متى انام نومة كاملة من غير تقطع

[شوكلاتة سويسرية]

عمر ولدي 7 شهور الله يحفظة
زي كل الاطفال بسم الله عليه شقي - حركي - ملول لوتحطين له مليون لعبه ومليون كرسي حدة 10 دقايق ويمل يصيح
بس المشكلة الاعظم انة يقوم بالليل كل 3 ساعات او 4 يبي يرضع واحيان واجد مايكون يبي يرضع بس يقوم يصيح ويرد ينام اتوقع من الم التسنين
مع اني احط له الجل قبل ينام ومسكن بس مافيه فايدة
الحين مشكلتي
ابـــــــــــــــــي انـــــــــــــــــام :eh_s(11)::eh_s(16):
نومة وحده من غير تقطع
متى وبأي سن؟
متى الطفل يصير مايقوم يبي رضعه بالليل ولا يقوم كذا من غير سبب؟

:bbbiu:
متى الام تقد تنام نومة هنيه:yaaaaaarb:

 

[Australia girl]

انا عن نفسي بنتي الله يحفظها لما صار عمرها سنه وشي انتظم نومها والمميه اقوم اعطيها وترد تنام الحين بسم الله عليها تنام اكثر من ١٠ ساعات متواصل ومرتاحه انا على هالوضع

 

[أم يزيد &سديم&]

لسا باقي عليه. صغير يارب تحفظه صبري لعمر السنة وبيتعدل نومه بإذن الخالق

 

[washwoshh]

انتي علميه ماكو رضعه اذا قعد ردي نيميه وعطيه مصاصه

 

[Vip qatar]

حبيبتي حاولي تعلمينة مافي حليب بالليل لين قام عطية المصاصة وبس وبعدها بيتعلم مايقوم هاي الوقت وممكن انه يقعد يسنن وهاي الفترة البيبي وايد يكون مزاجه عصبي بس ان شاء الله فتره وتعدي بس حاولي تكون اخر رضعة الساعه ١٢ فاليل ولاتعطينة حليب الا الساعه ست الصبح وكل مايقوم عطية بس المصاصة وان شاء الله يعتدل نومة يارب

 

[فجوره]

مو مع البنات للي قالوا قطعي عنه الحليب بالليل عشان يتعود حرام
الجاهل يكون جوعان هالكلام تقطعين الحليب بالليل اذا صار يأكل وأكل
يشبعه

والمصاصه راح تسبب له غازات حرام





​

 

[قلبي خالد]

ولدي بيدخل عشر شهور نفس نوم ولدي

 

[PuPa^^SWeeT]

بعد سنة


طلعييه بغرفة برووحه


راح ينتظم نوومه جذي

 

[اناظرك وكلي حزن]

انة عقب مافطمت بنتي من الرضاعه سنه وشهر هلون الحمدلله ماعندها شي تقوم له في الليل وخلاص يتم ارقادها متواصل لين الصبح والله يهديهم ويحفظهم يارب

 

[نـعـومـه]

نفس كلامي لما بنتي كانت بالاشهر قالولي ٧ ٨ ٩ شهور خلاص تنام متواصل

الحين بنتي عمرها ١٠ شهور للحين نومها متقطع ويتفزز

 

[أم غايب]

بنات متى تفطعون رضعة الليل

 

[جذابه بنت ذيابه]

حبيبتي من عمر سنه بترتاحين هانت

 

[شوكلاتة سويسرية]

نفس السؤال
متى تقطعون رضعه الليل؟

 

[ناتشوو]

حلو كل ثلاث ساعات ولا اربع
ولا تقطعين رضعة الليل الا عقب السنة او سنة ونص علشان لا تتسوس الاسنان ولي بجى حزتها عطيه ماي
انا لي كملو سنتين يالله ممكن ارتاح
ومع هذا لازم جولة تفقدية وهم نايمين
اتأكد متلحفين وكل شي زين
بصراحة الوحدة من تكون ام النوم مو ع مزاجها 100%

 

[غلاي6]

حرام اصغير لازم يجوع بليل خلي يمج مطاره ماي وحليب وعطيه اذا قعد شربي ويرد ينام ترا حيل اصغير ولاتفتحين الليت عشان يقعد خلي الاضاءه خفيفه
يرد ينام انا ودلدي عمره سنه ونص للحين جذي
الله يحفظه ويخليه لج يارب

 

[طيبة83]

ههههههه عمره ٧ شهور

انا بنتي سنه ونص للحين تقوم في الليل

ترا اهوا مب علي العمر علي مساله تعود

رفيجتي ولدها مشاء الله تبارك الله ينام للصبح مع ان عمره ٥ شهور لان تعطيه مصاصه وما علمته علي الشيل او الحضن

 

[بنت الاحلام]

حًرام بنات تقطعونةعنه الرضعه اهو الطفل يقعد من الجوع لا رضعي حرام

 

[•Brown•Sugar•]

أنا من صار عمر بنتي 6 شهور تعدل نومها
اهو علئ حسب تعويدج للياهل
مو بس تقطعين الحليب
لازم تعلمين آلياهل ينام بروحه من غير لاتشيلينه أو تطبطبين عليه

 

[ام يسووفي]

انا ولدي عمره سنة واربع شهوور ليلحين يقعد مرة وحدة يبچي ولازم انومه يمي عشان يرد ينام

 

[*kim*]

صغير واكيد يجوع محتاج رضعه بالليل