محتاجه رايكم

[مارشميلو..]

السلام عليكم
شخباركم بنات

انا قبل فتره نزلت موضوع
http://www.q8yat.com/t843208.html

عن مشكلتي
اللي مالقيت لها حل:eh_s(11)::eh_s(16)::eh_s(11)::eh_s(11):
من قلب تعبت والله مافي امل هالرجال يتغير مافي اسلوووووب كلش
حتى لما يمزح معاي كنه يممزح مع واحد من ربعه
تعبت من هالعيشه مااحس اني انثى >>ههههه احس هالكلمه تضحك
بس والله بموت من القهر
دايما يحب ينتقص مني ومن شخصيتي دايما انا اللي مافهم واللي ينلعب علي
والله ثقتي بنفسي زيرو بتصير مع الايام بسبته
يبدي كل الناس علي وعيب عنده يكلمني قدامهم حتى لو بيتأخر
كل ماقوله نطلع نتمشى يقول مو فاضي مشغول والمصيبه هو يشغل نفسه بأشيا تافهه
يحب يطلع مع ربعه وبس
ودي انه يحس فيني يقول لي كلام حلو يمدحني لاكشخت مو يتطنز وبس
ابي مره يعزمني ويخليني اغير جو بدل هالحبسه مااطلع الا اذا انا قلت له ابي السوق
ولا ابي ازور اهلي
مايباااادر
مافي شي يطلع منه فجأه
تعرفون اغنيه نانسي عجرم في حاجات :eh_s(22):
هذي احسها مكتوبه لي
احس مو هذا اللي تمنيته
ياليتني ماتزوجته ولا وافقت عليه
في ناس يقوولون اذا زوج يعطيك فلوس ومايقصر ولا يمد ايده عليك ...الخ احمدي ربك
بس مو هذا اللي انا ابيه بس
اظن احنا بشر لنا احتياجات كثيره مو بس فلوس
باختصار حياتي خاليه من المشااااعر مافي احساس ولا كلام حلو
لا بشهر العسل ولا عقبه
انا تعيسه وحظي مو حلو اللي هذا نصيبي
افكر انفصل بس لما اتخيل حياتي عقب الطلاق وموقف اهلي اللي اكيد بيكون ضدي
وكلام الناس وتشتت ولدي اهون
يعني انا مو قاعده معاه عشان راضيه بحياتي
ترى انا اقول هالكلام ومو مستانسه الا العبره خانقتني
يمكن تحسون كلامي ملخبط والله قاعده ابكي وانا اكتب لكم
بالموضوع اللي قبل في بنات قالوا لي انتي بادري انتي تغيري وعوديه على الاسلوب اللي تبينه
والكلام الحلو
بذمتكم شلون تبوني اقوله كلام حلو وهو كله كاشت فيني
من البدايه وانا عروس واستحي هو ماقال مع انه جرئ
حتى بيوم عرسي وانا بالبدله ماقال شي ولا علق على شكلي
احس ثقتي بنفسي بتصير زيرو من كثر مااقول هالكلام
انا كنت انخطب واجد من يوم كنت بالثانويه وناس واجد تمدحني ولحد الحين
حتى الفلبينيه اللي بالمشغل يوم تاخذ مقاساتي تقول مااصدق في وحده متزوجه وعندها بيبي
وهذا جسمها
احس صرت اعزي نفسي بهالكلام
مع اني مابيه من كل الناس
ابيه منه هو وبس
بس لاحياة لمن تنادي

 

[Mary]

تعالي اقولش جم حاجة إن شاء اااه يفيدونش،و اااه يوفقش و يوفق الجميع يا رب.

المزح: تحليلي يمكن يكون ما عنده خوات ويمكن يكون متربي بين شباب واجد،ومتعود ع ربعه.هو يمكن قصده إذا مزح يعني هذا تعبير عن الألفة،و أنه رفيقش.الحل: إذا مزح وياش بهذي الطريقة،مشي وياه الموضوع بضحكة لكن قولي له بدلع: لا يكون تفكرني أبو الشباب. لا تقولين الكلام بعصبية.لا قوليه بطريقة واضحة،وبدلع،حتى يحس أن صدق انتين غير،و انش أنثى.بس بعد مو معناته كونش أنثى ما تمزحين وياه.يعني انتين الحين في الأيام الجاية صيري تمزحين وياه،انتي تتحرشين فيه،وخل يكون لمزحش أسلوب خاص،حتى هو يعرف شلون يمزح وياش المرة الجاية.

انتقاص الشخصية:لما تتكلمين خلش واثقة،جيبي جم مصطلح،و جم تعبير علمي،و جم صياغة ادبية،طالعي برامج مفيدة،مثلا: طالعي برنامج دكتورز،و خبريه عقب بالي يصير فيه،طبعا لما تسولفين وياه،لا تخلين السالفة تصير ع نمط قال،و قيل. لا يعني مثلا تدخلين هالكلمات الي تلفت الانتباه،و تخليه مستعد يسمعش و ما يحس بالملل.الكلمات هي"تدري ان؟، ع فكرة، أما اليوم اكتشفت ان،ما تلاحظ أن"..بعد شيء 2: لما تتكلمين وياه لا ترتكزين ف سوالفش ع الجانب السلبي،يعني مو طول الوقت سوالفش انتين المسكينة،و انتين المظلومة،و انتين المستضعفة.لا جيبي سوالف و مواقف مثلا: اليوم صديقتي طلبت مني أساعدها في مشروع الجامعة،و ألحت أكون وياها.<< خله يحس ان صدق انتين عندش مهارات وقدرات،و أن الناس تحترمها. مثال آخر: خل يكون لش دور في بيت أهله حتى يكون المثال بارز وواضح قدام عيونه،يعني مثلا يكون لش راي ينآخذ به في الأزياء،ف الطبخ،أو في شيء انتين فعلا تعرفين فيه.


يتطنز عليش إذا كشختي،ما يقول لش كلام حلو؟
مشكلة زوجش: يستغل فكرتش: رأيك أنت،و أنت العالم كله!
ومشكلتش انتين: ما تحبين تقولين،و توضحين،و تنوهين خوفا من الفشلة،و خوفا من يقول لش مغرورة.
امدحي نفسش قدامه،مثلا: اااه يا مارشيملا الجميلة،شالأناقة؟الفستان حلو لأنه عليش.
قولي له راي الناس الايجابي فيش،قولي وانتين ما تضحكين او مستحية،أو تبين تخلصين السالفة بسرعة.قولي مثلا: أما اليوم فلبينية المشغل قعدت تتغزل في جسمي.
اليوم خطبتني وحدة ف الصالون،بس اني ضحكت وقلت لها لا اني متزوجة،و اغمزي له.


ما يطلعني:
دزي له مسج: ممكن حبيبي طلب صغيرون؟ أدري انك كريم و ما بتردني.حبيبي خاطري أروح البحر وياك.
حطي له تذكير في تلفونه ع وقت مناسب ما في شغل و لا مشاغل يدق له يذكره ب:حبيبي مشتاقة نطلع ويا بعض.
حاولي انش ما تاخذين وقت اصدقائه، عشان هو ما يتملل ويطنش.
قولي له: ما جى دور حبيبتك تطلعها؟


جربي هالجم نقطة،و اذا فادوش الحمد لـ اااه.

 

[! بــدويه وآآيــد !]

،


الله يعينج مافيه رجال كامل كلهم فيهم عيوب وعيب يهون عن عيب




​

 

[زوجة عزيز]

كلمة ياليت ماتعمر بيت الحين استهدي بالله اللي صار صار وحاولي اتحلين مشاكلج معاه ومثل ماقالت بدويه وايد مافي ريال كامل

 

[dectora 7elwa]

االله يهديه لج

 

[مارشميلو..]

مشكورين بنات

 

[انا لحبيبي .]

الله يهديه ، ويحنن قلبو عليكي يارب

 

[تعبت اداري...~]

الله يكون بعونج
اسئل الله ان يجعله لج كما تحبين ان شاء الله .........

 

[A.E]

لا يوجد انسان كامل

والكمال لله عزوجل

الله يهدي زوجك ويسخره لك ويوفقكم دنيا وآخره

 

[خوخه بارده]

الله يهدييه وسخره لج عليج بالدعاء ياقلبي وان شاءالله الله بسخره لج اللهم اميــــــــــــــــن

 

[fatoomm]

الله يهديه