محتاجتكم مالي غيركم من بعد الله

[طيبه قلبي]

حبايبي انا حامل بالسادس وهذا اول حمل لي وامي متوفيه وماعندي احد
ماني عارفه اي شي عقب امي الله يرحمها
مادري متى اجهز وشنو اجهز وين اجهز
وبالنسبه لنفاسي ماعندي خبره ولاشي وخواتي مومتزوجات وصغار ومادري قاعد تمر الشهور وماني عارفه
ادبر عمري
حتي بالمهاد ماعرف ولا حليب شكثر احط له وشنو اسوي صج تعبانه نفسيا هو جا عقب وفاه امي رحمه من الله لقلبي والحمدلله على كل حال
ابيكم تساعدوني تكفووون انا ترددت اكتب لكم بس مالقيت احد يساعدني ابيها من الله ثم منكن
امانه امانه امانه

 

[#الخشف#]

عسى الله يغفرلها ويرحمها
انا نفسج هذا اول حمل لي وناويه اجهز الشهر السادس او السابع لاني اسمع من اللي حملوا قبل انه الوحده من تدش الثامن تثقل وماتحمل مشاوير السوق
تجهيز النفاس شوفي مره تثقين فيها اخذي منها دوا النفاس اللي هو مردود ولهوم وقشر القهوه وهي بتعلمج شلون تستخدمينهم

اذا عندج حساب بالانستقرام انصحححج وبشده تضيفين هذا الاكاونت عندج لانه خاص بالحوامل واي استفسار عندج دزي لها والبنات يجاوبونج عن نفسي انا حيييييل استفيد من كلام البنات @7wamel_q8


وعندج هالحساب حساب ام خالد للاعشاب تكلم عن النفاس وعندها دويات النفاس اسمع بنات يمدحونها وانا عن نفسي ماجربتها للامانه ومثل ماقلتلج انا بكريه
@a3chab_taiba

وعسى الله يسهل امورج يارب

 

[floor]

حبيبتي روحي سنتر بوينت واخذي
1- 5 نيو بورن 5 من 0/3 اطقم كامله تتكون من افرول ولفته و كبوسه و سدريه و الافرول اختاري اللي يكون مسكره رجوله و طباقياته من قدام لان لو من ورى بتضايقه
2- تلقين بسنتر بوينت مهادات للبيبي خامتهم حيل حلوه من غير حبل لان الحبل يضر البيبي وهالمهاد يمهد البيبي عدل من غير حبل نظامهم لزق
3- اخذي تبانات اللي يجون مجموعه كامله اخذي من 0-3 تقريبا 4 ونيوبورن 4
4-فوط صغار عشان لما تجين ترضعينه تستخدمينهم تلقينهم يجون مجموعه
5- فوطه كبيره للبيبي لما تحممينه
6- لفه تريكو تلفين البيبي فيها عشان مايستبرد من التكييف
7-مخده و اخذي فوط 2 او 3 وسط تغطين المخده فيهم عشان لو رجع يرجع عليهم وماتتوصخ المخده والفوط تنضيفهم اسهل
8-وفي عند صوب الجناط نفس الفرشه تكون نايلون تحطين البيبي فوقها لما تبدلين الحفاضه انظف لج وله لان البيبي وانتي تبدلينه ممكن يسويها حزتها
9-مميات صغار انا بنظري احلى نوع بايقون القدم طبعا اخذي الزجاج اخذي 3 حبات و وحده وسط اللي تكون 4 ارقام ولهايه نوعين لانه البيبي مو اي نوع يناسبه ومطارة وفرشاة تنظيف ومجموعه بيقون اوجونسون اوسيباميد اللي يعجبج للحمام وانا انصح بيقون الصغيره للاربعين وحفاضات اصغر حجم وكلينكس جونسون للبشرة الحساسه وسودو كريم للحساسيه منطقة الحفاظ
10- كيس للبيبي
هذا كل شي تحتاجينه فترة الاربعين للبيبي
وطبعا سرير وبطانيه يفضل السرير كاروكه اللي تهزين البيبي فيه
ادوية الانفاس ابحثي واسألي عن وحدة ثقه اهم شي تدفيين عدل وتلبسين دلاقات واهم شي لا تجوعين وتكثرين سوائل واعشاب دافيه وحليب مع حلبه وعسل وتمر عشان الرضاعه الطبيعيه مهمه للبيبي خصوصا الماده الصفرا اول يومين وللام ترفع الرحم وتشد الجسم وتضعف:rerrerek:
واكل صحي
وتنتبهين من العطور لانه جرح الولاده يلتهب منهم وعليج بشرب المره وحبوب المضاد عن الالتهابات وغسول البيتادين للجرح
منقووول مع بعض الاضافات

 

[floor]

الله يرحمها الوالده ويغفرلها درب ماشي الله يجمعنا مع حبايبنا بالجنه
وصدقيني علمتنا الدنيا والتجربة والبحث بالمواقع الطبيه وكويتيات وان شاءالله تقومين بالسلامه انتي والبيبي سهالات ان شاءالله لا تحاتين اخيتي فديتج احنا خواتج واي شي انا حاضرة?

 

[طيبه قلبي]

بعد عمري ماقصرتي
انا كتب الاغراض وانطر اخلص السادس واروح ان شاء الله
بس افكر بالبيبي بعدين ان شاء الله اشلون امهده والبسه واسبحه مااعرف صج والله محتاسه الاغراض انتي دبرتيني فيهم جزاج الله خيرا
ماني عارفه بعد احتاج شي او في شي اسويه ناسيته ماادري الملابس والاغراض اجيبهم عادي بس بعدين شنواحتاج له
احاتي مهاده وشيلته وماعرف اتعامل معاه وماعندي احد كلش

 

[#الخشف#]

ضيفي حساب حوامل والله بيذكرونج بكل شي محااجته

واذا كلش جيبي لج بيبي سنتر اول ايام وتعلمج شلون تعاملين مع الجاهل ..

 

[ملكه الحطب]

الله يرحمها ويغفر لها الوالده
امهاتنا موجودين الحمد الله صج علمونا بس في شغلات ياجر انتي بتعرفينها وبتحسينها بالمولود صج احساس امومه واحلى شي وكل شي اوله صعب والله يسهلها عليج يااارب ويعييينج وانصحج صج بالبييي ستر اول اسبوعيو عالاقل لو فتره الصبح تجيج لانه بالليل صعب عليج ودايم البيبيات يشتغلون بنص الليل سبحان الله وماينام لي الصبح وفي على مااعتقد بمستشفيات دار الشفا ورويال حياه دروس تعليم وتجهيز للولاده وللمولود
وانصحج بملابس نكست اتهبل وكد ومد احلى ملابس للبيبيات ودشي مذركير تحتارين شنو تاخذين وتخلين كل شي عندهم للمولود وطقم الفراش ملوتهم اتهبل كل اعيالي منهم بس افرولاتهم مو ذاك الزود ولا التبانات فوطهم حلوه ومشط ومقراضه وصدريات مصاصه ايفنت حلوه
ولاتحاتين بتتعلمين بسرعه ان شاء الله ومحد بيفهم للولد غيرج صدقيني كل وحده تفهم وتعرف لعيالها