محتاااااااااااره لولب ولامانع؟

[دلال الكويت q8]

السلام عليييكم ..

بنات انا توني وااالده وودي ارركب لولب

بنات اللي جربوا اللولب ششرايكم فيه انا اخاف من حبوب المانع من كثر ماسمعت عن اضراره

وكنت مقرره اني اركب لولب بنهايه نفاسي وتو اسولف مع رفيجتي خرعتني زياااده قالت ان وحده

طار فيها اللولب وسوو لها عملييه

انتوا شررايكم فيييييه والله محتتاررره

 

[انتيكا]

انا عندي مضار حبوب المانع اهون من مضار اللولب انصحج بالمانع صراحه

 

[اللهم الجنة]

اللولب احسن من الحبوب اللي كلها هرمونات تتفخ الجسم

 

[رتولة]

المانع احسن

 

[دلال الكويت q8]

بنات اللولب شنو مضاره غير انه ممكن يتحرك من مكانه اليوم رحت مراجعتي

وسالتها قالت افضل لج اللولب بس ماركبه لج الا بعد 3شهور من الولاده

عشان يكون الرحم راد مكانه

يماي مو قادره اتجرأ اكل مانع من قريت النشره مالته

 

[دلال الكويت q8]

بنات اللولب شنو مضاره غير انه ممكن يتحرك من مكانه اليوم رحت مراجعتي

وسالتها قالت افضل لج اللولب بس ماركبه لج الا بعد 3شهور من الولاده

عشان يكون الرحم راد مكانه

يماي مو قادره اتجرأ اكل مانع من قريت النشره مالته

 

[grey]

تجربتي بالمانع مو شي خذيت حبوب ياسمين و اذكر حوووسة طولت علي الدورة و الريال زهق بس انا يمكن استخدمتها غلط ... و بعد فيه تجربة وحدة اعرفها شخصيا صار فيها تجلط و عطوها ابر سيولة و قالو انه من المانع و هذا غير النفسسسسية زفت !!!
و عقب الحبوب ركبت لولب العادي عالأقل اهون من الحبوب بس سلبيته انه اييلي دم فجأة مو وقت الدورة بس خفيف حيل و يروح يومين ثلاثة

 

[دلال الكويت q8]

اي انا بعد احس اللولب اخفففف

 

[baa6aa]

نفس الحاله عقب الولادة قالت عقب شهرين اراجع الدكتورة و تشوف ينفع لولب او لا و عطتني حبوب مانع خفيفه حيل لان ارضع مشيت عليهم شهر و بس عقبها لولب
صراحه احسن واهون بمليون مره
بس اول ماحطيته قالت ارجع لها بعد اسبوعين عشان تجيك عليه بمكانه و صج جيكت و الحمدلله كل شي اوكي و الحين مراجعاتي كل 6 اشهر للتاكيد فقط
نفسيه ورديه و لا تمتنين ولا شي الحمدلله حطيه وانتي مغمضه
وترى حتى الولاده لها سلبياتها اللي يحوشها نزيف واللي الرحم يصير فيه شي صح ولا لا ؟
فلا تسمعين كل الحجي السلبي و تخترعين جان ولا وحده فينا حملت و ولدت

 

[بنفسجيه_Q8]

ماعندي خبره
انا ماجربتهم
انا على المانعه الطبيعيه
وبعد ما بطلت ماحملت بسرعه قعدت سنتين
يعني مو شرط له اضرار كل وحده عن ثانيه تختلف

 

[سيدة دبي]

انا بعد كل ولاده احط لولب لان ما ابا ادخل في مشاكل الهرمونات والمتن وسوالف الحبوب

اركبه بعد النفاس على طول واخر واحد تميت 4 سنين بالضبط وبعدين شلته الحمدالله ما كنت احس فيه

الولب يعتمد على شطارة الدكتوره وجسم كل حرمه في حريم يتحملونه وفي حريم يسببلهم مشاكل

انتي وحظج​

 

[دلال الكويت q8]

مشكورين بنات ع الردووود

 

[ملامح بريئة]

استخيري وعلى فكرة اذا بنقرين روشته الحبوب ماراح تاكلين ولا نوع وعالعموم تجارب اللولب. اغلبها سيئة يمكن لانه الدكاترة مايركبونه عدل او من الشغل ينزل يتزحزح عالعموم انا طول عمري اكل مانع ديانا وروعه ماياثرون عالجسم ولا شي وفكرت اغيرهم لياسمين وذبحتني المعدة ورديت عالديانا صراحة هي اريح الحبوب

 

[درة التاج]

سلام عليكم
استخيري وشوفي كلام دكتورتك
انتي لازم تنطرين ثلاث شهور عشان الرحم يرد مكانه
استخدمي طريقة العد او العزل هالثلاث شهور وبعدها ركبي اللولب