متى الدفعه الجايه للديوان ؟؟؟؟؟؟؟؟

[عروسة الكويت]

وين بأي جريده الدفعه !

 

[السلام عليكم2]

انا شهادتي دبلوم محاسبه


تهقون اطول على ماينزل اسمي ولالا

مابي احبطج

بس انا عندي ماستر محاسبه وليلحين صارلي 8 تشهر تقريبا وهم تو الناس

بالتوفيق

 

[عروسة الكويت]

رقمي ثابت مانزل للاسف

 

[السلام عليكم2]

تفضلو هذي الاسامي

انفراد الإخبارية

مبروك للي نزل اسمها

 

[انجبر قلبي]

اختي السلام عليكم

مكتوب دعا الديوان المرشحين للمراجعه

معناته هذي دفعه قديمة

مو يديدة

بس طالبينهم للمراجعه

 

[kanoosha]

اي هذولا عندهم مراجعه يكملون اوراقهم

 

[انجبر قلبي]

اعتقد هذيل تكون بياناتهم ناقصه وﻻزم يكملونها !

صح


مافي دفعه

 

[فديت اللي أحبه]

فديت اللي احبه


زيادة رقمج فظيييييعه من صجهم صدمتيني

الله يرزقج بالوظيفه السنعه عاجلا غير اجلا

انتي و باجي البنات

الله يجزاج خير ( انجبر قلبي ) ع هالدعوه ..
شفتي شلون طار رقمي  بس الحمدالله ع كل حال .

طيب بنات عندي استفسار اذا وحده فيكم تقدر تفيدني انا تخصصي ادارة مواد متخرجه 2008 تقدير ثلاث نقاط نسبة التخرج 86 وشي من عشره وودي اكمل بالجامعه تهقون يقبلوني او لا واذا اقبلوني شنو التخصصات اللي اقدر اكمل على تخصصي ؟

اللي عندها معلومات تفيدني لان الدبلوم بهالزمن مايوكل عيش  ولا شرايكم !!

 

[حبيبي مشعل]

الله كريم

 

[" ام حمود "]

الله كرريم ..

 

[طبعي شموخ]

الله كريم

 

[الفوز حلو]

تصدقون بنات من كثر مانفكر اذا اسامينا بتنزل او لا ؟ توترنا وعايشين بخوف وقلق ، وشوي تعيشين ع امل وشي تيأسين ، صدق شعور خايس  ..
رقمي شهر 3 كان 16 وقبلوني الصحه ورفضت والحين رقمي 237 مو ظلم  ..
لكن لايأس مع الحياة >>> شفيها لمهايطيه *

شالعقاب الشنيع اول مره اعرف ان المرفوضين ينزل جذي خلاص بنات لحد يرفض 

 

[G6waa]

الله كرييييييييييم

 

[floragucci]

بنات انا مو كريتيه تخصصي أدب انجليزي سجلت الاسبوع الي فات باديوان رقمي 34 انشالله مايعدي خالطها الا وحنا أرقامها كلها ناطه على فكره انا خريجه 2009

 

[انجبر قلبي]

ماله شغل الرفض بزيادة الرقم

اهي زاد لان اللي مسجلين بتخصصها زادو و صارو جدامها يمكن لان لهم الاولوية يا بالنسبة يا بالعمر يا بالحاله الاجتماعيه عاد مادري شلون يرتبونها و لا تنسين اللي يسجلون بالواسطات يشقحونهم جدام

 

[غلآ مطير]

ماله شغل الرفض بزيادة الرقم

اهي زاد لان اللي مسجلين بتخصصها زادو و صارو جدامها يمكن لان لهم الاولوية يا بالنسبة يا بالعمر يا بالحاله الاجتماعيه عاد مادري شلون يرتبونها و لا تنسين اللي يسجلون بالواسطات يشقحونهم جدام

لااااا لااا زياده بالرفض غييير مالها شغل حسبه ثانيه


هذا معناته ان الارقام الي قبالها كلهم رافضين قبلها :/ بس حيييل الرقم كبيير :/

 

[انجبر قلبي]

لااااا لااا زياده بالرفض غييير مالها شغل حسبه ثانيه


هذا معناته ان الارقام الي قبالها كلهم رافضين قبلها :/ بس حيييل الرقم كبيير :/

حبيبتي انا رافضه ترشيح من قبل و رقمي ما تغير للحينه متحجر

وحتا الي مسجلين بتخصصي ما زادوا ما تغير شي و احنا اصلا شوية و رقمي يوم رفضت 4 ومازال 4

و رفيجتي رفضت وظيفه و نزل اسمها بالدفعه اللي ورا اللي رفضتها و الحين تداوم ماشالله

 

[زين ودلال]

الله كريم

 

[kanoosha]

رقمي نزل رقمين كان١٥٤ صار ١٥٢ واااااي انزل اكثر بعد، بنات اتهقون علي رقمي هذا عادي ينزل بالدفعه اليايه؟

 

[انجبر قلبي]

كنوشة يوم نزل اسمي بالتربيه و رفضت كنت مجيكة قبل الدفعه

ما كان اسمي نازل ولا رقم و تفاجأت لمه لقيت اسمي

خذونا خمطة وحدة لول

بس ماعتقد اذا نزل دليل ان بينزل

بس انشالله يا رب تلاقين اسمج بالمكان اللي يفرح قلبج

قولي امين