ماهو الموقف النبيل الذي قام به زوجك معك وترك أثر بليغ في نفسك؟؟

[رواسي الشوق]

والله هم جم موقف ينعدون على الاصابع .. بس الحمدلله على كل حال احسن من غيره

 

[om_dodo]

عسى عينى ماتبجية
اكتفى بهالقول
تقبلى مرورى و دايم متميزة عساج عالقوة يا ام ضارى

 

[ساره.]

سامحني على شي صعب واااايد...بس لا تروحون بذاك الراي ههههههههه
بس صج صج واااايد أحمد ربي انه سامحني

 

[خشف بدو]

يالبـــــــــــــه قلبه .موااااقفه واجد..كفايه انه عازني ورازني قدام الناس..

 

[@ام ضاري@]

اللهم وفق كل زوجه مع زوجها
واجعل بينهما حبا كبيرا
وابعد عنهم الحسد
واجعلهم متحابين متوادين دوما
واجعل كل زوج يرى زوجته باروع نظره
وزد اجرهم واغفر لهم وارحمهم

اللهــــــــم آميـــن حبيبتي الله يجزاج خيرر

بولادتي نام عندي بالمستشفى يومين عبالكم غمضت عيونه ماحط راسه ونام الا يوم رديت البيت

ياحياتي قعد ياحاتيج عسى الله يخليكم لبعض

ام ضاري خززش وضوع بس انتي ما قلتي لنا شنو مواقفه معاج

انا الحمدلله ماقصر معاي لما رضى نسكن بالمكان اللي ابيه مهمه راحتي وماهمه كلام اهله والناس
وهم لما شفت الخوف علي بعيونه بيوم ولادتي هذا الشي اللي ما خلاني اتحسف انه دخل معاي بالولاده

يووه انا موقف خليني ساكته بس

عسى الله يخليج رجلج حبيبتي يعني دش معااج الغرفه ولدتي جدامه شنو كان شعوره أجل

 

[@ام ضاري@]

مشكوره ام ضاري على دعوتج الحلوه وما يحتاي توصيني عالغالي ترى انا حاطته بعيوني وحبيبي اصيل من كل النوااحي

فديته والله لا يغير علييييينا

الله يخليكم لبعض ويحرصكم ياحياتي

وااجد الموااقف لاتعد ولاتحصى وقف وواجه اهله علشااني لانهم حتى بشرفي طعنوني ووحرضوو وااحد عطووه رقمي يتصل علي على اساس اني مو نظيفه ومااصدق وقف معااي وواجهناا المشكله وحزة ولادتي كانت حالتي خطرة وهبووط بالضغط يقوول للاطبااء المهم هي البيبي مو لازم اهم شي سلامتهااا ويوم طلعت من الولااادة يكلمني وعيوونه حمر وتغوورق بعد قلبي والله قلبي عورني مووقاادره اكمل امانه ادعوولي عسى الله يخليه لي ويحفظه من كل شر مالي غيرة من دوونه اضيع ع ع وربي

عسى الله يخليكم لبعض ويطول في اعماركم ويحرصكم من العين

والبيبي يتعوض لاكن انتي ماتعوضين اذا يحبج

الله يتمم عليكم يارب

احلى موقف صارلي لمن السنه الي طافت رجعنه الكويت و الكل كان ياي بلمطار حسيت بشعووور موصج كان حده وناسه و انشاءالله نرجع هل سنه الكويت يارب

ان شاءلله ترجعون بسلامه والله يخليكم لبعض

وحيااااااج الله حبيبتي

 

[احلى مونترو]

ماشاءالله .. الله لا يغير عليكم ويسخر لكم ازواجكم
انا ولله الحمد كل مواقفة معاي طيبة .. والشي الي ما انساة انه كان يقول اذا ولدتي بسافر وانتي نفاس .. سكت ما راددته بشوف اذا سواها عاد حزتها بزعل .. بس كـــــــــــــبر بعيني لما صار يداوم عندي وانا نفاس حتى مرة اكل معاي مرقوق فية دوا نفاس ههههههههههه واذا راح يكلمني كل دقيقة يقول ها شلونج شلون عمليتج .. امشي تحركي ودفي نفسج ...... واااي فديتة الله لا يحرمني منه
لما طلعت من النفاس سوالي استقبال كبــــــير قولوو ماشاءالله تكفون

 

[قمرهم-كلهم]

صراحة موزاقفة وابد كفاية 9 شهور من حملي معاي ما فارقني لان كان حملي اشوية صعب
غير يوم ولاتي كان نايم معاي بالمستشفى ما فارقني كلش واكثر شي يكبر بعيني يوم تحدى الكل عشان ياخذني وخذاني
الحمدالله رب العالمين

 

[حياةأبوها]

مواقف كثيره ...بيوم الكل تخلى عني وانظلمت فيه هو الوحيد الي وقف معااي ...وكرمه معاي ومع اهلي مخجلني ...والحمدلله هذه نعمه من عند ربي

 

[مجنونة قيس]

صراااحه موااقف ريلي لا تعد ولا تحصى بس تااااج راسي عمري ما انساله هالموقف ايام امتحانات الفاينل كنت بالمعهد وكنت اسهر ادرس وماعندي خادمه وولدي صغير عمره بالاشهر كان يسهر وياخذ اجازه ويجابله وانا حاكرني بالدااار ويقولي درسي فدييييته لوما وقفته معاااي جان للحين ماخلصت

 

[أم حيدر]

أم ضاري :/)

تسلم اناملج

سامحيني ماراح أعدد - بس أقول عسى من عمري على عمره

 

[الأماكن]

المواقف لا تعد و لااا تحصى .... و ما أقدر أذكرها

ما أقول غير الله يخليه لي ...و لعياله

و عسى الله لا يفرقنا

فديته والله

 

[حـــــلا]

اللهم وفق كل زوجه مع زوجها
واجعل بينهما حبا كبيرا
وابعد عنهم الحسد
واجعلهم متحابين متوادين دوما
واجعل كل زوج يرى زوجته باروع نظره
وزد اجرهم واغفر لهم وارحمهم

الله يوفقكم مع ازواجكم ويهنيكم ويبعد عنكم الشر
اللهم امين

 

[قمر^خالد]

أممم أتذكر مرة مرضت ... وماني قادرة أتحمل العوار كانت الساعه 1 بليل ...... قام وداني المستشفى ... وسهر معاااي لي الصبح وراح دوامه سهرااان صج ما انسى موقفه هذا معاااي......... ومايقصر فديته بو بدر .........

 

[@ام ضاري@]

انا بغربه ومرات تضيق الدنيا فيني وابي امي وابوي واهلي
اهو يواسيني احس يترك اثر حلو بنفسي
ومشكوره يا ام ضاري

ياحياتي عاد اهم شي الغربه تكون موقف قويه والحلو انه يواسيج

الله لا يفرق بينكم يارب وتردون سالمين

له مواقف كثيرة اهمها : اجهضت سبع مرات عمره ماجرحني بكلمه ولا طالبني بالاطفال بالعكس كان يصبرني

الله يعوضج بالوالد الصاحي المعافي يارب

وعسى الله يصبر قلبه اكثر وتفرحينه بيبي يارب

بصراحة وايد مواقف واللي ذاكرة منها
اني مرة سويت عملية وطولت فيها يعني المفروض 3 ساعات وانا قعدت 5 ساعات فلما صحيت من البنج مااشوف الا هذا اللي فوق راسي وعيونة متفخة من البجي ويحلف علي ان هاذي اخر عملية اسويها وخاطر بحياتي فيها

ياقلبي خايف عليج عسى الله يهينكم يارب ويسعدكم خلاص شها العمليات اللي تخاطرين فيها بروحج

دام رجلج رافض لا تسوين شي

الحمدلله كل مواقفه نبيله وياي الله يخليه لي يارب

الله يخليكم لبعض حبيبتي

وااااااايد والله الله لا يغير علينا ..

كفايه من سنة 2005 واهوا متحملني ومتحمل نفسيتي بسبة مرض اخوي

وحبيببي من سافر اخوي ما قصر معاي خلاني اروحله 3 مرات ورى بعض واقل مده اقعدها 20 يوم
كنت اول مره افارقه وعرفت شكثر يحبني واحنا بالمطار

وكفايه 5 سنين على ما حملت ولا يوووووووووووووم حسسني بشي ولا قالي كلمه مني ولا مناك

الله يخليكم لبعض يارب ويشافي اخوج من كل شي

اسعدني مروركم خواتي

 

[ام يوسف الكويت]

زوجك مو يحبك و مايرضى عليك ... لا ... زوجك له اسم ثاني.

ماحد طلب تعليقج واحتفظي فيه حق نفسج

وانا راده على موضوع ام ضاري لانها محترمه وتقدر كل وجهات النظر

 

[miss_jamsheer]

اناااا موااقف وااااااااجد اول شئ فى بناات حقدواا على ووزعوا رقمى وتعالى شووفى العالم الا تدق وزوجى مااااااااااصدق لوشعرة فينى وكااان حييييييييييييييييييل وااثق ولاهمه فاهذى شهااادة اعتز فيهاااا

ومواااقفه حلووووووووة معى لاتعبت ومرضت يصير لى الطبيب وكل شئ وخاااصه فى ولاداااتى والله جنه هو الا يتوووولد خخخخخخ

والله يااام ضارى لو خليت خربت وازوااااجنااا حيييييييييييييييييييييل طيبين وحنوووووونين
ومواااااقفهم ماتعد ولاتحصى حتى لو مدح بأكله موقف نبيل فديتهم
وفديت زوجى والله يخليله لى ولايقطعنى منه ولامن ازواااااجكم
تسلمييييييييييييييييييييييييييييين ام ضروى داااايم ابدااا اااااااااااااااع فديتاااج

امبيه امبيه حتى انا صارلي هالموقف وحده موزعه رقمي وقايلتله اسمي حتى قالي حق ريلي انا مرقمها وقاله ريلي انزين انا منو اذا اتعرفها وقاله انت فلان وصح لانه اهي قايلتله واهي تبي تخرب بس الحمدلله ريلي واااثق فيني ويدري لو شنو مااخونه وماتطلع مني هالسوالف

واشياء وايد بعد والله حتى وانا اولد ماخلاني دقيقه وحده وكان بس حده تعبان حتى كان لازم يروح الدوام وموراضين يطلعونه قالهم كيفكم سوو اللي بتسوونه انا ماني ياي واي حبيبي فديته ظل معاي لما ولدت حتى اهوه اللي نام معاي بالمستشفى والله اشياء وايد كان يقصر على روحه بس عشان يسعدني والله فديته بوحمود لو الف الكون كله ماالاقي واحد يسوى ظفره حتى

 

[ذبحني صمتي]

خلاص

خلاص

خلاص

قررت اتزوج...( براااااااااااااااااااااااااااااا خخخ

لا جد مواقفكم تبكي فررح...أول مره ادخل واحب طااري الزواج من البلاووي الي تكتبووووونها...

وام ظاري...السموحه تراني من حززب المطتمشاات السهرانات الداجات اللي ماوراااهم شغل.....

بس الله الشااهد احبك في الله ولوو ماأعررفج.....

ويارب...يرزق كل محروومه بالضنا....ويهديلكم ازوااجكم.....وتكوونوون قره اعين لهم...

اللهم آآآآآآآآآآآآآآآآآمين...

 

[@ام ضاري@]

اممممممممممممم


طبعا اهوا يحبني وايد الحمدلله

الله يتمم المحبه و يزيدها ان شاءالله

ريلي حبيبي احلى شي فيه ان لمن نتهاوش لازم يحاول يكبر عقله و ما يتصرف بطيش هذا احلى شي

لان يثبت لي صج ان ريال يعني كل مواقف الهوشات اعتربها مواقف نبيله منه

و كله يحاول يقصر الشر

فديته حبيبي


تسلمين ام ضاري حبيبتي على الموضوع

حبيبتي عسى الله يثبته على ها الحال ويسعدكم اكثر

لا طبعا لا يات على الحموله المواقف النبيله كلها تتحول لهم ههههههههههههههه الحمدلله على كل حال

انا عشان جذيه اتحاشى منهم اي شي بس عشان ادري ان بيصف معاهم

بس مره وحده اخته الله يسامحها سوت فيني موقف ما انحسد عليه

كانت فاتحه باب دارها و انا بصعد شقتي لمن شافتني جان تصك الباب بويهي حتى سلام من بعيد ما سلمت علي

و الحمدلله ان هالموقف صار جدامه عشان ما يحسب اني االف

و انا سكتت لان اهوا شاف بعينه و عنده عقل يوزن الامور

و بعدها بفتره طويله انفجرت من سالفه و ذكرتله هالسالفه لاني كنت حاطتها بقلبي

و قالي انا ادري كنت فاهم و راح اكلمها بس انا ما رضيت ان يكلمها لان ادري لو بيكلمها بتصير مشاكل اكثر

بس طيب خاطري و قالي ما عليج منها ادري انها ما سوت جذي الا لانها غيرانه منج

فخلي علاقتج سطحيه

حبيبي حده طيب خاطري بهلكلمتين و اهيا الله يهديها مالي شغل فيها ما ردها بتتزوج و تنفل عقدتها

عسى الله يهديكم لبعض ويسعدكم ويسخرج اهله قولي امين

اسعدني مروركم خواتي

 

[حلم الطفولة]

لما كنت حامل بآخر التاسع في بنتي الصغيره ,, وكان بيسافر وكنسل الحجز // الله يجزيه الخير.