"مآثر الفضلي" والدموع تتساقط من عينيها

[sadan111]

مآثر محمد.. الفرحة تتحول إلى دموع
​

السابعة على الكويت ٩٨.١٤ ٪ أدبي-الطالية البدون "مآثر الفضلي" والدموع تتساقط من عينيها تشكو: لم يتصلوا بي

​

القبس: تحولت فرحة صاحبة المركز السابع على الكويت في القسم الأدبي الطالبة مآثر محمد سعيد الحاصلة على نسبة %98.14 إلى غصة، إذ قالت لـ القبس باكية: كنت بانتظار اتصال وزير التربية الدكتور نايف الحجرف ليبلغني بتفوقي، لكن أحداً من وزارة التربية لم يتصل بي، كما انني لم أكن ممن تم تكريمهم في حفل وزارة التربية يوم أمس، بل انه لم يرد ذكر اسمي ضمن المتفوقين خلال المؤتمر الصحفي يوم امس، رغم ان اسمي موجود على موقع الوزارة الإلكتروني ضمن المتفوقين.​

وتوجهت الطالبة بنداء إلى وزير التربية لقبولها في جامعة الكويت، علماً بأنها من فئة غير محددي الجنسية.

المصدر
^
^
مآثر محمد.. الفرحة تتحول إلى دموع | جريدة القبس​

تعليق احد الاخوان في تويتر :

ان يكون لدينا بدون متفوق في دراسته ونرعاه افضل من الاهتمام بالوافد الفائق, الوافد سيعود لبناء بلده بينما البدون سيبقى هنا
​

 

[sadan111]

ما هو مستقبل المتفوقين البدون ؟؟؟

نور الودعاني ٩٩،٠٥٪ علمي

فاطمة الظفيري ٩٨.٩ أدبي

بشاير العتيبي ٩٧،٣٧ علمي

مآثر الفضلي ٩٨.١٤ أدبي

سارة الشمري ٩٧.٤٣ علمي

فاطمة الفضلي ٩٧.٣ أدبي

عبدالعزيز حبيب العنزي 96% علمي

؟؟؟؟؟​

 

[sadan111]

فيديو سلط الضوء على هذه القضيه الانسانيه
‫الكلام الحر قضية المتفوقين البدون وتجمع رجال الكويت‬‎ - YouTube

 

[فطوم 84]

بعد عمري والله عورت قلبي فديت دموعها يابنت الحمايل يابنت الفضول. والله ماعاش اللي ينزل دمعتج. انتي رفعتي راس اهلج. مالت عليهم وعلي وزارتهم الفاشله. اسمها وزارة التربيه والتعليم. اهما لاتربيه ولاتعليم. الله ياخذهم


يحترون ليش بناتنا اذكيا. وماشالله عليهم متفوقات واهما عيالهم فاشلين حالهم حال المليفي كان وزير وساقط. مالت علي جذي ناس حقوده وتافه واخر همها الكويت وابنا الكويت

 

[Patcholli]

حبيبتي والله
كسرت خاطري

 

[فطوم 84]

والله مفروض المتفوقين اللي بالثانويه يهاجرون لاي دوله اوروبيه. وايد بدون هاجروا. مايقعدون. هني. الكويت وضعها خلاص. لا تترجون شي

اهما عاجزين. عن الكويتين بالجامعات فمابالج بالبدون. البدون مالهم مستقبل الا الهجره الجماعيه. ووايد هاجروا الحين باوروبا احلي مستقبل ويدرسون براااا

 

[أم هنونه]

يكرمون الوافدين اللي خيره لبلده ويتركون البدون اللي ما يعرفون غير الكويت وطن لهم !!

 

[قاهره عذالي]

الله لا يخيب رجا المتفوقين البدون

وعسى الله يهدي لهم وزير التربيه

 

[عادت ذكرياتي]

الله يعوضها خير يارب ويوفق الجميع

 

[انسام الكويت]

بعد عمري والله عورت قلبي فديت دموعها يابنت الحمايل يابنت الفضول. والله ماعاش اللي ينزل دمعتج. انتي رفعتي راس اهلج. مالت عليهم وعلي وزارتهم الفاشله. اسمها وزارة التربيه والتعليم. اهما لاتربيه ولاتعليم. الله ياخذهم


يحترون ليش بناتنا اذكيا. وماشالله عليهم متفوقات واهما عيالهم فاشلين حالهم حال المليفي كان وزير وساقط. مالت علي جذي ناس حقوده وتافه واخر همها الكويت وابنا الكويت

أنا ودي اعرف شنو قصدج باللي قلتيه فوق منو الي يحتر ؟؟. ومنو اللي عيالهم فاشلين ؟؟؟؟

اللي فهمته من كلامج انه محترين من بنات البدون انهم أذكياء وانه عيالنا الكويتين فاشلين عدددل

بالأول روحي جيكي على أسامي الكويتين وشوفي النسب الطيبه اللي ترفع الرأس والحمد الله عيالنا مؤ فشله

عيالنا يرفعون الرأس بتفوقهم الحلو وللعلم ترا اخر همنا نحتر إحنا ما نفكر مثل تفكيرج انه محترين من البدون

عشان توفقوا واهم كلهم جم نفر مقارنة بتفوق عيااااااالنا واذا عندك مشكله او معترضة عشان قضيتهم فهالشي

مايخص طلابنا الكويتين انج تصفينهم بالفاشيين يا اخت فطوووم ياسنعه ودام هاذا ردج أنا متأكده انج بدون

وحاقده عالكويتين

ومبروووك للطلبه والطالبات الكويتين فقط بنجاحهم وتفوقهم

 

[العفاسيه وبس]

بعد عمري والله ..... عسى ربي يعوضها وربي يكون وياكم ( إخواننا البدون ) وتنرد حقوقكم المسلوبة

 

[فطوم 84]

اولا انسام الكويت انا سنعه الحمدلله وعارفه نفسي انا شنو

ثانيا. انا اوقف مع الحق وين ماكان. والله مايهمني غير الحق

الحمدلله. انا انسانه اخاف الله اولا واخيرا

انتي لو قاريه كلامي عدل انا غلطت علي المليفي واللي ماسكين وزارة التربيه اهما عيالهم الفاشلين علشان جذي قلت عنهم محترين

انا اخر وحده اسب افكر احقد او اكره الكويت حبيبة قلبي

انا ابوي اقدم شخص في وزارة الدفاع. واسير. وكان في كل مكان يتواجد والدنا جابر ابوي يقعد معاه. وتشهد الحروب اللي شارك فيها الوالد لاتجين. تزايدين علي حبنا للكويت


اوكي. مو علشان قلت كلمة الحق. صرت. ماعندي وطنيه وحب لديرتي

بصراحه تفكير. غريب

 

[فطوم 84]

ومبروووك للطلبه والطالبات الكويتين فقط بنجاحهم وتفوقهم



هالجمله حلوه

بالمره. انتي حقانيه

والله مبروووووووووووك لعيال وبنات ديرتي الكويت وللبدوووون وللوافدين. ولكل شخص تفوق علي هالارض الغاليه

 

[الباحثات عن الجمال]

يا حياتي ألف مبروك ومبروك للجميع.

 

[فروح]

الف مبرووك وحسبي الله ونعم الوكيل حراام جذي ..

الف مبروك لكل الناجحين ...

 

[سندس 90]

مسكيييينه والله شي يقهر متفوقه وبنسبة عاااليه ومحد درا عن هوا دارها
أكيد كانت تطمح إنهم يكرمونها وتفرح وتستانس الله يعوضها
ومكرمين المصريين واللبنايين والاردنيين وهذي مخلينها
بعدين من ضمن المتفوقين كان في بدون شمعنه هذي مو ذاكرين اسمها *

 

[الزورق222]

اعوذبالله عنصرية ليش ماتاخذ حقها من التكريم ..ذكرتنى بتلك الفتاة التى حرمت من التكريم فقط لانها محجبة ..
‫منع فتاة تركية من أخذ جائزتها بسبب حجابها !!!!‬‎ - YouTube

الف مبروووووك ياماثر الفضلى ..

 

[sadan111]

عشان توفقوا واهم كلهم جم نفر مقارنة بتفوق عيااااااالنا واذا عندك مشكله او معترضة عشان قضيتهم فهالشي

ومبروووك للطلبه والطالبات الكويتين فقط بنجاحهم وتفوقهم

اللي مكتوبه اسمائهم بالموضوع جم نفر على قولتج مجرد مثال .. بس العدد الحقيقي 158 متفوق من البدون وهذا مصدر الخبر>>> 158 متميزا بالثانوية العامة، والتربية قتلت فرحتهم بعدم التكريم


ثاني شي سالفة عيالهم شاطرين وعباقره وعيالكم فاشليين القصد فيها ناس معينيين ( العنصريين) و فطوم ما جابت شي من عندها هذه قالوها الناشطين السياسيين الكويتيين في لقاء على قناة اليوم باليوتيوب
^^
^^
‫الكلام الحر قضية المتفوقين البدون وتجمع رجال الكويت‬‎ - YouTube

والبدون من نسيج المجتمع الكويتي والخليجي مو يايين من البرتغال او السويد واللي عنده عكس هالكلام يثبت ما يتهم الناس بالباطل
يكفي البدون اساميهم اللي ترفع الراس وافعالهم اللي تشرف :ggdw:

 

[brettey]

والله حرام ظلم ظلم
والله لو تروح بره تدرس احسن لها على الاقل راح يقدرونها اهني ماكو تقدير للاسف

 

[noorq8]

كان ياماكان في موظف نشيط ومخلص يشتغل بالبلديه ومن مهام وظيفته القبض على الباعه المتجولين وطبعا لازم محضر ضبطيه ومصادرة المعروضات لين يحضر صاحب البسطه اللي عادة ينحاش ويهد اغراضه تالي يرجع ماني عارفه ليش تهقون يبيع شي ثاني غير المعروض بالبسطه ،،،،، فهمكم كفايه المهم نرجع لقصتنا ، هالموظف مسك بدون ومعاه اغراضه وطبعا اول شي انحاش البدون تالي راجع مركز البلديه يبي اغراضه وعشان يوقع التعهد ، اللي حصل الموظف النشيط قال له عطني هويتك عطاه هويه من الهويات اللي تعطيهم اللجنه المركزيه للبدون لكن ذاكرة الموظف تقول له هالشخص سبق ان تم القبض عليه بس كانت عنده جنسيه مو بدون ،،،،، الشاهد راح وجيك الملفات والا نفس الشخص هويته السابقه سوداني وتاريخ ورقم دخوله للكويت معلوم للجهات الرسميه وواضحه وبقدرة قاااااادرًصار بدون تعلم الكلام الكويتي وعرف ينسف الغتره وصار بدون وتوته توته خلصت الحدووووته بس قبل لاتخلص خل اقول لكم ان الموظف كلم الشرطه وأمن الدوله عشان يعرفون ياخذون اجراءاتهم القانونيه وتحيه للبدون الكويتيين قال بدون قال