ليش تعض الناس صايرة جذي؟!! والله يقهرون..لا تصيرون مثلهم تكفووون

[المرتاحة]

قوه كويتيات




أمبيه أمبيه وايد ضاق خلقي قريت قبل اشويه موضوع واااي حسيت بعض الناس ما عندهم غير مراقبة اللي رايح و اللي راد و يتكلمون بشرفهم.. علشان جذي قلت لازم اكتب هالموضوع طياري

عاد كلش ولا الشرف!!!!!!!!!!

ليش الناس صايرة بس تشك؟!!!

ليش نواياهم شينه؟!!


بقول لكم الموقف اللي صار معاي شخصيا


أنا و اختي لونا اسمر وريلها ابيض

كان مواعدنا بالافنيوز في ستاربكس و احنا على ما تسوقنا و خلصنا ولا يدق علينا يبلغنا انه وصل ورحنا
واحنا مجبلين عليه كانوا في شابين قاعدين بالطاوله اللي يمنا وقاموا يخزووووووون خز بس طنشت
ولا اسمع واحد فيهم اول ما قعدنا يقول بصوت عالي يبي يسمعنا
اي مواعد الصاحبه!!!!!!

ريل اختي ابتسم و طنشهم وانا ويهي انصفق واختي قامت اطالع ريلها و تبتسم و طنشت وقعدنا وطلبنا كوفي

واصلا طول قعدتنا و اهو بس يخززز لين قام ريل اختي و شال بنته من العربانه وقام يلاعبها

اهني وقف من الخز والظاهر توه اكتشف واستوعب ان اللي قاعده معاه زوجته لانه البنت نفس اشباه ابوها بالضبط بس سمره.

انا مادري ليش الناس جذي؟؟

ليش تشكون؟ او تظنون ظن سوء؟

ترى صار لي اكثر مو موقف بخصوص ظن السوء.. ومو بس صارت لي ترى صارت مع ناس وايد

انا صح ما يهمني لاني ماشيه صح و ما على من احد بس الناس اشفيهم ينواا و قعدواا؟!!


يا حافظ يا عقايل الله :eh_s(1):

 

[المرتاحة]

و على فكره النوايا الشينه و ظن السوء صاير حتى اهني بالمنتدى ... مرضى اللهم ياكافي

تشوفون في بعض المواضيع بعض البنات شغالين يجذبون صاحبه الموضوع و يسبونها و مادري شنو

يا اخت ياللي تجذبين الناس عندج دليل ان البنت قاعده تجذب؟؟؟؟؟؟؟؟؟؟؟؟؟؟؟

ما عندج دليل عيل صمي حلجج و سكتي

والله حاله!!

 

[شندوخه]

اي والله صدقتي بظن السوء والتشكك عند ويهج
عيزنا واحنا نقول احسنوا النيه .. بس كلن من يرى الناس بعين طبعه

 

[عالمي انا غير]

تدرين ليش لان الدنيا راح منها الامان ومحد صار يثق بااحد فعشان هشئ للاسف طغت النية الشينة ع الزينة اما بخصوص البنات اللي بالمنتدى بصراحة ماالومهم من كثر المقالب اللي تعرضنا لها صرنا نحس اكثر المواضيع مو صج وقمنا مانميز واللي يقهر يوم تعطيني النصايح من كل قلبج ويطلع الموضوع وصاحبة وهمي

عموما جزاج الله خير ع الموضوع ويريت الدنيا ترد نفس قبل كل شئ نحسن النية فيه مع انه صعبه للاسف وخاصة بهزمن وعن تجربه ياما ناس حسنت النية فيهم اطلعو شئ ثاني كله مكر وخداع . بس برغم من كل هذا كله لازم الواحد يكون حريص وخاصة بتعامل مع الناس اما بخصوص الموقف اللي مريت في انا لو منج مااعطيه اكبر من حجمه وبطقاق وهو ونيته وتفكيره وشدراج انه اصلا نيته مو زينه يمكن يخز عادي ماشالله ع الشباب بس طلعاتهم للخز واساسا محد يستحق وهل الزمن الافكار وحتى الاحاسيس تجمدت وماتت

 

[سكوتي بذوقي]

دايم يظنون لما الرجال يطلع مع زوجته

يقولون مواعد يشوفون وحده تسولف مع واحد

سيده يقولون مواعد وطالع معاها

يمكن تكون زوجته اخته

الله يهديهم يارب

يعطيكِ العافيه اختي

 

[أم توتو]

لان الوازع الديني قل فتوقعي ان المجتمع بيصير جذيه والفضائيات لها دور كلامج صحيح الناس على طول تفهم غلط وسوء الظن واللقافه ماخذه دورها مافي خوف من الله مايدرون ان بعض الظن اثم استغفر الله الله يهدي الجميع

 

[mareea]

صاجه اختي

مادري شفيهم الناس

الله يعطيج العافيه

 

[CUTIE-THUG]

والله حتى انا صار لي اكثر من موقف ! تخيلي رايحة مع اخوي نلعب بولينغ ولا مال المحل قعد يحط اغاني رومانسية و يقول لاخوي عشان تعيش الجو ههههه اخوي قاله ترى هذي اختي كان ينقص ويهه
مادري ليش تفكير الناس صاير شذي !​

 

[ثنايا الورد]

من راقب الناس مات هما فعلا مدري ليش فيه ناس فاضيه لهدرجه شغلتها تراقب العالم
وياليت تحسن النية الله المستعان بس يسلمو راعية الموضوع

 

[NEW WOMEN]

ربي يهدينا لااحسن الاعمال وافضلها
ويشغلنا بطاعته عمن سواه

 

[fulla 7elwa]

اي والله صااججه اول شي الظن الشين
يسسلموو

 

[المرتاحة]

تدرين ليش لان الدنيا راح منها الامان ومحد صار يثق بااحد فعشان هشئ للاسف طغت النية الشينة ع الزينة اما بخصوص البنات اللي بالمنتدى بصراحة ماالومهم من كثر المقالب اللي تعرضنا لها صرنا نحس اكثر المواضيع مو صج وقمنا مانميز واللي يقهر يوم تعطيني النصايح من كل قلبج ويطلع الموضوع وصاحبة وهمي

عموما جزاج الله خير ع الموضوع ويريت الدنيا ترد نفس قبل كل شئ نحسن النية فيه مع انه صعبه للاسف وخاصة بهزمن وعن تجربه ياما ناس حسنت النية فيهم اطلعو شئ ثاني كله مكر وخداع . بس برغم من كل هذا كله لازم الواحد يكون حريص وخاصة بتعامل مع الناس اما بخصوص الموقف اللي مريت في انا لو منج مااعطيه اكبر من حجمه وبطقاق وهو ونيته وتفكيره وشدراج انه اصلا نيته مو زينه يمكن يخز عادي ماشالله ع الشباب بس طلعاتهم للخز واساسا محد يستحق وهل الزمن الافكار وحتى الاحاسيس تجمدت وماتت

اي والله قالتها وحده من البنات من قل الوازع الديني لو الناس بقلوبها خوف من الله من انها تتلفظ بشي كبير عند الله و اهم يحسبونه هين جان ما تحجوا

والله ضاق خلقي من موضوع البنت اللي كاتبته اهني بقسم المشاكل الاجتماعيه عن وحده قابلت رفيجها بالمجمع و دشيت الموضوع و قريت تحسين انها وحده فاضيه بس قاعده و تراقب الناس
والمشكله ما تكتفي بالمراقبه لا و تتكلم باعراضهم

يا خيتي اهي اشعليها وحده قابلت وحده شقحت ووحده نطت مو يمكن هذا اخوها واحد يصير لها او يمكن زوجها احنا ما ندري ولا نعرف الناس واحد واحد.. امبيه امبيه صج اضييق الخلق

وبالنسبه للمواضيع اهني بالمنتدى مرات اشوف صاحبة الموضوع تحلف ان موضوعها صج بس في بنات طايحتله تجذب البنت والله يقهرون البنت حلفت خلاص اذا اهي جذابه ذنبها على جننبها واذا اهي مو مصدقه مولازم ترد رد بمنتهى قلة الادب واستخفاف بصاحبة الموضوع لانه ماله داعي ترد على الموضوع من الاساس اذا اهي مو مصدقه .. مو يمكن يكون الموضوع صج و يصير بذمة البنت اللي قاعده تجذب.. ما يصير جذي يا حافظ احنا ما نعرف كل اللي يصير في البيوت بيت بيت دار دار هههه

شاكره لج مرورج حبيبتي :eh_s(17):

 

[رحيق الحياة]

في ناس هوايتهم ويمووتون يتكلمون بالعراض الناس ,,, شفت فلانه مع واحد ...إلخ استفغر الله مافي مخافه من الله ,, عشان جذي اكثر من ينكبون في جهنم من حصاد اللسنتهم

وترى الشرع حدد عقوبه للي يرمون المحصنات وهي ثمانون جلده ,,قال سبحانه وتعالى( والذين يرمون المحصنات ثم لم يأتوا بأربعة شهداء ‏فاجلدوهم ثمانين جلدة ولا تقبلوا لهم شهادة أبداً وأولئك هم الفاسقون* إلا الذين تابوا ‏من بعد ذلك وأصلحوا فإن الله غفور رحيم ) [ النور: 4-5] .
وتوعد القرآن قاذف ‏المحصنات باللعن وتقريرالعذاب العظيم، فقال سبحانه ( إن الذين يرمون المحصنات ‏الغافلات المؤمنات لعنوا في الدنيا والآخرة ولهم عذاب عظيم يوم تشهد عليهم ألسنتهم ‏وأيديهم وأرجلهم بما كانوا يعملون) [النور 23-24] .

والمشكله تلقينهم رايحيين يحشوون واخر شي يقول : ويي حرام استغفر الله .

 

[عالمي انا غير]

اي والله قالتها وحده من البنات من قل الوازع الديني لو الناس بقلوبها خوف من الله من انها تتلفظ بشي كبير عند الله و اهم يحسبونه هين جان ما تحجوا

والله ضاق خلقي من موضوع البنت اللي كاتبته اهني بقسم المشاكل الاجتماعيه عن وحده قابلت رفيجها بالمجمع و دشيت الموضوع و قريت تحسين انها وحده فاضيه بس قاعده و تراقب الناس
والمشكله ما تكتفي بالمراقبه لا و تتكلم باعراضهم

يا خيتي اهي اشعليها وحده قابلت وحده شقحت ووحده نطت مو يمكن هذا اخوها واحد يصير لها او يمكن زوجها احنا ما ندري ولا نعرف الناس واحد واحد.. امبيه امبيه صج اضييق الخلق

وبالنسبه للمواضيع اهني بالمنتدى مرات اشوف صاحبة الموضوع تحلف ان موضوعها صج بس في بنات طايحتله تجذب البنت والله يقهرون البنت حلفت خلاص اذا اهي جذابه ذنبها على جننبها واذا اهي مو مصدقه مولازم ترد رد بمنتهى قلة الادب واستخفاف بصاحبة الموضوع لانه ماله داعي ترد على الموضوع من الاساس اذا اهي مو مصدقه .. مو يمكن يكون الموضوع صج و يصير بذمة البنت اللي قاعده تجذب.. ما يصير جذي يا حافظ احنا ما نعرف كل اللي يصير في البيوت بيت بيت دار دار هههه

شاكره لج مرورج حبيبتي :eh_s(17):

معاج حق حبييبتي وهم من التجارب اللي اللي تخلي البشر ع طووووووول ماتثق بالناس . وبخصوص التكلم بالاعراض هشئ حرام ودنيا دوارة وصدقتي . بس انا تكلمت عن شئ ثاني وهشئ يزحزح ثقة وخاصة بشئ اسمة الصداقة يو م عرفت بالجامعة كانت صدقتي وانا بدون وهي كويتية مرت السنين هي وانا تخرجنا والفرق بمعدلنا بسيط جدا هي اشتغلت وانا لا اشتغلت بمدرسة وراتبها صار عالي وانا اشتغلت بكذا مكان بس مو مدرسة بس ماكنت اتم عندهم مرت السنين والبنت تغيرت وقطعت ويوم دزتلها مسج وقلتلها ودي نرجع نفس قبل ونفضفض ولا ترد وتقول الدكتور قالي فيني قالون مو ناقصة هموم وربي يوفقج عبالها غبية وماافهم الموضوع موضوع قالون الموضوع انج توج تحسين بالاختلاف اللي بينا وغرتج الدنيا للاسف :eh_s(2): انا مازعلت عشانها بس زعلت من وضعي خلت حتى القريب يحقرني قبل البعيد بس الله كريم هذا بلاء وربي ماظنتي نسانا شفتي هذا اللي قصدته بالمعاملات مع ناس مااعدت اثق بااحد للاسف هذا موقف وعندي مليون موقف . وبخصوص هم المنتدى انا قصدت اكثر المقالب اطلعوا شباب وقمنا ما نصدق احد ومااقصدت نتبلى ع ناس ونقط تهم ونتكلم بعراضهم لاسمح الله

تسلمين حياتي وربي يوفقج جد ضاق خلقي لما تذكرت بس حبيت اوضحلج وجهة نظري بعيدا عن الموقف اللي مريتي فيه عشان ابينلج الموضوع مو بس قلة الوازع الدين همم التجارب تخلي الناس ثقتها بالناس متزحزحة للاسف

وربي يوفقج يارب تسلمين:eh_s(7):

 

[*الغاليه*]

تدرررين ليييش

لان كلن يرى الناس بعين طبعه

وصار الناس ماعندها شغل الا مرااقب الناااس وتفصيل امورهم وسوء الظن فيهم


​

 

[pinkoosha]

سالفه صارت حق اختي ,,كانت قاعده بالمطعم مع ريلها وكانت حامل بس مو مبين بطنها صاير تحت الطاوله,, وكان في ام وبناتها قاعدين وراهم يعني محد يشوفهم, وكان ريل اختي يوكلها وصايرين جنهم كناري, جان الام تقول حق بناتها هذيله مواعدين وطاحو فيهم حشششششش طاع شلون يوكلها و مادري شنو من هالحجي اختي طنشت فيهم, بس دفعو الحساب وقامت شافو بطنها جان ينجعمون,, عطتهم خزززززززه ومشت,,, حتى الامهاااااات يضنون ضن السوء

 

[المرتاحة]

معاج حق حبييبتي وهم من التجارب اللي اللي تخلي البشر ع طووووووول ماتثق بالناس . وبخصوص التكلم بالاعراض هشئ حرام ودنيا دوارة وصدقتي . بس انا تكلمت عن شئ ثاني وهشئ يزحزح ثقة وخاصة بشئ اسمة الصداقة يو م عرفت بالجامعة كانت صدقتي وانا بدون وهي كويتية مرت السنين هي وانا تخرجنا والفرق بمعدلنا بسيط جدا هي اشتغلت وانا لا اشتغلت بمدرسة وراتبها صار عالي وانا اشتغلت بكذا مكان بس مو مدرسة بس ماكنت اتم عندهم مرت السنين والبنت تغيرت وقطعت ويوم دزتلها مسج وقلتلها ودي نرجع نفس قبل ونفضفض ولا ترد وتقول الدكتور قالي فيني قالون مو ناقصة هموم وربي يوفقج عبالها غبية وماافهم الموضوع موضوع قالون الموضوع انج توج تحسين بالاختلاف اللي بينا وغرتج الدنيا للاسف :eh_s(2): انا مازعلت عشانها بس زعلت من وضعي خلت حتى القريب يحقرني قبل البعيد بس الله كريم هذا بلاء وربي ماظنتي نسانا شفتي هذا اللي قصدته بالمعاملات مع ناس مااعدت اثق بااحد للاسف هذا موقف وعندي مليون موقف . وبخصوص هم المنتدى انا قصدت اكثر المقالب اطلعوا شباب وقمنا ما نصدق احد ومااقصدت نتبلى ع ناس ونقط تهم ونتكلم بعراضهم لاسمح الله

تسلمين حياتي وربي يوفقج جد ضاق خلقي لما تذكرت بس حبيت اوضحلج وجهة نظري بعيدا عن الموقف اللي مريتي فيه عشان ابينلج الموضوع مو بس قلة الوازع الدين همم التجارب تخلي الناس ثقتها بالناس متزحزحة للاسف

وربي يوفقج يارب تسلمين:eh_s(7):

وااااي حبيبتي و الله سالفتج عورت قلبي بس شتسوين بعقول بعض الناس .. ترى مو لانج بدون يصير معاج جذي هالشي ماله دخل لا تحطين في بالج حبيبتي
هالشي يصير من ردى الصديقة هذي

تخيلي انا صارت لي سالفه مع وحده من اعز صديقاتي على سبب وايد تافه قامت ما ترد علي (السبب لاني طنشت اتصالها يوم و صج انا حزتها كنت تعبانه وايد و امر بظروف و هذا غير ظروف مرض اخوي بالخبيث يعني بالعربي مالي خلق نفسي حتى) بس رديت عليها بمسج اني متاسفه لاني مارديت وانتي على راسي و عذريني و بس من عقبها و البنت متغيره لدرجة ادز لها مسجات ما ترد و رمضان هذا دزيت لها مسج ابارك لها بالشهر بس ماكو رد.. عكس رفيجاتي الثانيين مع اني ماكنت ارد عليهم بس بعدها اتصل فيهم واحس فيهم يحاتوني و يسالون عني ولما اعتذر لهم من عدم ردي عليهم الاقيهم متفهمين بدون لا اتعذر يقولون لي احنا مقدرين وضعج

بصراحه انا ما اتعب نفسي مع الناس .. والله اللي يقدرني اقدره و اللي لا ما يقدر ليش اعور قلبي!! صحيح بعض المرات اتذكر صداقتنا وايامنا الحلوه بس شتسوين الله كريم.. والدنيا هذي كبيرة فيها الطيب و فيها الردي لا تحطين في بالج انه مافي ناس زينه .. ترى الدنيا بعدها بخير بس تفائلي بالخير وخلي تعلقج و شكواج كله لله ولا تتشكين للناس لانه ما تدرين عن حالهم و نفسياتهم كل واحد ماشي و همه بقلبه مالهم سعة صدر يسمعون هموم الناس

لا يضيق خلقج حبيبتي ولا تلتفتين وراج و عسى الله يفرج همج و همنا و هموم جميع المسلمين

 

[دلع العتبان]

حبيبتي امش سيده ومالك شغل باحد

والي يطالع الناس ماراح يعيش ،،،​

 

[Şhώasha . . ~]

وايد يوني رسايل خاصه على موضوعي عن اللي مواعده حبيبها !
وان انا احش بخلق الله ومادري شنو .. بس بقولج شغله
الحمدلله انا ماظن ظن السوء واذا ظنيت ظن سوء اخليه بيني وبين نفسي ماتكلم آنجعم وآنطم
بس موضوعي كان دايره للشك انتوآ لو كنتوآ مكاني راح تشكون آكثر .. انا تعودت على هذي المظاهر بس مب بهالصوره !
لان الموقف وايد غريب تميت فتره افكر فيه .. و قلت حق بنت خالتي قالت لي انتي ليش تظنين ظن سوء يمكن زوجها .. بس حتى لو زوجها ليش تقعد اتلفت و مبين عليها التوتر ليييش ..؟؟؟؟ ولو زوجها شالحركات ...!!! روحوا بيتكم سوو اللي تبونه انا كان هذي قصدي وماكان شي ثاني
آتمنى من اللي مافهمت قصدي اهي بعد آظلمتني صح ولا لا ..
و انا وايد ناس على فكره يطلعون علي سوالف و يطعنوني بالظهر بس آسكت وماتكلم ..
مع ان توني صغيره على طعن الظهر و مادري شنو بس الله كريم ..
وحسبي الله عليها ...
انا مادري اذا تقصديني ولا لا ..
تقدصيني و لا ماتقصديني فكل الاحوال .. جزاج الله خير

 

[كيفي كيوت]

ناس تموت وناس تحيا وهالناس اللي تفكيرهم مختل زي كذا للحين عايششين



اقولج عن ام صديقتي كنت جايتهم زياره

الا تسولف وتقول بنات فلااااان بن فلان طالعين البحرين كااااشفات ويتمشون بلحالهم ومايستحووون


طيب خير ؟؟؟

طبعا لان اهلنا دايم يلبسون عبايه ومغطين


والصدمه العووووووووووووده



انه بنتها رايحه فرنسا وفصخت العبااااه وفلت الشعر حتى