قوه ياحلوين
يايبتلكم مجبوس دياي محشي بالجيس روعه شويه بحقه طعم مميز ونااااطع ماتلاقين وصفه مثل هالوصفه
أنا غرامي الدياي المحشي ومن كثر غرامي فيه أتفنن بطبخه جربيه وبتدعين لي اهو من ريحه خنينه ولا من نكهة لذيذه ولا شكل مغري :eh_s(11): لي سويته أهلي ياكلون الصحن كله من حلات طعمه
التصوير لكم عليه من آيفون وظلمه صراحه غير جذي أهلي يواعه واستعيلت فيه مامخمخت عدل :eh_s(10): فكرت أعيد الطبخه واصورها من يد ويديد بس قلت خلاااص اهي صااارت :bbbiu:
يالله نروح للطريقه والمقااادير كلهم يميع
المقادير لكل ديايه ( أنا مسويه 3 ) حجم 900 طبعا ساديا .. غسليها ونظفيها من داخل تالي نقعيها بصوص : قوطي روب +ربع قلاص صوص الصويا+ربع قلاص خل ابيض+ربع قلاص زيت دلال+ خلطي هالمكونات مع بعض وحطيها على الديايه فركيها من برا وداخل وخليهم لمدة نص ساعه جذي الدياي يطلع معانا
تالي خلطي هالمقادير بالخلاط : كمية من صوص النقع اللي بأول خطوه ومعلقه ونص كاري وملعقة صغير زنجبيل بودره ..ونص ملعقة صغيره كمون مطحون ونص ملعقة صغيره قرفه مطحونه وملعقة ثوم مطحون(أو فصوص إن حبيتي) وبصلتين مقصصين ( أو بودر إن حبيتي) وربع ملعقة فلفل أسود ونص ملعقة كبيره كركم وملعقة كبيره بهار بحريني أو بهارج المعتمد وربع ملعقة كزبره مطحونه وربع ملعقة باربكيا والملح حطيت ملعقة ونص طبعا ملعقة ونص حق مقدار 3 ديايات أنتي حطي حسب كمية الدياي .. عقب طلعي الدياي من الصوص اللي نقعناها فيهم وأحتفظي بالصوص نبيه .. وحطي خلطة البهارات على الدياي وفركي من داخل وبرا وحطي شويه من داخل
وتركي الدياي ينقع لثاني يوم بالثلاجه عشان الدياي يتشرب النكهه عدل مدل
وهني ثاني يوم طلعتها
تهبببببببل ريحة البهااراات :eh_s(15):
عقبها نسوي الحشوه ماصورت الخطوات كنت مستعيله عندج خيارين للحشوه ( برغل خشن أو ناعم أو عيش مصري )
بالبرغل أنطع بس قلت أغير واسويها بالعيش المصري وهم لذييذه .. حمست لحم مفروم وخذيت من صوص البهارات حق الدياي وحطيته على اللحم مع شبنت مفروم وكزبره مفرومه وزدت ثوم وتالي ضفت العيش المصري المنقع على اللحم عقب ماأستوى وضفت هيل مطحون ...
وبالنسبه لطريقة البرغل : نقعي برغل لمدة ساعه وحطي شويه ملح ليمون وبهاراتج مع كزبره مفرومه وشبنت مفروم .. وبس
تالي طلعت الدياي من الصوص وحشيته بالحشوه وخيطت الديايه أو تقدرين تسكرينها بعود أسنان بس عشان مايتشقق جيس الفرن خيطت الدياي وهم عشان أضمن مايطيح من الحشوه شي ...
ييبي جيس الفرن الخاص
وحطي فيه صوصنا الأول اللي شلناه مع الصوص الثاني مع بطاط مقصص وفلفل رومي بارد وسكري الجيس وشققيه شوي بالسجين عشان ماينفجر الجيس داخل الفرن :eh_s(14):
عقب أخذي لج صينيه وحطي فيها ماي حار وحطي فيها جيس الدياي وشغلي الفرن ( من تحت بس) وخلي الصينيه قريبه من النار التحتيه عشان يستوي
وكل ماتبخر الماي بالصينيه وونشف ضيفي ماي مره ثانيه ولما ينشف مره ثالثه لاتحطين ماي .. عشان الديايه تتشرب الصوص اللي داخل الجيس .. ليش نسوي جذي؟ عشان تستوي أكثر وتحمش تصير حمرا ... آخر ربع ساعه ولعي الفرن من فوق عشان تحمر أكثر
لي شفتيها تحمرت كلها معناتها أستوت .. تتم بالفرن ساعتين .. أنا للأسف أستعيلو كانوا أهلي يواعه وخليته ساعه ونص بس ماتحمرت كلها بالشكل المطلوب
نروح نسوي عيشنا
بجدر حطي زيت دلال مع كزبره حب وكمون حب ودارسين حب ولومي 3 حب وجم حبة هيل و3 فلفل حار علوب وحبة ماجي خليهم يحمسون لين ماتطلع الريحه عقب ضيفي طماط مقصص أنا حطيت طماطتين مع فلفل رومي بارد مقصص حطيت وحده لين يذوب الطماط حطي ماي حار حسب كميتج للعيش وذوقي الملح وضبطيه تالي ضيفي العيش لي قام يفور الماي ..
خليه لين يستوي شوي عقب حطي حشو العيش ومثل ماتشوفون بالصوره حشوي المتواضع
عقبها لوني العيش على صوب .. وضيفي ماي ورد على ويه العيش وسكري عليه لمدة ربع ساعه على نار هاديه
نروح لديايتنا
هني عقب ماطلعتها وللحين مابطلت الجيس
وهني قصيت الجيس
الدياااي ذااايب ذوووب :eh_s(16):
عقب أخذي لج مقص كبير وقصي الديايه من النص عشان الحشوه تطلع
أو بالسكين
وهني نجبته التصوير سريع :eh_s(16):
قدمته مع مرقة باميه وليمون مقصص وخضره جرجير وبقدونس ورويد وفجل واللذي منوو
وبس هذي طبختنا وخلصت وسامحونا على القصور :eh_s(17):
يايبتلكم مجبوس دياي محشي بالجيس روعه شويه بحقه طعم مميز ونااااطع ماتلاقين وصفه مثل هالوصفه
أنا غرامي الدياي المحشي ومن كثر غرامي فيه أتفنن بطبخه جربيه وبتدعين لي اهو من ريحه خنينه ولا من نكهة لذيذه ولا شكل مغري :eh_s(11): لي سويته أهلي ياكلون الصحن كله من حلات طعمه
التصوير لكم عليه من آيفون وظلمه صراحه غير جذي أهلي يواعه واستعيلت فيه مامخمخت عدل :eh_s(10): فكرت أعيد الطبخه واصورها من يد ويديد بس قلت خلاااص اهي صااارت :bbbiu:
يالله نروح للطريقه والمقااادير كلهم يميع
المقادير لكل ديايه ( أنا مسويه 3 ) حجم 900 طبعا ساديا .. غسليها ونظفيها من داخل تالي نقعيها بصوص : قوطي روب +ربع قلاص صوص الصويا+ربع قلاص خل ابيض+ربع قلاص زيت دلال+ خلطي هالمكونات مع بعض وحطيها على الديايه فركيها من برا وداخل وخليهم لمدة نص ساعه جذي الدياي يطلع معانا
تالي خلطي هالمقادير بالخلاط : كمية من صوص النقع اللي بأول خطوه ومعلقه ونص كاري وملعقة صغير زنجبيل بودره ..ونص ملعقة صغيره كمون مطحون ونص ملعقة صغيره قرفه مطحونه وملعقة ثوم مطحون(أو فصوص إن حبيتي) وبصلتين مقصصين ( أو بودر إن حبيتي) وربع ملعقة فلفل أسود ونص ملعقة كبيره كركم وملعقة كبيره بهار بحريني أو بهارج المعتمد وربع ملعقة كزبره مطحونه وربع ملعقة باربكيا والملح حطيت ملعقة ونص طبعا ملعقة ونص حق مقدار 3 ديايات أنتي حطي حسب كمية الدياي .. عقب طلعي الدياي من الصوص اللي نقعناها فيهم وأحتفظي بالصوص نبيه .. وحطي خلطة البهارات على الدياي وفركي من داخل وبرا وحطي شويه من داخل
وتركي الدياي ينقع لثاني يوم بالثلاجه عشان الدياي يتشرب النكهه عدل مدل
وهني ثاني يوم طلعتها
تهبببببببل ريحة البهااراات :eh_s(15):
عقبها نسوي الحشوه ماصورت الخطوات كنت مستعيله عندج خيارين للحشوه ( برغل خشن أو ناعم أو عيش مصري )
بالبرغل أنطع بس قلت أغير واسويها بالعيش المصري وهم لذييذه .. حمست لحم مفروم وخذيت من صوص البهارات حق الدياي وحطيته على اللحم مع شبنت مفروم وكزبره مفرومه وزدت ثوم وتالي ضفت العيش المصري المنقع على اللحم عقب ماأستوى وضفت هيل مطحون ...
وبالنسبه لطريقة البرغل : نقعي برغل لمدة ساعه وحطي شويه ملح ليمون وبهاراتج مع كزبره مفرومه وشبنت مفروم .. وبس
تالي طلعت الدياي من الصوص وحشيته بالحشوه وخيطت الديايه أو تقدرين تسكرينها بعود أسنان بس عشان مايتشقق جيس الفرن خيطت الدياي وهم عشان أضمن مايطيح من الحشوه شي ...
ييبي جيس الفرن الخاص
وحطي فيه صوصنا الأول اللي شلناه مع الصوص الثاني مع بطاط مقصص وفلفل رومي بارد وسكري الجيس وشققيه شوي بالسجين عشان ماينفجر الجيس داخل الفرن :eh_s(14):
عقب أخذي لج صينيه وحطي فيها ماي حار وحطي فيها جيس الدياي وشغلي الفرن ( من تحت بس) وخلي الصينيه قريبه من النار التحتيه عشان يستوي
وكل ماتبخر الماي بالصينيه وونشف ضيفي ماي مره ثانيه ولما ينشف مره ثالثه لاتحطين ماي .. عشان الديايه تتشرب الصوص اللي داخل الجيس .. ليش نسوي جذي؟ عشان تستوي أكثر وتحمش تصير حمرا ... آخر ربع ساعه ولعي الفرن من فوق عشان تحمر أكثر
لي شفتيها تحمرت كلها معناتها أستوت .. تتم بالفرن ساعتين .. أنا للأسف أستعيلو كانوا أهلي يواعه وخليته ساعه ونص بس ماتحمرت كلها بالشكل المطلوب
نروح نسوي عيشنا
بجدر حطي زيت دلال مع كزبره حب وكمون حب ودارسين حب ولومي 3 حب وجم حبة هيل و3 فلفل حار علوب وحبة ماجي خليهم يحمسون لين ماتطلع الريحه عقب ضيفي طماط مقصص أنا حطيت طماطتين مع فلفل رومي بارد مقصص حطيت وحده لين يذوب الطماط حطي ماي حار حسب كميتج للعيش وذوقي الملح وضبطيه تالي ضيفي العيش لي قام يفور الماي ..
خليه لين يستوي شوي عقب حطي حشو العيش ومثل ماتشوفون بالصوره حشوي المتواضع
عقبها لوني العيش على صوب .. وضيفي ماي ورد على ويه العيش وسكري عليه لمدة ربع ساعه على نار هاديه
نروح لديايتنا
هني عقب ماطلعتها وللحين مابطلت الجيس
وهني قصيت الجيس
الدياااي ذااايب ذوووب :eh_s(16):
عقب أخذي لج مقص كبير وقصي الديايه من النص عشان الحشوه تطلع
أو بالسكين
وهني نجبته التصوير سريع :eh_s(16):
قدمته مع مرقة باميه وليمون مقصص وخضره جرجير وبقدونس ورويد وفجل واللذي منوو
وبس هذي طبختنا وخلصت وسامحونا على القصور :eh_s(17):
