ماهو الموقف النبيل الذي قام به زوجك معك وترك أثر بليغ في نفسك؟؟

[اشتياق]

حياتي هاديه مافيها مواقف واكشن يمكن عشان جذي ماتذكر

 

[ام كشه حمرا]

بصراحه
اول مااخذني كنت ارفض ..يدخل علي خووووووووف وكل شي .... وصبرررر وبعدين سواها غصب ويوم سوهاااااااا ,,,,,, قمت ابجي ويالله قام يتاسف لي وعاملني بكل حنااااااااااااااااااااااااااان وضمني
الله يذكره في ذاك الموقف بخير(( بس تم يعايرني انه سوا فيني جذيه ))
والان معرف شنو مصيري بس ناوي يطلقني
لوووووووول قرقت وايد

 

[حصووونه]

زوجي امس جاب طماط من الجمعيه والله مانسى له هالموقف طوقني بفضله عسى الله يرضى عليه ليوم الدين

 

[amna_83]

الله يخلي كل زوجة لزوجها
ولا يحرمهم من بعض

 

[داريني]

انه وقف معاي لما انظلمت من ناس

 

[@ام ضاري@]

ياحلوكم وياحلو ردوكم والله

حيااااكم الله خواتي وعسى الله يخليكم ارجالكم ويسخرهم لكم يارب

 

[^أم يوسف^]

المواقف كلها بحلوها بمرها دام نحب بعض فهيا اكبر موقف لنا اثنينا

 

[ليالى الحنين]

سوولى اشياا كثيره من كثرهن نسيتهن ههههههههههههههههههههههههههههههههه

 

[ازعجهم هدوئي]

تصدقين قلبتي علي المواجع على كثر وقفاتي مع زوجي للي هو معترف فيها وعلى رغم طيبتة معي مواقفة معي صدمممممممممممممة معمرة وقف معي مدري لية وهالشي اللي مخليني اعمل حساب لبكرة وما اثق فية ولا في غيرة

 

[@ام ضاري@]

نورتوني حبايب قلبي

 

[coralia]

اب اب اب

 

[مولاي الفرج]

فديته سويت بلوة ومحد وقف وياي غيره

لو واحد ثاني جان قعدني ونومني بطراقات هههه

الله يخليه لي

 

[اخت خالتهم]

زوجي امس جاب طماط من الجمعيه والله مانسى له هالموقف طوقني بفضله عسى الله يرضى عليه ليوم الدين

هههههههههههههههههههههههههههههههه
ههههههههههههههههههههه
مت مت ضحك عليج

 

[عيني عليه]

انا زوووجي يسوي اشياااء واااااااجد ماانساها له ... بس لاااااااازم في الاخييير يمن لي فييها يخرررب على روووحه غببببي ...

اخرها هالسالفه ... انا تخرجت صار لي تقريبا سنتيين ... وماجاتني وضيفه مع انه تخصصي واجد مطلووب بس سبحانه مقسم الارزاق ... وانا حييل ودي اتوضف الى درجة اني شارطه بالعقد ... المهم قاام زووجي شغل لي واسطاااته ومن واحد الى واحد ومن مكان الى مكان ....ليين حصلت وضيفه عن طريقه ... ويدخل معاي زوجي المقابله ... وتسالني الدكتورة عن استعداادي للمناوبااات ... لانه مجالي صحي والمناوبات بقسمي شي بدييهي ... الا ينط ويقولها لااااا مانبي مناوباااات انا ماراح ارضى بالمناوبااات ... ونرجع البييت ويقولي ترى اذا فيه مناوباات ماراح اخليج تشتغلييين ... ويخلييني اذبح نفسي من الصياااح ... كثر مافرحني كثر ماصيحني ...

 

[Mia_mIa_miA]

طموشة

 

[Kint a3rfik!!]

عسي الله يوفقكم و يسعدكم

up up

 

[يعنني أتغلى]

كل مواقفه وياي حلوه

يشجعني اخلص دراستي

يصبرني وقت المشاكل

يضحكني لابجيت

يذكرني بربي

الله يخليه لي ولايحرمني منه ويتمم علينا

ويعجل لنا بالخير ان شاء الله

 

[ورد]

مواقفه ما تنسي الله يخليه لي ولا يحرمني منه ،،


بس في موقف بكاني ما ادري ليه مع ان يعتبر عادي مقارنة بمواقف ثانية ،، وللحين اذكره

مرة كنا مسافرين ،، ودرجة الحرارة في المنطقة الي احنا فيها تنزل وترتفع فجأة ،، المهم هو رايح من قبل وخابر الجو ،، وقبل ما نطلع لازم يشيك عشان ناخذ احتياطنا في اللبس ،،

المهم اليوم الي ما ينسي كان طلعتنا من الظهر وما بنرجع الا الليل ،، الظهر حرررر وفي الليل توصل درجة الحرارة ٢٠ تحت الصفر تقريبا !! المهم قال لي اخذي لك اثقل جاكيت والبسي بوت واخذي شي صوف تلبسينه وانا الا معندة ابي اكشخ بكيفي ،، مع ان كنت اقدر اخذ هالشغلات واحطهم في السيارة بس عناااد ،، وهددني قال لي ما بخرب الطلعة وبرجع لان برد ،، وكنا حاجزين عروض وشغلات ،، وانا اقول عادي من قال لك اني ابرد ،، حاول فيني بشتى الطرق وانا ميبسة الراس ،، في الاخير مشينا ودخلنا عرض المغرب وكان الجو بدا يبرد ،، خلصنا طلعنا الا ثلوج والدنيا رييييييح وما تنشاف والناس متيبسة من البرد ،، انا طبعا من البرد تبلد كل شي فيني ،، يقول لي ها وش رايك في الجو ؟ اقول له عادي يعني مو شي جديد متعودة هههههههههههه

ما شفته الا يقول اف حر ،، وش لي ثقلت بكل هاللبس وفصخ الجاكيت وحطاه على اكتافي ،، طبعا انا ما صدقت على الله سكرته على عمري كان يدفيني شوي ،، وانا اشوفه لابس بس تي شيرت قطن ابو اكمام ،، اقول له وش لابس من تحت يقول لي البجامتين الي شريناهم حق الشتا الي ينلبسو تحت الثوب ،، انا مشت علي وصرنا نمشي لين وصلنا المواقف وطبعا ما كنت اقدر اشوف وجهه من سوء الجو،، والمفاجأة ان تدفية في السيارة مو راضية تشتغل ،، وما وصلنا الفندق الا وجهه مزورق من كثر البرد ،، ركبنا الغرفة والصدمة كانت لما بدل ! ما كان عليه من تحت الا الفانيلا البيضا !!!

عاد هذيك الليلة صارت مناحة عندي،، عور قلبي حييييييل ،، لان مهما كان لبسي كان اثقل من لبسه ،، وفي الاول والاخير غلطتي وعنادي انا ،، انا الي ما اخذيت لي جاكيت

 

[ورد]

موقف ثاني صار لنا السنة وقت العاصفة الثلجية ،،

تعطلت بنا السيارة وسط الطريق واصلا حركة السير توقفت ٧ ساعات ،، كل الي كان عندنا في السيارة مطارة ماي ساخنة حق حليب بنتي ،، وفي شنطتي كان بسكوت وكيس حق هوت شوكليت الي بس نضيف له ماي .. طبعا البسكوت عطيته بنتي مع حليبها ،، وظل الهوت شوكلت وطبعا احنا اكلتنا كانت من الليلة الي قبل .. وكان في السيارة من اخر سفرة لنا كاسات سفري قال خلنا نشربه اجل ،، انا كنت ورا مع بنتي وهو قال لي جيبيهم انا بسويه عشان بنتي لا تسحب مني الماي وينكب عليها ،، سوا كاسين وعطاني واحد وهو واحد .. كان على اساس ان بيقسم البودرة على الكاسين يعني بنشربه مخفف بس شي يدفينا ويسخن بطنا يعني ،، استغربت ان نص الكيس طالع مضبوط على كاس ، اقول له وانا اشرب والله قاصين علينا يعني الكيس يسوي ٢ ، يقول ايه كيف يربحون اجل ،، المهم انا شربته بسرعة لان بنتي كانت تحوس تبي الكاس ،، ومديت له الكاس الفاضي الي كان عندي وجات نظرة على كاسه الا هو شنو




كاس ماي ساخن بس هذيك اللحظة ولا قلت شي ولا بينت له اني شفت وللحين في قلبي كل مرة بقول له اني دريت تجيني الغبنة

 

[ورد]

موقف ثالث ،،

وقت ولادتي .. كان معاي في الغرفة طول الوقت ،، وقت الطلق كل شوي يطلع يختفي له ابو ٥ دقايق ويرجع يقول رايح يكمل الاوراق .. وانا حزتها ولا على بالي ولا قلت وش هالاوراق الي كل شوي يقوم يخلص منهم شي ،، مع ان كنا مخلصين الاوراق قبل الولادة باسبوع عشان من اجي كل شي جاهز ،،

بعدين الممرضات قالو لي ان كل شوي كان يطلع فيه بكوة ويروح الحمام يطلعها ويجي

ولما قلت يقولون عنك كذا ، قال ايه تعرفينهم يحبون هـ الشغلات وبيالفون لك قصة :\