لو عطوج مليون دينار ...جم تعطين ريلج ( بدون دبلوماسيه )

[iLLuMinaTion]

السلام عليكم

تخيلي انج ربحتي مليون دينار بالسحب ..ما نبي دبلوماسيه ...نبي الواقع


- جم نصيب ريلج منهم ...

- جم نصيب عيالج..

- جم نصيب الوالدين..

- جم نصيب الاخوان...


نبي الصج ولا شي غير الصج

 

[ريتااجي]

رد : لو عطوج مليون دينار ...جم تعطين ريلج ( بدون دبلوماسيه )

أهلي بعطيهم النص

وريلي النص الثاني

بدون دبلوماسية لإن ريلي ماشاء الله مومقصر معاااي ويعطيني زوووووود

وأي فلس يصير عنده يعطيني إياه علشان لاأحتاج لأحد

 

[ريماس77]

رد : لو عطوج مليون دينار ...جم تعطين ريلج ( بدون دبلوماسيه )

اعطيه 4 الاف المهر الي عطاني اياهم وبس والباجي حق ابوي واخواني وعيالي

 

[اريج الجوري]

رد : لو عطوج مليون دينار ...جم تعطين ريلج ( بدون دبلوماسيه )

اعطي ريلي الربع ,,,


واهلي الربع ,,,


والباجي لي ما ني مخليه شي ما اشتريه ,,,


ههههههههههههههههه

 

[مرهونه]

:jbdwjbd:اخلص التزاماتي ويصير خير كل مطرود ملحوق وكلن لة نصيبة بس انا اووووووول:krkrkr::krkrkr::krkrkr:​

 

[Queen nor]

رد : لو عطوج مليون دينار ...جم تعطين ريلج ( بدون دبلوماسيه )

اعطي اهلي النص و زوجوي ما اعطيه شي







لاني مو متزوجة والنص الباقي لي

 

[fishq8]

والله بصراحه عرض ودي يتحقق اليوم قبل باجر

بشتري حقنا بيت العمر واذا كفى فلوس بوزع على ابوي وامي و ريلي بتساوي

بس الاهم بيت ، واتوقع ما راح يكفي بشتري وبفرشه بمليون

 

[( مي )]

ضحكتيني ،، لأن زوجي مرة سألني لو تصير عندج ملايين شتسوين ؟؟
قلت له بكل بساطة

اشتري أحلى بيت أبأحسن مكان لي أنا وعيالي ونعيش بالطول والعرض
قالي : ليش تقولين البيت لي انا وعيالي ؟؟ وانا وين رحت ؟؟
قلت له لااااااا حزتها باخذ مليونير مثلي وانت بيباي

هههههههههههههههه

مسكين حده ارتفع ضغطه

بس لو تصير صج ؟؟
ما أقسم الفلوس لأ ،، بس أحط المبلغ بحسابي وكل شي ناقص نكمله ،، بس أول شي بسويه أشتريلنا بيت

 

[عيمية^والقلب^كندري]

راح اعطيه النص والنص الثاني اوزعه بيني وبين اهلي

 

[blue diamond]

انا مو متزوجه بس اعطي اهلي واخواني واشتريلهم اللي ناقصهم وكل شي يبونه
اما بعلي العزيز المستقبلي فراح احط له اسهم في البورصه مو مضمونه لان نسبه الخساره كبيره لووووووووووول

 

[فديت نفسي..~]

رد : لو عطوج مليون دينار ...جم تعطين ريلج ( بدون دبلوماسيه )

بنااات ترى بحسب ب ريال سعودي > مليون
لاني مااعرف ب دينار

بعطي اهلي 50 الف و بقيه بعطيهم زوجي تصرف فيهم
لاني مااحب امسك فلوس احب زوجي هو الي يعطيني ولو كان فلوسي ههههههههههههه
بس بخلي ليه مبلغ للاحتياط

وثانك يوو

 

[رنه خلخال]

انا مو متزوجه بس هم رازه فيسي صراحه اذا يستاهل بعطيه بس ما اقدر احدد المبلغ وحتى اهلي هم بساعدهم واعطيهم وحتى لو احد اعز علي محتاج هم ماراح اقصر معاه وبونس نفسي واللي حواليني وهم اخش اشويه لزمن وسلامتج

 

[حرم راشد الماجد]

شوفي راح اقسمهم على اربعه

ربع حق بنتي
وربع حق امي
وربع حق ريلي
وربع اسوي صدقه جاريه تنفعني عقب ما اموت وينسوني كل هذيله

 

[فاطمة82]

اهلي الربع واخواني ربع الربع وعيالي النص وزوجي ولا شي خخخخ لانه لو اهو يربح ما بيعطيني شي الا بيكافئني انه يتزوج علي

 

[NFOOOL]

ريلي بعطيه 10000 وأدري على طوول بيشتري فيهم سياره لأنه غرامه التغيير في السيايير
وأهلي بعطييهم الي يطلبوونه
وعيالي فلوسي وفلوسهم واااحد

 

[محبوبه25]

رد : لو عطوج مليون دينار ...جم تعطين ريلج ( بدون دبلوماسيه )

مادري والله
بس اعتقد راح اوزع عليهم نفس الشي عشان ما يزعلون
بس طبعا راح يكون النصيب الاكبر حقي
موضوع حلو يسلمو

 

[بســمه]

رد : لو عطوج مليون دينار ...جم تعطين ريلج ( بدون دبلوماسيه )

ان شاءالله اربح قبل لااتزوج عشان اصرفهم ومااعطي غير اهلي لوووووووووووووول

 

[iLLuMinaTion]

رد: رد : لو عطوج مليون دينار ...جم تعطين ريلج ( بدون دبلوماسيه )

اعطيه 4 الاف المهر الي عطاني اياهم وبس والباجي حق ابوي واخواني وعيالي

موتيني من الضحك :j013:

 

[om webas]

رد : لو عطوج مليون دينار ...جم تعطين ريلج ( بدون دبلوماسيه )

اعطي اهلي النصف وزوجي برد لة مهرة
والباقي استانس فية علي كيفي

 

[اميره1980]

بصراحة اخذ 10 الاف منهم اسافر مع ريلي احلى سفرة و لمن نرجع بالباجي اشتري احلى بيت و اسجله باسمي بروحي
ما عندي عيال علشان اعطيهم انا توني متزوجه
و اهلي الحمدلله ربي مرهي عليهم مو محتاجين