ليش الرياييل جذي ليش كله احنا المنسيين ليش كله احنا اخر شي بحياتهم

[اهذريبك~]

خفي عن العتب و اللوم حبي نفسج وحطي نفسج بالمرتبة الاولى و راح يدورج دوارة

 

[his only]

حبيبتي
أهو ريال اهتمامه ديوانية ربعه شغله سفره
انتي بعد
خلي اهتمامج دينج نفسج بيتج بنتج شغلج تطوير نفسج جماااالج
شغلي نفسج بنفسج
ونسي روحج بروحج
الوقت الي ما يقعد فيه معاج استانسي فيه اعتبريه فرصة أقري قران أو لاعبي بنتج أو أقري قصة أ تواصلي مع أهلج حطي خلطات وووو الخ
الريال وكلامه الحلو واهتمامه مو كل شي بالحياة
في وايد أشياء أحلى واحلى
بنتج أهلج رفيجاتج
لا توسوسين وايد بالموضوع
تكيفي مع ه الوضع وقولي الحمدالله على كل حال سواء خير أو شر خلي المركب يمشي على قولتهم
ومثل ما قلتلج أسعدي نفسج بنفس ترا نفسج عزيزة عطيها اهتمام ولا تعكرين مزاجج بالمحاتاة والأفكار هذا الشيطان يكببرلج المواضيع

مشكوره حبيبتي صح كلامج
هذا الي قعد احاول اسويه
و جدا نفسي عزيزه علي بس شسوي يضرب الحب شو بيزل :eh_s(4):

 

[his only]

بالظبط تكلمين عن زوجي

لكن هذا قبل اتغير انا انا منه خلاني اتغير صرت لااسال ولادق حتى وينك ماقول يدش ويطلع اذا كلمني رديت ماكلمني مارد مانطره مثل اول كل شي غيرته من تعامل من سنتين هالحجي وليومج هذا منجن يقول شلي غيرج علي قلت عاد عقب مازرعت اهمالك فيني وصرت ابادلك مثله ومثل برودك جاي اطالبني الحين وكاهو يقول اتغير بالي تبين بس ردي مثل اول بس تبين الصج احس قلبي متروس حيل من اهماله سنين لي مو قادره اصير مثل اول

واي صاجه والله احنا مانبي كلام حب وما نبي غزل وما نبي هالسوالف
ندري الحب الصجي مو جذي
بس نبي اهتمام ترا مثل ما الزوج له حق علا مرته حتا مرته لها حق عليه
و الواحد لمن قلبه تنترس بعد خلاص يصير عافك الخاطر

 

[his only]

السلام عليكم ، في نوع من الرجال يبين قاسي لأنه ما يعرف يعبر عن مشاعره ، تحسينه نفس الشايب يحب مرته ويلبي كل متطلباتها وعنده هذا هو الحب ، أنت عليج يا المرأة أنج تغيرينه ، وهني ذكاء الزوجة ، يعني خلي الحوار على طول بينكم ، اذا هو مسافر ولا يسأل أنت دزي واتس أب وسأليه عن أخباره وقولي له أخبار بنته كل يومين ، بس لاتطولين ولا تحنين عليه عادي سوالف بسيطة ليما يتعود ، اذا رجع الكويت استقبليه خوش استقبال ، هم لا تعتبين وتحنين ، بعدين حتى في الأيام العادية ، اذا جا البيت سولفي معاه ، الله ما كثر السوالف ، وهم في البداية لا تكثرين سوالف ، ليما يتعود عليج وخلج مرحة الرجال يحب الونيسة مو الكئيبة اللي كله تشكى .

والله حاولت معاه بهالاسلوب
ادز اسال اسولف اصلا ما يرد علي الا اذا قلت له ابي هالشغله الفلانيه
و جربت اني اغط اتغلا اشوف بيسال عني ولا لا
و مو مديح في نفسي بس انا وين و الحنه وين
يلا الحمدلله علا كل حال
نحاول سالفه الاستقبال هذي جود يحس بالذنب

 

[his only]

الأزواج الشماليين :
يحبون أن يكونوا المحور الذي يدور حوله الآخرون ( الله يعين هالزوجة اللي بتدوخ من كثر الدوران )
يحددون السياق العام لمعظم العلاقات
يمكن الإعتماد عليهم ( الحمد لله لقينا صفة حلوة )
لديهم إجابات و حلول عند الحاجة لذلك
يمكن الإعتماد عليهم في الأزمات
يشعرون بالقرب ممن يعجب بهم و يمتدحهم ( حطي حيلج بالمديح... ترى الكلام ببلاش !! )
يستطيعون عادة أن يجعلوا الآخرين يفعلون ما يريدونه هم
يفضلون إنفاق المال على الآخرين بدلا من الوقت
يقيسون النجاح بالإنجازات
يستمتعون بمقدرتهم على التباهي بمن يحبون و بأنفسهم
يمكن أن يواجهوا مصاعب مع الناس الذين يتحدونهم
يعبرون عن الآراء بسهولة أكثر من المشاعر

الحين اييب الدفتر و القلم و ادرس الموضوع عدل مدل :rerrerek:
مشكوره حبيبتي

 

[his only]

يمكن هذي طبيعته
ويمكن كان يحب وما صار نصيب وانجرح لين ما صار عنده تبلد

الله يعينش على هالجبلة

لو كان يحب انا شكو اتبهدل وياه :eh_s(11):
ترا حتن البنات مساكين يحبون و يعشقون بس يتزوجون ما يسون جذي بالريال بالعكس يهتمون فيه :eh_s(4):
اخ يا قلبي
مشكوره حبوبه عالمرور

 

[his only]

اذا ماعنده ربع ومايحب يكون علاقات ويا باجي الناس وانطوائي يعني طبعه جذي واذا لا اجتماعي وسوالف ويا ربعه بس انتي لا يعني في شي

مي خالف اتقبل اتفهم كل شي
الا سالفه ان ما يدري عني ولا يسال
انزين انا بالطقاق خو بنتك مسكينه اسال عنها :eh_s(11):

 

[his only]

خفي عن العتب و اللوم حبي نفسج وحطي نفسج بالمرتبة الاولى و راح يدورج دوارة

هذا الي راح يصير من اليوم و رايح ما راح ادور رضا احد اهم شي انا وبس
مشكورين حبيباتي خليتوني اشوف كل شي اوضح :eh_s(7):

 

[سور المدينه]

بالضبط زوجي وحتى النوم ينزل ينام تحت ولا يسال
ولا عمره قال لي كلمه حلوة
مسافر لايسال ولايرد
وزوجي عيبه اعظم من زوجك مايسوي لي شيء ولا اطلب منه طلب وينفذه
ذاك الشهر سافرنا مع اهله تخيلي يسال امه واحته شرايكم وشتبون وو..
وانا شني طوفه
تعبت احس حياتنا شبه زوجيه مابينا تواصل ابد انا اقرب وهو يبتعد

 

[fufu el7lwa]

مثل ماقالت بنت عطا طنشيه يمووووت ويلحقج​

 

[ميسم]

الله يسخرهم لنا جد يغثون مرات