- إنضم
- 19 أبريل 2011
- المشاركات
- 582
- مستوى التفاعل
- 0
- النقاط
- 0
الســلام عليكم
بنات انا تعبت احس صبري مامنه فايده احس زوجي مستحييل يتغير
جربت معاه اساليب واااااجد بس مافي فايده
ولو تغير يوم يومين ويرد مثل ماكان
جاااف وماعنده احساس
لما اقوله ليش ماتقول لي كلمه حلوه ليش ماتدلعني
اقولكم شنو يرد
يا اما يقعد يتطنز او اذا ماله خلق يسفهني ومايرد ويعصب
اووف
مهما دلعته وسويت اللي يرضيه مايتغير
مسوووويته على قولتهم دهينه لاتنكتين
ومو ناقصني لانعومه ولا جمال ولا اناقه مااستاهل يعني احد يدلعني؟؟؟
قلت له انا مره واحتاج احد يكلمني بأسلوب حلو يدلعني يحسسني بالحب
قلت له وصلتني لدرجه اني انقهر على نفسي لما اشوف واحد بالمسلسل يقول لمرته حبيبتي:eh_s(2):
صار لي فتره قاعده ادلعه واحاول قد مااقدر اتحاشى المشاكل
ووبيتي دايم مرتب وملابسه منظمه واطبخ له
يعني احس اني قاعده اسوي اللي علي
طبعا انتو عارفين اني محكووووره بالبيت مااطلع الا ماندر
مافي مطاعم ولا كافيات ولا شي الا بالحسره
عاد اليوم العصر كنت زهقاااااانه والله اشتهيت اطلع قلت خلني اجرب واقوله
نروح كوفي شوب
قلت له طبعا علامه صدمه على وجهه كني طالبه منه مليووون
سكت شوي بعدين قال زين بس بروح اودي مدري شنو حق اخوي وبرجع
تجهزي على ماارجع
مرت ساعه ساعتين وهو مارجع ويوم مارجع قال تجهزي بسبح ونطلع >>
قعدت استنى اخر شي يوم طلع قال اشرايك نروح لهلي بدل الكوفي شوب!!!!!!!!!!!!!!!!!!!!!!!
(اهله توهم راجعين من العمره طيارتهم وصلت المغرب خييييير اروح انط بوجيهم على طول
مايرتاحون ماتسبحون موو حلوه اني اروح لهم بعدين هم ناااس ذربين عمرهم مادخلو
علي يدهم فاضيه لازم اسوي قهوه اواجيب لهم حلو ولا شي(
قلت له لا حبيبي انا ناويه اروح لهم بكره عشان اقهويهم وابارك لهم بالعمره بعدين خلهم يرتاحون اليوم
عصصصصصب وقال ليش ماتبين تروحين لهلي شفيها مو اهلك بعد
ليش يعصب ابي اعرف شقلت انا
هو يدري اني احب اهله وهم يمووتون فيني بس مادري ليش احيانا احس انه حاط فباله
اني اكرهم والله هم مافي مثلهم وطيبين ليش اكرهم يعني :eh_s(2):
وسبق اني وضحت له هالشي بس مايبي يفهم
قلت له لاتسوي سالفه مالي خلق مشاكل
قال خلاص يلا قومي نطلع قلت وش عقبه نطلع لازم تضايقني وتغثني عقب نطلع
خلاص هونت
قال احسن وابرك مو لازم تطلعين:eh_s(2):
مبيييييييين انه سوى هالسالفه بس عشان مايطلعني
والله لو قايل من الاول مابي كان مازعلت وعادي طوفت
بس ليييييييييش يسوي فيني كذا
والله تعبت من اسلوبه الزفت معاي
محروومه حييل ماطلع ولا استانس مثل العالم
ولا يحاول يعوضني وياخذ بخاطري ويقول لي لو كلمه ترضيني
بنات ادري مشكلتي يمكن مالها حل
بس يكفي اني فضفضت لكم وانتوا دايما ماتقصروون معاي
بس ابيكم تدعووون لي ربي يسخره لي ويهدييييييييييه
انا احبه بس احسه قاعد يكرهني بنفسه
اخاف يجي اليوم اللي خلاص ماعاد اقدر اتحمل
