ليش لما اركب السياره المكياج يطلع أرف؟؟

[حوريه عسل]

قوووووووه بنات شلونكم شخباركم

بنات انا عندي حالة مأساويه فبليييييز بليز اللي تقدر تساعدني خل تساعدني بالذااات خبيرات المكياج

المهم

انا لما احط ميك اب بالبيت اشوف نفسي من المنظره ويهي صافي يلق لق والمكياج شحلااااته اينن

بس اطلع واركب السياره اشووف رووحي بالمنظره يالهوتيييييييييييييي يالهو بس شقووول شخلي أرف أرف ويهي خااااااااااايس بالذات البشره يعني حوالي الشفايف يصير لونه غامج او يبين شويه شعر على ألوان رماديه يعني شنووو هذا شسوي عفيه قولولي ابي اشووف روحي بالمنظره بالسياره وانا مرتاحه نفسيا بليز ساعدوني يزاكم الله خير ..:eh_s(7):

 

[H O N E Y]

اول شي حفي منطقه الشنب

ثانيا اهتمي ببشرتج حسب نوعها واعتني بنظافه ويهج

وروحي صالون او عياده سوي تنظيف بشرة



اذا البشرة تعبانه وفيها شعر المكياج يطلع أرف

 

[googoosh]

حبيبتي لأن الاضاءة عندج بالبيت مو عدله .. اذا تقدرين حطي ميكب عند الدريشه لان الاضاءة تكون طبيعيه و جذي تشوفين العيوب اللي بالبشره عدل و تقدرين تغطينها ..

 

[**selena**]

حطي بمكان اضائته زينة او حطي بالسيارة شتسوين بعد هههههه

 

[حوريه عسل]

H o n e y
حبيبتي مشكووره على الرد فديتج والله اني احف على طووول اشيييل شعر ويهي مستحييييييل اخليه اصلا لو اخليه حتى بالبيت لما اشوف نفسي يطلع شكلي ارف مو بس بالسياره .. يمكن مع اضاءة الشمس يختلف بس مع اني استعمل منظره فيها نووع ليت الشمس والليت الابيض وتكبر بس هم احس فييي شي غلط قاعده اسويييه !!!

 

[حوريه عسل]

googoosh
انا منظرتي فيها اضاءات انواع اشوووف كل شي واضح بس بالسيااااااااااره واي شي شي شي خيال لووول اتعب نفسيا


بنات انا ادري ان اذا البشره خرا المكياج خرا بس في بنات مكياجهم يغطي كلشي كلشي كلشي

 

[AVE.NJ]

صح كلامج
انه الحمره عندي تتغير
وتصير لوعه
وكله امسحها واغير لون ثاني

 

[حوريه عسل]

^
^

أي حمره تستعملين؟؟ انا اذا استعملت مااك ماتتغير تهبل

 

[حوريه عسل]

حبيبتي لأن الاضاءة عندج بالبيت مو عدله .. اذا تقدرين حطي ميكب عند الدريشه لان الاضاءة تكون طبيعيه و جذي تشوفين العيوب اللي بالبشره عدل و تقدرين تغطينها ..

باجر الصبح ببطل دريشتي نجرررب شورانا احنا :bbbiu:

 

[Pupiipop]

حبيبتي ضوء الشمس غير عن البيت حتى لو عندج اضاءة
انا وايد يصير معاي جذي..
لان بالسيارة الشمس صاكة الدنيا و فوق هذا اكيد تقربين من المنظره
عشان جذي تشوفين المكياج مأساة

بس الشكل اللي مسويته بالبيت اهوا اللي الناس تشوفه لاتخافين
​

 

[حوريه عسل]

حبيبتي ضوء الشمس غير عن البيت حتى لو عندج اضاءة
انا وايد يصير معاي جذي..
لان بالسيارة الشمس صاكة الدنيا و فوق هذا اكيد تقربين من المنظره
عشان جذي تشوفين المكياج مأساة

بس الشكل اللي مسويته بالبيت اهوا اللي الناس تشوفه لاتخافين
​

خلي الناس مو مشكله ,, انا المشكله نفسيتي تصير زفت من اشوف روحي يعني جد جد ماعتقد كل البنات لهالدرجه يعني يخافون يشوفون روحهم من منظره السياره نفسي لووول



اي وصح بنات لاتشترون كريم اساس هذا

والله ارف ارف مالت عليهم جني احط زيت زيتون بويهي من كثر ماهو دهني قطيعه لوول ادري لوعت جبودكم
بس البوودره الكومباكت اللي تبعها العكس تمااااااما تهبل تهبل

 

[Laidy n3ooma]

يمكن انتي بشرتج دهنيه

جربي تستعملين الفكس من ماك يمكن يثبت ويصير ارتب

غيري من الاساس واعتني ببشرتج قبل الميك اب

 

[حوريه عسل]

^
^

شنو اهو الفكس؟؟ غصدي بيس؟

 

[candice]

يووووووووووووووووووه كلنا جذي انا بعد مركبة اضاءات ومرايا وحالتي حاله واقعد ساعه اتمكيج وبس اركب السيارة انصدم وبسرعه اصكر المنظرة حيل ما اترقع مع اني اعتني ببشرتي واحط مكياجي بشكل صصحيح بس الاضاءات تفرق مثل ما قالوا البنات..احسن نصيحة لا تطالعين بالمنظرة خخخخخخخخخ

والفكس هو بخاخ ماي مثبت او منعش للبشرة من ماك اسمه fix+
واصلا بالعكس لمن احطه احس يخيس البشرة اكثر ويكتل ما عدا بحالاات معينه مرة او مرتين حسيته حلو اما الباجي لا..

 

[وردة الدوحه]

قبل لا تطلعين من البيت جيكي على مكياجج في منظرة الحمام

بطلي دريشة الحمام خلي الشمس تدخل وبتشوفين اذا فيه عيوب اوو الفونديشنفاتح او اوفر عشان تعدلينه

والافضل انج انج تتمكيجين في الحمام اذا عندج مساحه فيه

 

[brettey]

شنو لون اساسج ؟
اكيد افتح من بشرتج بدرجات وهذا غلط
في بيس لونه برتقالي من كريولان حطي عالاماكن الغامجه

 

[Patcholli]

بسبة الاضائه حياتي

حتى انا لما اركب السياره الصبح اشوف بلاوي

منظرتي بالبيت تطلع الويه حلو مادري ليش لوول

من اركب السياره اشوف اشياء ماشفتها بحياتي ..

 

[caramella <3]

شي طبيعي بتكون البشرة مو حلوة لان =

1- كريم اساسج دهني و زيت زيتون على قولتج
2- و لان الكريم دهني + حرورة الشمس

النتيجة بتطلع موشي !!
انا ولا عمري حطيت فاونديشن سائل حق الدوام و الطلعات العادية مع ان بشرتي شكثر فيها عيووووب ،، السائل بس حق الحفلات اما حق الدوام احط بودرة اساس مالت ماك ستوديو فكس + بخاخ الفكس بلس و النتيجة ولا اروع و الكل يسألني عن بودرتي

و عندج بعد بودرة نفس نتيجة ماك --->> بودرة مكياجي (صبايا) لونها بنفسجي فاتح
و بسسس :*

 

[Sara !]

لوووول والله ضحكتيني

منووووو اصلن ما يتخرع هههه

اكيد يعني شمس صاكه ابراسنا وتشوفين المنظره شي ثاني

انا ما احط ميك اب واشوف نفسي اقول متو هذي @@ !!!

بس والله السالفه عالاضاه يعني البيت اشحلات ليتات غرفتي لوول بس لازم قبل لا تطلعين روحي الحمام عزج الله راح تشوفين اذا في آي غلطه ميكياجه لابد من تصلحها لوول

 

[حنايا الروح1]

حبيبتي ..نوعيه كريم اساس يمكن ما ناسبتك او ان بشرتك مرهقه


انا صارت معي كذا وطلع لان بشره مرهقه


ولا تكثرين باودره خليه خفيف حيل