متى اقدر احمل عقب الاجهاض :(

[هـاجـر]

السلام عليكم ، شلونكم يا بنات ؟
انا حامل بخمس او ست اسابيع و كان ينزل علي دم بني و بعده نزل دم احمر .. و امس بالليل نزل الجنين ،
و الحمدلله ما احتاج تنظيفات
السؤال : متى اقدر احمل مره ثانيه ؟ و عادةً شنو تكون اسباب الاجهاض المبكر ؟
و مشكورين

 

[غرام القمة]

معوضة خير وعادي الاجهاض اسبابة كثيرة واهمها الارهاق والتعب وخفة الرحم
وباذن الله تحملين عقب ما يرتاح الرحم عندج
خلال 6 شهور والله يرزقج بالذرية الصالحة

 

[هـاجـر]

وااايد ٦ شهور !
ما اقدر احمل عقب شهر او شهرين ؟

 

[عشق المطر]

عادي قلبو تقدري تحملي بعداول دورة لاتسوي موانع ولاشي واصلن حملك مااخذ شي شوفيني انا حملاتي كلها ورا بعض برغم اني اجهض في شهور متقدمه مومثلك وماعلي الاالعافية وانا الأن حامل دعواتك لي وحملت بعد اجهاض وعمليتين تنظيف موحده لأنهم تركولي بقايا من الحمل السابق وانتظرت اول دورة بعد اخرعملية تجيني وتركتها على الله ..معليش قصيت لك قصة حياتي بس حبيت احطك في الصورة فالاتخافي وتوكلي على الله والله يعوضك بلي فقدتيه كل خير

 

[احب البنات2]

عادي قلبو تقدري تحملي بعداول دورة لاتسوي موانع ولاشي واصلن حملك مااخذ شي شوفيني انا حملاتي كلها ورا بعض برغم اني اجهض في شهور متقدمه مومثلك وماعلي الاالعافية وانا الأن حامل دعواتك لي وحملت بعد اجهاض وعمليتين تنظيف موحده لأنهم تركولي بقايا من الحمل السابق وانتظرت اول دورة بعد اخرعملية تجيني وتركتها على الله ..معليش قصيت لك قصة حياتي بس حبيت احطك في الصورة فالاتخافي وتوكلي على الله والله يعوضك بلي فقدتيه كل خير

سلام اختي عشق المطر
والله
يعطييج الف عافيه.بس علميني من خبراتج انا توني طارحه صارلي اسبوع تقريبا وكان عمر البيبي. شهرين 9اسابيع. وانا اول مره اطررح. وعندي توم اولاد من 14سنه ماحملت زوجي ماكان يبي عيال والحين. صار خاطرنا في بنوته بس الله ماكتب والحخدلله علىكل حال

 

[هـاجـر]

احب البنات .. الله يرزقج و يرزقني في القريب العاجل

 

[ناتشوو]

الله يرزقج
اذا مافي موانع طبية
عادي احملي
مافي شي اسمه يرتاح الرحم
اصلا
الحريم تحمل ٩ شهور وتولد وتحمل عقب النفاس ع طول لا قالت يرتاح الرحم
واكيد هالاجهاض خيرة
بس لو تراجعين طبيبة شاطرة
تحلل وتفحص علشان لا يكون في سبب فعلا
عندج
ولا سمح الله يتكرر

 

[MiSS B.K]

الحمدالله على سلامتج وبالنسبه للحمال سمعت ان مو زين تحملين بعد الاجهاض على طول لازم تاخذين فتره من 4 الى 6 اشهر وموفقه ياقلبي

 

[خبيرة اعشاب]

الله يعوضج

الافضل اتريحين شهرين او ثلاثه

 

[عنـــآق ..!]

عن الشك خلج مناعه طبيعيه شهر بس
واللله يرزقج انشششالله ..

 

["*آآآنؤؤؤقهـ*"]

لازم ترتاحين

انا تعورت ع شهر ونص وعقبها حملت بشهرين وصار حمل ضعيف

واجهضته .. الحمدلله على كل حال

ريحي رحمج لو ٣ شهووور

 

[Hajer~]

هااجر اوووه نفس اسمي ^__^

الحمدلله على سلامتج
ويآرب خيـره لاتحاتيـن

ابدي اكلي فولك أسد كل يوم حبه لان واااايد زين
طبعا ان شالله لما تحملين راح تاكلينه
بس انتي اذا تبين تحمليـن اكليـه من الحيـن لان وااايد زين
دوري فوايده بقوقل

انا وايد انصحوني اكله بأيام الملجه
بس ماسمعت الكلام .. وماحب حبوب وجذي
وحتى وحده من العايله صيدلانيـه انصحتني فيه واايد ولا سمعت الحجي

اهم شي الحيـن ابدي فيـه
والله يكتب لج اللي فيه الخيـر
وبشرينـآ بحملج ^_^

 

[rose1989]

انا اجهضت في الاسبوع التاسع وسويت تحاليل وكلها سليمة الدكتورة تقول ان الحنين كان مشوة (انقسامات غير طبيعية للبويضة وهي غالبااسباب الاجهاض في الاسابيع الاولى) على العموم قالت لي اني اقدر احمل على طول ولكن الافضل انتضار دوره عشان حساب وقت التبويض وعمر الجنين..... ما استعملت اي مانع وحملت على طول بدون دوره!!!! بعد الاسقاط تزيد فرصة الحمل
على فكرة انا ما احتجت تنضيف عشان كذا ما احتجت للانتظار
انا الحين حامل في الاسبوع 14 ادعي لي يكون ذكر صالح معافي من دن زيادة ولانقصان

علي فكرة انا عايشة في امريكا ودكتورتي في احد من افضل مستشفيات كاليفورنيا

 

[rose1989]

اوه نسيت لازم تاخذي فولك اسد و فيتامينات حوامل (دائما ينصحوا تبدءي فيها 3 شهور قبل الحمل)

 

[هـاجـر]

مشكورين بنات ما قصرتو .. استفدت منكم وايد
الله يرزقنا كلنا بالذريه الصالحه السليمه

 

[سمراء كالخمري]

انتي مثل سؤالي انا طرحت اول شهر٤ ودكتورتي قالت تقدرين تحملين قبلها لانه الجنين يكون صغيرون مايحتاج لا عمليه ولا تنظيف اهو الدم نفس الدوره بيكون بس شوي تدفي وشربي حار وكنت كل يوم احط مطاره ماي حار على بطني ونظفت الحمدالله انا كنت ٥ اسابيع شفته عنووونوو الجنين كان مو متكون عدل هذا سبب الاجهاض ومابين فيه نبض على كلام الدكتوره تقدرين تحملين بعدها او بنفس الشهر بدون ماتيييج الدوره بس ارتاحي كثر ماتقدرين واكلي حمض الفوليك اسيد والله يكتب لج الخير يارب ولي ناطره موعد الدوره بعد سبوعين ان شاءالله ماتيي وابشركم يارب

 

[احب البنات2]

سلام بنات شخباركم .وعساكم عالقوه والله يرزقكم كلكم باللي تتمنونه يالله ياكريم.

هاجر وعشق القمر وباقي البنات مشكورين
بس بسألكم عادي الحمال بعد ماطرحت مباشره .انا سئلت الدكتوره قالت يفضل 6شهور وقريت في كتاب ان اذا كان طرح
متكرر6افضل للرحم والضهرواذا اول مره عادي3شهور
بس انا اسئل عن اذا كان عمرالجنين اقل من 3شهور يعني يصير التعب اقل مث

لا من لو كان بو سته او اكثر.والله انا احس روحي تعبانه شوي وضهري والدم عزكم الله للحين ينزل بحاول اسئل الدكتوره في الموعد اذا رحت. والله احاتي ودي احمل والله ير زقني بنوته والله يزقكم الدريه الصالحه يارب

 

[رنيم الروح]

حبيبتي انصحك بعد 6شهور افضل شي و يكون بطانة الرحم ارتاحت وردت طبيعيه

 

[Hajer~]

موشرط بعد 6 شهور تحمليـن
جسـم عن جـسم يختلف

ومثل ماقتلج اكلي فولك اسد
توكلي ع الرحمن وربج كريم

 

[أأأميرة الورد]

الله يرزقكم بالحمل



الافضل شهرين او ثلاثه وتحملين