متوهقه ماابي الخدامه ومجبوره فيها

[لولو الكويتيه]

السلام عليكم
خواتي انا موظفه وعندي بنتين ورا بعض وحده عمرها سنه ونص والثانيه عمرها 10 ايام يعني توني والدتها
عندي خدامه فلبينيه زينه بس طبعا لازم فيها عيوب واخطاء المشكله قلبي كل يوم ياكلني وماابي خدم يعني ابي استغني عن الخدامه وانا ماشفت منها شئ والحين انا نفاس ببيت اهلي بس ودي استقيل من دوامي واقعد اجابل عيالي وزوجي وبيتي لان من اول مايبت الخدامه وانا في صراع نفسي احاتي البيت واحاتي عيالي واوسوس
المشكله عندي التزامات ماليه يعني اقساط وزوجي بعط عليه اقساط واحس صعبه استقيل واقعد بدون معاش واصلا انا وزوجي مفكرين نخلص اقساطنا ونشتري بيت على قدنا بقرض واذا استقلت مااقدر نحقق هالحلم ولااقدر اعيش مع عيالي براحه ماديه لان كل شئ غالي هالايام وانا مااقدر اقصر مع عيالي وزوجي بمعاشه بروحه مايقدر يصرف علينا
منو مثلي استقالت وقعدت بالبيت شلون رتبت امورها ومصاريفها؟؟؟؟؟؟
تتوقعون صج اقدر استغني عن الخدامه؟؟؟ على فكره انا بقطاع خاص واخلص دوامي الساعه 3:30 وزوجي يطلع من الدوام الساعه 2:30

 

[(*ام عهــــد *)]

لج مني تحيه على احساسج الطيب صراحه
وعيالج واللبيت استودعيهم الله
انتي عليج التزامات والحين كل شي غالي صاجه
واذا تبين تطمنين اكثر حطي كاميرا
,,,,,,,,,,,,,,,,,,,,,,,,,,,,,,,,,,,,,,,,,

 

[لولو الكويتيه]

مشكوره ام عهد على ردج
الكاميراا مستحيل ومن سابع المستحيلاااات اني احطها لاني اخاف اشوف شئ يصدمني واتعقد وانا مشكلتي بالحيااة ان قلبي ضعيف يعني عادي اذا شفت ياهل ينطق من اهله او من الخدامه ماانام اسبوع والله وماابالغ انا حساسه زياده عن اللزوم وهذا الشئ اللي متعبني
كله خايفه على بناتي واوسوس
يااارب احفظ عيالنا

 

[Melazlaza]

حبيبتي كلش ولا عيالنا خايفة على مشاعرج اذا شفتيها تسويلهم شي ومو خايفة تسويلهم شي لا سمح الله او يتعقدون كل شي ممكن نسلمه الخدم الا عيالنا

بالنسبة لسؤالج انا ومجموعة من البنات مستغنين عن الخدم وهذا تجمعنا حياج بتنورينا

http://www.q8yat.com/t972622.html

 

[يازمان العجايب]

الاستقاله صعبه لان الالتزامات الماليه
ودي حضانه اضمن وامن

 

[ام الدرر]

حبوبة
لا تقدرين على الاستقالة
وصعبة تحطينهم بحضانه بما انهم صغار وطبعا للكلفة المادية
الحل انج فترة الدوام تاخذين عيالج والخدامة وتقطينهم عند امج وبنهاية الدوام تمرونهم انتي او زوجج
ياقلبي وسعي صدرج ولا توسوسين كلنا باول حياتنا صعب علينا نهد عيالنا
استودعيهم رب العالمين وحصنيهم كل يوم وان شاءالله ربي حافظهم

 

[على الدنيا سلام]

يا ليت كل الامهات نفسج احب الام اللي قلبها على عيالها وتحاسب نفسها بتقصيرها
لا تستقلين ولا شي دام عليج التزمات ماليه وناويه على بيت الواحد لايزم يضحي اذا امج موجوده تقدرين تخلينها عندها اذا الوالده مره جبيره وماودج بتعبها وديهم حضانه وخلج متوكله على الله واستودعيها الله

 

[james546613]

مثل ماقالوا البنات استودعيهم رب العالمين الي عينه ماتنام ...وخليج طيبة مع الشغالة وفهميها من البداية الي تبيه تقوله وحسسيها انها وحدة من العايلة واول الاشهر خل الشغاله مع عيالج عند اهلج آمن ...واذا كان مجال العمل يسمح باجازة امومة طويلة مع راتب او نصف راتب يكون افضل ....وبعدين حطيهم في حضانة -آمن وايد - عندهم متابعة ونظافة وتهذيب وقلبك يطمئن عليهم ولاتسين تاخذين ساعات رضاعة والله يسهل امرك وامر المسلمين

 

[توتاتوتا]

الله يوسعها عليش و ييسر لش رزقه استخيري في اي قرار بتقررينه

الامر الثاني ربي خلقنا النساء بفطره الامومه و هذا دورنا الاساسي في الحياة و ماشاء الله لا قوة الا بالله اعجبني احساسش بالمسؤوليه فكري هل اذا استقليتي الحياة براتب زوجش صعبه و لا مستحيله!؟

و اذا ما تقدرين تستقيلين !؟ ممكن تحطينهم عند امش او فحضانه

و بالتوفيق

 

[om MaRyooM]

احس انج مكبرة الموضوع حبتين


دام الخدامة زينة قولي الحمدلله وخلص

واليهال الله يحفظهم اذا تحاتينه حزة دوامج حطيهم حظانة

 

[رحيل المرافيء]

انا اقول استقيلي ولاتشتغلين لمدة سنتين لين يكبرون البنات وتالي دخليهم حضانة
كل شي له ضريبة
صح لا اشتغلتي بتستانسين بالمعاش بس يمكن يصير ببناتج شي
كلها سنتين ويمرون بسرعة

 

[PuPa^^SWeeT]

اخذيلج اجازة من غير راتب اجازة رعاية اسرة


شهر ولا شهرين


و شووفي رووحكم تقدررون من غير راتبج ولا لأ


انا ترا احساااسي مثلج


و نفس وضعج ما اقدر استقييل


لأنه ريلي عليه قرووض ما يقدر برووحه لازم ادي بايده



و همن انا مفكرة اذا حملت بالثالث باخذ اموومة شهرين ولا 3 اشهر

عالاقل ادير بالي عالبيبي خصووصا اني مابي اييب خداامة بعديين


الله يعيينا


الخدم شر لابد منه في بعض الحالات



اذا اتحاتين عيالج


دخليهم حضاانة


انا دخلت بنتي الصغيرة و اهيا سنة



بالعكس كاهي مافيها شي


تخيري الحضاانة و بس انشالله يعطييج على نيتج و طيبتج