امبيه لاااا كتبت رد شطوله وانمسح قههر
(
المهم حبوبه صاحبة الموضوع والله وانا اقرى موضوعج حسيت اني انا اللي كاتبته
نفس معاناتي مايعجبني شي
الطاف حيل عاجبتني بس بالصور وما اقدر اشوفها ع الطبيعه مع اني كلمتها واستفسرت عن كل شي بس عقب البنات قالولي حيل ناعم شغلها وماجنج عروس
تتحسفين قاطه فلوسج
منيره الفرج شفته ع وحده بس مو عروس كللللش ما عجبني تعرفين الناعم السخيف خطة كحل وحمره ما انصحج
اما بدور سوت لاختي بعرس خالي الكل انبهر فيها لانها حيل عرفتلها وشغلها نظيف ومرتب طبعا الكل قال هالكلام لكن انا حسيته اوفر اهو حيل حلو بس انا ابي انعم
مري عليها وشوفي ان شاءالله تعجبج وانا بعد بروحلها اشوف عرايس عندها يمكن يكون شغلها بالعرايس انعم
فبالنهايه لا تسمعين لاحد ولازم انتي تشوفين االميكب بنفسج الخوات واهم خوات يختلفون بالذوق فما بالج باللي بعيد
المهم حياتي اذا حصلتي صالون عجبج بلغيني بالخاص لاني حسيتج مثل ذوقي مابي اوفر ولا ناعم باهت ابي شي ذرب وراقي
والله يوفقنا ويسهل امورنا
