مادري وين اسوي ميكياجي

[وحده من العرب]

السلام عليكم يالمزيونات ..


مثل ماتعرفون كل البنات ودهم تكون طلتهم بيوم زواجهم احلى طله ويكون شكل العروس جددا مميز ..


واهم شي بعد البدله البيضا الميك اب..


بصراحه انا حددي محتاره بالصالون مادري شنو اختار خصوصا ان مابقى على عرسي شي وللحين ماحجزت ولا قررت ..


حيل عاجبني ميك اب الطاف الخلف بس بصراحه مغامره لما دقيت اخذ موعد قالولي ان الطاف تسوي الميك اب ببيتها وماتاخذ الا عروس وحده يعني مغامره يمكن المره عندها ظروف او شي وحتى لو اصلا شلون اصور ببيتها!! مايصير ولا اروح اطق طريج للبيت عشان اصور ،،،


المهم ودي بميك اب مثل مستواها جذي راقي وناعم بس فيه فخامة عروس ..


قالولي حنان دشتي انا مو حااابتها كلششش
ومنيره الفرج < تخرعت منها يقولون نفسيه
والاء دشتي < قالولي نفسيه بعد :/
ومدحولي وحده اسمها بدور الشمري مكياجي ارقى ومادري ماشفت ولا عروس عندها


صج صج محتاره شرايكم وين اروح؟؟

 

[عروسة اكتوبر]

والله حتى انا ما حجزت للحين بس مفكرة احط عند حنان دشتي

ومريت ع منار احلى ما ارتحت لهم كلش

 

[وحده من العرب]

والله حتى انا ما حجزت للحين بس مفكرة احط عند حنان دشتي

ومريت ع منار احلى ما ارتحت لهم كلش

حبيبتي عسى الله يوفقج يارب وتلقين اللي تناسب ذوقج

 

[عروسة اكتوبر]

امييييين يارب واجمعين

 

[فطامي_]

حبيبتي حبيت افيدج والله يوفقج ان شاء الله

انا خذيت دورة عند الجوثن تعليم مكياج ذاتي وصرت بالعروس احط حق روحي وافتكيت الحمدلله

بخطبتي جربت رشا شيك .. طبعا اهوا لايمت للشياكه باي صلة .. سووني مشبوح الليل رديت مسحت المكياج وحطيت بروحي .. عند فائدة جنه اسمها


بالملجة حطيت عند ابرار بصالون ليلى هارموني .. ماقتلها ان ملجتي حطيت مكياج عادي وطلعتني مثل ما ابي واحلى بعد .. مكياج سموكي ناعم والرموش حلوه والفاونديشن عجيب
وسويت شعري عند زينب .. اهيا نفسيه بس شغلها عجيب

بعرسي كنت حاجزة عند ليلى العرادي ب ليلى هارموني بس صارلها ظرف ويمكن كان خيره
حطيت عند عبير العرادي
احلى مكياج راح احطه بحياتي .. طلعتني عروس حلوه الحمدلله مع ان المكياج مو خفيف لان انا احب المكياج العربي حلاته العروس غير عن المعازيم
حطتلي سموكي ادعم ورموش طبقتين ناعمييين والفاونديشن عجيب .. بس ماحطيت كريم حق جسمي لان ماحب والحمدلله جسمي مايحتاج

والشعر عند لولو الغنيه عن التعريف تهبلللل

وان شاء الله اكون فدتج

وعمرج وحياتج لاتجازفين وتحطين مكياج عند وحده بالبيت لو شنو ماكان
لازم تطلعين وتروحين حق مكان ثاني للشعر والمكياج يسيح وتعرقين وتضيعين وقت لالا مستحيل

 

[مـهـــابــــه]

لا تعتمدين ع راي احد مري و شوفي مكياج الصالونات بنفسج عشان تكونين مرتاحه
انا مثلج ماحب حنان دشتي كلش مرتين سويت عند شهله و بستكي امل مدري اميره ويععع اوفر وشدو طابقين لا و تقولج هذا ناعم وين النعومه !
المهم اني مرتاحه حق صالون منار احلى كحله ستينيه و حمره و لمعه خفيفه و بس تعرف شنو ابي و كل مره تطلعني احلى
ارجع اقولج مري و شوفي بنفسج .. الله يوفقج يارب :eh_s(7):

 

[الأوركيد~]

انا مو من الكويت

بس من فتره حضرت عرس بالكويت

و العروس كان مكياجها جدا جدا ناعم

عجبني

مو مغير ملامحها

كان عند منيرة الفرج

بس بعد الناس اذواقها تختلف

فمثل ما قالت اختي

مرري بنفسج و شوفي الميك اب احسن

و يارب تطلعين احلى من ما تبين في ليلة العمر


^_^

 

[lulu_q88]

شششوفي زهراء القاسسسم روووعه وحيل حيل يمدحونها وشكثر بنات هني حجزو بعرسهم عندها ومدحوها



مريهااا لها صصالون خاص ويمدحونها



الله يوفقج

 

[beealh]

الف مبرووك الله يوفقج حبيبتي ويتمم عليج انا عروس وعرسي كان قبل جم شهر مكياجي كان عند رشا شيك اللي تحط اسمها فاطمه معروفه بس حق عرايس يوم عرسي كان عندها 12 عروس متخيله !! تسلم اييييييدها المكياج اينن ما شاء الله راقيييييي يبرز الجمال و صج مكياج عروس مو ناعم الي مايسوا ولا اوفر الي يخرب جمالج واهيا وايد حبوبه معاي ايدها خفيفه وبسرعه تخلص المكياج ولا ييقولولج وايد و اوفر كلشي عل طلب اهما يقولون في ناس يبون اوفلر في ناس يبون خفيف ويخيرونج انا طلبت انه يكون عادي مو اوفر وبنفس الوقت مو شويه لاني عروس لازم اطلع غير والله ماكان وده امسح مكياجي والكل مدح شكلي ووسأل عن مكياجي وشعري بعد العرس انتي روحي قبل ماتحجزين طلبي تشوفين عرايس عندهم ترى الناس اذواق شوفي بنفسج

وربي يوفقج وتطلعين أحلى عروس

تقبلي مروري:*

 

[M!SS.LOBY]

موووفقة

 

[baa6aa]

انا بعرسي عند ابتسام ارتست

كنت مجربة عندها بكذا مناسبه سعرها حيل مناسب وصج حق العرس حطتلي انا وامي وليلحين الكل يتكلم عن مكياجنا صراحه

كان روعه روعه روعه

اهيا بعد تحط بالبيت بس اذا عروس تطلع لج

ومعاها مالت الشعر و تعطيج بكج كامل تقدرين تسالينها وسعرها صج مناسب حيل الله يتمم عليها

وليلحين حق المناسبات ما افكر بغيرها لان كل مرة تطلعني بلوك غير و كل مرة يسالوني عند منو اقول اهيا

 

[بنت شاهة]

الطاف الخلف ثلاث من رفيجاتي حاطين عندها اتههههههبل
وليلى هارموني شفته على بنت خالي روعه ..

 

[عروسة اكتوبر]

للحين محتاره ولا حددت مضيق خلقي هالموضوع

 

[قاهره عذالي]

الله يوفقكم عرايس كلكم وتطلعون مثل ما تمنون بعرسكم

انا يعجبني المكياج اللبناني اللي يجي فيه نعومه + التركيز ع العين

 

[lulu_q88]

كونتننتال


حيييل حييل يمدحونها وقبل اسبوع بنت عمي عندهاا يجننن الكل شافها عباله حنان دشتي


ورووووووعه نظيف وناااعم وتسريحتهم روعهه


انا ناويه اروح لهم صباحية عروس باذن الله

 

[وحده من العرب]

مشككورين كل اللي دروو عسى الله يوفقكم



اليوم مريت ع كذا صالون بستكي ومنار ورشا امبيه والله ودي ابجي ليشش جذي مكياجهم يا اوفررر او ماااات مافيه ولا لمعه ماعجبني شي كلشش اللي يقول ع الطلب احس يبين الشغل كل البنات كوبي كوبي نفس الميك اب


وين اروح

 

[لمساتـي]

اب اب

 

[نوف الصقعبي]

طقي فره على صالونات الجابريه ثلاث ارباعهم هذا اذا موكلهم مكياج احلا من الثاني وصج الصالونات اللي بالجابريه اهما اهل القصات الغريبه العجيبه والستايلات والصبغات والتساريح لان منطقه راقيه حاطين ناس تشتغل بسنع مو شغل مش حالك ​

 

[M!SS.LOBY]

بالتووووفيق

 

[لوولوو_88]

روحي زهرا القاسم .. يوم عرسي يت وحده شافت مكياجي جان تحجز بوقتها حق ملجتها و امها قامت تدعي لي مسكينه ..

حطيت عندها بملجتي و عرسي طلعتني ملكه الحمدلله ايوني الكوشه يقولولي تهبلين و مكياجج يهبل ♥ ..

ما اطلع من يزاها بوم عمري و طلعتني من احلى ما يكون .. و بحط عندها حق استقبالي باذن الله