متزوجه من برا و بعدني أحب ولد خالتي

[cute-q8cat]

حبيبتي انتي كبرتي و تزوجتي لا تصيرين مراهقه
خلج واقعيه.. وحبي زوجج.. لا تخونينه بتفكيرج بغيره..
ولد خالتج تلاقينه مستانس مع زوجته ويحبها و لا يدري عن هوى دارج..
وأنتي ذابحه نفسج عليه!!!
عيشي حياتج وعيشي وقتج وعيشي الحاضر لا تعيشين بذكريات ما تودي ولا تييب..
تفائلي و لاتصيرين سلبيه..
وصدقيني إذا عشتي مع زوجج في بيت واحد بتعرفين شنو يعني كلمه ((حــــــب))

 

[مسافات]

الله يعينج

 

[p_ian_o]

لو كان يبيج جان تقدم لج يا حبيبتي

رد حلى بعينج لما تزوج !!!!!

حطي بالج على زوجج ولاتخلين هالسالفة تشغل تفكيرج .. لأن حرااااااام اللي قاعد يصير ( انتي جذي قاعده تخونين زوجج )

 

[سمار الشمس]

ابيه من صجج تخونين ريلج بهالطريقة الحين حليتو بعين بعض؟؟


انتي عندج ريلج واهو عنده مرته تعوذي من ابليس وحبي ريلج احسن لج

 

[أحلى همبه كويتية]

اختي مرت بالتجرية نفسها
بس اللي يبيعني ابيعه ولا أفكر فيه
صدقيني ما يستاهلج

 

[meen_ana]

تعوذي من ابليس وتركيه شكله اهو ناسيج ليش تفكرين بشخص ناسيج وتخونين زوجج اولى فيه حبوبه

 

[@ نجمة العطااا @]

مجرد ما تتزوجين بتنشغلين بريلج وحياتج وبتنسينه تلقاااائيا

انت ملجه كلمي زوجج طلعلي معاه روحوا تمشوا عيشي احلا لحظااات العمر لحظة الملجة ولاتخلين الماضي يدمر حياتج

 

[ذكريات]

لو كان يحبج ما ملج و صار لكم سنتين و للحين ما اشتاق مع انه كنتي مو متزوجة

و لو صج اللي بينكم جب جان مو من اول شي صار بينكم تركنوا بعض و لا سال عنج !!

انسيه و فكري بريلج و شوفي شنو المميزات اللي فيه

مل ما تذكرتيه حاولي تسوين شي يلهيييج عن التفكير

 

[الآرجوانه الذهبيه]

لو يحبج جان خذج

وكل واحد ماياخذ الا نصيبة فكري بزوجج الي خذج الحين لآن شاريج وحابج الله يخليكم لبعض


:edbf4317b9:

 

[om rayan]

استغفري ربج واحمديه على زواجج

والخيرة في ما اختاره الله حبيبتي

صكري الموضوع ولا تفكرين فيه اصلا وحطي نفسج بمكان زوجج لو اهو الي يفكر بوحده الحين شبيكون موقفج

شغلي نفسج في ريلج وحياتج اليديده

 

[أم منصور]

كلام البنات حلو

والحين توج بادية حياة جديده وتفكرين في شي انتهى وبعدين لي تزوجتي شبتسوين اذا صارت مشاكل في حياتج

فكري صح لا الشيطان يدمر حياتج

 

[kikoo]

الريال ما ايحب مثل المره اذا ملج يعني أهو ما يدري عنج أصلن
وانتي مثل الخبله مخليه قلبج له
مع أنه في واحد يستحقه اللي أهو ريلج
ترا محد راح ايحبج كثر الريال اللي تزوجج

 

[bint_looda]

لا حول و لا قوة الا بالله
لا تدمرين حياتج
اذا كنت بتقدرين تسمعين للنصايح ... ترا هاذي تعتبر خيانه انج تفكرين بواحد و الله رازقج بواحد...
خلالاص انت ملجتي و محد جابرج على الموافقة ...
يمكن يكون هذا اخير و احسن من ولد خالتج .... انسي
عليج بالذكر و الدين اهو اللي بنسيج اياه
شغلي نفسج بحبيبج زوجج بالحلال احسن من التفكير بغيره
بعدين لو يحبج جان اخطبج مو علبو تهاوشتو و افترقتو ... خلا يقطع خاصة انه ولد خالتج يعني قريب
و الاخ تزوج قبلج مو ان مثلا ينتقم عشان انت تزوجتي اهوا يتزوج ... ما اظنه يحبج و لا يفكر فيه لو يحب جان خطب... صدقيني الريال اللي يحب ينهبل اذا ما اخذ اللي يحبها
توكلي على الله و شغلي نفسج بحبيبج اللي تعنا و راح لأبوج و خطبج جدام الله و خلقة ...و اللي بيتكلف عشانج انت
لا تظيعين الفرص من ايدينج

100%

 

[مسافات]

استغفري ربج واحمديه على زواجج

والخيرة في ما اختاره الله حبيبتي

صكري الموضوع ولا تفكرين فيه اصلا وحطي نفسج بمكان زوجج لو اهو الي يفكر بوحده الحين شبيكون موقفج

شغلي نفسج في ريلج وحياتج اليديده

صح 100%

استغفري ربج .. و حطي في بالج انه مو لج خلاص

 

[مغتربة 2006]

هذي وسوسه شيطان لا تخلينه يجرج وانسي من نسااج يعني الحين حبج له شنو بيسوي ولا شنو بيرجع لج؟؟؟؟
مالج الا زوجج الله يهنيج معاه وكل ما فكرتي فيه تعوذي من الشيطان ولهي نفسج بشي ثاني والله معاج ويوفقج يارب

 

[غلا مشاري]

الي يبيج بيتقدم لج مو ياخذ وحده غيرج انا اعرف وحده من اهلنا تحب ولد خالتها وبالاخير اخذ وحده غيرها وتزوجت ونست وحبت زوجها و يابت منه عيال وتوفقت و ولد خالتها تزوج مرتين وطلق قبل هي تتزوج يعني حب من طرف واحد لو يحبها جان تقدم لها جرب غيرها وطلق وهم ماطرت عليه البنات دايما ينسجون لهم خيال وافلام رومانسيه وتلقين الشاب ما فكر بلي تفكر فيه البنت ويمكن سوا شي وهي فهمته انه يحبها وهو عنده انها هي مثل باجي البنات

 

[نــعــوومــه]

.................هذي كلها وساوس.......صدقيني بعد ماتتزوجين بتنسين ولد خالتج ......وبتضحكين على نفسج وتفكيرج........

 

[الجرح أرحم!!]

اسمحيلي دام تزوج مو شاري ولا ما ربط نفسه بوحدة وبحياه جديدة واشلون تحبينه وماتأثرتي بزواجه صدقيني كلنا مرينا بحالات اعجاب بس بعدين بتضحكين وبتقولين صدق تفاهه ولا الحب تضحية وتفاهم وحب وشي اكبر من اللي متخيلته وانا قبلك مريت بتجربة حب لكن حب صادق وتقدم لي 3مرات لكن اهلي الله يسامحهم يرفضونة وتفارقنا عشان كل واحد يكمل حياته والله يوفقة ووفقني يارب هو تزوج وانا تزوجت لكن الحب بالقلوب وما انكر اني للحين احمله مشاعر حب خالصة اما الحياة الزوجية حلوة وفيها حب دايم لكن مو زي حب العاشقين صدق له طعم غير محد يفهمة الا اللي مجربة وخصوصا الاغاني اللي لهم ذكريات ابكي اذا بالبيت بروحي ودي اعرف اخباره بس مستحيل والحمدللة على كل حال واحمد وربي عوضني بزوج ملاك ميت علي وانا بعد حبيته مو نفس مشاعر الحب اللي كنت احسها مع هذاك ودايم ابكي اخاف اكون ظالمته بس ياربي انا من ملكت نسيت كلشي عشانه وبديت حياة جديدة شسوي اكثر من كذا واحاول انسى هذاك بس ماقدرت الله كريم وانصح البنات لاتحبون قبل الزواج وانتو شاكين اذا بيخطبكم او لا انا وربي ان غايتنا الزواج والله يسلمة ماقصر وبرى ذمته وبالاخير هذا نصيب توكلي على الله وابدي حياة جديدة لكن لا تعلقين نفسك باوهام هو ابتعد يعني ما يفكر فيك ادعي ربك ان يبعدك عن هالافكار وبالتوفييييييييييييييق

 

[أحلى همبه كويتية]

اللي يبيعك بيعيــــــــــــــــــــــــــــــــــــه
لو كان غالي
ما يستاهل تفكرين فيه لحظة

 

[عـذبك طيفي]

كل شي كان بيده بس هو ما يبي

لوو حاطش فيباله ماخطب الا انتي .. بس صدقيني الخيره في ما اختاره الله

والي انتي فيه مو حب الي انتي فيه حب تملك .. لانه راح عنش الحين تبينه .. وانا مريت بالي انتي مريتي فيه ..

والدليل كلامش

صدقوني يا بنات والله لو يقولون تتزوجينه أقول لأ بكل ثقه.... بس أحبه و أعشقه مـــــــــــــــــــــــــوت

لو كنتي تحبينه ما نسيتيه بسهووله

انتي عيشي حياتش وجهزي للعرس براحه وعسى الله يوفقش وصدقيني من يتسكر عليش البااب انتي وابو الشباب ماراح تفكرين فيه ابدااااااااا...

وموفقه حبوبه