ماعندي مكان لتخزين ملابسج -- تعالي اقولج شنو سويت !!

[batoulizm]

السلام عليكم

شلونكم شخباركم

وحشتووووووووووووووووني


قولولي مبروووك

واخيرا صار عندي كبتات مثل البشر والناس


شلوون ؟؟؟؟

كان عندي في شقتي غرفه اضافيه يم غرفه النوم الرئيسة

وطبعا بما اني احتاجها حق بنتي فقررت اني اقسمها نصين

نص للملابس ونص لبنوتي حبيبتي

فيبنا بناي بنى لنا طوفه بالجبسن بورد وكهربائي دنالي الليتات بنص (بس صوب الكبتات)

طبعا هذا مايكلف

شوفو هذي الطوفه



وبعدين يبنا نجار قعد يشتغل 10 ايام في الكبتات

طبعا التصميم من عندي ونقيت اللون وشريت يدات البيبان وكان عليه التنفيذ

والنتيجه اكثر من روعه

الجهه الاكبر لي طبعا

والجهة الاقصر حق زوجي

والحين كلشي مرتب وبمكانه وروعه

بس طبعا هذي الصور قبل لا اعلق الملابس

اتمنى انه يعجبكم واكون فدتكم بالموضوع

واي استفسار انا حاضره

والفال انشالله ما اكمل النص الثاني واسوي غرفة بنوتي

 

[مرزوقه سيسم]

ماشاء الله حلو شكله ، ياحلو الترتيب


اختي بغيت اسأل كم سوى لكم طوفه الجبس ؟ وكم اخذ وقت ؟



،



مرزوقة

​

 

[نيولوك]

ماشا الله روعة

عليج بالعافية

 

[الماسة الكويتية]

الله يوفقكم فيه

 

[كيارا]

مشكورة حبيبتي

 

[كلي تفاؤل]

عليج بالعافية ...حلوة حيييل ..عقبال بيت العمر

 

[ام بنتها]

مشالله الله يتمم علييكم يارب

انا مسويه جذي بالشقه بس بالصاله لاها حدها طويله و الغرف حدهم صغاار و حايره باللبس
فحطييت بنصها الي داخل الكبتاات بس مو مسكر و الشكل غلط و قااعده احن على ريلي يحط جبس مو راضي يقول عشان صاحب البيت بس الحين لمن حطينا الكبتاات شاف شكلهم غلط فأنشاللله بنحط الجبس
كاان يبي بس ستااره بس كلش ما راح يصلح

بجم سويتوا الجبس ؟؟
و عادي تدزيليي رقم الي سواالكم الجبس مشالله شكله شغله نظييف بس شلون حط راس كهربا فيه ؟؟
و بجم دنوا الليتاات لكم ؟؟
عيه ضرووري ردي عليي لأني صج محتااجه اسوي حاليا هالاشياء
و الليتاات لمن دنيتووهم الفتحات ملوت الامااكن القديمه شصاار لهم شكلهم مو صاير غلط ؟؟
و بس
دوووختج بأسلتي ادري :tek:
نااااطرتج حبووبه
و عفييه السعر ضروووووري

 

[شيخة الزين 80]

عليكم بألف عافيه.....

شغل مرتب صراحه......

 

[القرآن ربيع قلبي]

ماشاء الله خوش شغل والله النجار بجم متره سواه لكم لانه انا رحت لواحد قال لي 55 المتر بس شغله كان عجيب

 

[الدايخة]

عليكم بالعافية ان شاء الله بس بعرف النجار جم حسب لج المتر ؟ وياليت تعطينا رقمه لو سمحتي

 

[batoulizm]

الجبسن بورد ب 50 د.ك اخذله يمكن يوم بس والطوفه الي يم الجبسن بورد بس من صوب الكبتات كان في بلاكات فسحب واير لي داخل الجبسن بورد وركبله روس

والكهربائي ب 30د.ك دنا لنا الليتات الي جهه الكبت حاطهم بالنص وسكر الفتحات القديمه وطبعا كان فيه برواز ديكور حول السبوتلايتات حفيناه كله طيحنا وصنفر الطوفه وبعدين يبنا صباغ صبغ الجبسن بورد والديكور(السقف) اب 50 دينار
وطبعا ماكان ابين كلش كلش والحين صار عليه الكبتات مغطي المكان القديم

والكبتاتات 750د.ك كامل بس مادري جم المتر ويفرق لان في مكان فيه بيبان ومكان مافيه والطوفه الخلفيه كله خشب (تقدرين ماتحطين وره طوفه يطلع ارخص بعد)
واخر شي شرينا مسكات البيبان والادراج اب 35 دينار

والارقام اخذها من زوجي بعدين

 

[batoulizm]

تقريبا تقريبا المتر 30 دينار

بس الي عندنها شقه اتوقع لازم تستأذن من صاحبها لان هذا بنيان ماينشال
لا الطوفه والكبتات

غير عن كبتات ايكيا ينشالون ويردون يتركبون

 

[ام فجور 2008]

ماشاءلله لا اله ا لا الله روعه

 

[جنتي^و^ناري]

ماشاء الله عليكم بالعافية

 

[أحلى الجياكر]

ما شاء الله الكبت راهى و تقسيماته ممتازة .. ...تبارك الرحمن
الله يهنيكم

 

[ام بنتها]

مشكوووووووووووووووووره الغاليه ما تقصرين
و عسا الله يهنييكم و يتمم عليكم انشالله
بس ناطرريين الارقاام
الجبس و النجار و الكهربائي

 

[زيـنـه]

شغله مرتب الجبس و النجار

ممكن التفاصيل على الخاص بالنسبه للنجار ..و شنو جنسيته و رقمه اذا ممكن ؟

و جم مساحة غرفة الكبتات الحين ؟؟

مشكوره و عليكم بالعافيه

 

[*جبرني الوقت*]

يعطيج العافيه شغلج وايد حلووو ومرتب

 

[batoulizm]

حياتي كلكم والله يعافيكم
تسلمون على الردود والارقام كالتالي

جبسن بورد 9598156
كهربائي 9540190
النجار 9827940
الصباغ 9562380

بس لازوم تكاسرون معاه عدل عدل يعني الصباغ مثلا من 100 لي 50

وانتو وشطارتكم

 

[زيـنـه]

تسلمين على الارقام
و عليج بالعافيه