلام عليكم ورحمه الله وبركاته




شلونكم شخباركم عساكم بخير




اتمنى تتقبلوني معاكم كأخت وبصراحه انا محتاجه
مساعدتكم
انا حامل وبالشهر التاسع وأبي نصايح منكم لان انا بجريه وماأعرف اي شي ووحيده أمي من البنات
وبصراحه خايفه من الولاده ومو عارفه شنو اسوي بعد ما أولد
الوالده ماقصرت جهزت لي كل شي من ادويه وأغراض لي والبيبي
بس انا محتاجه اعرف شلون اهتم بنفسي
يعني شلون اخلي بطني بعد الولاده يشد ويرد البس حزام او كورسيه وخلطه استخدم اي خلطه للوجه والجسم
ومعلومات تهم النفاس
اعذروني طولت بالكلام بس وربي لان ما عندي غيركم

​

 

[بدوية بملامح كشميرية 86]

الله يسهل عليييج ان شاءالله

ويخلي لج امج ويطوول بعمررها

انا بنفاسي كلش ماهتميت بنفسي ماعندي فكره ان شاءالله البنات يفيدونج

 

[ريح قهوه]

اهم شي وقبل كل شي اهتمي من داخل قبل اللي برا واكيد امج راح اتضبطج من ناحية الادويه والسوالف اما من ناحية الخلطات لج الله مالي حظ فيهم احط واهتم ولا جني احط الشكوى لله اكيد البنان راح يعلمونج مايقصرون

 

[فلفل اسود]

اهم شي شفطي بطنج وديما لبسي كورسيه

واخذي خلظات من الحواج وشوفي قسم العنايه بالبشره مايقصرون بالخلطات

 

[جعلك فداي]

بدويه بملامح كشميريه
مشكوووووووره ويعطيج الف عافيه ​

 

[جعلك فداي]

ريح قهوه
يا بعد ريحي شاكره لج مرورج
والله حسستوني انكم صج خوااتي​

 

[جعلك فداي]

فلفل اسود
ان شاءالله راح اسوي اللي قلتي عليه
جزاج الله خير يا ختي​

 

[FJ style]

انا ما استخدم خلطات وادوية شعبيه
اهم شي الحسو والحلبه والتغذية الزينة وشرب السوائل
بعدين قبل طلعتج
حمامات مغربية وتدهني دايما
الجسم بروحه راح يتعدل خلال الاربعين
اما البطن دايما شفطيه ولبسي كورسيه ولا تاكلين فوق حاجتج لكن تغذي عدل

 

[كتالونيه]

هلاوالله فيج اختي
معانا بالمنتدى وحنى خوات
بالنسبه للبطن اربطي بطنج بشماغ
احسن
والا عندج الكورسيه الاندونيسي
اما بالكريمات كل بشره عن بشره تختلف
انا من ناحيتي اطلب صالونه تنظيف بشره
وحمام مغربي كل اسبوعين مره
شوفي قسم البشره في تاجرات يبيعون كريمات زينه
وتقبلي مروري

 

[لوفيه]

اهم شي لا تجوعين

وربطي واذا عورج بطنج عوار غريب شيليه الحزام لانج قاعده تظغطين على رحمج

ورحمج يحتاج يرد مكانه هالفتره

حاولي ترضعين من صدرج صج راح يعوووورج عوار فضيع بس والله بعدين تتعودين

حرام طفلج يحتاج مناعه منج خصوصا الحين الجو بارد لا يمرض اسم الله عليه ربي يحميه

وابتعدي عن اي شي باااارد حتى الماي شربي دافي

واخر عشر ايام استخدمي تحاميل البيتادين زينه وايد واتنشف

وان شالله موووفقه

 

[جعلك فداي]

Fj style
كتالونيه
لوفيه
عن جد ردودكم ردت لي روووووحي
مشكورين وجزاكم ربي الجنه​

 

[جعلك فداي]

لوفيه من فرحتي نسيت لا أسألج عن تحاميل وين احصلها​

واذا تنحط شلون بصراحه ما اعرف منحرجه