لو عطوج مليون دينار ...جم تعطين ريلج ( بدون دبلوماسيه )

[Wi-Mi]

ريلي ما راح اعطييه و لا فلس بس ممكن نسافر و نستانس انا وياه بس ما اعطية الفلوس بأيده

و اعطي امي حبيبتي و اكيد ما راح اقصر على اخواني راح افرحهم وياي

بس نسبة كبيره من المبلغ راح تكون للإستثمار ​

:icon30:

 

[السكرتيرة النشيطة]

انا الله يسلمكم
قبل كل شي بيت واثثه
بيت حق اهلي يم بيتي عشان كل يوم قاطة ولدي عندهم والا ليش افتح حضانه يم بيتنا حقه بروحه
امي وابوي كل واحد مبلغ مو هين
سيارة حقي وحق زوجي
بعدين اشتري عمارة سكنية ام 10 طوابق تقريبا وااجرها واقعد بالبيت معززة مكرمة ونشوف مصالح ثانية ونستثمرها
والباجي هذا اذا زاد طبعا




حق ولدي بخشه





وها









مااعطي زوجي ولافلس عشان لاتطلع عينه ويتزوج علي

 

[مطيريه ماركه]

رد : لو عطوج مليون دينار ...جم تعطين ريلج ( بدون دبلوماسيه )



آعطيه بس جم عآد مآدري بس طبعآً بعد مآ أعطي أهلي أعطيه خخخخخ

وقبل آعطيه آلفلوس يوقع لي على تعهد بِ عدم صرفهآآ بِ طرق تطيح جبدي

و آنتم أكيييد فآهمين قصدي

هههههههههههههههههههههههههههههههههههههههه

 

[الله كرريم]

رد : لو عطوج مليون دينار ...جم تعطين ريلج ( بدون دبلوماسيه )

ما اعطييه ولافلس ...موعشان نذاله فيني لأ عشان اصرف عليه واسوي له كل شيئ ساعات سفرات ونااسات بيت عشان تصير بعينه مو اعطيه كاش ويروح يمكن يتزوج علي هههههههههه والله اشتري عصابه مجرمين يذبحونه هههههه <<< يبى لاتصدقين السالفه جذب جذب لامليون ولابطييخ

 

[أحترت أعبر]

الصراحه .... ما بعطيه شي , اصلا ما بقوله .....

 

[امواج الكويت]

اول شي اشتري بيت واثثه افخم الاثاث واسدد قرض امي وابوي واشتري لي ولزوجي سيارة اخر موديل واحجزلي جولة حول العالم واخذه معاي واخش الباجي لعيالي اذا ربي رزقني ان شاء الله

 

[أم وهابي (عبير)]

- جم نصيب ريلج منهم ...
اسدد عنه كل شي عليه واشتريله السياره اللي في باله كورفت


- جم نصيب عيالج..
كل واحد احط بحسابه بالبنك 100.000


- جم نصيب الوالدين..
امي الله يرحمها راح اتبرع فيهم للجان خيريه ولا ابني مسجد
وابوي الله يطولي بعمره ان شاء الله ارمم بيتنا واحطله كل سبل الراحه من سايق الخ.... واسفره لتغيير الجو

- جم نصيب الاخوان
اعطي كل وحده من خواتي 50.000


والباجي اشتري فيه بيت العمر واتاجر فيهم

 

[حبيبي مالكني]

رد : لو عطوج مليون دينار ...جم تعطين ريلج ( بدون دبلوماسيه )

والله نصهم

 

[@الليدي لين@]

اشتــري بيت يهبببببل


واشتري سياره حلوه وكشخه حقي ,, وحق ريلي وحده شوي اقل من سيارتي :eh_s(20):


وووو اعطي امي وابوي مبلغ


وووو احجز حقي وحق ريلي وامي وابوي واخواني سسسسفره عجييييبه


امممم وكل شي ابيه بشتريه

بس ماراح اعطي ريلي فلوس لأ بس اشتري كل شي وعاد ما ني مقصره اذا طلب مني :eh_s(22):





وااي جان زييين




عشت الدور :nbvppw:​

 

[نبض انثى]

انا مو متزوجه

كللللللللللللللللهم حقي ولا فلس حق أحد

كيفي كيفي

يعطييج العافيه

 

[*تويني*]

انا من حزب الطماشه بس بصراحه بامن نفسي وبشتريلي بيت وبتصدق بجزء منهم صدقه جاريه لي ولوالديني هههههههه بلاخير اذا بقى شي يمكن اعطيه او اسفره سفره محترمه لوووووووووووووووووووووووول

 

[ام جروح 83]

اول شي اشتري بيت
واسكر قرضي
واسكر قرض ريلي
واعطي اهلي 250 الف

 

[njoom1]

رد : لو عطوج مليون دينار ...جم تعطين ريلج ( بدون دبلوماسيه )

امممممممم ... اهم شي نشتري بيت ... ويكون باسمنا احنا الاثنييين
والباجي .... يصير خير حزتهاااا لووووووول

 

[واصله]

والله الرياييل ماااالهم امان اعطيه عشان باجر يتزوج علي فيهم؟
اللي راح اسويه اني ببيع بيتي واشتري بيت عالبحر باسمي
وبس ما اعتقد راح تكفي حق شي ثاني غير البيت

 

[دمع القلوب]

بصراحه ما اعطيه بيده شي
اللي هو رجلي
بس اشتري بيت لنا وطبعا اكتبه باسمي مو اسمه
واشتريله سياره
اما اللي بياخذ نصيب الاسد امي
بسدد دينها كله وبحطلها رصيد بالبنك
مابيها تحتاج احد
وبشتريلها سياره على كيف كيفها وبدلعها

وخواتي ما رح اقصر عليهم بشي اذا حسيت احد محتاج شي
اعين واعاون

وعيالي ما رح اقصر عليهم بشي اللي يبونه اقول تم

وانا ادلع نفسي بسفرات للدول اللي احلم فيها واعيش نفسي اميره

صج حلم للحين ما تحقق
بس الله كريم

 

[مرحبا الساع]

رد : لو عطوج مليون دينار ...جم تعطين ريلج ( بدون دبلوماسيه )

اول شى اعطى اهلى اللى يبون وما اعطى رجلى ولا فلس لانه ما يستاهل

 

[مرحبا الساع]

رد : لو عطوج مليون دينار ...جم تعطين ريلج ( بدون دبلوماسيه )

ااخذولى فلس

 

[^_^ حوراء ^_^]

ما اتوقع راح اعطي احد شي ..!!

 

[PinkY Dreams]

لول عاد انا صج فزت بمليون
و عطيت حق امي وابوي وريلي بعد عمري مارضا ياخذ مني ولا فلس قالي انا اعطيج اي لكن اخذ منج نو وي

 

[Tom ♥ Jerry]

.

بدون دبلومآسيه على قولتج
و بدون مبآلغه و مدح !
آعطيه كل المليون و اقوله اذا ابي شي لا تقصر معآي
> لأني متأكده مآ رآح يقصر !

.